Post Tagged with: "謝曬皮"

謝曬皮 x Thermos OT母寶水保溫樽打工仔要有
by / on 13/02/2018 at 8:37 pm

謝曬皮 x Thermos OT母寶水保溫樽打工仔要有

不嬲鍾意謝曬皮畫風,今次扮到甚麼驅風油呀、跌打酒商標,印喺同Thermos聯乘推出嘅保溫樽樽身,仲有埋「All work and no play make pei a dull boy」、「謝曬皮大葯廠」、「OT母寶水」等字眼,真係齋望相已經笑到Gap Gap聲。中看中用,忙到癲嘅打工仔們,包括你與我,確實有必要買番個傍吓身,得閒,吖,唔係,係做嘢唔得閒嗰陣攞出嚟自我安慰吓,希望學佢話齋:「有佢陪你OT,就算無補水,這個冬天都不太冷」喇。 相關資訊謝曬皮新書《一舊舊舊》 出賣老竇 (Jul 16, 2014) 文件袋加紙扇 笑住撐謝曬皮 (Jul 7, 2014)

Read more ›

網圖分享:謝曬皮零交流舊同學請飲 唔去實屬明智
by / on 04/08/2017 at 10:00 am

網圖分享:謝曬皮零交流舊同學請飲 唔去實屬明智

追開謝曬皮面書,話說佢早幾日作畫一幅,另加千字文講咗個講極都有人講嘅話題──「N咁多年無見講唔超過十句嘅所謂舊同學請飲,你去唔去?」話說佢有舊Poly同學結婚請飲,但呢個同學只屬fb朋友,大家無行過街食過飯,只係五年前喺街撞過一次咁大把,友誼有限過有限公司,佢最後當然決定唔去,並有精警留言曰:「我都諗左好耐好冇出呢個post,因為實比人屌鳩我小器,又或者有真正既朋友會對號入座以後唔敢請我。我會去得既都有當你係朋友既,放心,同我三年內有喺現實生活傾過計既都okay,you are fine。」呢鋪我撐謝曬皮,講唔夠十句都叫Friend?唔係啩?其實三年都畀多咗咯,如果唔去就叫小器的話,咁我寧願俾人標籤小器,都好過俾人話係傻仔。

Read more ›
謝曬皮少女吊飾 維園年宵Must入Item
by / on 24/01/2017 at 10:00 am

謝曬皮少女吊飾 維園年宵Must入Item

我愛謝曬皮!正!原來佢今年都有參與年宵,不過就係搭單,喺阿塗個「小學雞精班」攤位寄賣精品。謝曬皮啲畫有幾醜大家心中有數,但醜得嚟過癮卻又係事實。真心Mode,少女人型公仔、Card Holder、襟針我都有興趣入,至於吊飾咯喎,就更加係Must入Item喇,斷估呢個世界都無咁醜樣嘅公仔吊飾,物以罕為貴,唔入點得? 相關資訊阿塗好創意 年宵出摺紙小攢盒+畫揮春 (Feb 12, 2018) 努力!奮鬥!阿塗出2018年曆Postcard! (Dec 16, 2017)

Read more ›
明寸屈小姐 謝曬皮代廢青發聲
by / on 09/07/2015 at 2:30 pm

明寸屈小姐 謝曬皮代廢青發聲

屈小姐好一篇《芭蕉熱》,竟令萬千廢青躺著地也中槍。查實人人體質同耐熱能力唔同,你汗都無滴唔代表我唔會熱到溶,尤其呢個幾禮拜,日日超過攝氏三十度咁滯,出街拎把手提電風扇又有乜好批評、又何廢之有呢?謝曬皮都係廢青一族,所以抵唔住頸作畫一幅還拖,並留言曰:「你班拎住電風扇周圍走嘅廢青,知否血氣方剛的年月,流一把汗,是新陳代謝,連熱一點的苦都受不了,將來如何成大事,我又實在看不過眼!」係曲線直線定循環線式抽水,閣下自己定奪,至於原圖第四個醜女造型代表乜,亦請閣下自己領悟,有網民話係畫緊「暴風女神Lorelei」,你話呢?

Read more ›
網圖分享:謝曬皮寸爆尊貴的議員
by / on 25/05/2015 at 4:00 pm

網圖分享:謝曬皮寸爆尊貴的議員

有時,我真係好後悔乖乖納稅,因乜解究我哋要辛辛苦苦賺賺,供養一班如此弱智嘅所謂官?阿葛乜乜夠膽死建議設立「弱智人士自願登記冊」,反映佢本身有幾弱智;阿乜乜興提議將豬肉佬呢個傳統職業改叫「肉類分割技術員」,就實屬畫蛇添足無嘢做搵嚟做。為此,謝曬皮作畫一幅贈興並留言曰:「亡國興議員提議將豬肉佬改稱『肉類分割技術員』,提升從業員形象及改善文化。好多人屌佢on9,其實我暗自喜歡這個概念……」我想講嘅係──阿尊貴的議員,開會認真啲好唔好?唔好搞埋啲無聊嘢喇。

Read more ›
有片:獅子山精神 關幸福醫藥乜事?
by / on 01/04/2015 at 3:15 pm

有片:獅子山精神 關幸福醫藥乜事?

真心,我係覺得電視廣告《幸好醫藥2015獅子山精神》拍得好有型嘅,黑白Tone零對白,選拍人物亦有一定號召力,包括何伯、詠春大師葉準、良心飯堂明哥、會計師黃志本、插畫家謝曬皮、遊戲商副總裁達哥、GOGO VAN創辦人Steven同何藝之,佢哋代唔代表到獅子山精神呢?我覺得都OK,至於同連續16年銷售量第一嘅「幸福要走多步!幸福醫藥Fortune Pharmacal」有乜關係,我就認真摸不著頭腦,如果咁都可以萬能Key,咁理論上,呢個廣告Sell乜Product都得!又,回答片中謝曬皮問題:「唔通生活除咗搵錢,就係搵錢?」我可以代表大部份香港人答:「無計!係!」此之謂香港人之悲哀也。 相關資訊有片:木顏色畫娘娘/達哥/陳柏宇/子華神 (May 1, 2018) 「ニコニコ超会議2016」現場coser圖集 網民:「久違了的破壞力!」 (May 1, 2016)

Read more ›

網圖分享:謝曬皮對梁齊昕由憐生愛
by / on 18/03/2015 at 7:44 pm

網圖分享:謝曬皮對梁齊昕由憐生愛

莫講話治國平天下,689連齊家呢Part都未搞得掂,愛女梁齊昕今日上A1頭條喇,佢喺面書哭訴俾阿媽虐打兼粗口問候,連報警叫救護車嘅權力都無,仲話如果唔係住喺禮賓府,分分鐘已經跳樓唔做人。拿,老實,我對呢個廿幾歲腦筍未都仲未生埋嘅女仔無愛無憎,插畫家謝曬皮同我同一諗法:「我從來都唔討厭梁齊昕,反而好感激佢喺激死689呢方面一直不遺餘力,以前留意佢啲相同狂言都只係為咗食花生,但今日我終於對佢有少少由憐生愛。」為此,佢繼續以一貫醜樣筆風,作畫一幅贈齊昕,係咯,錫返,唔好喊咯。 相關資訊林祥焜《男極探射燈》紙板公仔 十大瘋暈人物 (Jun 12, 2015) 網圖分享:張萬有的王小龍三式降龍掌 (Feb 11, 2015)

Read more ›
網圖分享:奉謝曬皮諭 出街唔該戴口罩
by / on 04/02/2015 at 10:00 pm

網圖分享:奉謝曬皮諭 出街唔該戴口罩

諗唔明架,明明截至今日為止已經有178入咗ICU,其中111人仲已經不幸離世,H3N2甲型流感疫情咁嚴峻,點解政府仲好似當無嘢發生咁嘅?唔通要整多劑沙士先安樂?咪嘞,都係聽謝曬皮話,出街戴番個口罩先。 相關資訊網圖分享:戴口罩防流感 自己性命自己救 (Feb 6, 2015)

Read more ›
謝曬皮x Hyginova除臭噴霧 插畫醜得過癮
by / on 18/11/2014 at 8:14 pm

謝曬皮x Hyginova除臭噴霧 插畫醜得過癮

邊個話一定要靚畫先得人青睞?醜畫只要有個人風格一樣受人歡迎。謝曬皮就係最好例子,佢手畫,斷估都無可能同個「靚」字沾上邊,但偏偏就討到人歡心,最近仲同Hyginova聯乘推出消毒除臭劑,樽身插畫醜得嚟過癮,我Like。

Read more ›
網圖分享:筆伐表態 港漫人的心聲(七)
by / on 26/10/2014 at 5:00 pm

網圖分享:筆伐表態 港漫人的心聲(七)

誰說太陽底下無新事?鑊鑊新鮮鑊甘至真,每朝訓醒睇面書,都總有嘢令我O晒嘴。威咯,呢鋪真係光宗耀祖咯,圍《生果日報》已經夠薑,今劑玩到連記者都打添,如此打壓新聞自由,邊個係暴徒,邊個收咗錢做嘢,邊個有心令香港亂上加亂,我諗都唔使再解釋嘞啩,沉默的大多數,呢劑又點睇呀?無眼睇呀,睇吓港漫人的心聲喇── 相關資訊Felix Ip《香港重機》 7月書展推出 (May 23, 2018) 【有片】門小雷手繪電影系列 古天樂《尋秦記》+《殺破狼‧貪狼》 (Apr 17, 2018)

Read more ›
網圖分享:表態筆伐 港漫人的心聲
by / on 07/10/2014 at 1:13 pm

網圖分享:表態筆伐 港漫人的心聲

有人話Umbrella Revolution發展到呢個階段,無一個香港人係贏家。我就咁睇,贏家雖然係無,但呢場革命讓我哋見識到人性醜惡與善良,有人因為錢字搞分化玩無間道,有人捐裙底公然非禮,有人光天化日胸襲途人;猶幸人性尚在良心未泯,有小店提供免費水同叉電,有學生徹夜留守誓死佔,有市民大唱生日歌抵抗牛鬼蛇神嘅挑釁。喺呢個大是大非嘅時候,一眾港漫人亦係時候筆伐表態嘞,不解釋,自己睇喇── 相關資訊梁偉家出手 幫牛B仔清湯腩餐廳Menu畫漫畫 (Mar 30, 2018) 梁偉家《滅絕遊戲》紀念明信片 每套$100抵撐 (Mar 26, 2018)

Read more ›

張萬有+謝曬皮 MK送畫論政
by / on 24/09/2014 at 11:00 am

張萬有+謝曬皮 MK送畫論政

一壇真普選,弄得多少牛鬼蛇神現形,多少跳樑小丑獻媚,Maybe我等蟻民人微言輕,一人之力根本改變唔到甚麼,但講吓吹吓發洩吓總可以嘛,邊坐定定等張萬有、謝曬皮同你畫張肖像畫邊月旦政治,大家又點睇? 相關資訊跟進番:張萬有x梁偉家Jam畫 蚩尤x天師完成 (Sep 29, 2017) 網圖分享:張萬有x梁偉家Jam畫 (Sep 26, 2017)

Read more ›
素顏謝曬皮現身,有幾嚇鬼?
by / on 22/09/2014 at 1:28 pm

素顏謝曬皮現身,有幾嚇鬼?

利申,雖然公仔係另類啲、古怪啲、鬼馬啲……真接講即係醜樣啲,但我講得謝曬皮本尊一啲都唔醜,佢敢素顏現身,我一啲都唔覺得嚇鬼,淨係覺得搞鬼,有時間,我都會去東角Laforet撞一撞佢。 相關資訊【有片】日本素顏cafe 下月澀谷開掂 女侍應好natural (Mar 27, 2017) 日本人氣女主播「宇垣美里」 素顏戴眼鏡網民一樣like (Dec 4, 2016)

Read more ›
謝曬皮想拍《等‧一個人去飲》 笑死人無命賠
by / on 05/09/2014 at 11:00 am

謝曬皮想拍《等‧一個人去飲》 笑死人無命賠

因為周慧敏,所以我打算入場睇《等一個人咖啡》,而因為《等一個人咖啡》,令謝曬皮諗番起一個人去飲嘅慘況,不但作畫抒發感受,仲打趣話想拍番套《等‧一個人去飲》添。有幾慘?以下文章就係佢第一身經歷,包保笑到你噴飯…… 相關資訊網圖分享:Cuson的《大時代》慳妹 周慧敏讚傳神 (Apr 30, 2015) 有片:《咖啡在等一個人》 不懂老的周慧敏 (Aug 14, 2014)

Read more ›
謝曬皮分享 恐怖版Hello Kitty出處
by / on 01/09/2014 at 12:53 pm

謝曬皮分享 恐怖版Hello Kitty出處

當知道Hello Kitty真正身份後,我身邊好多中女Friend都好嬲,係真心嬲嗰隻。我明嘅,好哋哋擺喺床頭十幾年嘅一隻吉蒂貓公仔,依家先話你知原來係人並唔係貓,仲要係女人唔係男人,你叫班中女點接受?就住呢單嘢,粗口爛舌嘅謝曬皮都有嘢發表,係畫一幅,兼分享一個恐怖版Hello Kitty出處。 相關資訊貓奴要去 日本超正旅館有貓入房陪玩 (May 21, 2018) 【有片】日本表情貓 超慢鏡玩繩好興奮 (Apr 27, 2018)

Read more ›