Post Tagged with: "貓"

【有片】喵星人挑主人機 層層叠露兩手
by / on 29/05/2014 at 9:22 am

【有片】喵星人挑主人機 層層叠露兩手

喵星人一向都好醒,你見佢平時啲生活幾嘆就知。不過呢個主人Alan Palesko仲發現佢隻貓Moe有特殊技能,就係玩層層叠,佢唔係亂嚟,佢識用隻貓手搵鬆嗰嚿嚟整出嚟,同埋記得睇到最後,嗰下我笑咗出嚟。 相關資訊日本貓零食變「投藥用」 超聰明設計呃喵星人 (Feb 21, 2018) 日本貓睇冬奧 最愛冰壼玩埋一份 (Feb 20, 2018)

Read more ›

新片速報   《X-Men》惡喵版    狼爪變貓爪
by / on 28/05/2014 at 7:04 am

新片速報 《X-Men》惡喵版 狼爪變貓爪

有時我都覺得《X-Men》狼人對爪好似貓爪,估唔倒外國都有人有同感,拍咗段X-PETS短片放上YouTube,趁電影《X-Men》上畫之前抽吓水。呢套名為「X-MEN (Cute Kitten Version)」嘅片,入面可愛嘅貓貓喵極主人都唔理佢,因為無嘢食被迫變身,出爪抓爛晒肥仔主人啲衫,仲玩到激光都出埋。哼,唔比嘢我食吖嗱!囂張吖嗱!片尾主人唔甘心被玩憤而出超必,究竟邊個贏邊個輸?我唔劇透,自己慢慢睇啦。BTW,好想講個肥仔啲戲好假。 相關資訊【有片】再闖日本美術館!尾道市黑貓突破防線? (Feb 19, 2018) 日本曳貓偷飲麵豉湯 診所驗血好彩無事 (Feb 16, 2018)

Read more ›
有片    貓奴恩物   遙控鏡頭紅外線玩具熱賣
by / on 25/05/2014 at 7:18 am

有片 貓奴恩物 遙控鏡頭紅外線玩具熱賣

貓奴注意!如果你見少屋企隻貓貓一陣都出紅疹集中唔倒精神,呢個高科技貓咪玩具Kittyo可以救你一命。當你唔喺屋企時,開者個app就可以搖控呢個裝置,首先可以透過喇叭嗌佢引起貓貓注意(如果佢應你嘅話),然後放射出令貓貓瘋狂嘅紅外線,你可以透過手機遙控操作同佢玩追,全程透過手機鏡頭睇倒,仲有得即時錄影隨時重溫。玩完之後,又可以跌返粒零食出嚟獎勵吓佢,簡直係貓奴恩物!Kickstarter而家集資中,美金$99嘅名額已經售罄,美金$119嘅名額仲有少量,預計今年11月發貨,貓奴們,行動吧! 相關資訊【貓奴共鳴】日本貓扭蛋 喵星人瞓電腦超寫實 (Feb 20, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
貓貓cosplay《星球大戰》Leia公主    形神俱似
by / on 16/05/2014 at 7:13 am

貓貓cosplay《星球大戰》Leia公主 形神俱似

貓咪cosplay我一直有少少抗拒,不過今次Flickr會員Wendy隻貓貓嘅cosplay真係好得意,忍唔住破例一次。主人將佢打扮成出名嘅角色,最得意係扮《Star Wars》嘅Leia公主,形神俱似,真嘅一樣。其他角色仲有Daenerys Targaryen、Jon Snow同埋 Gandalf,係,講完都唔多識,都係Leia最可愛。 相關資訊唔覺意cosplay咗《動物朋友》 日本Twitter熱傳「かばんちゃん」 (Feb 21, 2018) 【有片】香港C3 Cosplay 蜘蛛俠識大細啤 (Feb 11, 2018)

Read more ›
貓 + 櫻花 日本無敵治癒組合圖集
by / on 30/04/2014 at 3:35 pm

貓 + 櫻花 日本無敵治癒組合圖集

正啦!聽日放假,之後返1日又放兩日,我哋冇得放,但都戥你哋開心……如果你鍾意日本,或者鍾意貓,或者鍾意睇櫻花!輕鬆嘅心情配合呢啲優美嘅畫面,呢輯圖集一定可以治癒你! 相關資訊日本人形蘿蔔出頭天 大細攬枕陪你瞓 (Feb 20, 2018) 【有片】日本貪玩雀仔 跳風扇扇葉超可愛Twitter熱傳 (Feb 20, 2018)

Read more ›
新片速報 喵星人爬繩偷魚乾 富貴險中求
by / on 28/04/2014 at 10:53 pm

新片速報 喵星人爬繩偷魚乾 富貴險中求

正所謂富貴險中求,要食大茶飯點都要冒啲風險。好似呢位喵星人咁,佢就非常咁明白呢個道理。佢先喺條繩上面慢慢行埋去,諗住擔走條魚乾,點知一個失平衡半天吊,但係佢冇放棄到…… 相關資訊日本超溫馨貓與狗 貓貓錫晒病狗朋友 (Feb 8, 2018) 【有片】日本貓賊仔超狠心 冬天「偷毛毯」速逃Twitter熱傳 (Feb 2, 2018)

Read more ›

貓奴機迷必買 貓手肉球Analog 貓耳機殼
by / on 26/04/2014 at 3:40 pm

貓奴機迷必買 貓手肉球Analog 貓耳機殼

如果你係貓奴,又有3DS,又想無時無刻都表現奴性,咁呢系列產品就好啱你買。4月30日推出,最正係Analog掣變成貓手肉球,仲係PVC做肉球部份,撳落去好有親切感。另外仲有貓殼貓筆,可以幫你部機變成完全。 相關資訊【有片】咩瞓法?淡定貓下半身懸空照瞓 (Jan 30, 2018) 【帽已戴】世界各地貓帽仔 中美俄荷越南都有 (Jan 24, 2018)

Read more ›
玩扑傻貓! 泰國貓奴以下犯上
by / on 24/04/2014 at 1:34 pm

玩扑傻貓! 泰國貓奴以下犯上

嗱,好細力玩吓啫,我唔覺得太過份,而且見到啲貓玩玩吓走出咗個紙箱啋佢都傻,其實真係幾搞笑。呢位泰國曼谷人Thanasak Masosot喺facebook放咗呢條片,好多外國網站都有share,的確係好可愛,同埋睇番佢facebook,其實佢好錫啲貓仔o架,都係貓奴一名。 相關資訊香港反虐日 張君豪作畫為貓狗發聲 (Jan 23, 2018) 貓奴必備 帶貓出街用Cat-in-the-bag (Jan 16, 2018)

Read more ›
貓貓專用書枱   工作時玩樂
by / on 24/04/2014 at 7:07 am

貓貓專用書枱 工作時玩樂

有養貓嘅都知,貓貓最鐘意喺你張飯枱或者書枱捐嚟捐去,除咗搵嘢食外,騷擾你或者搞事先係主要原因。呢張CATable貓專用書枱由香港公司LYCS Architecture設計,呎吋78cm X 70cm X 150cm,中間有通窿走廊比隻貓貓左捐右捐,四通八達,貓貓應該會玩得超開心。 相關資訊日本超奇妙產品 手機專用剪鼻毛機 (Jan 21, 2018) 日本貓奴放閃 超幸福貓腳印Twitter熱傳 (Jan 14, 2018)

Read more ›
【有片】見窿就捐 喵星人總要重複同樣的錯誤
by / on 15/04/2014 at 3:35 pm

【有片】見窿就捐 喵星人總要重複同樣的錯誤

貓仔鍾意捐窿,好似呢隻咁,佢主人透過個包裝紙圈望佢,佢都忍唔住要飛身捐入去,不過捐完佢就後悔喇,點解個圈穿咗喺自己個身度呢?最後主人出手救番佢出嚟,不過當主人再用個紙圈望佢嘅時候,佢開頭有少少猶豫…… 相關資訊日本奇譚全新貓頭套 超巨型心心連蝴蝶結 (Jan 11, 2018) 【圖集】日本「喵插畫」超感人 貓奴必睇Twitter熱傳 (Jan 11, 2018)

Read more ›
新片速報   超級瑪利喵     貓爪玩謝敵人
by / on 06/04/2014 at 2:39 pm

新片速報 超級瑪利喵 貓爪玩謝敵人

瑪利奧大家玩得多,如果主角變咗係隻喵會點?外國YouTuber Mr.TVCow拍咗條片叫Super Mario Cat,有貓有特技,隻曳爆黑貓走到入孖寶世界繼續高竇,有金幣唔食有問號唔頂,一心只係想伸爪玩死幾隻敵人,轉頭踩吓龜殼,出名身手敏捷嘅貓貓點會比彈返轉頭嘅龜殼陰倒?梗係一嘢跳起避開咗,最正係搵啲花嚟玩,好切合貓大哥嘅個性,貓貓呀,啲花唔可以亂食o架,會中毒o架。 相關資訊【有片】日本貓家族 一家五口超似樣 (Jan 3, 2018) 【主子嬲爆】日本新推貓罐頭 其實用嚟放雜物 (Jan 2, 2018)

Read more ›

新片速報    聰明貓貓玩廁紙    識捲返轉頭
by / on 05/04/2014 at 2:01 pm

新片速報 聰明貓貓玩廁紙 識捲返轉頭

貓同廁紙係天敵,有養過貓嘅都知,千祈唔好比佢行近廁所嘅廁紙筒,佢會一手摧毀晒成卷廁紙,輕則全卷廁紙報銷,重則全屋都係廁紙碎有排執。不過呢隻叫Willlie嘅貓貓就唔同,佢拉晒成卷廁紙落嚟之後,居然識得捲返上去,最後卷廁紙好似新嘅一樣,而佢又可以再玩過,娛樂無窮。難怪Willie主人可以好得戚咁將條片嘅標題改做「Willie Is Better Than Your Cat」。 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 【大集合】「羽生結弦」Twitter洗版 大量影片/靚相/改圖/回帶 (Feb 18, 2018)

Read more ›
相集  失明貓貓開Instagram     網友力撐
by / on 04/04/2014 at 11:57 am

相集 失明貓貓開Instagram 網友力撐

盲嘅貓貓都可以好得意,睇唔倒嘢唔係不幸,比無良主人遺棄先係不幸。好似呢隻睇唔倒嘢嘅貓貓Dillon,主人錫到佢燶,一樣可以勁幸福。佢喺Instagram嘅戶口「dillontheblindcat」舖咗大量Dillon嘅靚相,仲有好多片,睇片見倒Dillon可以好準確咁喺自動飲水機度飲水,似乎雙眼嘅缺陷難佢唔倒。順帶一提,Dillion嘅主人仲好靚女,所謂相由心生,抵佢咁靚。 相關資訊【有片】日本撳鐘貓紅到拍宣傳片 又撳人哋個鐘 (Dec 26, 2017) 日本人妻「貓」圖案修補頸巾洞 網民話其實係「草泥馬」 (Dec 17, 2017)

Read more ›
新片速報  貓貓馬戲團    高竇貓學夾Band
by / on 15/03/2014 at 10:36 am

新片速報 貓貓馬戲團 高竇貓學夾Band

邊個話貓貓唔可以訓練?呢幾隻貓來自Samantha Martin嘅馬戲團Circus Cats,全部都係被遺棄嘅貓咪。佢哋唔單止識跳over、跨欄,仲識各就各位打鼓彈結他學人夾band!對一眾貓奴嚟講絕對係難以想像,貓貓出名串,真係會比你任舞?答案係真嘅,不過班貓貓個樣都係一貫高竇串串貢,襯晒。 相關資訊【有片】日本奇妙貓 伸懶腰都要望鏡頭 (Dec 5, 2017) 【有圖有片】幾日溶化人心 流浪貓入屋實況全記錄 (Nov 28, 2017)

Read more ›
新片速報 日本Rock貓 如此髮型如此淡定
by / on 11/03/2014 at 3:07 pm

新片速報 日本Rock貓 如此髮型如此淡定

喵星人一向對世事睇得好淡,而且好有個性,即係唔會理你點睇,我行我素囉。好似呢隻貓咁,佢整咗一個咁嘅髮型,主人見佢咁有型就拍片啦,佢唔理,繼續瞓……但其實睇真啲,會唔會係假髮嚟?佢點解會得到呢個假髮呢? 相關資訊【太像真】日本男生收「工具箱朱古力」 搭飛機被截查 (Feb 20, 2018) 【有片】日本吉祥物唔易做 玩平衡球踢牆撞甩帽 (Feb 20, 2018)

Read more ›