Post Tagged with: "貓"

新片速報 喵星人變倉鼠 室內做運動
by / on 23/07/2014 at 3:28 pm

新片速報 喵星人變倉鼠 室內做運動

喵星人,平時多數留喺屋企瞓覺或者飲飲食食,再或者做吓自己嘢,頂多望吓窗,好少出街玩。除非放養,否則都好容易運動不足變肥貓,呢部「One Fast Cat」就啱玩喇,即係好似倉鼠玩嗰啲咁,不過加大咗,喺Kickstarter集資緊。雖然我覺得買咗返去佢哋都係爬上去瞓多,但睇吓條片都幾開心。 相關資訊【有片】日本表情貓 超慢鏡玩繩好興奮 (Apr 27, 2018) 【有片】任記紙皮天敵圖/片補完 懶貓冇興趣 睇見打喊露 (Apr 24, 2018)

Read more ›

貓奴掛牆裝飾 日本手掣貓屁屁
by / on 20/07/2014 at 3:55 pm

貓奴掛牆裝飾 日本手掣貓屁屁

有養貓嘅,應該都試過俾你主人背對住你,用個屁屁對住你,甚至坐落你塊臉度。呢位日本手作達人都可能試過,於是佢就造咗3款掛牆裝飾,高12.8cm,闊7.5cm,賣1,400円。可惜嘅係呢個產品一出就賣晒,想買就要留意佢網站喇。同埋,我諗佢啲貓全部都係囝囝嚟…… 相關資訊大量發生 夏天降臨 各地貓貓液體化 (Apr 23, 2018) 【有片】任記紙皮最大天敵 日本機迷貓最愛玩Switch Labo (Apr 23, 2018)

Read more ›
新片速報  曳貓玩水機  自給自足不求人
by / on 19/07/2014 at 3:17 pm

新片速報 曳貓玩水機 自給自足不求人

有人話貓仔比狗仔聰明,最叻詐傻扮矇,不過都有例外。網上見倒呢條貓貓片超得意,隻貓居然識自己走去撳個飲水機,伸長隻手撳實個掣,啲水不停流落嚟,而佢嘅目的唔係飲水而係玩水!玩咗好耐先係幾意飲一啖,極曳。而主人呢,就一邊拍一邊笑,我就比較擔心佢屋企咁搞法好易水浸,到時應該笑唔出。 相關資訊【新片速報】超強骨牌效應影片 食早餐啟動大量機關 (May 16, 2018) 【有片】喵星人打乞嚏 打極打唔出超搞笑 (Apr 27, 2018)

Read more ›
主人與貓  PS加工結合  驚人相似度
by / on 08/07/2014 at 8:50 am

主人與貓 PS加工結合 驚人相似度

瑞典攝影師Sebastian Magnani之前拍過狗狗扮主人著衫輯相,見反應唔錯,最近就推出另一輯叫Undercats嘅貓貓相集,今次主角由狗變貓,不過玩法一樣,,先邀請主人同貓貓一齊到影樓影相,之後透過後期加工,將主人同貓貓結合,當你見倒主人同貓嘅相似度時,會明白原來日對夜對,個樣真係會有啲似。 相關資訊《復仇者聯盟》回到童年時 超正回帶相集 (May 19, 2018) 【相集】日本Twitter超流行 分享搞笑「貓貓成長對比圖」 (May 18, 2018)

Read more ›
日本機迷貓 打機好認真
by / on 07/07/2014 at 5:08 pm

日本機迷貓 打機好認真

就係左手邊呢張圖,日本有貓迷影咗佢隻貓打機個認真樣,放咗上Twitter就引嚟2千幾個Retweet。於是,網民又回帶,搵番好多打機貓嘅圖片放上網,超可愛!講真,我覺得佢哋係識打機嘅,不過懶之嘛。 相關資訊【新片速報】日本喵星人出動 牛仔褲「貓鬚」製造工場 (May 20, 2018) 日本推出 電話座連散熱風扇 睇片好啱 (May 20, 2018)

Read more ›
【有片】日本貓開櫃桶 最怕豬一般的隊友
by / on 04/07/2014 at 2:45 pm

【有片】日本貓開櫃桶 最怕豬一般的隊友

呢條片雖然係幾個月前,但啱啱睇到真係爆笑咗出嚟!我唔劇透喇,總之呢隻日本貓就好想開個櫃桶,據講裏面係有零食嘅,努力咗一輪之後,佢終於成功喇!呢個時候……記得睇到最尾,真係忍唔住笑。 相關資訊日本薄切王 一條方包切47片 (May 20, 2018) 日本網民自創絕技 一秒全變「眼鏡娘」 (May 19, 2018)

Read more ›

網絡超新星    鴛鴦臉貓大人
by / on 02/07/2014 at 7:07 am

網絡超新星 鴛鴦臉貓大人

呢隻叫Venus嘅貓大人喺網絡好紅,佢唔止擁有完美比例嘅鴛鴦臉,一邊黑一邊忌廉色,雙眼仲係鴛鴦色,一隻綠一隻藍,好特別。主人幫佢喺Facebook、Instagram同Twitter都開咗戶口,加埋超過30萬個fans,superstar級數!佢主人強調Venus啲相絕對無PS過,全部如假包換。玩具公司GUND仲根據Venus外形整咗個毛公仔出嚟,塊面圓啲肥啲,睇嚟Venus唔多鐘意。 相關資訊貓奴要去 日本吉祥寺「貓Cafe」超靚建築 (Apr 20, 2018) 日本網民衝動消費 超搞笑「噴鼻水」筆袋Twitter熱傳 (Apr 16, 2018)

Read more ›
銀座貓大哥 瞓路牌變明星
by / on 30/06/2014 at 7:38 pm

銀座貓大哥 瞓路牌變明星

噚日(29日)日本就多事喇,有人自焚自殺(好彩冇死到),亦有地方大雨水浸,仲有銀座呢隻貓貓。有日本Twitter用家就話離遠見到咁多人圍拍,以為有明星喺度,原來只係一隻喵瞓咗上個路牌,即時引嚟途人舉機……不過又咁講,隻貓星人真係好可愛。 相關資訊日本媽媽母親節收「浸浴紅玫瑰」 試用發現超恐怖 (May 19, 2018) 【一張圖變圖集】新奇揹背囊 二次元、三次元同步挑戰 (May 18, 2018)

Read more ›
聰明貓傢俬   自由組件創造貓豪宅
by / on 24/06/2014 at 9:08 am

聰明貓傢俬 自由組件創造貓豪宅

貓大哥係屋企嘅主人,全屋嘅傢俬都係佢嘅,你仲要為佢添置貓屋,等佢住得舒服啲,以上就係貓奴嘅寫照。外國非牟利動物組織最近成立咗一個叫ARNI Says嘅品牌,專出動物產品賺取營運開支,第一件產品就係可以自由組裝嘅正方型膠盒,每個膠盒有唔同功能,例如有一格係床、有一格係貓抓版、有一格係玩具室。屋企唔夠大打橫發展,可以揀向高空發展。有廳有房有玩具室,屬於貓豪宅級數,主人都無佢住得咁好。 相關資訊日本Coser貓好威 《Monster Hunter: World》「カガチネコ装備」 (Apr 10, 2018) 沙灘專用「貓腳印拖鞋」 日本設計貓奴要買 (Apr 10, 2018)

Read more ›
飛走鄭多燕     跟萌爆貓貓學健身
by / on 13/06/2014 at 7:14 am

飛走鄭多燕 跟萌爆貓貓學健身

好得意!諗起減肥健身,你會諗起鄭多燕?我就寧願睇呢隻貓多啲嘞!外國專賣健身用品嘅網站Evdefitness最近拍咗輯新廣告,主角唔係俊男美女,而係一隻貓仔,隻貓仔仲造出多款伸展動作,又拗腰又伸腳,cute嘅程度達到核爆級!同香港嘅萬寧貓比‥‥‥唔,我覺得無得比,佢瘦咁多。 相關資訊【連環圖】日本貓沖涼 由掙扎到緊張到接受 (Apr 4, 2018) 【改圖】日本潛力貓變萬能key 大量改圖Twitter熱傳 (Apr 4, 2018)

Read more ›
日本善良醒目仔 用遮救貓熱爆Twitter
by / on 10/06/2014 at 8:46 pm

日本善良醒目仔 用遮救貓熱爆Twitter

要讚喇。呢位三重野雄介先生,佢早幾日喺福岡縣等緊過馬路時,見到一隻貓仔爭啲俾車撞親,仲唔小心跌咗落路邊嘅水道!喺呢個時候,佢覺得等唔切人嚟幫手,於是佢諗到一個方法,就係用手上嗰把雨傘嚟撈起隻貓仔!佢喺Twitter寫住「子猫救助成功」,有成3萬個Retweets!而讀緊專門學校嘅佢亦都講到自己畢業之後希望做消防員,加油呀!好有型呀你!真心。 相關資訊又係咁?日本便利店入多貨 店員美圖促銷意粉 (May 18, 2018) 【有片】京都嵐山竹林大量破壞 竹上寫字有中英韓文 (May 18, 2018)

Read more ›

貓奴夏日必買供品 神奇散熱碗
by / on 05/06/2014 at 12:22 pm

貓奴夏日必買供品 神奇散熱碗

呢啲天氣,唔開冷氣好難瞓得著,成身毛嘅小毛孩更加熱啦,不過又冇理由長開冷氣咁嘥電啫。日本啱啱就出咗呢個「Cooling Aluminium Kitty-Cat Pot(ひえひえアルミニャンコなべ)」,雖然之前都有啲寵物散熱板,但呢個碗好似瞓得舒服啲喎!360mm × 360mm × 100mm,5,392円。 相關資訊放假cosplay吓 日本網民扮時尚貓LISA LARSON (Apr 3, 2018) 【有片】奴才搞住瞓 日本貓表示好煩趴地 (Mar 16, 2018)

Read more ›
有片  忍者貓貓用義肢  跑樓梯超快捷
by / on 02/06/2014 at 10:43 am

有片 忍者貓貓用義肢 跑樓梯超快捷

呢隻叫Boots嘅貓貓唔止個樣超得意,生命力仲好頑強。佢嘅主人Megan Brocato喺佢4個月時領養佢返屋企,當時貓貓兩隻後腳都斷咗,獸醫最後幫佢裝咗一對藍色嘅義肢。喺主人分享嘅短片睇倒,Boots已經完全適應義肢嘅生活,仲跑得好快,落樓梯時,兩隻後腳舉起,用兩隻前爪狂奔,好似一隻忍者貓,好令人安慰。希望貓貓繼續快高長大,support! 相關資訊日本火山爆發煙霧 網民話超似「跳躍中的貓」 (Mar 12, 2018) 日本扭蛋「復活節貓頭套」 喵星人變「復活蛋」! (Mar 2, 2018)

Read more ›
【有片】萌爆肥貓 治癒星期四
by / on 29/05/2014 at 10:01 am

【有片】萌爆肥貓 治癒星期四

其實呢條「FAT KITTEN」片冇乜特別,但就係呢隻肥貓實在太可愛,攤喺度撟腳瞓個樣治癒能力極高!喺公司俾老細鬧完,睇一睇,算啦,啋你都傻,放工返屋企玩貓好過。 相關資訊日本貓零食變「投藥用」 超聰明設計呃喵星人 (Feb 21, 2018) 日本貓睇冬奧 最愛冰壼玩埋一份 (Feb 20, 2018)

Read more ›
【有片】喵星人挑主人機 層層叠露兩手
by / on 29/05/2014 at 9:22 am

【有片】喵星人挑主人機 層層叠露兩手

喵星人一向都好醒,你見佢平時啲生活幾嘆就知。不過呢個主人Alan Palesko仲發現佢隻貓Moe有特殊技能,就係玩層層叠,佢唔係亂嚟,佢識用隻貓手搵鬆嗰嚿嚟整出嚟,同埋記得睇到最後,嗰下我笑咗出嚟。 相關資訊【有片】再闖日本美術館!尾道市黑貓突破防線? (Feb 19, 2018) 日本曳貓偷飲麵豉湯 診所驗血好彩無事 (Feb 16, 2018)

Read more ›