Post Tagged with: "貓"

貓奴影相新潮流 人眼貓嘴簡易變貓樣
by / on 24/05/2013 at 3:37 pm

貓奴影相新潮流 人眼貓嘴簡易變貓樣

自從人人一部手機,部部手機都影到相之後,大家都好有創意,用簡單嘅方法影出奇特嘅相片。好似之前爆氣出波同進擊之巨人拍攝方法咁,嚟到o依家,輪到貓奴出場,呢種拍攝手法叫「cat beard」,上google都可以搵到好多。其實就係幅相咁,只要哄個頭埋去隻貓度,再嚟個低炒,你塊臉下半部就會變成貓樣,有養貓嘅試吓,效果出奇地好,其實唔難。 相關資訊【有片】日本浸浴喵 浸到想瞓游埋水 (Nov 22, 2017) 【新片速報】日本撳鐘貓新玩具 啟動推骨牌裝置超可愛 (Nov 16, 2017)

Read more ›

貓貓手機座    刮花手機扮無辜
by / on 23/05/2013 at 7:23 am

貓貓手機座 刮花手機扮無辜

貓貓最鐘意刮沙同埋刮梳化,電話表面咁滑,佢哋應該刮唔倒,不過呢款日本出品嘅貓貓電話座確實幾得意,隻貓貓抓花你部電話仲要擰轉頭喵你一下,好似話:「唔關我事呀!」,扮無辜果然係貓嘅強項!可惜想入手要一次過買齊一包50個,約埋身邊嘅貓奴一齊團購吧。 相關資訊【新片速報】日本網民收1百萬籌碼手信 原來係火機Twitter熱傳 (Nov 22, 2017) 【新片速報】日本超可愛水瀨仔 瞓晏覺識冚被 (Nov 21, 2017)

Read more ›
網絡貓起底 日本Koko潛力爆紅
by / on 18/05/2013 at 4:58 pm

網絡貓起底 日本Koko潛力爆紅

動物明星有好多,尤其日本。近排你有冇喺facebook睇過呢張相,隻貓攬住主人隻手,好似唔俾佢做嘢要同佢玩咁,可愛到核爆。原來呢隻貓係日本貓,蘇格蘭摺耳,叫Koko,而佢主人就叫Shiroro,鍾意rock music同打機,近排成日喺Twitter放自己隻貓嘅得意相,睇嚟有啲潛力做明星貓喎。 相關資訊【有片】呆咗!日本喵見按摩墊 著得識轉咁奇都有? (Nov 7, 2017) 【有片】日本流浪貓入屋 畫師畫畫變成咁 (Nov 5, 2017)

Read more ›
免費手機新Game:唔好夾死隻貓呀!
by / on 18/05/2013 at 12:00 pm

免費手機新Game:唔好夾死隻貓呀!

又一個玩到我出晒汗嘅遊戲,「Crazy Cat Lady!」好鬼死難玩,除咗頭三關畀你熱身之外,第四關開始已經勁挑戰你智慧,好,唔爆你機,我唔姓尉遲。 相關資訊【新片速報】日本倉鼠唔怕貓 背部滑行影片Twitter熱傳 (Nov 5, 2017) 【有片】貓貓狗狗做主打 日本被單毛氈攻主子市場 (Nov 4, 2017)

Read more ›
愉快動物片 西人新發明 貓貓運動操
by / on 16/05/2013 at 5:03 pm

愉快動物片 西人新發明 貓貓運動操

我諗喺西方國家,啲人工作真係唔算忙碌,閒時可以諗好多嘢出嚟玩。呢個西人,佢可能嫌佢兩隻貓悶過頭,就同佢兩隻貓齊齊做吓運動,仲拍咗段教學影片,佢先舉起黑貓,再放灰貓喺背部做掌上壓,全套動作可以訓練到二頭肌三頭肌……唔好話佢虐貓喇,睇啲貓冇乜反抗,平時都應該同佢主人幾friend嘅,玩吓啫。 相關資訊日本星貓「ぷー」出筆袋 二足立招牌動作 (Nov 2, 2017) 日本超可愛神社貓 左右門神Twitter熱傳 (Oct 30, 2017)

Read more ›
復仇貓聯盟   Iron Cat/Hulkitty霸氣盡失
by / on 16/05/2013 at 8:30 am

復仇貓聯盟 Iron Cat/Hulkitty霸氣盡失

《復仇者聯盟2》未有耐上畫,估唔到復仇貓搶閘推出,由Jenny Parks自編自導嘅呢輯圖集,好抵死地幫每個英雄改埋貓名,例如Iron Cat、Hulkitty、captain Catmerica等等。Hulkitty綠色身形最巨大,眼神又兇狠,但點解Iron Cat會成隻豹咁?另外Thor雷貓個樣好無奈,梗係啦,你睇佢把槌幾細把?除咗復仇貓,仲有Batcat、Loki,貓奴必睇。 相關資訊【相集】日本Twitter瘋傳動感貓寫真 超崩壞喜劇感爆燈 (Oct 23, 2017) 日本貓奴媽手作 自製紙皮貓神社 (Oct 18, 2017)

Read more ›

貓奴恩物 「Cat Whack a Mole」人手操控貓版扑傻瓜
by / on 11/05/2013 at 2:52 pm

貓奴恩物 「Cat Whack a Mole」人手操控貓版扑傻瓜

除咗人嘅遊戲之外,貓仔都要玩嘛!貓貓有時有啲冷漠,要搵啲玩具引佢先啋吓你。呢個貓玩具就俾到主人同喵互動喇,扑傻瓜玩過啦,人手操控縮細版就啱晒貓玩,見到嗰隻細細隻老鼠伸個頭出嚟又縮番入去,肯定佢會用「肉球」狂按,諗起個畫面都搞笑!Think geek出品,賣9.99美元。   相關資訊日本古怪的貓 LAN線纏身/鍾意飲花灑水 (Oct 17, 2017) 日本貓走失被捕獲 偷走冇罪 個樣好冤枉 (Oct 9, 2017)

Read more ›
創意網站 貓貓砌字任你玩
by / on 10/05/2013 at 7:30 pm

創意網站 貓貓砌字任你玩

係咪貓奴?我唔係,但見到啲貓又懶又識嘆都覺得好可愛。咁如果你女朋友見到喵會高8度嘩好得意呀,咁你就一定要識呢個網站,砌幾隻字send俾佢,叫佢今晚唔瞓佢都肯呀!呢個網站可以幫你用啲貓貓砌成唔同嘅英文字(中文唔得,我試過。),只要簡單輸入字母,click個掣就得喇,仲可以揀大中細添!母親節啱駛喎! 相關資訊點解瞓到咁? 日本貓cafe奇妙瞓覺一條貓 (Oct 6, 2017) 【有片】合氣道黑喵身懷絕技 前腳一撳敵人被打翻 (Sep 30, 2017)

Read more ›
新物種現身 Google街景見雙足貓星人
by / on 09/05/2013 at 4:49 pm

新物種現身 Google街景見雙足貓星人

其實都幾無聊,但又再一次證明網上以假亂真可以幾有話題性。話說有人喺Google Street View入面發現到呢幅圖,嘩隻貓得兩隻腳!仲識得用兩隻腳企喺度行!但其實只係Google Street View將隻貓cut咗一半再縮短,好多時街景圖入面啲車呀盛呀都出現咁嘅情況,不過今次咁啱出現喺隻白貓身上,又咁啱Cut得好準咁解……之後,咪出現好多網民嘅改圖囉…… 相關資訊日本網民又發現 Google地圖電單車炒車意外 (Oct 20, 2017) 日本貓樣廁紙套扭蛋 300円抽一次好可愛 (Sep 27, 2017)

Read more ›
有片! 貓貓出浴照 治癒力高
by / on 09/05/2013 at 3:13 pm

有片! 貓貓出浴照 治癒力高

到底貓貓需唔需要沖涼?到底係咪所有貓貓都怕水?唔只香港,基於日本有大量貓奴存在,加上可愛貓貓出浴照治癒力高,所以有日本傳媒做咗個特集,唔只有啲網絡流傳嘅相,仲有貓貓沖涼影片,有啲唔知點算,有啲就好乖任你舞,個軀體喺公司,但其實你個靈魂都返咗屋企玩貓喇。 相關資訊【R.I.P.】再見喵喵 中川翔子愛貓「マミタス」離世 (Sep 24, 2017) 【有片】日本喵兄弟 日日一齊瞓超sweet (Sep 19, 2017)

Read more ›
超萌壽司貓   iPhone/Andriod免費下載
by / on 03/05/2013 at 11:45 am

超萌壽司貓 iPhone/Andriod免費下載

平時放喺壽司上面啲魚呢?唔通比啲貓食晒?貓壽司呢件事本身好殘忍,但呢幾幅圖又真係好得意。呢堆貓壽司由日本公司Tange & Nakimushi Peanuts製作,當然唔食得,但可以買佢嘅印刷品,佢哋仲出咗個免費apps,iPhone、Android都有份,雖然全日文,但見倒呢堆極萌嘅貓貓,心情靚晒。 相關資訊【有片】中計啦你!日本貓奴拘捕主子計劃成功 (Sep 19, 2017) 掛門柄超可愛!12月出《艦これ》鎮守府「貓」公仔 (Sep 18, 2017)

Read more ›

獵奇網站改貓圖      打波變打貓
by / on 16/04/2013 at 9:22 am

獵奇網站改貓圖 打波變打貓

外國人改圖好有主旨,記得之前有網友將大量電影拎搶嘅相片改為舉V字手勢,今次呢輯改圖,就將所有球類運動入面嘅「球」狀物體改成貓咪,仲成立咗一個名為「Sport ball replaced with cats」嘅網站,啲貓好得意,改圖技巧就一般水準啦,但勝在夠無聊,愛貓之人入嚟欣賞吓啦。 相關資訊「另類漫畫」專頁出2018年月曆 課金實際支持 (Nov 20, 2017) 日本Coser貓有慧根 瞓覺最愛毒攬枕 (Sep 18, 2017)

Read more ›
貓奴必買 日本喵電話座
by / on 17/03/2013 at 11:40 am

貓奴必買 日本喵電話座

o依家我哋手上部手提電話,基本上用得最少嘅就係通話功能,Whatsapp啦、打機啦、睇片啦、聽歌啦,係唔鍾意用嚟打電話,亦都冇乜人會打電話俾我,係呀,情願打百幾二百字Whatsapp都唔願打個電話嚟講三分鐘。於是,電話座就好方便喇,因為你唔駛拎起部電話都可以睇到短訊上到facebook睇到片,呢隻日本新出嘅喵喵電話座,佢伸緊懶腰,好似話緊你生活好苦悶咁……賣924円,入嚟仲有幾款睇,好可愛。 相關資訊【有片】貓奴冬天要買 日本保暖手套支援手機觸碰 (Oct 18, 2017) 日本超可愛動物手機配件 保護叉電線咬實唔放 (Sep 28, 2017)

Read more ›
新片速報 《Super Smash Kittens》貓仔大亂鬥
by / on 04/03/2013 at 1:59 pm

新片速報 《Super Smash Kittens》貓仔大亂鬥

拍片越嚟越普及,令到越嚟越多新創作擺上網。好似呢段由Youtuber TyVerteLive製作嘅名為《Super Smash Kittens》,就係將佢啲愛貓變成大亂鬥遊戲嘅主角,識得出魔法仲識閃光拳!特別就唔算好特別,不過贏在啲貓仔真係超可愛,愛貓之人竹睇咁解。 相關資訊【有片】貓貓障礙賽 跨欄狂奔超動感 (Sep 17, 2017) 【多圖】日本貓Cafe列車 80人和浪貓同遊 (Sep 17, 2017)

Read more ›
免費手機新Game:可愛貓砌圖
by / on 15/02/2013 at 4:16 pm

免費手機新Game:可愛貓砌圖

我對貓狗無特別愛惡,但睇報紙知道有個仆街用天拿水撥淋唐狗,再用火燒近五粒鐘,搞到唐狗重傷,焦頭爛額醫唔番,最後要人道毀滅,我個心都好唔安樂。 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›