Post Tagged with: "貓"

相集  失明貓貓開Instagram     網友力撐
by / on 04/04/2014 at 11:57 am

相集 失明貓貓開Instagram 網友力撐

盲嘅貓貓都可以好得意,睇唔倒嘢唔係不幸,比無良主人遺棄先係不幸。好似呢隻睇唔倒嘢嘅貓貓Dillon,主人錫到佢燶,一樣可以勁幸福。佢喺Instagram嘅戶口「dillontheblindcat」舖咗大量Dillon嘅靚相,仲有好多片,睇片見倒Dillon可以好準確咁喺自動飲水機度飲水,似乎雙眼嘅缺陷難佢唔倒。順帶一提,Dillion嘅主人仲好靚女,所謂相由心生,抵佢咁靚。 相關資訊【有片】地震前有咩反應 日本貓Cafe閉路電視足本睇 (Jul 16, 2018) 【有片】高速公路救貓仔 沖涼梳毛變靚樣 (Jul 15, 2018)

Read more ›

新片速報  貓貓馬戲團    高竇貓學夾Band
by / on 15/03/2014 at 10:36 am

新片速報 貓貓馬戲團 高竇貓學夾Band

邊個話貓貓唔可以訓練?呢幾隻貓來自Samantha Martin嘅馬戲團Circus Cats,全部都係被遺棄嘅貓咪。佢哋唔單止識跳over、跨欄,仲識各就各位打鼓彈結他學人夾band!對一眾貓奴嚟講絕對係難以想像,貓貓出名串,真係會比你任舞?答案係真嘅,不過班貓貓個樣都係一貫高竇串串貢,襯晒。 相關資訊煩膠日本貓 強項降低貓奴工作效率 (Jul 11, 2018) 【有片】日本貓有前科 一手打低航拍機 (Jul 11, 2018)

Read more ›
新片速報 日本Rock貓 如此髮型如此淡定
by / on 11/03/2014 at 3:07 pm

新片速報 日本Rock貓 如此髮型如此淡定

喵星人一向對世事睇得好淡,而且好有個性,即係唔會理你點睇,我行我素囉。好似呢隻貓咁,佢整咗一個咁嘅髮型,主人見佢咁有型就拍片啦,佢唔理,繼續瞓……但其實睇真啲,會唔會係假髮嚟?佢點解會得到呢個假髮呢? 相關資訊【有片】日本傳媒報道 大量中國人入侵埼玉縣 仲有狗肉賣? (Jul 17, 2018) 日本動物醫院「心寒」宣傳板 貓貓震晒好驚青 (Jul 17, 2018)

Read more ›
磨爪扮捽碟 DJ貓貓磨抓板
by / on 09/03/2014 at 12:35 pm

磨爪扮捽碟 DJ貓貓磨抓板

喵星人磨爪,你覺得佢似做緊咩?點都唔會幻想到佢係一個DJ,喺度捽緊碟啩?呢個產品嘅設計師就好有幻想力喇,佢出咗個唱盤磨爪板,咁阿喵磨爪嗰陣,就會好似DJ捽碟咁,Yo,如果有埋個耳筒俾佢一隻手撳住,咁就完美喇。賣2,835円,日本Amazon有得賣。 相關資訊啲蕉好好瞓 日本看板貓爽過人 (Jul 10, 2018) 搬新屋有驚喜 前主人送隻貓做禮物 (Jul 10, 2018)

Read more ›
日本黑貓之手麵包    肉球變白朱古力
by / on 03/03/2014 at 7:05 am

日本黑貓之手麵包 肉球變白朱古力

好得意!貓貓嘅手仔軟棉棉好好摸,尤其是日本人稱為肉球嘅幾嚿肉仔,得意到無朋友。大阪酒店「大阪新阪急ホテル」為咗慶祝開業50週年,酒店入面間麵包舖會賣呢隻叫做「黒猫の手」嘅麵包,肉球變成白色朱古力,手仔中間夾住朱古力醬,一隻手賣230円,最怕你唔捨得放落肚。 相關資訊日本狗狗瞓晏覺 地下遺留狗印超可愛 (Jul 17, 2018) 農夫的浪漫2018 日本超靚稻田畫Twitter熱傳 (Jul 17, 2018)

Read more ›
貓奴必裝手機app    幫貓自拍靠詭計
by / on 28/02/2014 at 7:08 am

貓奴必裝手機app 幫貓自拍靠詭計

呢個app貓奴要裝!有養貓嘅都知要貓大哥坐定定影相有幾難,呢個叫「Cat Snaps」嘅手機app就有計,開著個app後,會有紅色laser光點不停走,當貓貓眼定定望住時,就係成功嘅第一步,因為下一步佢就會出手撳個芒面,咔刷!手機就會自動用自置鏡頭幫貓貓自拍,撳中時仲會震一震,吸引貓貓不停撳,好過癮!正如其他賺錢app,為咗令你課金,佢仲有老鼠同冷毛球玩,想unlock就要比錢買,好奸呀! 相關資訊日本貓奴插畫家 分析貓毛流向圖超專業 (Jul 12, 2018) 【新片速報】波蘭教授訪問時被貓襲擊 搞笑反應Twitter熱傳 (Jul 10, 2018)

Read more ›

東京貓餐廳 貓耳貓妝玩太大
by / on 20/02/2014 at 4:57 pm

東京貓餐廳 貓耳貓妝玩太大

貓耳我OK嘅,掛個啷啷喺條頸都OK,但唔駛化埋個貓妝咁認真啩?日本有貓cafe俾你玩貓,嚟緊聽日開始至24日,仲有貓糧品牌喺東京搞咗個主題餐廳活動,侍應化晒妝戴晒貓耳,啲菜式……乜咁似貓罐頭同貓餅? 相關資訊【有片】日本網民咩玩法?買齊設備冇買倉鼠 (Jul 16, 2018) 融入海邊 日本魚形拖鞋夏天玩水必備 (Jul 16, 2018)

Read more ›
《Star Trek》寵物床   天寒地凍主人專用
by / on 20/02/2014 at 12:51 pm

《Star Trek》寵物床 天寒地凍主人專用

天氣凍成咁,人類要捐入被竇,動物都要有張暖笠笠嘅床嘆世界。《Star Trek》迷有福喇,因為Think Geek有人設計咗呢張Captain寵物床,同電影《Star Trek》入面Captain張椅一樣,不過係比擁有四隻腳尊貴嘅佢。除咗狗狗,其實貓仔同人仔都瞓得,開價美金$79.99,最怕係買咗返去班大帝望兩望就走開,I know that feel bro。 相關資訊【新片速報】原來有兩隻貓 超治癒貓媽媽片Twitter熱傳 (Jul 7, 2018) 日本貓肉球keyboard粒粒 超可愛放F5狂撳 (Jul 4, 2018)

Read more ›
貓貓愛聽書    小朋友閱讀計劃    人貓雙贏
by / on 16/02/2014 at 11:09 am

貓貓愛聽書 小朋友閱讀計劃 人貓雙贏

唔講唔知,原來貓貓除咗鐘意睇電視,仲好鐘意聽書,因為當人講故仔嘅時候,節奏同埋頻率對貓咪嚟講係好舒服嘅聲音。外國動物組織Animal Rescue League就實行咗一個叫Book Buddies嘅計劃,邀請一班小朋友讀書比貓貓聽,一年後發現所有參加嘅小朋友喺閱讀方面都有明顯嘅進步。咁都好正常吖,但係貓貓聽力方面有無進步先?我最想知係有無貓貓一邊聽一邊瞓著覺,可能個小朋友會喊。 相關資訊【有片】彈琴貓懞盛盛超可愛 主人收養19隻浪貓 (Jun 26, 2018) 【有片慎入】日本貓玩醒曱甴 衝去貓奴一聲慘叫 (Jun 21, 2018)

Read more ›
日本版忌廉哥   萌爆賣旅遊廣告
by / on 30/01/2014 at 7:17 am

日本版忌廉哥 萌爆賣旅遊廣告

可能貓貓天性鐘意流浪,所以同旅遊好似特別有緣,香港有忌廉哥同永安旅遊賣廣告,日本旅遊網Jalan最近都搵咗兩隻貓貓Nyalan同埋Deshi做代言人,周遊列國去齊日本名勝拍宣傳照。佢哋嘅行程似足你同我遊日本,例如賞櫻、寺廟參拜、浸溫泉‥‥‥睇完我都好想去日本。不過貓貓全程頸上面要掛住個行李喼,陰功豬。主人話,你唔做嘢,我邊有錢買糧買零食養你呀。 相關資訊【新片速報】日本黑喵遇見白喵時鐘 最遙遠的距離 (Jul 16, 2018) 日本war game場婆婆「暴力教會」新造型 (Jul 16, 2018)

Read more ›
新片速報 奇幻喵星人 自轉上樓梯
by / on 27/01/2014 at 3:44 pm

新片速報 奇幻喵星人 自轉上樓梯

喵星人唔會俾你知佢諗咩,你都永遠估唔到佢想點。好似呢隻咁,佢一路追尾一路上樓梯,搞到自己非常咁忙碌,而且一路轉一路上樓梯,唔知有咩咁趕。不過佢上咗兩層都唔頭暈,其實幾勁,唔信你試吓。 相關資訊【有片】玩具瘋狂郁 日本高傲的喵擔天望地唔得閒理 (Jun 15, 2018) 日本Sharp推出智能貓廁所 紀錄尿量/逗留時間 (Jun 15, 2018)

Read more ›

日本柴犬花貓cosplay出巡   超型特色服
by / on 26/01/2014 at 6:23 pm

日本柴犬花貓cosplay出巡 超型特色服

又到得意動物時間,今次主角有兩位,就係嚟自日本嘅柴犬同埋花貓!佢哋兩個由細玩到大好friend,主人仲好有心機,經常幫佢哋襯埋情侶裝出巡放上自己嘅「菊千代帳」blog,唔係hea爆嘅蜘蛛俠嗰類套裝,而係好有日本特色嘅武士裝或者日本傳統服裝,好有型!難怪每次出巡都吸引好多人圍觀影相。不過話時話,貓貓都要出街散步嘅咩?無辦法啦,鬼叫你有個鐘意出街嘅狗仔好朋友咩! 相關資訊本周Coser 日本「かりん」 (Jul 15, 2018) 【新片速報】Low Cost神還原第二彈 惡搞《冰雪奇緣》Twitter熱傳 (Jul 15, 2018)

Read more ›
新片速報    瘋狂戰爭片   家貓大戰廁紙
by / on 25/01/2014 at 4:58 pm

新片速報 瘋狂戰爭片 家貓大戰廁紙

有養開貓嘅貓奴都知,貓同廁紙係天生嘅敵人,好地地一卷廁紙,經貓爪後即時被分屍,仲係死無全屍嗰隻,卷廁紙仲用唔用好?外國YouTube群組Mr Twister’s Funhouse拍咗條家貓大戰廁紙片,片中三隻貓各有各玩,全部玩得好瘋狂,不過主人見倒咁嘅情形,都仲掛住拍片唔出手阻止,同流合污呀! 相關資訊揭露日本大企業OT問題 YouTube頻道專拍大廈外牆片 (Jul 12, 2018) 日本貓頭套扭蛋 被迫扮「米奇老鼠」超無奈 (Jun 15, 2018)

Read more ›
新片速報   貓貓版《Toy Story》  巴斯胡迪被迫變貓
by / on 18/01/2014 at 1:49 pm

新片速報 貓貓版《Toy Story》 巴斯胡迪被迫變貓

《Toy Story》呢套經典動畫我得閒就會拎返出嚟睇。今次呢條短片概念都係《Toy Story》,不過演員就變咗兩隻貓,一個演胡迪一個演巴斯光年,連巴斯光年經典被飛出街嘅場面都有重製,不過唔駛驚,掉出街嘅唔係真貓嚟,貓都有替身,好威威。條片由The Pet Collective拍攝,之後佢哋都拍過貓版嘅《獅子王》同《Home Alone》,動物迷實啱睇。 相關資訊日本扭蛋「貓貓舔毛」系列 反肚照舔超治癒 (Jun 14, 2018) 【有片】沉厚聲線!日本網民發現「貓界大塚明夫」 (Jun 7, 2018)

Read more ›
新片速報 喵星人變艦娘 貓用單裝砲遙控旋轉發射
by / on 06/01/2014 at 6:26 pm

新片速報 喵星人變艦娘 貓用單裝砲遙控旋轉發射

可能呢位貓奴太愛《艦隊これくしょん~艦これ~》,所以決定自製貓用單裝砲俾佢隻貓。先唔好講隻貓就唔就範,但其實呢件真係一件極大殺傷力嘅武器!首先,裝咗喺隻貓上面,行動力好高,而且砲台可以遙控360度轉動,仲可以發射6mm嘅BB彈,有片有真相,貓貓係唔會就範,啋你都傻,白白錯過咗統治貓界嘅機會。 相關資訊日本喵星人「下巴貼地」睡姿熱傳 一人一張分享圖 (Jul 15, 2018) 支援西日本豪雨受災小朋友 《月刊コロコロコミック》7月號免費任睇 (Jul 15, 2018)

Read more ›