Post Tagged with: "貓"

有片! 貓貓出浴照 治癒力高
by / on 09/05/2013 at 3:13 pm

有片! 貓貓出浴照 治癒力高

到底貓貓需唔需要沖涼?到底係咪所有貓貓都怕水?唔只香港,基於日本有大量貓奴存在,加上可愛貓貓出浴照治癒力高,所以有日本傳媒做咗個特集,唔只有啲網絡流傳嘅相,仲有貓貓沖涼影片,有啲唔知點算,有啲就好乖任你舞,個軀體喺公司,但其實你個靈魂都返咗屋企玩貓喇。 相關資訊日本貓零食變「投藥用」 超聰明設計呃喵星人 (Feb 21, 2018) 日本貓睇冬奧 最愛冰壼玩埋一份 (Feb 20, 2018)

Read more ›

超萌壽司貓   iPhone/Andriod免費下載
by / on 03/05/2013 at 11:45 am

超萌壽司貓 iPhone/Andriod免費下載

平時放喺壽司上面啲魚呢?唔通比啲貓食晒?貓壽司呢件事本身好殘忍,但呢幾幅圖又真係好得意。呢堆貓壽司由日本公司Tange & Nakimushi Peanuts製作,當然唔食得,但可以買佢嘅印刷品,佢哋仲出咗個免費apps,iPhone、Android都有份,雖然全日文,但見倒呢堆極萌嘅貓貓,心情靚晒。 相關資訊【有片】再闖日本美術館!尾道市黑貓突破防線? (Feb 19, 2018) 日本曳貓偷飲麵豉湯 診所驗血好彩無事 (Feb 16, 2018)

Read more ›
獵奇網站改貓圖      打波變打貓
by / on 16/04/2013 at 9:22 am

獵奇網站改貓圖 打波變打貓

外國人改圖好有主旨,記得之前有網友將大量電影拎搶嘅相片改為舉V字手勢,今次呢輯改圖,就將所有球類運動入面嘅「球」狀物體改成貓咪,仲成立咗一個名為「Sport ball replaced with cats」嘅網站,啲貓好得意,改圖技巧就一般水準啦,但勝在夠無聊,愛貓之人入嚟欣賞吓啦。 相關資訊【大集合】「羽生結弦」Twitter洗版 大量影片/靚相/改圖/回帶 (Feb 18, 2018) 日本超溫馨貓與狗 貓貓錫晒病狗朋友 (Feb 8, 2018)

Read more ›
貓奴必買 日本喵電話座
by / on 17/03/2013 at 11:40 am

貓奴必買 日本喵電話座

o依家我哋手上部手提電話,基本上用得最少嘅就係通話功能,Whatsapp啦、打機啦、睇片啦、聽歌啦,係唔鍾意用嚟打電話,亦都冇乜人會打電話俾我,係呀,情願打百幾二百字Whatsapp都唔願打個電話嚟講三分鐘。於是,電話座就好方便喇,因為你唔駛拎起部電話都可以睇到短訊上到facebook睇到片,呢隻日本新出嘅喵喵電話座,佢伸緊懶腰,好似話緊你生活好苦悶咁……賣924円,入嚟仲有幾款睇,好可愛。 相關資訊【有片】日本貓賊仔超狠心 冬天「偷毛毯」速逃Twitter熱傳 (Feb 2, 2018) 【有片】咩瞓法?淡定貓下半身懸空照瞓 (Jan 30, 2018)

Read more ›
新片速報 《Super Smash Kittens》貓仔大亂鬥
by / on 04/03/2013 at 1:59 pm

新片速報 《Super Smash Kittens》貓仔大亂鬥

拍片越嚟越普及,令到越嚟越多新創作擺上網。好似呢段由Youtuber TyVerteLive製作嘅名為《Super Smash Kittens》,就係將佢啲愛貓變成大亂鬥遊戲嘅主角,識得出魔法仲識閃光拳!特別就唔算好特別,不過贏在啲貓仔真係超可愛,愛貓之人竹睇咁解。 相關資訊【帽已戴】世界各地貓帽仔 中美俄荷越南都有 (Jan 24, 2018) 香港反虐日 張君豪作畫為貓狗發聲 (Jan 23, 2018)

Read more ›
免費手機新Game:可愛貓砌圖
by / on 15/02/2013 at 4:16 pm

免費手機新Game:可愛貓砌圖

我對貓狗無特別愛惡,但睇報紙知道有個仆街用天拿水撥淋唐狗,再用火燒近五粒鐘,搞到唐狗重傷,焦頭爛額醫唔番,最後要人道毀滅,我個心都好唔安樂。 相關資訊貓奴必備 帶貓出街用Cat-in-the-bag (Jan 16, 2018) 日本貓奴放閃 超幸福貓腳印Twitter熱傳 (Jan 14, 2018)

Read more ›

新片速報 Jedi喵 願原力與你同在
by / on 05/02/2013 at 4:17 pm

新片速報 Jedi喵 願原力與你同在

曾幾何時,太約1年前,網上有一條貓狗用激光劍大戰嘅影片(入嚟有得回帶)。今日,喵喵仲學識埋用原力……呢條片開頭,阿喵佢用部MacBook睇緊《Star Wars》,見到尤達大師教人用原力,自己都學埋一份,之後佢用原力去操控街道啲車,再嚟魚缸入面嘅金魚,之後連佢主人都……最後都係嗰句,幕後製作片段都幾好睇。 相關資訊韓國肥喵玩「儲錢箱」 搵手撳扮放錢幣超搞笑 (Feb 4, 2018) 【有片】超可愛星戰Porgs飯團 製作過程影片跟住學 (Jan 20, 2018)

Read more ›
煲呔貓識閃燈   怕醜貓專用
by / on 29/01/2013 at 12:11 pm

煲呔貓識閃燈 怕醜貓專用

嚟緊過新年屋企隻貓要見人,駛少少錢裝吓身少不免。呢款貓專用煲呔,簡約得嚟幾實用,賣港幣$64。背面有扣比你扣實貓頸圈,而且中間識著燈,可以調校閃燈或者長著。唔想佢新年匿埋床下底搵唔倒,又或者你屋企嗰隻係黑貓‥‥‥都可以買返個。除咗貓之外,其實狗仔都用得,不過我就覺得唔係幾襯。 相關資訊韓國Starbucks推出狗狗cupcake 兩款味道超可愛 (Feb 21, 2018) 邊個夠我瞓得衰? 日本Twitter寵物「瞓覺衰樣大賽」 (Feb 11, 2018)

Read more ›
跳呀跳,踩唔中南瓜就死得架喇。
by / on 24/01/2013 at 12:00 pm

免費手機新Game:跳跳貓食南瓜

貓唔係食魚o既咩?點解會食南瓜?仲要拎住把魚骨刀跳跳o下,成件事都幾唔合情理,不過Anyway啦,Game好玩就得,唔使理咁多。 相關資訊日本奇譚全新貓頭套 超巨型心心連蝴蝶結 (Jan 11, 2018) 【圖集】日本「喵插畫」超感人 貓奴必睇Twitter熱傳 (Jan 11, 2018)

Read more ›
新片速報 Catzilla喵斯拉動畫 以喵抗喵
by / on 08/01/2013 at 11:40 am

新片速報 Catzilla喵斯拉動畫 以喵抗喵

呢條vimeo嘅影片製作得好認真,首先,個名就係抄哥斯拉嘅喵斯拉(Catzilla),而巨型喵斯拉破壞嘅場面都好壯觀,就係佢不斷破壞地球嘅時候,救世者出現喇!佢拋出一個喵錦囊,變出一隻巨型白喵,再聯手對抗奸黑貓,最後……自己睇。 相關資訊【非法改裝】日本喵司機坐改裝「宅急便貓車」 眼望望超可愛Twitter熱傳 (Jan 20, 2018) 【新片速報】日本「刺客喵」挑戰高難度 玩命片Twitter熱傳 (Jan 9, 2018)

Read more ›
喵斗蓬冬天暖笠笠  夠唔夠膽揹出街?
by / on 05/01/2013 at 8:29 am

喵斗蓬冬天暖笠笠 夠唔夠膽揹出街?

又係喵?無辦法,冬天啲貓特別得意,又暖笠笠,所以喵新聞特別多。好似呢件喵斗蓬,成個書包咁,揹上身好似成隻喵爬咗喺你背脊咁舒服,仲唔會伸爪爪你O忝!又唔會甩毛喎!諗起都開心。暫時有白色同啡色任揀,港幣$240左右,大膽啲未過20歲仲可以揹出街‥‥‥呀! 相關資訊【有片】日本貓家族 一家五口超似樣 (Jan 3, 2018) 【主子嬲爆】日本新推貓罐頭 其實用嚟放雜物 (Jan 2, 2018)

Read more ›

獵奇新片 B掣識跳 驚青喵學Mario大叔
by / on 25/12/2012 at 6:12 pm

獵奇新片 B掣識跳 驚青喵學Mario大叔

呢段嚟自俄羅斯嘅短片叫「Cat Scared of Mario Jump」,簡單嚟講,你玩孖寶Mario時,只要按一下跳掣,雙貓就識得跟住瑪利奧大叔跳跳跳。係咩原理呢?原理就係隻貓好驚青,特別驚Mario跳起嗰吓聲效,次次聽到仲快過Mario大叔彈起。雖然嚇隻喵唔係咁好,但真係好搞笑,亦都證明咗,貓嘅反應係快過Mario嘅。 相關資訊冬季奧運奇景 冰壼選手似Mario大叔 (Feb 12, 2018) 【有片】日本撳鐘貓紅到拍宣傳片 又撳人哋個鐘 (Dec 26, 2017)

Read more ›
新片速報 寵物大戰機械獸 Cat VS Printer
by / on 20/12/2012 at 6:28 am

新片速報 寵物大戰機械獸 Cat VS Printer

其實幾無聊,但係如果你鍾意喵,又或者你有養喵,又會睇得幾開心。喵呢樣好奇嘅動物見任何識郁識發聲嘅嘢都想玩,你屋企其中一樣就係Printer,呢度有幾段啲喵見到Printer呢隻機械獸嘅反應,有隻驚到震,有隻伸手去玩,仲有狂抓Print出嚟嘅紙…… 相關資訊日本人妻「貓」圖案修補頸巾洞 網民話其實係「草泥馬」 (Dec 17, 2017) 【有片】日本奇妙貓 伸懶腰都要望鏡頭 (Dec 5, 2017)

Read more ›
林克騎喵 日本Blogger玩上癮
by / on 11/12/2012 at 12:38 pm

林克騎喵 日本Blogger玩上癮

尖東忌廉哥咁紅,有原因嘅,因為香港好多人鍾意喵嘛。日本都好多。呢位日本Blogger「モア*モアレ」,都幾出名,出名寫貓影貓。咁佢應該係買咗林克呢隻Figma,所以就好無聊咁同隻喵玩喇。嗱,隻喵表現得好無奈又有少少眼瞓,但林克就龍精虎猛,仲騎上隻喵度,又趴落人哋度咁。總之,仲有好多相,鍾意喵嘅入嚟睇吓,鍾意林克嘅,可以唔駛入嚟。 相關資訊日本飛沙攝影新作 兵長決戰「六子奇行種」 (Dec 12, 2017) 【有圖有片】幾日溶化人心 流浪貓入屋實況全記錄 (Nov 28, 2017)

Read more ›
日本獵奇系列 貓貓AV出場
by / on 17/11/2012 at 9:45 pm

日本獵奇系列 貓貓AV出場

高登高質素post中,有關AV同貓嘅post都好多,但就未試過撈埋一齊……各位男讀者,見到呢個封面嘅配色排位,加埋啲漢字同字體(禁斷、媚態、魅惑之夫人、注目Body,哈哈頂你!),係咪好有親切感呢?冇錯喇,係AV啲封面!嘩!唔係咁變態吓嘛?放心,唔係咁變態,呢幾套貓AV嘅AV唔係Adult Video咁解,而係Animal Video!而出嗰間公司叫Soft On Nyanko,連個名都扮埋AV公司SOD(Soft On Demand)!內容係貓貓可愛嘅影片,當然有裸露場面,因為喵多數都唔著衫嘅。仲有,唔好問我Seed呢,我都求緊,入面仲有大量AV封面,好可愛呀! 相關資訊【有片】Magic!日本貓奴奇技 2D喵瞬間變3D (Nov 27, 2017) 【相集】超合拍野外喵狗組合 上山下海成為好朋友 (Nov 25, 2017)

Read more ›