Post Tagged with: "超任"

【有片】可以用番舊掣 MINI超任轉插器
by / on 22/09/2017 at 5:06 pm

【有片】可以用番舊掣 MINI超任轉插器

你話上次紅白機就話個掣細啫,今次新嗰部MINI超任個掣大細冇問題吖?咁可以用喺美版度,轉番日版舊掣囉。嚟緊推出MINI超級任天堂,有廠商就推出埋呢隻「Controller Adapter for SNES to SNES Classic Edition(以下、Controller Adapter)」轉插,如果你有舊掣,用開有感情係咪? 相關資訊鞋踩有十字掣 任天堂版Jordan賣8千幾 (Jul 17, 2017) 真嘅一樣 任天堂下一部出Mini超級任天堂? (Nov 23, 2016)

Read more ›

【行情】日本網上賣到18,000円 MINI超任要觀望
by / on 17/09/2017 at 9:02 pm

【行情】日本網上賣到18,000円 MINI超任要觀望

講真,原價7,980円買份回憶、情懷係幾OK,由包裝到外型到手掣都帶俾你回憶,仲有21隻遊戲玩吓。不過日本噚日(16日)開訂,好多人排之餘,仲見到好多舖頭貨量唔多,於是,網上面賣一倍價錢都賣得出,o依家上Amazon睇,大多都賣過18,000円,呢個價,就麻麻抵入手喇,除非志在必得又多閒錢,否則等佢出咗先算咯。 相關資訊日本動物園「豚鼠」排排企 超可愛似迴轉壽司 (Sep 23, 2017) 【有片】兒時夢想呀!Bandai出筋斗雲攬枕 (Sep 22, 2017)

Read more ›
難搞!日本開訂各地大量人龍 MINI超任炒起一倍
by / on 16/09/2017 at 11:43 am

難搞!日本開訂各地大量人龍 MINI超任炒起一倍

經過MINI紅白機一役,好多香港機迷都吼實呢部MINI版超任,10月5日發售,今日(16日)就喺日本開訂喇。如果唔知仲以為咩全新主機或者勁game開售,因為各地都出現人龍,有網民影咗個情況,「ヨドバシAkiba」開店時已經有約800人排隊,有店舖就極少限額……再上拍賣網睇睇,個價已經升咗一倍,原價7,980円。 相關資訊【有片】超任變遙控艇 慢流水中有教學 (Sep 2, 2016) 超任版3DS到貨 日本機迷開箱拼舊機 (Aug 2, 2016)

Read more ›
【要買好買】MINI超任周六開訂 絕版MINI紅白機再生產
by / on 12/09/2017 at 9:11 pm

【要買好買】MINI超任周六開訂 絕版MINI紅白機再生產

10月5日發售嘅MINI超級任天堂(ミニスーパーファミコン),終於有開訂消息喇,就係9月16日,即係今個星期六就喺日本開訂,7,980円,要訂好訂喇!另外,早前宣佈暫時停產嘅MINI版紅白機(ミニファミコン),官方又再宣傳會喺2018年「生產再開」!之前未買嘅,今次咪再錯過! 相關資訊【洗腦】機迷選紅白機最佳遊戲音樂 《桃太郎傳說》第3位《兵蜂》排第4 (May 28, 2017) 【慘喇】有買要快 MINI版紅白機/灰機停產 (Apr 14, 2017)

Read more ›
新片速報 MINI版超任6分鐘影片 21遊戲全介紹
by / on 22/08/2017 at 12:04 pm

新片速報 MINI版超任6分鐘影片 21遊戲全介紹

我冇嘢驚,係驚炒得太貴。嚟緊10月5日發售,任天堂官方推出嘅日本版MINI超級任天堂啱啱有新片,睇晒21隻遊戲介紹,7,980円,到底香港機迷到時要幾錢先買到呢?話時話,條片開頭部超任變細嗰吓好正,咁俾粒菇佢係咪會變番大? 相關資訊任天堂歐洲註冊商標 N64好快出MINI版? (Jul 21, 2017) Mini版PSOne有冇機?外國機迷最強幻想 (Nov 26, 2016)

Read more ›
日版緊接公佈 MINI超級任天堂10月5日發售
by / on 27/06/2017 at 8:43 am

日版緊接公佈 MINI超級任天堂10月5日發售

今朝起身見到美版公佈咗,啱啱日本任天堂都公佈埋日本版喇!香港機迷梗係等呢部1990年11月21日初推出嘅日本版啦,主要都係想要個樣同手掣嘛!10月5日發售,賣7,980円,都係包21隻遊戲,但就有少少唔同,唔駛諗啦,搵地方訂喇。 相關資訊【有片】超任版New 3DS LL 懷舊遊戲陸續下載 (Mar 5, 2016) 【舊Game回帶片】超級任天堂手感重現 支援電話藍芽手掣發售 (May 15, 2015)

Read more ›

MINI超任公開 9月29日發售包21隻遊戲
by / on 27/06/2017 at 7:43 am

MINI超任公開 9月29日發售包21隻遊戲

上年部MINI版紅白機有冇買?絕版喇。不過講吸引,我覺得超級任天堂更吸引!一直都傳聞話會出,終於,喺E3之後,任天堂官方正式公開,9月29日發售,80美元,內置21隻遊戲,當中有《Final Fantasy III》、《Super Mario World》、《薩爾達傳說Link to the Past》、《Street Fighter II Turbo: Hyper Fighting》,仲有隻傳說中嘅《Star Fox 2》!話要玩爆《Star Fox》先玩到喎。同埋今次手掣條線比上次美版長兩呎去到五呎,而且出貨量會更多咁話。作為香港機迷,我哋梗係等日版啦,不過好似上年咁,美版公佈先,日版未有消息,大家都係等一等,睇睇有啲咩遊戲參考吓,照睇日版只會有少少唔同。 相關資訊《惡魔城》超任DIY 骷髏頭配樹枝超靚 (Oct 11, 2014) 有得諗!善用舊主機 超任變電話座 手掣變耳筒 (Oct 7, 2014)

Read more ›
Microsoft流出消息 MINI版超任E3公佈
by / on 02/06/2017 at 6:02 pm

Microsoft流出消息 MINI版超任E3公佈

臨到E3好多風,我冇寫錯,超級任天堂MINI嘅消息竟然由Microsoft流出?事源係咁嘅,Xbox Live Reward會員有關今個月舉行E3嘅問卷中,就有一題提到邊部主機嘅嘢提起玩家興趣,當中除咗Xbox Project Scorpio外,仲有PS4 Pro,仲有!「Nintendo SNES Classic Edition」!而且英文版、日文版都有!之前都有外國傳媒講話收到風呢部懷舊主機會喺今年聖誕附近發售,咁到底係Mic記靠估,定一話佢哋收到對手嘅可靠消息呢?點都好啦,如果年尾出,今次都一定買嚟儲喇,最期待唔知佢公佈會有咩Game跟啫。 相關資訊電話殼銀包尿袋3合1 夠長命叉足3次電 (Apr 30, 2014) 今日輪到超級任天堂 23歲生日 廣告回帶 (Nov 21, 2013)

Read more ›
自製超任版Switch 主機係餅帶?
by / on 10/05/2017 at 11:33 pm

自製超任版Switch 主機係餅帶?

之前已經有人整過紅色自護版Switch,今次就係超級任天堂版本!大家都期待官方會公佈出MINI版超任,暫時未有消息,只係傳會年尾出……咁不如試吓自己整部超任版Switch?如果你有心有術又放棄保養的話。再唔係,睇吓算,呢位韓國機迷就製作咗一部,超精美,咁如果部Dock係主機,咁部Switch係咪餅帶? 相關資訊新片速報 踢波先嚟落雨 任記Switch新廣告 (Sep 14, 2017) 新片速報 帽唔怕戴 Switch《Super Mario Odyssey》有同梱機賣 (Sep 14, 2017)

Read more ›
日本喵星人奇怪坐姿陪打機    宇宙最嗲Twitter熱傳
by / on 17/04/2017 at 10:40 am

日本喵星人奇怪坐姿陪打機 宇宙最嗲Twitter熱傳

仲記唔記得呢隻好鍾意打超任嘅日本喵星人?繼上次瞓上部機撳錯Reset掣之後,主人最近又有新圖出。今次呢隻喵星人用咗令人難以理解嘅坐姿坐喺主人大髀,個樣仲呆呆哋好好笑,似乎以行動表達對主人打機嘅不滿。張相喺Twitter好多人RT,入嚟仲有多啲佢陪主人打超任嘅相睇,連朝早刷牙佢都要跟出跟入,只可以話佢真係好嗲,理少一陣都唔得。不過咁可愛,好明顯佢嘅主人一啲都唔介意啦。 相關資訊貓奴勁羨慕 喵星人瞓衫內超可愛 (Sep 23, 2017) 【新片速報】TGS女機械人Twitter熱傳 超入戲真嘅一樣 (Sep 23, 2017)

Read more ›
【悲壯】日本喵星人瞓超任 手仔撳實reset掣無仇報
by / on 13/04/2017 at 7:48 am

【悲壯】日本喵星人瞓超任 手仔撳實reset掣無仇報

喵星人好識揀位瞓,最鍾意就係暖笠笠嘅遊戲機!最近有日本網民開返著部超任玩,喵星人好快歸位,之後極速坐低,隻手仔仲好叻咁一嘢撳咗個Reset掣度,全程臉不改容。網民都笑隻貓反應好快,同時希望樓主有save到。btw,佢玩緊嗰隻Mother 2有無人當年都玩過? 相關資訊【有片】強壯Body唔好嘥 日本消防員拍50套AV被發現 (Sep 22, 2017) 【有片】日本屋中屋帳篷 自製私人空間唔駛1千蚊 (Sep 22, 2017)

Read more ›

【有片】超強大!日本網民改裝手提版超任插帶玩
by / on 01/03/2017 at 5:38 am

【有片】超強大!日本網民改裝手提版超任插帶玩

未必係最強,但真係相當大……不過可以將手掣嵌入主機度,本來插帶嘅地方又改到唔同咗,但一又知係超級任天堂,都係威嘅。呢位日本網民佢玩緊嘅係朋友改裝嘅超任,但我諗玩《Final Fantasy V》現多一陣都會有啲攰……喂話時話,任記幾時出MINI版超任先? 相關資訊新片速報 外國機迷 自製《薩爾達傳說》版超任 (Oct 28, 2013) 超級任天堂8 bit電腦控制器 當擺設都抵 (Jul 18, 2013)

Read more ›
超任手掣 + Jordan IV 童年回憶大結合
by / on 05/01/2017 at 10:17 am

超任手掣 + Jordan IV 童年回憶大結合

AJ IV係1989年推出嘅,而超級任天堂就係1990年。如果你喺嗰陣已經係識玩嘢嘅小男孩,呢兩件產品應該都為你知道咩叫物慾無窮。呢對由以前都整過《薩爾達傳說》波鞋嘅Freaker Sneaks改製,聲稱每一對都會用上真正嘅超任手掣製作,所以啲掣真係可以撳…… 相關資訊新片速報 Jordan波鞋真定假 專家都睇錯 (Mar 7, 2015) Nike巨型鞋盒變鞋櫃 Instagram熱爆個個爭住訂 (Jan 27, 2015)

Read more ›
【再傳】商標已登記 Mini版超級任天堂即將公佈
by / on 25/12/2016 at 3:20 pm

【再傳】商標已登記 Mini版超級任天堂即將公佈

之前已經傳過,而且Mini版紅白機咁好賣,任天堂應該會繼續出啦。啱啱日本網站就有消息,係證實咗任天堂喺12月5日已經登陸相關嘅商標,咁如果出超任,應該仲勁過紅白機,同埋如果個手掣唔使放喺部機側邊,咁今次可以整番大啲啦?至於要啲咩Game,我諗30隻真係唔夠! 相關資訊舊片出土 超任/GameBoy店頭遊戲宣傳影片 開你眼界 (May 20, 2013) 手提超級任天堂 喼神懷舊價$900美元 (Dec 29, 2012)

Read more ›
【有片】手板咁大真係玩得!機迷自製超小型超級任天堂
by / on 18/09/2016 at 5:44 pm

【有片】手板咁大真係玩得!機迷自製超小型超級任天堂

之前官方話出小型版任天堂灰機,唔插帶玩內置……不過今次呢個仲勁,呢位機迷用咗「Raspberry Pi Zero」底板嚟製作一部超小型超任,手板咁大!條片有製作過程。 相關資訊【記住】9月14日朝早任天堂Direct 展前露兩手 (Sep 11, 2017) 【賀】任天堂Switch全球累積賣過500萬部 遊戲過千萬銷量 (Sep 11, 2017)

Read more ›