Post Tagged with: "超級任天堂"

【好嘢炒唔起】出手等多陣 日本MINI超任大量貨
by / on 05/10/2017 at 12:04 pm

【好嘢炒唔起】出手等多陣 日本MINI超任大量貨

之前美版,早兩日嘅偷跑日本版MINI超級任天堂,都炒到過千,噚日就見到有舖頭賣9百幾,不過日本原價係8,000円唔駛喎!日本今日(5日)正式開售喇,情況如何?好多舖頭都有人龍,不過留意番係貨源好充足,例如「ビックカメラAKIBA」有800部機只有約250人排隊;「アキバ☆ソフマップ①」有600部機,只有約145人排隊;「ソフマップAM館」有900部只有約270人排隊……咁代表咩?代表炒唔起喇!大家可以觀望吓,等佢回落先出手,應該好快!最後想講講,錢編輯早兩日已經壯烈犧牲咗,用炒價買咗部,不過佢話唔緊要,大家唔好似佢咁衝動就得喇。 相關資訊【有片】MINI超任已被Hack 加200遊戲後果自負 (Oct 10, 2017) 拎出街玩先至爽 MINI超任駁尿袋玩 (Oct 7, 2017)

Read more ›

【湊熱鬧?】retrofreak繼續玩插帶 半截版超級任天堂近日開訂
by / on 04/10/2017 at 4:57 pm

【湊熱鬧?】retrofreak繼續玩插帶 半截版超級任天堂近日開訂

MINI超任日版都出埋喇,抵唔抵見仁見智,急唔急玩又係另一回事。唔知係咪食番個話題,之前出過11合1主機嘅retrofreak,今日就宣佈會推出呢部「レトロフリーク ベーシック」,個樣好似切件版超任咁,支援日、美版SFC遊戲帶。不過唔連手掣唔連HDMI線都要9,980円,好似更加唔抵玩。

Read more ›
【得個樣唔同?】外國傳媒拆機 MINI超任硬件同MINI紅白機一樣
by / on 01/10/2017 at 11:42 am

【得個樣唔同?】外國傳媒拆機 MINI超任硬件同MINI紅白機一樣

美版、歐版都出咗,日版就遲幾日先出。MINI超級任天堂好多人都望到實想買啦?有外國傳媒就搵咗部歐版嚟拆開睇吓,發現入面嘅嘢同上年出嘅MINI任天堂灰機(日版紅白機應該都係)一樣,即係只係個殼唔同,但超任就賣得貴啲喎。不過咁講,無論紅白機、超任嘅遊戲,喺o依家呢個年代都對硬件機能都冇乜要求,買呢部機都係為咗個情懷啫,都係要搶喇。

Read more ›
【有片】可以用番舊掣 MINI超任轉插器
by / on 22/09/2017 at 5:06 pm

【有片】可以用番舊掣 MINI超任轉插器

你話上次紅白機就話個掣細啫,今次新嗰部MINI超任個掣大細冇問題吖?咁可以用喺美版度,轉番日版舊掣囉。嚟緊推出MINI超級任天堂,有廠商就推出埋呢隻「Controller Adapter for SNES to SNES Classic Edition(以下、Controller Adapter)」轉插,如果你有舊掣,用開有感情係咪? 相關資訊那個年代 日本機迷曬超任三兄弟圖 (Oct 6, 2017) 【行情】日本網上賣到18,000円 MINI超任要觀望 (Sep 17, 2017)

Read more ›
鞋踩有十字掣 任天堂版Jordan賣8千幾
by / on 17/07/2017 at 5:28 pm

鞋踩有十字掣 任天堂版Jordan賣8千幾

Freaker Sneaks呢個單位,近排成日玩AJ IV,雖然唔係官方,但手工靚嘛。今次就有呢對「AIR JORDAN 4 RETRO NES CUSTOMS」,同之前嘅NBA JAM、超級任天堂版本有咩唔同呢?顏色唔同,鞋舌唔同,咁灰機同超任幾粒掣都唔同啦,賣1,250美元。 相關資訊任天堂Switch更新4.0.0 可錄影可傳Save (Oct 19, 2017) 解開34年之謎 紅白機盒帶個窿有乜用? (Oct 17, 2017)

Read more ›
日版緊接公佈 MINI超級任天堂10月5日發售
by / on 27/06/2017 at 8:43 am

日版緊接公佈 MINI超級任天堂10月5日發售

今朝起身見到美版公佈咗,啱啱日本任天堂都公佈埋日本版喇!香港機迷梗係等呢部1990年11月21日初推出嘅日本版啦,主要都係想要個樣同手掣嘛!10月5日發售,賣7,980円,都係包21隻遊戲,但就有少少唔同,唔駛諗啦,搵地方訂喇。 相關資訊難搞!日本開訂各地大量人龍 MINI超任炒起一倍 (Sep 16, 2017) 【要買好買】MINI超任周六開訂 絕版MINI紅白機再生產 (Sep 12, 2017)

Read more ›

MINI超任公開 9月29日發售包21隻遊戲
by / on 27/06/2017 at 7:43 am

MINI超任公開 9月29日發售包21隻遊戲

上年部MINI版紅白機有冇買?絕版喇。不過講吸引,我覺得超級任天堂更吸引!一直都傳聞話會出,終於,喺E3之後,任天堂官方正式公開,9月29日發售,80美元,內置21隻遊戲,當中有《Final Fantasy III》、《Super Mario World》、《薩爾達傳說Link to the Past》、《Street Fighter II Turbo: Hyper Fighting》,仲有隻傳說中嘅《Star Fox 2》!話要玩爆《Star Fox》先玩到喎。同埋今次手掣條線比上次美版長兩呎去到五呎,而且出貨量會更多咁話。作為香港機迷,我哋梗係等日版啦,不過好似上年咁,美版公佈先,日版未有消息,大家都係等一等,睇睇有啲咩遊戲參考吓,照睇日版只會有少少唔同。 相關資訊新片速報 MINI版超任6分鐘影片 21遊戲全介紹 (Aug 22, 2017) 日本喵星人奇怪坐姿陪打機 宇宙最嗲Twitter熱傳 (Apr 17, 2017)

Read more ›
Microsoft流出消息 MINI版超任E3公佈
by / on 02/06/2017 at 6:02 pm

Microsoft流出消息 MINI版超任E3公佈

臨到E3好多風,我冇寫錯,超級任天堂MINI嘅消息竟然由Microsoft流出?事源係咁嘅,Xbox Live Reward會員有關今個月舉行E3嘅問卷中,就有一題提到邊部主機嘅嘢提起玩家興趣,當中除咗Xbox Project Scorpio外,仲有PS4 Pro,仲有!「Nintendo SNES Classic Edition」!而且英文版、日文版都有!之前都有外國傳媒講話收到風呢部懷舊主機會喺今年聖誕附近發售,咁到底係Mic記靠估,定一話佢哋收到對手嘅可靠消息呢?點都好啦,如果年尾出,今次都一定買嚟儲喇,最期待唔知佢公佈會有咩Game跟啫。 相關資訊任天堂歐洲註冊商標 N64好快出MINI版? (Jul 21, 2017) 【慘喇】有買要快 MINI版紅白機/灰機停產 (Apr 14, 2017)

Read more ›
自製超任版Switch 主機係餅帶?
by / on 10/05/2017 at 11:33 pm

自製超任版Switch 主機係餅帶?

之前已經有人整過紅色自護版Switch,今次就係超級任天堂版本!大家都期待官方會公佈出MINI版超任,暫時未有消息,只係傳會年尾出……咁不如試吓自己整部超任版Switch?如果你有心有術又放棄保養的話。再唔係,睇吓算,呢位韓國機迷就製作咗一部,超精美,咁如果部Dock係主機,咁部Switch係咪餅帶? 相關資訊【2017出GAME表】 11月至12月 [PS4 / XBox One / Switch / PC / 3DS / PS Vita] (Nov 5, 2017) 【有片】外國機迷Cos Switch主機 拆甩Joy-Con扮斷手 (Nov 3, 2017)

Read more ›
真嘅一樣 任天堂下一部出Mini超級任天堂?
by / on 23/11/2016 at 2:09 pm

真嘅一樣 任天堂下一部出Mini超級任天堂?

其實都好有可能嘅,任天堂早排出部Mini版紅白機咁好賣,嚟緊出超級任天堂都好理所當然,不過如果有得下載更多Game就仲好啦,好多人都唔介意俾錢。官方未有動作,不過外國就有artist自己整咗個包裝出嚟,佢叫Dan Clarke。見到呢個日版包裝,香港機迷應該超有親切感啦?如果真係出,最想內置咩遊戲呢?《Street Fighter II》?《F-Zero》?超任真係大量正Game!不過今次個掣最好大番啲。

Read more ›
《惡魔城》超任DIY 骷髏頭配樹枝超靚
by / on 11/10/2014 at 3:08 pm

《惡魔城》超任DIY 骷髏頭配樹枝超靚

任天堂超任係好多人嘅集體回憶,之前都有唔少外國機迷將部機重新設計成自己鐘意嘅主題,今次有呢位Vadu Amka嘅《惡魔城Castlevania》超任,堅靚。機面做倒好似石屎效果,仲有骷髏頭、棺材同埋樹枝嘅細緻位,靚到震。手掣就改成木製效果,唔知係咪可以正常開機呢? 相關資訊Rex Koo《七孔流血》畫展延伸工作坊 DIY放映機 (Nov 14, 2017) 【有片】第一身鞭鞭有力 《惡魔城》fan made遊戲免費玩 (Nov 6, 2017)

Read more ›