Post Tagged with: "趙繼邦"

寫個服字俾牛佬!峰迴路轉佐維唔使死!
by / on 14/12/2017 at 7:29 pm

寫個服字俾牛佬!峰迴路轉佐維唔使死!

Fake晒!真係俾牛佬玩死,又二呎四度頸對峙,又疑似中流彈,又甚麼「後腦附近拖出一條血水,頭部似是無力的往左方一側」,原來統統都係為製造高潮而設,今期第2087期《古惑仔》揭盅嘞,結果係因為「好彩」子彈射唔中,佐維呢個「永遠第一」今鋪唔使死。相信呢兩三個禮拜,一眾讀者包括我個個都心如鉛墜兼鬼殺咁嘈,全拜如此有壓迫感劇情所賜,計落牛佬係好嘢嘅,抵讚。這邊廂執番身彩,那邊廂趙繼邦睇個勢都係要死,我估計係死喺丁瑤呢個老虔婆手上,不過就由金尊貴落手,唔知有無估錯呢? 相關資訊《古惑仔》搞Gag 牛佬想整死佐維同立花? (Nov 27, 2017) 《古惑仔》出錯? 同一期出兩回〈飛女正傳〉? (Nov 20, 2017)

Read more ›

支持牛佬決定!佐維同趙繼邦攬住上路!
by / on 08/12/2017 at 3:04 pm

支持牛佬決定!佐維同趙繼邦攬住上路!

無喇,呢次真係無交嗌喇,牛佬喺今期第2085期《古惑仔》出埋下期預告圖,佐維同趙繼邦一齊攤屍成地血,仲定埋下期書名叫〈一起「上路」〉,佐維真係要向閻羅王報到喇。今期雖然唔算打得好燦爛,但都算好精采,係有少少估唔到映姐一個斧頭劈中天靈蓋就收皮,之前唔係有伏線略略講過佢打算投靠洪興嘅咩,點解咁快整死佢?另外,斷估我諗有好多讀者都同我一樣,唔捨得佐維死,但一本公仔書無理由唔死重要角色嘅,所以縱依依不捨,我都係支持牛佬決定嘅,還望下期佐維死得轟烈啲、有型啲Or有情懷啲,兼可以的話,留立花正仁一條生路喇,我好驚連立花都打柴呀……驚驚! 相關資訊瑞新《火武耀揚》豪華珍藏版 11月22日見街 (Nov 8, 2017) 別矣《古惑仔》Tommy! 促請牛佬交代死因! (Oct 30, 2017)

Read more ›
《古惑仔》女殺手似教師 兩大神人仲未見到趙繼邦
by / on 12/10/2017 at 8:45 pm

《古惑仔》女殺手似教師 兩大神人仲未見到趙繼邦

親愛的牛佬,唔好嬲嬲豬呀,睇完今期第2069期《古惑仔》,我真係有少少嘢想講,其實呢……究竟呢……佐維同立花正仁仲要打幾耐先殺到入大廳呢?粗略計都好似四五期咯喎,兩大神人都仲未見到趙繼邦,又何來行刺呢?會唔會耐咗啲呢?劇情推進係慢咗少少,不過好彩,有由讀者變身而成嘅暗黑之門第六名殺手Tommy Lin未死,彈吓彈吓間吓場,用有毒餐刀做武器呢個鋪排亦唔錯,而今期最尾一頁出嘅女殺手,未知名,但面相非常教師Look,好鬼萌吓,造型幾討好,總算有啲驚喜。 相關資訊《古惑仔》紅魔女陣亡! Tommy離死不遠? (Oct 24, 2017) 《古惑仔》寫錯出版日期 紅魔鬼殺著係紅Bra? (Oct 21, 2017)

Read more ›