Post Tagged with: "邱福龍"

DJ Soda鍾意邱福龍……嘅龍神
by / on 14/07/2018 at 4:35 pm

DJ Soda鍾意邱福龍……嘅龍神

DJ Soda係邱福龍Fans?唔Sure,但肯定DJ Soda好鍾意邱福龍創作嘅龍神;若不,又點會挺晒胸扭晒腰回晒眸露晒長腿同龍神塑像合照?話時話,原來DJ Soda著旗袍都幾好睇,同埋原來早前嚟過香港。 相關資訊DJ Soda繼續澎湃 Cos《龍珠》18號人造人 (May 1, 2018) 網圖分享:港漫人出圖望颱風快快走 (Aug 28, 2017)

Read more ›

邱福龍復刻元祖版《鐵將縱橫》創刊 送封面貼紙
by / on 13/07/2018 at 10:00 am

邱福龍復刻元祖版《鐵將縱橫》創刊 送封面貼紙

買咗邱福龍復刻元祖版《鐵將縱橫》創刊號未呀?打稿嘅呢刻,新書未上手,心正猶豫緊即時享受喺屋企樓下報攤買吖,定山長水遠走一轉出旺角買。事關「收藏家港漫專區」、「至Goal Club」同Paulshop都會隨書奉送封面貼紙一張,貼紙呢家嘢我不嬲都好Like,好想擁有。 相關資訊【有片】木村拓哉15歲囡囡曝光 超強基因登日版《ELLE》封面 (May 28, 2018) 《Deadpool 2》外國超正電影宣傳 惡搞知名電影封面 (May 18, 2018)

Read more ›
動漫基地換新裝 換邱福龍Q版海報返屋企
by / on 05/06/2018 at 8:03 pm

動漫基地換新裝 換邱福龍Q版海報返屋企

死喇,好驚派晒呀,呢個禮拜尾一定要去灣仔走一趟。事關動漫基地換新裝,中庭打卡位多咗張由邱福龍繪畫嘅巨型海報,裡面有15個Q版本地武俠漫畫角色,好鬼死正斗。影完相,只要答中問題,仲可以攞埋同大海報一模一樣嘅紀念海報返屋企。講明數量有限,送完即止,所以我好驚派晒呀喂。 相關資訊【相集】喵星人變電影海報主角 怪獸喵亂入超正 (Jul 6, 2018) 《銀魂2》新海報 三浦春馬演「伊東鴨太郎」 (Jun 22, 2018)

Read more ›
《山海逆戰》一書一立體海報$68 家陣開訂
by / on 22/05/2018 at 7:00 pm

《山海逆戰》一書一立體海報$68 家陣開訂

嚟緊第80期《山海逆戰》要留意,因為有特別版推出,一書一立體海報套裝盛惠$68,有A同B兩款選擇,各限量200本。海報有3D效果,構圖係大大個蚩尤,靚到啪啪聲之作,值得捧福龍場。 相關資訊點解嘅?石黑龍罩門點解喺大髀內側? (Jun 22, 2018) 《山海逆戰》玩「鞭」 火將被兜鞭摑+傲嵐:「給我含吧!」 (Jun 15, 2018)

Read more ›
邱福龍元祖版《鐵將縱橫》6月出版
by / on 16/05/2018 at 6:00 pm

邱福龍元祖版《鐵將縱橫》6月出版

之前講過邱福龍會復刻元祖版《鐵將縱橫》,家陣有進一步消息,全17册,一書雙封面,邱福龍會重新繪畫封面加埋元祖版封面,快嘞,6月推出,價錢未知,不過賣幾錢都要撐,因為可以買番回憶,係咪咁講先? 相關資訊邱福龍《鐵將縱橫完全版封面畫集》 唔買係你損失 (Aug 23, 2017) 跟進:自嘲窮鬼+鹹濕鬼+爛賭鬼 福龍唔係撞鬼 (Aug 15, 2017)

Read more ›
福龍出席Toys Collector Market玩具收藏家販售展 談玩具經
by / on 18/04/2018 at 8:36 pm

福龍出席Toys Collector Market玩具收藏家販售展 談玩具經

正呀喂,又有機會見偶像喇,邱福龍剛Sure咗會出席「Toys Collector Market玩具收藏家販售展」,同現場朋友吹水,估計簽名拍照走唔甩。吹水內容係喺《山海逆戰》「福龍周記」都略講過一二嘅收藏玩具經歷,亦會大談熱血機械人動畫,唔知到時會唔會透露少少關於大作《大拳》嘅動向呢?Fans們,係時候朝聖喇。 相關資訊《山海逆戰》超級Fans Edward Yu!添食創作異獸狸力泥塑! (Aug 9, 2017) 堅料!邱福龍撞鬼實錄! (Aug 6, 2017)

Read more ›

邱福龍復刻元祖版《鐵將縱橫》 港漫迷開心到癲
by / on 18/04/2018 at 2:51 pm

邱福龍復刻元祖版《鐵將縱橫》 港漫迷開心到癲

好消息,邱福龍決定復刻《鐵將縱橫》,留意番,係三十年舊著嗰套元祖版,佢喺面書留言話只出自己編寫部份,清兒接手嗰Part無份:「原汁原味另加新封面,舊封面也會出,一本書有新舊封面」云云,仲登埋兩幅新創作草圖封面畀大家睇睇添。留言一出,港漫迷齊聲讚好,Stanley Yim咁話:「咪就係經典足廿幾三十年囉!龍哥!」、Wing Fung Wong又咁話:「新舊鐵縱橫對比,見證龍哥三十多年後的畫功精進不少。」、Ka Ka Chan咁話:「睇返舊,都應該幾過癮。」係,真係好過癮,呢單News,令我好興奮。 相關資訊上官小威復刻《蟋蟀仔》 黃國興加推「123店」版送贈品 (Jun 5, 2018) 上官小威復刻《金漫畫》 3+1特別贈品版$98超抵 (Nov 13, 2017)

Read more ›
白蓮聖上突入《山海逆戰》? 跪求唔好整死于若蘭!
by / on 16/03/2018 at 9:11 pm

白蓮聖上突入《山海逆戰》? 跪求唔好整死于若蘭!

今期第68期《山海逆戰》有新角色登場,新角色係海底鑄兵秘窟主人,無論服飾同面相都九成似《龍虎門》白蓮聖上,係多咗啲鬚咁解啫,唔知仲以為東方無敵突入《山海逆戰》添。另,書末「下期預告」有我最唔想見到嘅封面,構圖係炎帝仰後出劍,于若蘭胸前中劍,前入後出,書名仲要叫〈若蘭花落〉。福龍諗住賜呢個行道會幫主一死?唔好啩?求神拜佛只屬製造高潮,千其唔好嚟真……其實可唔可以咁諗?大我唔到嘅,勾徹都未正式嗒于若蘭隻豬,斷估呢個第一女主角無咁易死嘅……嗯,希望喇。 相關資訊網圖分享:Wee See Heng的降龍十八腿 (May 8, 2018) 網圖分享:頭七已過 悼陳傲雲之死 (Jan 16, 2018)

Read more ›
《山海逆戰》3D立體特別版開訂 限量200套
by / on 06/03/2018 at 5:18 pm

《山海逆戰》3D立體特別版開訂 限量200套

好正,好難唔撐,嚟緊第68期《山海逆戰》出3D立體特別版,包一書一「一線天結界/黃帝晶體」立體海報,有林業慶同夏偉義兩個封面版任擇,各限量200套,各售$68。呢次煩嘞,兩個封面都好靚,點揀好?代福龍答:「買晒兩個咪得囉。」 相關資訊《山海逆戰》封面大師阿傑多 聯乘馬學偉開班教彩搞 (Jan 5, 2018) 「收藏家港漫專區」收會員 零入會費送會員證+閃卡 (Dec 27, 2017)

Read more ›
福龍突入《山海逆戰》 用收音機解釋勾徹升呢
by / on 03/03/2018 at 4:18 pm

福龍突入《山海逆戰》 用收音機解釋勾徹升呢

喺今期第66期《山海逆戰》,福龍喺第十頁粉墨登場,親自以舊式收音機如何接收頻道作例子,解釋勾徹如何調校番啱Channel,慢慢Get到其前世蚩尤嘅戰力,足可同姚星塵一鬥。呢個處理手法,我覺得好OK,可以當全期書由頭打到尾嘅一個喘氣位,最重要嘅係,睇到第十頁我真係笑得出;But,身邊朋友卻有唔同睇法,話咁樣好突兀,會破壞節奏,明明劇情好緊張,福龍咁樣突入搞一搞,道氣即時斷咗。利申,呢位朋友都係邱福龍死忠Fans嚟嘅,唔知大家又點睇? 相關資訊很想要吧?《山海逆戰》山海卡第二彈開訂! (Nov 3, 2017) 藏王同滅絕王突入《山海逆戰》 于清化名「伍泳媚」? (Oct 21, 2017)

Read more ›
買《山海逆戰》送2018年曆卡
by / on 25/01/2018 at 9:45 pm

買《山海逆戰》送2018年曆卡

先替廣大港漫迷多謝邱福龍,再要多謝「收藏家港漫專區」Dicky,事關依家上舖頭幫襯任何期數或版本嘅《山海逆戰》,即送2018年曆卡一張,物輕情意重,送完即止,想要唔該快手。 相關資訊《金漫畫》四至六期$98 幫襯「收藏家港漫專區」送紀念卡 (Jan 17, 2018) 馬來西亞版利志達《刻毒》 送年曆卡多8頁睇 (Dec 8, 2017)

Read more ›

《山海逆戰》火將大呼過癮? 于若蘭驚啲乜?
by / on 12/01/2018 at 9:20 pm

《山海逆戰》火將大呼過癮? 于若蘭驚啲乜?

見到今期第59期《山海逆戰》封面,我都戥行道會少幫主于若蘭心痛,流眼淚呀佢。故事講到姚星塵施展異獸猾褢之力,控制小淫蟲火將強姦于若蘭,于若蘭五花大綁動彈不得,急得喊出來。而交代火將剝褲一幕都好搞笑,其中一格畫佢露出不文之物,邱福龍專登畫到啡啡黑黑,似條狀又非全條狀,旁白卻寫住「于若蘭簡直接受不了眼前的硬物」,硬物!當然意會到喇!不過都好「形而上」吓,哈哈。但睇個勢,火將最終都唔可以「大呼過癮」,因為勾徹殺到,處子之身都係留番畀第一主角好啲,係咪咁講先? 相關資訊《山海逆戰》印錯期數 Kent Chu送免費貼紙彌補缺陷 (Sep 18, 2017) 福龍週記出處境題 兩皮嘢借畀碧咸好定李X和好? (Jul 25, 2017)

Read more ›
馬雲突入《山海逆戰》? 神農族大巫師功夫高唔高?
by / on 15/12/2017 at 9:08 pm

馬雲突入《山海逆戰》? 神農族大巫師功夫高唔高?

有錢可以任性,無馬雲咁多錢嘅邱福龍都可以任性,絕絕絕絕絕對有理由相信,今期第55期《山海逆戰》新出場嘅神農族大巫師姜風諭造型,靈感係來自打低吳京、甄子丹、李連杰、向佐、Tony Jaa等功夫巨星嘅《功守道》主角馬雲。一睇五官面相就知,輪廓出晒,神髓足晒,絕對係,除非唔係。造型面相就似到十足嘞,唔知大巫師好唔好揪呢?咁做得烈山仁師傅,功夫渣極有限喇……應該。 相關資訊【有片】睇馬少飛《黃飛鴻傳奇》版頭插畫 (Jul 17, 2018) 馬少飛操刀 馬雲《黃飛鴻傳奇》封面曝光 (Jul 3, 2018)

Read more ›
《山海逆戰》54期出特別版 3D立體海報+專刊$68超抵
by / on 09/11/2017 at 10:00 am

《山海逆戰》54期出特別版 3D立體海報+專刊$68超抵

邱福龍《山海逆戰》一周年慶祝活動浪接浪,繼山海卡第二彈後,喺12月18日出版嘅第54期會再推出特別版,一專刊一3D立體海報$68。計死數,減番本身本書廿皮,即係$48已經有張海報,抵到爛啦喂,構圖係伯益騎牛,專刊再細分A同B兩款,各限量200本,「收藏家港漫專家」開訂,要搶。 相關資訊鱷魚品牌Lacoste推出限定版 變身10款瀕臨絕種動物 (Mar 2, 2018) 奇妙特別版主機 Tommy Hilfiger GameoBoy、可樂Game Gear開眼界 (Sep 17, 2017)

Read more ›
《山海逆戰》搞Gag? 伯益係首個用髮泥嘅人?
by / on 19/09/2017 at 9:45 pm

《山海逆戰》搞Gag? 伯益係首個用髮泥嘅人?

第一次睇唔覺,今日發睇先發覺呢個笑位,講緊嘅係第42期《山海逆戰》第28頁,話說伯益跌唔死諗住投靠易商貪龍,驚返老還童對方唔認得自己容貌,所以用地下啲泥Jel番招牌「山」字髮型,並有旁白說明曰:「伯益除了是首個吃異獸的人,也是第一個採用髮泥的先驅。」Wow,福龍真Funny,學人搞Gag添喎,或者我笑點低,我真笑咗。 相關資訊《山海逆戰》珍藏卡特別版三封面 賣萌雪晴版售罄 (May 24, 2017) Henry Lau黏土異形好細緻 福龍評《異形:聖約》70分 (May 22, 2017)

Read more ›