Post Tagged with: "鄭健和"

鄭健和開面書 你哋Add咗未?
by / on 20/09/2017 at 3:00 pm

鄭健和開面書 你哋Add咗未?

嘩,和仔大人開面書呀,你哋Add咗佢未呀?行不改名,坐不改姓,名字就正正用番「鄭健和」三個大字。新開張,裡面除咗大頭貼照之外,暫時係乜都無嘅,莫講話相,連圖畫都無張。咁大家究竟想睇啲乜呢?我呢,就希望除咗《西遊》同《封神紀》等大路宣傳圖外,可以有多啲和仔大人嘅生活照片,好希望佢可以好似福龍咁,多啲分享生活趣事,多啲同讀者互動,咁就Very good嘞。 相關資訊網圖分享:Cuson親筆畫相贈 讀者感動喊出嚟 (Jul 25, 2017) 新面書帳戶「邱福龍」 龍少:返嚟呀朋友! (Feb 17, 2017)

Read more ›

港漫均一價$20 《西遊》113期開始加$1
by / on 04/08/2017 at 9:00 am

港漫均一價$20 《西遊》113期開始加$1

好喇,終於都輪到《西遊》嘞,鄭健和喺今期第110期《西遊》「和仔專欄」正式宣佈同其他港漫睇齊,決定加價$1──「有一則重要消息,由113第二部開始,《西遊》將會加一蚊,成為二十元正,希望大家繼續支持喇。」樓就話買唔起啫,呢$1就絕對豪得起,加油呀和仔大人,永遠支持你呀。 相關資訊葉明發幫拖《西遊》!美術主筆負責乜? (Aug 25, 2017) 港漫x電影《悟空傳》 林祥焜創作漫畫版電影海報 (Aug 9, 2017)

Read more ›
賀《西遊》100期 撐雙封面合併版
by / on 25/05/2017 at 9:00 am

賀《西遊》100期 撐雙封面合併版

100期絕對係一個值得紀念嘅期數,所以唔多玩特別版嘅鄭健和都搞番個雙封面合併號,買齊兩個版本可以合併成一幅大畫,係和仔大人Fans嘅,今期畀多$19撐一撐喇。利申先,我唔想借圖架,不過無計,樓下報紙檔只係得一個版本賣,有相為證,我真金白銀支持港漫架,至於另一個版本,禮拜尾會出旺角補購番。 相關資訊一虎x白狼x小羽x遨雪x悟空x八戒x唐三藏x沙悟淨 文嘉宏送心意卡 (Feb 8, 2017) 網圖分享:Uneko Hey Mak的HeHe版《西遊》 (Jul 17, 2015)

Read more ›
2017年港漫界震撼彈 《天下》復刊網民一人一句
by / on 10/01/2017 at 9:05 pm

2017年港漫界震撼彈 《天下》復刊網民一人一句

堅料呀,呢鋪仲唔係2017年港漫界震憾彈?唔係懶,係驚表達錯,所以我原文Copy and paste馬榮成個Post:「天下畫集2017年,再次復刊!首先請來插畫大師阮大勇老師,與及《山海逆戰》的作者邱福龍,更有《西遊》的作者鄭健和率先打頭陣,是絕對令人期待的漫畫作品!」復刊係事實,但又阮大勇又福龍又鄭健和,究竟係乜玩法?此Post一出,港漫迷一人一句,大把嘢講…… 相關資訊《山海逆戰》54期出特別版 3D立體海報+專刊$68超抵 (Nov 9, 2017) 山月畫友聯展今日開幕 馬榮成連畫框都畫埋 (Nov 9, 2017)

Read more ›
鄭健和的十年 壹本創作出Tee/原稿集/原畫集
by / on 11/07/2016 at 9:45 pm

鄭健和的十年 壹本創作出Tee/原稿集/原畫集

十年咯,唔覺唔覺原來壹本創作已經十週年,那些睇港漫的好日子,俱往矣。懷緬完,向前看,如果你都係和仔大人同鄧志輝Fans的話,咁唔該今年動漫節捧吓兩位場。有乜買?一,紀念Tee,黑白二色,各$280;二,十週年原畫集,每本附獨立編號,$260;三,《殺道行者》、《封神紀》同《西遊》複製原稿集,各$230。係,老實心底話,我都覺得有點兒偏貴,但話晒帶畀你十年歡樂,仲要咁有紀念性,係值得豪畀和仔大人嘅。(攤位E03) 相關資訊《今晚打喪屍》作品展 仲有Tee同Tote Bag要搶 (Oct 17, 2017) 2714出黑底白字Tee 蛋散著上身 (Jul 9, 2017)

Read more ›
有片:漫畫變動畫 《封神紀》變《武庚紀》出宣傳片
by / on 01/06/2016 at 9:45 pm

有片:漫畫變動畫 《封神紀》變《武庚紀》出宣傳片

大勢所趨,實體書越來越少人睇,紙本港漫市場萎縮係不變事實,縱萬般不願都要上網看咯。鄭健和舊作《封神紀》推出珍藏合訂本,翻睇依然好有味道,正式打入大陸市場變成動漫又點呢?有關方面已經釋出幾條概念同人物宣傳片,不過就由《封神紀》改名做《武庚紀》,咁阿九係紂王之子,原名武庚,改名做《武庚紀》都合理嘅。至於質素如何?個人認為OK,至少紂王同子羽無走樣,同漫畫有九成似。 相關資訊《野狼與瑪莉》漫畫/電影合集 超抵買! (Jun 25, 2015) 梁偉家封面版《黑漫畫》 香港漫畫Show率先發售 (Jun 24, 2015)

Read more ›

《西遊》加價至$19 加兩蚊唔多照撐和仔大人
by / on 04/04/2016 at 9:30 am

《西遊》加價至$19 加兩蚊唔多照撐和仔大人

繼邱福龍《鐵將縱橫》後,第二本加價至$19嘅港漫係鄭健和《西遊》,加兩蚊啫,都係嗰句,茶仔改杯凍飲都加三蚊喇,飲少次凍飲條數已經喺番度,你無理由唔繼續撐架。提埋你,一連三期《如月車站》完結之後,最新一期《西遊》會喺4月7日出版,密切留意報攤喇老友。 相關資訊《山海逆戰》搞Gag? 伯益係首個用髮泥嘅人? (Sep 19, 2017) 網圖分享:港漫人出圖望颱風快快走 (Aug 28, 2017)

Read more ›
右貓的HeHe味「22個吻身體的含義」圖  用盡鄭健和筆下角色
by / on 16/03/2016 at 9:45 pm

右貓的HeHe味「22個吻身體的含義」圖 用盡鄭健和筆下角色

網絡有流傳所謂嘅「22個吻身體的含義」,甚麼錫頭髮等於「思慕」、錫額頭等於「祝福或友情」、錫耳仔等於「誘惑」、錫鼻樑等於「貪玩」等等,世界各地好多網友都為此作畫,香港代表有右貓,畫咗幅「Kiss 22 Title」,裡面全部用晒漫畫角色,包括《殺道行者》嘅信義同尼路喇、《西遊》嘅天羽狩同小羽喇、《封神紀》嘅阿狗喇等等。一向有瀏覽開佢面書,一向都知佢鍾情鄭健和,經常將鄭健和筆下角色萌化,萌得靚又確實畫得好靚。今次「Kiss 22 Title」一樣無令人失望,畫得好精緻,係有幾格HeHe味多咗少少,有埋對照圖俾你邊賞畫邊估吓佢畫緊邊個角色,又係過癮啫。 相關資訊漫畫店益街坊 《殺道行者》全套九折慳$228 (Mar 21, 2016) 華英雄+阿狗+立花正仁+鐵縱橫 ACG聯乘Figure陸逐有來 (Jul 28, 2015)

Read more ›
鄭健和《西遊》暫停三周 《如月車站》3月17日創刊
by / on 15/03/2016 at 9:15 pm

鄭健和《西遊》暫停三周 《如月車站》3月17日創刊

成壇嘢係好型嘅,無懼暫停出版而跌書,係鄭健和先夠膽死做。大家仲記唔記得上年Bookone搞咗個「你出故事‧我出港漫」行動,讀者投稿去Bookone面書專頁,一經取錄即由鄭健和繪畫成實體漫畫出版,活動結束,被取錄嘅故事叫《如月出站》,係個靈異故事,鄭健和決定落場親自操刀,寫鬼古喎,唔知係咪佢破天第一次呢?記得嘞,由呢個禮拜四開始,一連三個禮拜報攤都唔會有《西遊》,頂上嘅係三期完《如月車站》(3月17日創刊),大家記得捧場。 相關資訊鄭健和原畫展 連詩雅密實咗啲喎? (Jun 22, 2015) 《西遊》創刊 鄭健和保持一貫水準 (Jun 15, 2015)

Read more ›
留意!《殺道行者》珍藏合訂本最後兩期賣$60
by / on 18/02/2016 at 5:21 pm

留意!《殺道行者》珍藏合訂本最後兩期賣$60

《殺道行者》珍藏合訂本去到尾聲,青龍加信義打Boss,撒旦最終結果如何?明明又使唔使死?之前單行本我好似有睇過,不過到依家已經唔記得結局,所以都好期待吓。提提大家,最後兩期珍藏合訂本由於屬加厚版本,輯錄多一期故事,所以每本賣$60,去報攤買書記得留意價錢,唔好以為老闆收多你錢呀;咁調番轉,若果老闆收少咗你錢的話,你都記得畀番足呀。 相關資訊網圖分享:Eric Ng的面書版「七十二大圖集」 (Jun 29, 2017) 網圖分享:港漫人贈畫 鼓勵雷特氏症小朋友 (Mar 8, 2017)

Read more ›
《殺道行者》珍藏合訂本快將完結 《封神紀》完全版接棒
by / on 03/02/2016 at 8:15 pm

《殺道行者》珍藏合訂本快將完結 《封神紀》完全版接棒

剛剛睇完最新一期《殺道行者》珍藏合訂本,得知故事快將完結,信義嘅黃金引擎打唔打得贏撒旦嘅重力場呢?好緊張!不過另一件事卻令我相當驚喜,事關鄭健和喺書末賣廣告話會緊接推出《封神紀》完全版,究竟點出法呢?一至三輯全部出晒,點都好,又多一本質素高公仔書睇,誠港漫迷之福也。 相關資訊《西遊》角色造型繼續放送 (Jun 4, 2015) 專講外星人 《黑漫畫》七月創刊 (May 25, 2015)

Read more ›

網圖分享:江湖地位誰可代替 漫畫家出圖賀上官小寶70大壽
by / on 17/12/2015 at 10:15 pm

網圖分享:江湖地位誰可代替 漫畫家出圖賀上官小寶70大壽

港漫老前輩上官小寶70大壽,科林、鄭健和、鄧本邦、戇男、黑鬼德、何志文、邱福龍、William Lai、關榮遇、黃興豬同榕叔等港漫人齊齊作畫慶賀,連最唔得閒……唔,或者應該話,連最無寶不落嘅馬榮成都作畫一幅,以表敬意。望過啲畫,唔係求其撩兩筆交行貨架,睇得出畀過心機,呢啲江湖地位,誰可代替囉。本網站順祝上官小寶身體健康、生活愉快,日日笑歡顏呀。 相關資訊獨眼將軍「伊達政宗」450歲大壽 生日蛋糕戶外放火 (Nov 12, 2017) 展出聶風火麒麟雕像 驗明真身落訂唔遲 (Oct 10, 2017)

Read more ›
撐港漫 撐《有限人生無限愛》漫畫精品紀念Boxset
by / on 06/11/2015 at 10:00 pm

撐港漫 撐《有限人生無限愛》漫畫精品紀念Boxset

利申,呢套《有限人生無限愛》我都無睇,無計,唔講大話,齋睇戲名都覺得Old school,好難激得起入場意欲。但但但但但,真心畀足五個但,As一個港漫忠實讀者,呢套《有限人生無限愛》漫畫精品紀念Boxset,我覺得有必要撐,每套盛惠$688。係,六舊幾水感覺係有啲貴,不過Boxset內容著實豐富,淨係文嘉宏張漫畫版海報、廖光祖+梁偉家+司徒劍僑+戴慶賢繪製嘅演員肖像漫畫卡同邱福龍+鄭健和繪製嘅圖案卡,已經值回票價,我話嘅! 相關資訊漫畫角色「抜槍射擊速度」比較 野比大雄宇宙最強 (Nov 10, 2017) 梁偉家x胡家寶Jam畫 天師x老祖宗同一時空 (Oct 31, 2017)

Read more ›
做善事搵偶像簽名  撐《有限人生無限愛》港漫特別場
by / on 07/10/2015 at 9:45 am

做善事搵偶像簽名 撐《有限人生無限愛》港漫特別場

先介紹慈善舞台劇《有限人生無限愛》,聽劇名都估到屬洗滌心靈一類嘅劇目,主旨係「傷健一家親」,希望喚醒香港人對殘疾人士多啲關懷、多啲愛心、多啲互助,令社會多啲正能量。舞台劇分三場,第二場屬「港漫特別場」,屆時邱福龍、馮志明、鄭健和、何志文、司徒劍僑、曹志豪、葉偉青、文嘉宏、梁偉家、廖光祖、戴慶賢同余均偉等港漫人會出席,斷估合照留念簽名無詐型。為此邱福龍、鄭健和同文嘉宏仲等登創作咗廣告海報宣傳,據聞現場仲會有精品發售,既可以一睹偶像風采,又可以積福做善事,不妨考慮捧吓場喎。 相關資訊廖光祖2018月曆 最後20個每個$160 (Oct 30, 2017) 梁偉家《滅絕遊戲張道陵畫集》開賣 每本$170 (Oct 18, 2017)

Read more ›
徵求《如月車站》故事 你出古仔鄭健和出書
by / on 12/09/2015 at 8:00 pm

徵求《如月車站》故事 你出古仔鄭健和出書

好得很!港漫就係需要多啲新點子,咁先唔會一池死水!鄭健和又獻新猷,公開徵求故事,話明一經取錄,即刻推出三完超短篇漫畫,佢喺面書咁話:「以《如月車站》為題,大家隨心創作一段短篇鬼故事,可以天馬行空,但要以香港為背景。我會將這裏反應最好而自己又喜歡的故事內容結集成三期完漫畫,半年內出版。 這個活動10月10日截止。」暫時所見,已經有讀者Jim So、Bobby Law、金城、Ballaw Tam等Post咗古仔上網,稍稍望過吓,都寫得好有心機架。大家有興趣的話,不妨參加吓喎。 相關資訊日本政府出漫畫提市民 遇到導彈警告點做好? (Oct 19, 2017) 【女版爆漫?】日本史上最年輕漫畫家出道 13歲女中學生逆巻詩音 (Sep 28, 2017)

Read more ›