Post Tagged with: "金城"

書屋訂購《漫畫Buddy 3》 送Folder+Postcard
by / on 11/07/2017 at 10:15 pm

書屋訂購《漫畫Buddy 3》 送Folder+Postcard

為照顧去唔到書展嘅讀者,但凡喺書屋訂購《漫畫Buddy 3》者,都有禮物仔收,向「至Goal Club」訂購的話,首200讀者即送海武膠Folder一個,向「熊館」訂購的話,首200讀者除Folder外再加送志筆在此《Delete?》Postcard一張。咁親臨書展有無著數呢?無都講唔通啦,去1C-A27攤位購買指定產品,即送金城《霸王達加度》同蕭海安《魔幻月夜天》A4 Poster,開心喇! 相關資訊司徒劍僑送Postcard 獨一無二親筆頭像 (Nov 14, 2017) 崔成安雙節棍連環圖譜Postcard 先睹為快 (Nov 1, 2017)

Read more ›

支持本地創作 《漫畫Buddy 3》書展見
by / on 25/06/2017 at 1:00 pm

支持本地創作 《漫畫Buddy 3》書展見

時間飛逝,話咁快6月就快玩完,個零月後又到書展。好消息,《漫畫Buddy 3》鐵定書展見街,1C-A27攤位優先發售,已經喺面書公佈咗各參與畫手同故事名稱,咁多古仔,相信總有一個啱你睇。支持本地創作,撐開嘅唔該繼續撐,無撐開嘅,大可買番頭一、二期翻煲。 相關資訊《漫畫Buddy 3》Folder套裝限量200套 (Jul 12, 2017) 書展必搶《七十二行》實體書 (Jul 9, 2017)

Read more ›
《漫畫Buddy》第二期今日見街 送貼紙每本$72
by / on 10/01/2017 at 10:30 pm

《漫畫Buddy》第二期今日見街 送貼紙每本$72

好嘞好嘞,講咗咁耐,《漫畫Buddy》第二期終於今日見街嘞,不過就要去特純漫畫店先買到,全書152頁彩色厚粉紙印刷,隨書附送貼紙一張,每本$72。數一數陣容,包括有Bryan Ng〈海武〉、李紅劍〈拔劍者》、Fai Cheng〈貓而騎士Kameow rider〉、金城〈人類修復計劃Restoration plan of human race〉、徐啟源〈初次之一口答應〉、海仔〈萬能鉸剪〉、陳明〈芳鄰〉、鄧俊棠〈天姬戰〉、簫海安〈魔幻月夜天〉同梁光明插圖式漫畫等等。都係老土嗰句,難得仲有熱血有心人肯出漫畫,我哋好應該支持吓,加油呀。 相關資訊《P72七十二行》展覽上網有得睇 18張畫作晒冷 (Jan 19, 2017) 撐《Project 72》畫展 港漫人的老香港情懷 (Nov 30, 2016)

Read more ›
《漫畫賓治2》12月3日出版 課金支持唔好得個講字
by / on 30/11/2016 at 10:30 am

《漫畫賓治2》12月3日出版 課金支持唔好得個講字

都係嗰句,支持港漫唔係得個講字,要用實際行動,即係課金,難得有班有心人搞興個市,我哋係咪好應該擺低$88以示鼓勵呢。且看12月3日出版嘅《漫畫賓治2》陣容──陸志明、鄭少現、陳明、Yas、上官小威、上官小洪、張萬有、甘小文、謝志榮、少傑、鄧本邦、黃書慶、梁偉家、金城、郭小峰、Ah Wah、Cody、Joe Wong、李紅劍、周蔭龍、小魚毛等等,唔敢話個個都識,唔敢話個個手畫都啱你睇,但拎上手嗰種沉甸甸手感,正正係實體書先畀到你嘅睇公仔書味道。唔使諗,撐喇,好睇嘅,追買番第一期都唔過份。 相關資訊上官小威復刻《金漫畫》 3+1特別贈品版$98超抵 (Nov 13, 2017) 梁偉家x胡家寶Jam畫 天師x老祖宗同一時空 (Oct 31, 2017)

Read more ›
繼續真心撐港漫 《漫畫賓治2》11月推出
by / on 11/10/2016 at 9:00 am

繼續真心撐港漫 《漫畫賓治2》11月推出

即係咁,出得第二期,即係創刊號銷情唔錯喇,講緊嘅係《漫畫賓治》,已經正式截稿,並鐵定嚟緊11月推出第二期,當真可喜可賀。內容方面,第二期《漫畫賓治2》有李紅劍《虫變》、金城《重新》、Joe Wong《James come true》、黃書慶《笑傲江湖》等等,搞手喺面書咁話:「在此感謝今次所有賜稿的嘉賓主筆,當中包括:頂級主筆、行內高手、幕後精英、業餘畫手及隱世高人等的大力支持協助……希望各位只求付出,不問收穫的無私精神,讓港漫一直延續,多謝。」讓港漫一直延續,亦我心願也,希望撐咗創刊號嘅朋友撐埋第二期,無買創刊號嘅一次過買齊兩本喇,多多捧場呀老友。 相關資訊港漫x電影《悟空傳》 林祥焜創作漫畫版電影海報 (Aug 9, 2017) 港漫均一價$20 《西遊》113期開始加$1 (Aug 4, 2017)

Read more ›