Post Tagged with: "釣魚"

有片:強!腳趾罅夾龍蝦仔做餌!大魚堅上釣!
by / on 20/03/2017 at 8:45 pm

有片:強!腳趾罅夾龍蝦仔做餌!大魚堅上釣!

從來都說高手在民間,原來釣魚唔使用魚竿架,只要你五隻腳趾健全,一樣有魚會上釣。片中高手實在係強,用龍蝦仔做活餌,腳趾代魚勾夾實,然後放隻腳入水,未幾,真係有魚一啖連龍蝦仔帶腳趾一齊吞,仲咬到實一實唔放添。如此釣魚方法果真匪夷所思,難怪側邊另一釣魚大叔睇到呆咗,高手都好好心地,表演完畢就即刻放生,不過我想問,如果咁好彩引到條超超超超超級巨魚埋嚟,腳趾咪分分鐘不保?唔驚咩?

Read more ›

有片:神級釣魚高手!用玩具魚杆有魚上釣!
by / on 26/01/2016 at 8:30 pm

有片:神級釣魚高手!用玩具魚杆有魚上釣!

都說高手在民間,呢句話一啲都無錯,無諗過用玩具魚杆都可以釣到魚,仲要係喺海邊釣,仲要釣到嘅係大魚,仲要係小朋友釣到大魚。片中所見,小朋友又放線又收線,支魚杆又向左扯又向右揈,有魚上釣亦未見特別興奮,有可能相信佢係釣魚高手,已經唔只一次得手,叻! 相關資訊【新片速報】日本撳鐘貓新玩具 啟動推骨牌裝置超可愛 (Nov 16, 2017) 【相集】日本微型玩具攝影師新作 釘書釘變哥斯拉高樓大廈 (Nov 12, 2017)

Read more ›
有片:無人機放絲釣魚 成功上釣
by / on 09/09/2015 at 9:30 pm

有片:無人機放絲釣魚 成功上釣

片中人話:「I try fishing with my drone。」吓?唔係啩?用遙控飛機釣魚 ?珍珠都無咁真,真係半空放魚絲入水,咁當然要勾埋餌喇,而又真係有魚上 釣喎。飛機當魚杆,如此新穎諗法都畀佢諗到,服晒喇。不過我想知嘅係,究 竟用咗幾多時間呢?又,過程中,有無飛機墜毀報銷呢?如果有,咁呢條手掌 咁大嘅唔知乜魚,都算貴咯。 相關資訊有片:Lego遙控飛機飛上天!成功降落跑道! (May 17, 2017) 有片:更多動物變身 貓Drone一飛衝天 (Jan 5, 2017)

Read more ›
新片速報 釣魚變釣貓 兩隻游水喵河上飄流
by / on 02/09/2015 at 7:10 am

新片速報 釣魚變釣貓 兩隻游水喵河上飄流

兩個鬼佬Jason Frost同Brandon Key上星期六去咗美國阿拉巴馬州釣魚,點知魚未釣到就先釣到兩隻喵星人。話說佢哋呆呆咁等緊魚上釣時,突然聽到喵喵聲,仲見到有隻喵星人火速咁游緊過嚟,於是即刻救佢上船啦,當呢隻小喵喺船度行嚟行去時,佢哋又見到遠處有第二隻喵游過嚟,最後佢哋總共救起咗兩隻喵,仲放埋片上網。條片放上YouTube後勁多人睇,大家都讚佢哋嘅救貓行為好英勇,附近森林無人居住,估計係有無良市民棄貓,大家都好關心呢兩隻喵嘅最終動向,佢哋之後都喺YouTube報平安,話埋岸時遇到一個家庭,佢哋嘅兩個小妹妹勁鐘意呢兩隻貓仔,於是就決定收養嘞,睇完呢啲好人好事,心情都靚啲! 相關資訊【有片】呆咗!日本喵見按摩墊 著得識轉咁奇都有? (Nov 7, 2017) 【有片】日本流浪貓入屋 畫師畫畫變成咁 (Nov 5, 2017)

Read more ›
【阿寶又出動】求PS大神整「大」條魚 網友放女友相求改圖
by / on 04/08/2015 at 7:14 am

【阿寶又出動】求PS大神整「大」條魚 網友放女友相求改圖

PS大神唔可以亂召喚,今次中招嘅係一位外國男網友,佢同女友出海釣魚,女友釣咗條魚毛,佢就將張相放上網,召喚PS大神幫手整大啲條魚。結果好明顯,無人認真處理佢嘅要求,只係整「大」佢哋想整大嘅部位,又或者索性整大條魚整細佢女友。BTW,其實佢放女友張相出嚟係咪純粹想放閃咋?咁女朋友又靚身裁又好,其實條魚大細又有咩所謂?不過佢女友睇完啲改圖之後,可能以後都唔再同佢出海‥‥‥ 相關資訊【新片速報】大肚腩喵星人見魚發狂 又攬又踢Twitter熱傳 (Nov 3, 2017) 新片速報 PS4《大神 絶景版》7條影片同公開 (Nov 2, 2017)

Read more ›
新片速報    戰鬥民族寒冬釣魚    揹鐵爐上身燒住驅寒
by / on 21/02/2015 at 1:38 pm

新片速報 戰鬥民族寒冬釣魚 揹鐵爐上身燒住驅寒

戰鬥民族又出動,今次真係好勁!話說呢位俄國男人Jovan Stojanovic好鍾意釣魚,但係天氣凍喺湖邊企一陣都會結冰,咁點算好呢?佢居然諗倒將成個鐵爐揹上身,留意,個鐵爐係冒緊煙燒緊嘢嘅,佢話咁做可以避免好似其他漁夫咁凍到僵,咁為咗防止背部燙傷呢,佢又喺自己背部加咗塊厚紙皮隔一隔熱‥‥‥睇住佢背脊一邊噴煙一邊喺湖邊chok魚一邊望住鏡頭笑,我覺得好奇妙。 相關資訊玩具講故事 李小龍劈蕉 / 蜘蛛俠拍蚊 (Feb 2, 2014) 有片 戰鬥民族吊臂點煙超霸氣 (Jan 9, 2014)

Read more ›

異形蝦長18吋   美國釣魚友大發現
by / on 07/09/2014 at 2:09 pm

異形蝦長18吋 美國釣魚友大發現

如果唔覺意釣到一隻咁大嘅蝦,今晚應該有好餸食!呢隻超巨型嘅霸王蝦,長18吋,喺美國匹爾斯堡(Fort Peerce)發現,網友Steve Bargeron去釣魚,見倒旁邊嘅漁民釣到呢隻巨型蝦,當堂嚇一跳,跟住拎起手機拍低放上網。經網友人肉大搜查,估計佢係一種叫蝦蛄(Mantis shrimp)嘅生物,不過呎吋已經破晒紀錄。BTW,最正係網友嘅留言,話隻蝦蛄十足異形,嚇我唔倒嘅! 相關資訊【有片】「超親切」女超人對怪獸 教你搭地鐵守規矩 (Oct 15, 2017) 【終於有得睇】美國 VS 日本 巨型機械人大戰 (Oct 12, 2017)

Read more ›
新片速報    韓國貓喪釣魚   YouTube片熱播
by / on 23/04/2014 at 7:09 am

新片速報 韓國貓喪釣魚 YouTube片熱播

日本貓片睇得多,韓國貓都係第一次見。短短四日已經有60萬Views,全靠兩隻貓貓夠聰明!片中兩隻貓一隻玩魚杆,另一隻就起勢用手爪隻吊起咗嘅魚仔,fing fing吓,兩隻嘢喪玩自給自足,主人全程可以撟埋雙手拍片喪笑,逗貓嘅工作都慳返。呢隻貓抵養呀! 相關資訊【有片】日本喵星人沉迷上YouTube 後腳伸直好識嘆 (Nov 14, 2017) 【新片速報】哈利王子被偷爆谷 可愛妹妹做賊仔YouTube熱播 (Sep 29, 2017)

Read more ›