Post Tagged with: "鐵縱橫"

網圖分享:白冰的Q版港漫角色
by / on 12/10/2017 at 9:45 pm

網圖分享:白冰的Q版港漫角色

唔想用「萌」形容白冰筆下嘅Q版港漫角色,畢竟王小虎、王小龍、石黑龍、步驚雲、鐵縱橫、陳浩南同海虎都係英雄,「萌」太娘娘腔,但畫得很很很很很可愛卻是不爭事實。線條唔多架,但用色好,三幾筆就中晒神髓,好值得畀Like。 相關資訊《新著龍虎門》「*’b8豆a」係乜? 易天行成功奪舍未? (Dec 9, 2017) 《古惑仔》送手機貼紙 鷹靚定龍靚? (Oct 7, 2017)

Read more ›

邱福龍《鐵將縱橫完全版封面畫集》 唔買係你損失
by / on 23/08/2017 at 4:15 pm

邱福龍《鐵將縱橫完全版封面畫集》 唔買係你損失

唔得,呢本一定要買,係無得唔買,講緊嘅係《鐵將縱橫完全版封面畫集》,136頁,輯錄《鐵將縱橫》完全版封面126個(63個鉛筆圖+63個黑稿圖),分終極尊貴版同書屋版。終極尊貴版又細分鐵縱橫同赤殺王兩款,各售$300,包獨立編號證書,各限量200本;書屋版每本$200。唔講大話,完全版我無儲,但完全版封面我好有興趣擁有,所以必入。 相關資訊馬雲突入《山海逆戰》? 神農族大巫師功夫高唔高? (Dec 15, 2017) 《山海逆戰》54期出特別版 3D立體海報+專刊$68超抵 (Nov 9, 2017)

Read more ›
福龍生日快樂!白冰8-bit《鐵將縱橫》公仔賀牛一
by / on 21/02/2017 at 2:15 pm

福龍生日快樂!白冰8-bit《鐵將縱橫》公仔賀牛一

今日係邱福龍生日,佢已經將嚟緊《山海逆戰》嘅「福龍週記」掟上面書,透靈生日願望係「希望老婆同女兒一生幸福,也祝自己身體健康可繼續苦戰下去」,本網站在此祝福佢嫰人家心想事成喇。另,福龍Fans多,佢面書不但留言者眾,好多網友仲畫畫賀一賀佢添,當中,以白冰嘅8-bit《鐵將縱橫》公仔最養眼,有齊鐵縱橫、赤殺王、滅絕王、柴榮、九天雷祖、烈火太祖同藏王,福龍收到應該會好開心。 相關資訊藏王同滅絕王突入《山海逆戰》 于清化名「伍泳媚」? (Oct 21, 2017) 《山海逆戰》搞Gag? 伯益係首個用髮泥嘅人? (Sep 19, 2017)

Read more ›
《山海逆戰》初七啟市 四通街驚現鐵縱橫?
by / on 03/02/2017 at 1:15 pm

《山海逆戰》初七啟市 四通街驚現鐵縱橫?

初七咯,有幾多假都好,相信大家都開始正式投入工作。未習慣返工Mode?我都係,好彩,《山海逆戰》今日啟市,總算有啲心靈慰藉。今期第十期依舊好睇就梗,過癮在……唔知係咪我心多呀,喺第15頁四通街一隅驚見鐵縱橫身影,Crossover?應該唔係嘅,估計係福龍貪得意手痕嘅啫。BTW,新一年,祝福龍長畫長有,《山海逆戰》大賣,恭喜恭喜。 相關資訊很想要吧?《山海逆戰》山海卡第二彈開訂! (Nov 3, 2017) 《山海逆戰》印錯期數 Kent Chu送免費貼紙彌補缺陷 (Sep 18, 2017)

Read more ›
《鐵將縱橫》最終回加厚至32頁 兼送明信片
by / on 09/11/2016 at 11:00 pm

《鐵將縱橫》最終回加厚至32頁 兼送明信片

《鐵將縱橫》大結局,係好應該煲大佢嘅,邱福龍都算唔話得,第247期最終回全書加厚至32頁,拎上手肯定墜手咗,即係襟睇咗。而為隆重其事,最終回會推出「鐵縱橫版」同「赤殺王版」,各又細分電彩版同草圖版,即係一開四Total有四個版本。As讀者有乜著數?有,去「收藏家港漫專區」任選兩個版本,即送《山海逆戰》明信片一大張。明信片尺寸150x100mm,特厚粉紙雙面過膠印製,仲有四款添,讀者擺低錢之後就可以即場抽明信片,隨機抽,抽完無得換,報告完畢。 相關資訊香港版《鋼之煉金術師》完全版開訂 $1288送八張明信片 (Nov 28, 2017) 終於買得起!3D聶風火麒麟海報$200! (Oct 24, 2017)

Read more ›
齋買嚟儲都抵 《鐵將縱橫》五連環封面曝光
by / on 28/09/2016 at 9:00 pm

齋買嚟儲都抵 《鐵將縱橫》五連環封面曝光

李世民不屑的眼淚、赤殺王卑鄙的戰略、烈火太祖的透視未來……好緊張呀呵?如無意外計埋聽日嗰期,《鐵將縱橫》得番五期就正式完結。為賀大結局,邱福龍早喺兩個禮拜前已經「五連環封面起動中」,仲登咗幅極極極極極Raw嘅草圖俾大家先睹為快,而未來兩期嘅封面亦已經曝光,分別係李世民同鐵縱橫互睥、九天雷祖同赤殺王行功出招……真係靚到啪啪聲,不難預見五個封面併埋一齊有幾氣勢澎湃。誇張講句,就算無追開《鐵將縱橫》,就當畀$19買封面,齋儲呢五期封面都值得。 相關資訊網圖分享:港漫人出圖望颱風快快走 (Aug 28, 2017) 跟進:自嘲窮鬼+鹹濕鬼+爛賭鬼 福龍唔係撞鬼 (Aug 15, 2017)

Read more ›

《鐵將縱橫》藏王陣亡!我好唔捨得那日!
by / on 21/06/2016 at 10:30 am

《鐵將縱橫》藏王陣亡!我好唔捨得那日!

事忙,擒晚先有時間坐低慢慢睇第225期《鐵將縱橫》,今期書名叫〈萬世千秋 皇者殞落〉,封面那日俾兩把刀行住條頸,殞落皇者就係指呢個藏王。睇埋內文,慘慘慘慘慘,敵不過李建成神速道,那日身首異處,臨終化作一股意念,意念化成火人,火人穿越萬里傳遞訊息,通知滅絕王同赤殺王幫拖,當真壯懷激烈。 相關資訊《山海逆戰》超級Fans Edward Yu!添食創作異獸狸力泥塑! (Aug 9, 2017) 堅料!邱福龍撞鬼實錄! (Aug 6, 2017)

Read more ›
Dark限定水晶紀念號 一書一畫$160必搶
by / on 30/03/2016 at 9:00 pm

Dark限定水晶紀念號 一書一畫$160必搶

Dark又推出精品嘞,今次係限定水晶絕念號,分A、B、C、D四款,各包第215期《鐵將縱橫》同水晶畫版,各售$160。望過廣告相,雖然係用舊畫做畫板,但赤殺王、鐵縱橫、雷九天同烈火大祖真係畫得好靚好靚,呢舊幾水注定無得慳。我貪心,最怕忍唔住四款都買齊,到時唔知要畀幾多個舊幾水。有興趣入手,請致電「收藏家港漫專區」落訂,報告完畢,各限售100幅,有買趁手。 相關資訊福龍週記出處境題 兩皮嘢借畀碧咸好定李X和好? (Jul 25, 2017) 《山海逆戰》珍藏卡特別版三封面 賣萌雪晴版售罄 (May 24, 2017)

Read more ›
華英雄+阿狗+立花正仁+鐵縱橫 ACG聯乘Figure陸逐有來
by / on 28/07/2015 at 2:30 pm

華英雄+阿狗+立花正仁+鐵縱橫 ACG聯乘Figure陸逐有來

如果你係死忠港漫迷的話,一定要巡巡動漫節ACG TOYS攤位,事關該公司繼續聯乘各大港漫角色,而華英雄、阿狗、立花正仁同鐵縱橫已經入晒飾櫃,有辦你睇。記住,是次展出嘅只不過係「商討中」、「待定」、「審批中」嘅未完成品,未完成品已經咁靚,成品有幾精雕細琢可想而知。暫時,我就最Like阿狗Figure,碌砲夠大碌,好有型呀喂。 相關資訊《古惑仔》搞Gag 牛佬想整死佐維同立花? (Nov 27, 2017) 《古惑仔》紅魔女陣亡! Tommy離死不遠? (Oct 24, 2017)

Read more ›
福龍迷留意!鐵縱橫6吋首辦開賣!
by / on 13/07/2015 at 3:00 pm

福龍迷留意!鐵縱橫6吋首辦開賣!

放喺嚟緊嘅動漫節開賣唔係好啲咩?諗唔明福龍乜嘢葫蘆乜嘢藥。點都好,之前讀者成日怨福龍唔畀戲鐵縱橫做,寸佢「鐵路人」,家陣出鐵縱橫6吋首辦,作為死忠Fans嘅你應該第一時間入手喇。首辦分原色版、特別版同限量版,各限售30個,附底座同配件,各售$450,之前我喺2015香港動漫Show見過真身,唔算好精雕細琢,但整體比例做得幾靚仔,挽弓射箭呢個Pose亦屬少有,真心Mode覺得撐得過,收藏家港漫專區有售。 相關資訊邱福龍自爆《山海逆戰》銷量不及《鐵將縱橫》 讀者留言加油 (Mar 7, 2017) 雪晴首個繪本Figure 《鐵將縱橫》仗義賣廣告 (Oct 22, 2016)

Read more ›
仁義勇三版本 鐵縱橫1:6手辦開賣
by / on 09/02/2015 at 6:00 pm

仁義勇三版本 鐵縱橫1:6手辦開賣

乜Dark創立咗三年咋咩?個人感覺好似唔止咁嘅?Anyway,為慶祝三周年紀念,Dark推出鐵縱橫1:6手辦,分仁、義、勇三個版本,手工精緻絕對係炒得起之作,一句到尾,有訂趁手。 相關資訊展出聶風火麒麟雕像 驗明真身落訂唔遲 (Oct 10, 2017) 《小鐵漢》+《風雲徙置區》9月20日獨家開訂 (Sep 18, 2017)

Read more ›

網圖分享:女將縱橫 HeHe那日
by / on 22/01/2015 at 7:43 pm

網圖分享:女將縱橫 HeHe那日

讚呀!好鬼死鍾意呢手畫!居然可以將北院滅絕王、藏王那日、南院赤殺王同鐵縱橫呢幾個鐵錚好漢子變成女人,大眼紅唇、長髮馬尾、巨乳長腿,原來將《鐵將縱橫》變成《女將縱橫》係咁正斗嘅。萌就止呀,萌得嚟仲要HeHe味濃添呀,講緊嘅係變身陽光美少年嘅那日,嗰種基味,真係隔住個Mon都聞得到。作畫者Uneko Hey Mak仲話:「那日BB好可愛,好鍾意佢同北院HEHE!」不過臨尾都補多句:「其實我想識有睇港漫嘅女仔……」問你死未? 相關資訊2015香港漫畫Show 六大紙板公仔任影 (Jul 1, 2015) 福龍迷留意 赤殺王手辦出沒 (May 19, 2014)

Read more ›
網圖分享:廖光祖的女版港漫角色
by / on 24/12/2014 at 10:30 pm

網圖分享:廖光祖的女版港漫角色

之前廖光祖兄已經畫過女版王風雷,今次再介紹埋佢筆下嘅女版火雲邪神、橫刀、老宗祖同鐵縱橫。四幅大作之中,橫刀一向予人嘅冷峻味道大減,有點點飽歷風霜嘅落汨情懷;火雲邪神嘅姿體動作最令人想入非非,扭腰兀籮女人味滲晒出嚟;老宗祖最Sexy,打開胸襟露出大大條事業線,從來未諗過殺人唔眨眼嘅天下無敵可以咁性感;至於鐵縱橫嘛,唔知點解,硬係覺得有啲混血感覺,或者因為雙唇畫得厚咗啲啩,哈,如果鐵縱橫係女,仲要係Mixed,唔知風馨仲會唔會鍾意佢呢? 相關資訊廖光祖2018月曆 最後20個每個$160 (Oct 30, 2017) 網圖分享:港漫人的《存在的瞬間》畫展賀圖 (Oct 8, 2017)

Read more ›
福龍動漫節精品一覽 掃貨早落訂
by / on 21/07/2014 at 10:30 am

福龍動漫節精品一覽 掃貨早落訂

過幾日2014動漫電玩節開鑼,Dark Club都有唔少動靜,究竟有乜精品推出呢?老實唔算多,不過絕對係貴精不貴多。知你懶,亦知你貴人事忙,未必可以親臨動漫節,咁就唔該快快搵至Goal Club落訂,有買趁手呀老友。 相關資訊Kent Chu做到嘢 非Dark Club會員都攞到貼紙 (Sep 21, 2017) 動漫節2017 Coser圖集(下) (Aug 3, 2017)

Read more ›
奇珍透視版赤殺王精工首辦,限產60台,$420。
by / on 06/08/2012 at 12:00 pm

赤殺王、鐵縱橫首辦,必搶!

嘩!真係……個原因真係牽強咗啲囉,邱福龍喺今期《鐵將縱橫》賣廣告話:「《鐵將縱橫》故事即將步入新紀元,潛龍‧南院兩雄相遇,惡戰一觸即發!為隆重其事,破天荒首度推出鐵將縱橫與赤殺王之首辦精品以茲紀念。」 相關資訊周四唔使撲書 《鐵將縱橫》改周五出版 (Oct 18, 2016) 為福龍平反!黑面照樣可以好友善! (Oct 5, 2016)

Read more ›