Post Tagged with: "門小雷"

【有片】門小雷手繪電影系列  古天樂《尋秦記》+《殺破狼‧貪狼》
by / on 17/04/2018 at 8:52 pm

【有片】門小雷手繪電影系列 古天樂《尋秦記》+《殺破狼‧貪狼》

都唔記得嚟到第幾彈喇,總之就彈彈都咁正喇,門小雷聯乘FoolClub嘅手繪經典電影系列畫,今次畫新鮮出爐嘅金像獎最佳男主角古天樂。畫作裡面仲有兩個影帝添,左面係《尋秦記》,右面係《殺破狼.貪狼》,神髓出晒嚟。 相關資訊買嚟儲 《第37屆香港電影金像獎特刊》$98 (Apr 17, 2018) 有片:《明日戰紀》預告片 CG強有荷李活大片Feel (Mar 20, 2018)

Read more ›

門小雷《#Me》展覽 搶畫集+襟章+Tote Bag
by / on 19/03/2018 at 9:05 pm

門小雷《#Me》展覽 搶畫集+襟章+Tote Bag

門小雷新畫冊《#Me》搞新書發佈會兼展覽,屆時仲會有其他產品發售,Fans又要荷包乾硬化嘞。詳細價錢如下──《#Me》$220、《#Me》襟章$80、《#Me》襟章限量套裝連手寫編號$240,最多人搶應該係Tote Bag,超限量得20個,每個$280。 相關資訊【圖集】街頭藝術大師新作 中央公園變人臉展覽 (Jun 14, 2018) 日本《Love Live!》大膽的愛 巨型Tote Bag揹上身 (May 31, 2018)

Read more ›
門小雷新書《#ME》2月推出
by / on 16/01/2018 at 10:30 pm

門小雷新書《#ME》2月推出

暫時資料唔多,但對於門小雷迷嚟講絕對係好消息,事關佢2月將會有新大作《#ME》出版,仲將會喺東京做新書發佈會。不過放心,佢透露遲啲會喺香港舉行番展覽同簽名活動,依家睇住靚畫先,拭目以待啦老友。 相關資訊門小雷x心燒食堂 出限量啤酒杯 (Nov 17, 2014) 網圖分享:筆伐表態 港漫人的心聲(七) (Oct 26, 2014)

Read more ›
船頭尺同茶煲 門小雷手繪經典電影《秋天的童話》
by / on 12/01/2018 at 8:10 pm

船頭尺同茶煲 門小雷手繪經典電影《秋天的童話》

門小雷手畫真係無得輸,繼《胭脂扣》後,另一手繪經典電影《秋天的童話》剛剛出場。茶煲十三妹同船頭尺,即係鍾楚紅同周潤發,拼埋原圖簡直似到十足十,嗰種老情懷舊味道出晒嚟呀,鍾情港產片嘅你,包括我,應該會好Like。 相關資訊向Mark哥致敬 黃水斌Fruit Punch Tee第四彈登場 (Sep 23, 2016) 有片:《寒戰II》預告片 發哥老了面皮必鬆了 (Mar 16, 2016)

Read more ›
門小雷手繪《胭脂扣》經典一幕 靚到犯規
by / on 29/12/2017 at 3:22 pm

門小雷手繪《胭脂扣》經典一幕 靚到犯規

門小雷手畫真係無得輸,佢啲Time Lapse作畫影片,睇幾多次都唔會厭。最新有聯乘Fool Club嘅手繪經典電影作品,畫嘅係《胭脂扣》張國榮攬住梅艷芳抽水煙經典一幕,拼埋原相一睇仲有Mood,堪稱靚到犯規。 相關資訊網圖分享:齊來悼念張國榮 (Apr 2, 2018) 網圖分享:永遠懷念哥哥 (Apr 3, 2017)

Read more ›
門小雷聯乘Levi’s 影Orange Tab系列畫有嘢送
by / on 04/04/2017 at 8:45 pm

門小雷聯乘Levi’s 影Orange Tab系列畫有嘢送

門小雷又同品牌聯乘喇,今次合作單位係Levi’s,推出以「This is my style, my confidence」為主題嘅系列畫作,喺佢面書暫時只見兩幅相,一幅剪長裙,一幅前長髮,好認住嘞。行開街如果見到呢啲畫作,可以影低相掟上面書,就有機會贏到Levi’s禮物盒。不過講真,禮物盒啲甚麼Tote Bag呀、別注版襟章呀、85折Orange Tab牛仔褲優惠券呀等等,唔係唔想要,但如果有得揀,我寧願要門小雷呢兩幅原畫。 相關資訊免費攞門小雷《守護幸福的天使》 (Sep 25, 2014) 有片:門小雷唔揸畫筆揸Fitball 教人收腰 (Aug 27, 2014)

Read more ›

門小雷《The Blister Exists》後續精品 Tote Bag+Poster+邀請卡要儲
by / on 23/01/2017 at 9:15 pm

門小雷《The Blister Exists》後續精品 Tote Bag+Poster+邀請卡要儲

門小雷《The Blister Exists》越搞越大壇,繼售賣原畫後,2月4日新書簽名會當日仲有別注版Tote Bag發售,買書加$200即有一個;啱Feel嘅,可以買埋限量紀念版海報;而逢喺The Overlab買書,即送邀請卡一張,一書一袋一海報一邀請卡,撐場撐全套,呢鋪真係飽咯,開心死。 相關資訊崔成安「俠義龍情」環保Tote Bag 每個$120開訂 (Jan 16, 2018) 崔成安雙節棍連環圖譜Poster 一套四張$200開賣 (Nov 4, 2017)

Read more ›
門小雷《The Blister Exists》原畫 獨一無二每張$1000
by / on 17/01/2017 at 9:00 am

門小雷《The Blister Exists》原畫 獨一無二每張$1000

門小雷Pole Dance圖鑑式畫集《The Blister Exists》出售原畫,每張$1000,展期內即場發售,即買即拎走,買完無得換。聽清楚,唔係原稿複印本,而係有紙香有墨香可以睇得到筆觸嘅原畫,摸上手有質感,每張保證都獨一無二,小雷Fans必儲。至於貴唔貴,只可以話心頭好嘅嘢無話貴唔貴,我反而諗,無理由過膠架,買番屋企一定要用畫框裱起佢,如果唔係都幾難收藏。 相關資訊Toys Collector Market玩具收藏家販售展 九大漫畫家原畫展覽 (Apr 24, 2018) 睇《古生命》複製原畫 李健良開首個香港展覽 (May 27, 2017)

Read more ›
門小雷出手畫圖案唱片 小塵埃《A Little Louder》限量500隻
by / on 13/01/2017 at 11:00 am

門小雷出手畫圖案唱片 小塵埃《A Little Louder》限量500隻

如果鍾意門小雷畫風,咁呢隻《A Little Louder》你有必要買,《A Little Louder》屬圖案唱片(Picture Disc),限量500隻,由門小雷負責繪畫。老實,小塵埃啲歌好唔好聽就未知,但門小雷手畫有幾靚就有眼得睇,家陣我都心郁郁,想捧吓呢隊二人組合場。 相關資訊有片:賣廣告 門小雷講嘢似背稿 (Aug 18, 2014) 替門小雷插畫命名 阿Sa親筆簽名 (Feb 23, 2014)

Read more ›
鋼管舞教材 門小雷出《The Blister Exists》賣原畫
by / on 03/01/2017 at 9:15 pm

鋼管舞教材 門小雷出《The Blister Exists》賣原畫

有留意開門小雷都知,佢本身係一個極出色Pole dancer,由佢畫《The Blister Exists》合晒合尺。《The Blister Exists》其實唔只係畫集咁簡單,直頭係一本教材式圖鑑,內容圍繞鋼管舞動作,等讀者可以看圖學習。都好大陣仗架,新書發佈後會順便搞埋展覽,原畫仲打算公開出售添,每張保證獨一無二。印刷得幾精美都好,原畫同複印品係兩回事,鍾意原畫嘅門小雷Fans,要搶。 相關資訊門小雷畫集 11月畫展開售 (Oct 17, 2013) 門小雷玩嘢?出三本以上作品集? (Sep 29, 2013)

Read more ›
別矣莉亞公主 港漫人出圖悼念(二)
by / on 30/12/2016 at 8:00 pm

別矣莉亞公主 港漫人出圖悼念(二)

《Star Wars》Princess Leia一角實在太深入民心,隔多咗日,都仲有好多港漫人哀悼Carrie Frances Fisher離世,出圖悼念。今年好似特別多巨星殞落,希望2017年大家都平平安安,生活愉快。別矣莉亞公主,一路好走。 相關資訊「獅子山羊」Tee不日推出 (Jun 19, 2018) Felix Ip勁呀喂!《香港重機》系列出實體Figure! (Jun 15, 2018)

Read more ›

網圖分享:2016港漫人的聖誕賀圖
by / on 25/12/2016 at 5:00 pm

網圖分享:2016港漫人的聖誕賀圖

一年容易又聖誕,2016年話咁快又得番幾日,普世歡騰嘅日子,大家好應該過得得開開心心,之前有乜不快,唔該統統抹晒佢。港漫人出聖誕賀圖,排名不分先後──王澤、Eric Chow、何志文、杜比、Chan Ming、Cuson、孫威軍、馬遜、鄧本邦、廖光祖、Jim Lai、是但哥、黃國興、門小雷、林祥焜、丹青、黃水斌、邱福龍、崔成安、Tommy Lin──請慢慢欣賞,本網站仝人亦祝大家聖誕快樂,新年進步。 相關資訊網圖分享:崔成安翻新十幅舊畫 大師級傑作 (Jun 10, 2018) 馬遜《蘇生戰銃》單行本開訂 訂兩期送畫卡 (Jun 8, 2018)

Read more ›
Sally Coco x 門小雷 內衣女郎畫展
by / on 27/06/2015 at 8:00 pm

Sally Coco x 門小雷 內衣女郎畫展

門小雷畫風獨特,一向都係我杯茶,佢7月開新畫展《野性綻放Que Sera, Sera》,本來諗都唔使諗即刻捧場,但今次我有少少猶豫,因為是次畫展係同Sally Coco聯乘嘅,而主題係女人私密內衣。試想像男人老狗如我,處身一室都係五顏六色Bra嘅環境,你都咪話唔尷尬,但張宣傳海報又畫得咁靚,我又真係心思思想去捧場,點算好呢? 相關資訊日本品牌推出《Street Fighter》內衣 春麗Cammy套裝開訂 (Aug 30, 2017) 日本草皮內衣 目標客戶係咩人? (Jul 25, 2017)

Read more ›
網圖分享:門小雷的「好開心」版陳小朋友
by / on 12/06/2015 at 12:30 pm

網圖分享:門小雷的「好開心」版陳小朋友

即係我都知喇沙小學係名校,我亦知個個家長都望子成龍,但大家又知唔知小朋友本身點諗呢?疑似《國產凌凌漆》杜鵑幫個仔報咗11個興趣班,真係聽到都戥阿陳小朋友辛苦,莫講話玩,我諗佢連訓覺嘅時間都未必足夠,慘在仲要喺鏡頭面前疑似被逼地講一句:「好開心。」究竟真開心定假開心?呢個問題,門小雷代花生友問咗,佢喺面書作畫留言曰:「大聲啲講,我想你大聲啲講出你嘅心聲呀陳小朋友!」而畫風,仲非常之楳圖一雄Feel添。 相關資訊電子版《夜記》數夢,周慧敏嫁俾成龍? (Jul 4, 2013)

Read more ›
網圖分享:門小雷的《大時代》 玲姐的廿蚊戒指
by / on 27/04/2015 at 7:45 pm

網圖分享:門小雷的《大時代》 玲姐的廿蚊戒指

CCTVB半夜翻播神劇《大時代》,方進新(劉松仁飾)跪求老闆唔好炒魷魚一幕喺面書熱傳,哭崩觀眾者不少。《大時代》確係劇力萬鈞,尤其對比番依家播緊嘅膠劇,不論編劇功力、拍攝技巧、角色演技同認真程度都差幾廿個馬鼻,絕對值得大家捱眼訓番睇。湊熱鬧又好,向此劇致敬又好,門小雷作畫一幅重演玲姐(藍潔瑛飾)買廿蚊戒指一幕,畫技一流,一樣值得鼓掌。 相關資訊網圖分享:Cuson的《大時代》慳妹 周慧敏讚傳神 (Apr 30, 2015)

Read more ›