Post Tagged with: "阮大勇"

盧冠廷新碟《Movie To Music》 阮大勇畫封面
by / on 04/04/2018 at 7:48 pm

盧冠廷新碟《Movie To Music》 阮大勇畫封面

提起盧冠廷,第一時間腦海哼起N年前舊歌《天鳥》:「呀吓,我要飛往天上;呀吓,像那天鳥翱翔;呀吓,那裡充滿希望;呀吓,找那溫暖太陽」,2018年嘅今天,佢有新碟出呀,名為《Movie To Music》,而新碟封面則由阮大勇負責,構圖除大大個盧冠廷頭像外,五線譜上面仲有周潤發呀、陳友呀、鍾楚紅呀、洪金寶呀、劉華呀等等八九十年代巨星電影角色造型,親切感返晒嚟呀喂。鍾意盧冠廷啲歌固然要撐,再唔係,欣賞阮大勇手畫嘅都應該買番張收藏,我話嘅。 相關資訊【有片】木村拓哉15歲囡囡曝光 超強基因登日版《ELLE》封面 (May 28, 2018) 《Deadpool 2》外國超正電影宣傳 惡搞知名電影封面 (May 18, 2018)

Read more ›

赤柱朝聖 阮大勇開「海報師畫廊」
by / on 20/03/2018 at 9:00 pm

赤柱朝聖 阮大勇開「海報師畫廊」

自奪香港電影金像奬「專業精神獎」後,阮大勇呢個港產片海報之父多咗個稱號「海報師」,係實至名歸嘅,所以佢新開嘅畫廊都索性以「海報師」命名。佢喺面書留言曰:「下午開始海報師畫廊開幕,是我意想不到的事情。赤柱,這片小天地亦是我整合家庭及工作的好地方。」仲歡迎大家3月24日起入去參觀,呢個禮拜六有節目喇,一於入赤柱探吓佢嫩人家。 相關資訊【有片】門小雷手繪電影系列 古天樂《尋秦記》+《殺破狼‧貪狼》 (Apr 17, 2018) 2017年港漫界震撼彈 《天下》復刊網民一人一句 (Jan 10, 2017)

Read more ›
麥芽原酒 阮大勇電影海報做樽身標籤紙
by / on 14/03/2018 at 11:45 pm

麥芽原酒 阮大勇電影海報做樽身標籤紙

我唔好飲酒,但我鍾意阮大勇手畫,所以呢幾支由阮大勇經典電影海報做樽身標籤紙、木刻同紅色蠟封印有埋個「阮」字嘅KaVaLan噶瑪蘭砵桶單一麥芽原酒,我好有興趣擁有。係,買完係唔會飲嘅,我只會擺喺飾櫃,不過唔知價錢如何呢? 相關資訊日本最難忘動畫場面 插畫師自製電影海報Twitter熱傳 (Feb 8, 2018) 有片:《海報師:阮大勇的插畫藝術》加推70分鐘加長版 (Nov 2, 2016)

Read more ›
謝志榮想出水墨畫集 一人一句留言鼓勵唔該
by / on 27/02/2018 at 1:39 pm

謝志榮想出水墨畫集 一人一句留言鼓勵唔該

無聊瀏覽面書,睇到謝志榮幾日前出咗個Post,講佢有一個新年小願望,願望係2018年出一本個人水墨畫集,但因成本問題,心底裡十五十六,猶豫未決,原文係咁:「……早在兩年前開始計劃,邊學邊做,直至有兩位本地資深出版界人士,異口同聲的勸說:『高風險!』他們一個是書籍發行社倉務主管,一位是書刊總編輯,深知甚麼書買得與不買得。因此,這不是一般人能承擔的事情,莫問回報地投放心力和金錢。但是…連李志清和阮大勇老師都為我寫了序,只怕未能夠壓止自己這個任性的…..願望!」怕乜?我去過畫展睇過謝志榮水墨真跡,手畫絕對見得人喎!我自己就好Like嘞;任性?想做唔做,先係大遺憾呀。既然序都寫埋咯,點解唔出書呢?喺面書做足宣傳先決定印數得唔得?眾籌又點睇?Fine,不如我哋一齊留言畀謝志榮,一人一句鼓勵吓佢喇。咁當然,如果真係出得成書,大家記得實際課金支持喎,真心Mode,努力加油呀。 相關資訊李志清贈封面題字四揀一 馬雲呼籲投票幫幫眼 (Jun 15, 2018) 上官小威《金漫畫》第七至九期開訂 (Mar 12, 2018)

Read more ›
阮大勇有新作出 《卧底巨星》電影海報
by / on 15/12/2017 at 11:00 am

阮大勇有新作出 《卧底巨星》電影海報

  阮大勇創作不停,最新作品有1月12日公映嘅《卧底巨星》電影海報,一貫大頭Q版畫風,主角陳奕迅依舊畫得好有神髓,係好正嘅。隔一排喺地鐵站或巴士站見到呢張海報,記得打卡。 相關資訊有片:adidas世界盃廣告 陳奕迅做MC碧咸話想落場踢 (Jun 13, 2018) 《海報師:阮大勇的插畫藝術》上映 港漫迷應份撐場 (Aug 3, 2016)

Read more ›
《海報師:阮大勇的插畫藝術》出碟睇埋Behind the Scene
by / on 24/11/2017 at 8:57 pm

《海報師:阮大勇的插畫藝術》出碟睇埋Behind the Scene

之前因為就唔啱時間,所以我係無睇到《海報師:阮大勇的插畫藝術》嘅,心悻悻然。好彩,呢套電影剛剛出咗DVD同Blu-ray,可以買番屋企慢慢煲;更加正嘅係,買碟比入戲院有更多嘢睇,包括電影預告、20分鐘Behind the Scene同40分鐘活動花絮,仲送埋24頁幕後影像冊同明信片添。呢隻碟,無得唔入手。 相關資訊電影海報+漫畫封面 必睇阮大勇50周年作品展 (Jul 19, 2016) 很想要吧?崔成安的「我的武俠世界」掛鐘 (Jul 8, 2016)

Read more ›

撐able!阮大勇開《星光魅影畫展》!
by / on 26/06/2017 at 9:00 am

撐able!阮大勇開《星光魅影畫展》!

好消息,有海報師之稱嘅阮大勇又開畫展,名為《星光魅影畫展》,今次幅宣傳海報以星爺掛帥,八九十年代睇午夜場嘅美好回憶,霎時間返番晒嚟,真心講句正呀喂。展覽6月29日開皮,經過海港城記得入去望望,影番張相掟上面書呃Like。而Cuson,我諗佢必撐畫展,因為佢剛剛先Sketch咗幅《與海報帥合照》,亦屬畫得好有神髓之作,亦係要讚。 相關資訊Cuson利是封出場 狗奴必買 (Jan 8, 2018) 怪叔叔的必殺技=猛虎落地勢? (Dec 16, 2017)

Read more ›
網圖分享:港漫人贈畫 鼓勵雷特氏症小朋友(三)
by / on 24/04/2017 at 10:50 pm

網圖分享:港漫人贈畫 鼓勵雷特氏症小朋友(三)

嚟到四月尾,贈畫鼓勵雷特氏症小朋友嘅港漫人未停過,梁偉家有份畫,剛奪第三十六屆香港金像獎專業精神獎嘅阮大勇都有份畫,連一向忙到甩轆嘅邱福龍都不吝時間,賜畫一幅,齊齊支持「愛不罕見」呢個咁有意義嘅活動。Fine,睇靚畫之餘,本網站亦祝患病小朋友早日康復喇。 相關資訊網圖分享:崔成安翻新十幅舊畫 大師級傑作 (Jun 10, 2018) 動漫基地換新裝 換邱福龍Q版海報返屋企 (Jun 5, 2018)

Read more ›
今期必買 《香港電影金像獎特刊》+《我們都是這樣看港漫長大的》
by / on 11/04/2017 at 10:30 am

今期必買 《香港電影金像獎特刊》+《我們都是這樣看港漫長大的》

再次恭喜阮大勇奪第36屆香港金像獎專業精神獎,咁恭喜完,係咪應該做番啲實際嘢支持佢?Fine,除咗喺佢嫩人家留言恭喜外,我哋不如捧吓場買番本附送《阮大勇最愛五十電影海報集》嘅《香港電影金像獎特刊》喇,呢本好嘢絕對值得珍藏。另外,唔知大家會唔會一撐由范永聰博士編著嘅《我們都是這樣看港漫長大的》?我孤陋寡聞唔識范永聰,但我Like個書名,好有共鳴呀衰鬼!內容由港漫60年代講到千禧年,人物涉及王司馬、王澤、講到黃玉郎、漢民、馬榮成、邱福龍、狄克、牛佬、甘小文、鄭問等等,每本$88,鍾意文字書嘅港漫迷應該啱睇,兩本書「至Goal Club」有售。 相關資訊甘小文x Goal DX 推世界盃四格漫畫 (Jun 8, 2018) 悼!《古惑仔》牛姑之死! (Jun 4, 2018)

Read more ›
網圖分享:港漫人出圖 賀阮大勇奪專業精神獎
by / on 10/04/2017 at 9:32 pm

網圖分享:港漫人出圖 賀阮大勇奪專業精神獎

好耐無試過仆番屋企睇電視,擒晚我就雞咁腳仆番屋企睇第36屆香港電影金像獎直播,好彩,仲趕得切睇到阮大勇喺許冠文手上接過專業精神獎。阮大勇致詞嗰陣有少少口窒窒,好可愛呀,睇到我笑咗出嚟,哈哈,佢話寧願畫多兩張畫都唔想講咁多嘢,呢點我信呀!點都好,阮大勇攞呢個獎係實至名歸嘅,依家我哋一齊睇賀圖,順便畀多幾聲掌聲喇。 相關資訊林祥焜x西九龍中心 出Goodgirl Toy Bus巴士模型 (May 14, 2018) 【相集】復活節松鼠仔賀圖 雞蛋變道具超可愛 (Mar 30, 2018)

Read more ›
網圖分享:永遠懷念哥哥
by / on 03/04/2017 at 2:44 pm

網圖分享:永遠懷念哥哥

點解我哋每年都記得4月1日呢個日子,唔係因為愚人節,係因為呢日係張國榮死忌。今年係2017年,時間過得好快,都14前年嘅事咯,家陣諗番起都仲係心有戚戚然,除咗哥哥,我仲好懷念14前嘅香港,懷念啲乜?不解釋……睇靚畫喇。 相關資訊日本酒店超創意 「三文魚主題房」食玩瞓都係魚 (Apr 19, 2018) 網圖分享:上官小洪的港足新畫速遞 (Apr 11, 2018)

Read more ›

必買香港金像獎特刊 隨書附送《阮大勇最愛五十電影海報集》
by / on 31/03/2017 at 2:45 pm

必買香港金像獎特刊 隨書附送《阮大勇最愛五十電影海報集》

香港電影金像獎係年度盛事,固然要哺喺電視機面前睇足全場,今年唔同啲,睇之餘仲要買,因為今年香港金像獎特刊會隨書附送《阮大勇愛五十電影海報集》。正呀喂!阮大勇奪第36屆金像獎專業精神獎,依家仲出埋畫集,呢次仲唔係孖喜臨門?每本$98,4月3日起各大書局同報攤有售。真心,恭喜晒呀阮大勇。 相關資訊只此一家 必撐阮大勇「海報師」展覽 (May 10, 2016) 放心!《小強漫畫集》仲有第四期! (Jan 7, 2016)

Read more ›
第41屆香港國際電影節 阮大勇出海報
by / on 15/03/2017 at 9:31 pm

第41屆香港國際電影節 阮大勇出海報

第41屆香港國際電影節又嚟喇,係呀,又關阮大勇事呀,事關佢出咗幅海報,主題係向1997年電影致敬,《志明與春嬌》、《無間道》、《一代宗師》、《桃姐》、《臥虎藏龍》、《金雞》、 《花樣年華》……當中你又睇過幾多套?呢幅好報好靚,我估,原畫一定有市有價。 相關資訊崔成安x阮大勇雙劍合璧 兩舊水超值畫板 (Sep 26, 2015) 阮大勇第二張限量水晶畫版 正式開賣 (May 28, 2015)

Read more ›
恭喜!阮大勇攞專業精神獎!
by / on 10/03/2017 at 8:43 pm

恭喜!阮大勇攞專業精神獎!

恭喜晒!恭喜阮大勇奪第36屆香港電影金像獎「專業精神獎」!合理吖,幫咁多香港電影畫海報,喺港產片歷史裡面,阮大勇應份佔一席位,喺面書但見佢着晒老西打晒燈影相,好型仔呀!恭喜! 相關資訊阮大勇力作 李小龍畫板開售 (Apr 3, 2015) 好消息!《小強漫畫集2014》再版! (Aug 21, 2014)

Read more ›
漫畫星光大道週年同樂日 主筆親筆畫板曝光
by / on 19/01/2017 at 11:00 am

漫畫星光大道週年同樂日 主筆親筆畫板曝光

之前介紹過「香港漫畫星光大道週年同樂日」喺呢個禮拜六舉行,大家有無興趣?個心仲係十五十六?依家黄玉郎、馬榮成、邱福龍、阮大勇、李志清、鄺彬強、馬星原、Cuson、陳某、黃國興、鄧達軒等主筆親筆畫曝光,會唔會吸引力大增?唔只我你他等港漫迷,就連雪晴都話:「粒粒巨星……阮生嗰張我都好想抽中…想要」,我呢,就最鍾意邱福龍嗰張嘞。 相關資訊上官小威復刻《蟋蟀仔》 黃國興加推「123店」版送贈品 (Jun 5, 2018) 《山海逆戰》一書一立體海報$68 家陣開訂 (May 22, 2018)

Read more ›