Post Tagged with: "限定"

【Hea浸】日本期間限定    同1萬隻蛋黃哥浸溫泉
by / on 29/05/2018 at 7:30 am

【Hea浸】日本期間限定 同1萬隻蛋黃哥浸溫泉

同蛋黃哥一齊hea住浸溫泉,諗起都爽!今次仲要係一次過同1萬隻蛋黃哥浸,太過份嘞。最近佢同「極樂湯」合作,喺静岡縣同大阪兩間店做期間限定主題,入面成個溫泉都係蛋黃哥,一望無際全部都係黃色!除咗浸浴之外,場內好多地方都佈置咗蛋黃哥嘅主題,例如餐廳有蛋黃哥特式食品,當然唔少得大量精品任買,全部都係蛋黃哥浸緊浴嘅囂張樣,fans記住留意。 相關資訊世界盃日本贏波 大阪えびす橋震埋一份 (Jun 22, 2018) 日本流傳「百力滋復活術」 網民氹女兒偷偷調包 (Jun 22, 2018)

Read more ›

日本Kit Kat「壽司朱古力」 海膽軍艦大阪機場限定
by / on 19/04/2018 at 7:56 am

日本Kit Kat「壽司朱古力」 海膽軍艦大阪機場限定

上年愚人節Kit Kat公佈出壽司版,反應勁好最終銀座朱古力店開業時整咗500套送俾顧客,最近佢哋趁大阪國際機場新店開張,又推出壽司特別版,今次一盒有三款壽司,分別係吞拿魚(紅桑子)、海膽(蜜瓜加芝士)同埋雞蛋(香蕉)壽司,全部嘅白飯都係用脆香米再加白朱古力醬整成,之後仲會灑啲wasabi粉,好像真。香港人最鍾意嘅海膽軍艦仲有塊紫菜包住,限量推出570套,4月18日至5月6日,每日首30位消費滿3千円就可以免費得到,去開機場搭早機嘅可以碰吓運氣呀。 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›
日本地區限定可樂 上野/埼玉/名古屋今個月開賣
by / on 13/11/2017 at 5:01 pm

日本地區限定可樂 上野/埼玉/名古屋今個月開賣

去日本又要買喇,嚟緊11月20日,日本就會喺當地區推出上野、埼玉、名古屋地區限定版可樂,125円,仲要嗰區先買到,去開唔係唔買嘛?另外,之前仲有北海道、東京、横浜、京都、瀬戸内、熊本,睇埋先! 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
日本新宿哥斯拉主題店 限定T恤/相集10月30日開賣
by / on 29/09/2017 at 7:41 am

日本新宿哥斯拉主題店 限定T恤/相集10月30日開賣

哥斯拉套新動畫《GODZILLA 怪獸惑星》日本11月17日上映,最近官方就公佈會喺新宿開主題商店「Godzilla Store Tokyo」,10月30日開幕,除咗網上商店嘅貨品有得買之餘,仲有幾款店舖限定商品,包括杯、T恤、相集、模型等等,官方仲公佈會推出哥斯拉信用咭,一式四款,用佢嚟簽咭好霸氣。 相關資訊【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018) 日本秋葉原神奇特飲 凍結奇異果屹立不倒 (Jun 20, 2018)

Read more ›
日本杯緣子攬實大山椒魚 「京都水族館」限定款式
by / on 31/07/2017 at 7:53 am

日本杯緣子攬實大山椒魚 「京都水族館」限定款式

杯緣子大家都鍾意,攬住日本大山椒魚嘅杯緣子更加係超可愛。最近奇譚同「京都水族館」公作,8月1日推出呢個新系列,有館內最多人鍾意嘅日本大山椒魚,仲有企鵝、海獅、海豹、海豚等等嘅玩具,其中一款仲有杯綠子攬實大山椒魚,杯緣子仲着住水族館嘅員工制服,去開京都水族館嘅記住買嘞! 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›
日本限定Hello Kitty x Wonder Woman 貓頭繼續有蝴蝶結
by / on 17/06/2017 at 10:51 am

日本限定Hello Kitty x Wonder Woman 貓頭繼續有蝴蝶結

Hello Kitty仲有乜嘢係唔可以crossover嘅?當大家覺得今年萬聖節將會全城都扮Wonder Woman,取代上年嘅小丑女時,Hello Kitty已經率先扮咗,仲要頭頂繼續保留返個招牌蝴蝶結。今次呢個crossover目的係宣傳8月25日先喺日本上映嘅《Wonder Woman》電影,由即日起喺日本訂飛就有機會得到Hello Kitty x Wonder Woman鎖匙扣,預計遲啲應該會有大量精品推出,去開日本嘅Kitty迷記住掃貨嘞。 相關資訊日本網上熱傳相片 未來世界其實係澳門景 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›

【太邪惡】日本薯條Pizza面世 仲有關西限定「Pizza脆飯」
by / on 28/02/2017 at 11:12 am

【太邪惡】日本薯條Pizza面世 仲有關西限定「Pizza脆飯」

Pizza本身已經好邪惡,如果再喺面層加埋薯條‥‥‥實在太過份嘞!呢款Pizza日本有得食,雖然味道唔知點,但口感同飽肚感應該唔錯。除咗薯條Pizza,佢哋仲推出關西限定嘅「Pizza脆飯」,脆脆面層同餅底之間,夾住充滿芝士醬汁嘅意大利飯(Risotto),睇見都流口水,簡直係兩大邪惡軸心! 相關資訊日本隊聽日出場 18歲大原優乃水著打氣 (Jun 18, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›
日本7-11限定雪糕糯米滋      朱古力白蘭地味Twitter熱傳
by / on 09/12/2016 at 7:19 am

日本7-11限定雪糕糯米滋 朱古力白蘭地味Twitter熱傳

睇見都流口水!日本樂天最近出呢款雪糕糯米滋,只限日本7-11便利店有得買。朱古力雪糕入面夾住層白蘭地朱古力醬,面層仲有朱古力粉包住,有網民買咗返屋企試,放上Twitter後超多人RT。雖然實物無流心咁誇張,但都好好味喎。去開日本記住試吓! 相關資訊日本漫畫網吧有隔音個室 網民:「係咪即係平價情侶酒店?」 (Jun 18, 2018) 大阪地震 動漫迷災區震出「本子」 喜好慘被媽媽發現 (Jun 18, 2018)

Read more ›
日本哈囉喂版合味道 限定推出
by / on 09/10/2015 at 9:30 am

日本哈囉喂版合味道 限定推出

中秋已過,嚟緊節日數到Halloween,日本合味道推出四款哈囉喂版叮叮食物應節,包裝全部以黑色做主調。一,南瓜濃湯味杯麵,超甜,餡料有南瓜、車打芝士、紅蘿蔔同生菜(180日圓);二,有東北黑咖喱烏冬,豬肉味咖喱湯底,餡料有碎肉粒、薯仔、紅蘿蔔同蔥絲,保證有咬口(180日圓);三,墨魚汁日式炒麵,餡料有鯷魚,搭多幾條紅辣椒(180日圓);四,唔鍾意麵食,仲有南瓜濃湯味叮叮飯,餡料與南瓜濃湯味杯麵相同(220日圓)。話時話,唔知759阿信屋有無得賣呢? 相關資訊超正日清合味道「杯麵拉炮」 一拉噴麵條蝦粒牛肉粒 (Dec 21, 2017) 【有片】合味道再出新片 《海螺小姐》青春版變高中生 (Nov 22, 2017)

Read more ›
杯緣子霸氣舉腳   LAWSON買解酒飲品有得送
by / on 28/11/2014 at 7:32 am

杯緣子霸氣舉腳 LAWSON買解酒飲品有得送

喺日本便利店經常見倒呢類型嘅飲品,不過唔知係咩嚟唔敢亂買,呢支ウコンの力原來係有薑味嘅解酒飲品,嚟緊12月2日仲同人氣爆燈嘅杯緣子合作推出特別版套裝,喺全日本嘅LAWSON便利店買3支ウコンの力可以帶埋杯緣子走,今次杯緣子霸氣舉腳,一樣都可以爬喺杯邊,好鬼粗魯,係就係hard sell咗啲,不過有新意,最重係期間限定,即刻好想買。 相關資訊日本東京晴空塔限定版 杯緣子攬實花園饅超可愛 (Dec 6, 2017) 「星之卡比」肉包Lawson有得買 唔算崩壞喜出望外 (Nov 21, 2017)

Read more ›
周杰倫潮牌 x Gundam    黑人陳建州設計高達
by / on 18/09/2014 at 7:13 am

周杰倫潮牌 x Gundam 黑人陳建州設計高達

我認八卦,最先吸引我嘅居然係周杰倫而唔係Gundam。作為周董fans應該知佢有個潮流品牌PHANTACi,最近品牌就宣佈由今個星期五起,喺台北開設《機動戰士鋼彈》期間限定店,雖然個人認為台灣叫法「鋼彈」唔係幾潮,都係「高達」順耳啲。講返正題,今次聯乘會推出T恤,背心、帽、風褸共4種單品,主題係太空版高達,除咗賣產品,仲會舉行為期一個月嘅展覽,展出50款以上嘅特別版高達,大量名人紅人幫手改造,香港人比較熟悉嘅黑人陳建州同埋熱狗都有份參與。 相關資訊【有片】18分鐘「Gundam RX-78 Prototype」外傳 Fan Made影片超用心 (Jun 10, 2018) 有片:日本工程師係高達迷 自製8.5米高機械人曉行曉開槍 (Jun 7, 2018)

Read more ›

西瓜味OREO     夏日限定挑戰膽量
by / on 20/06/2013 at 7:55 am

西瓜味OREO 夏日限定挑戰膽量

OREO間唔中就會出啲奇特味道嚇吓食家,繼之前嘅薑餅味同埋Candy Corn味後,最新夏日款式就係西!瓜!味!只限美國嘅Target店有得賣,售價美金3蚊,有勇士試過,話味道好似西瓜味嘅吹波糖,即係唔係真西瓜味啦,至於入面餡料嘅顏色都好奇特,粉紅配湖水綠,少啲膽量都唔敢放入口,唔知香港嘅水貨零食舖夠唔夠膽入貨呢? 相關資訊有片:偷食Oreo吖嗱!用水淋醒女朋友! (Aug 13, 2016) OREO餅乾變畫板 超靚《大白鯊》Grumpy Cat (Aug 20, 2015)

Read more ›
晴空塔限定香蕉蛋糕   送萌爆香蕉手機吊飾
by / on 23/05/2013 at 8:39 pm

晴空塔限定香蕉蛋糕 送萌爆香蕉手機吊飾

唔知由幾時開始,香蕉蛋糕成為大家遊日本嘅必買手信,味道唔錯,不過最重要係佢經常推出限定版,今次推出晴空塔一週年紀念版,更加係必搶!因為隨機附送香蕉型手機吊飾,總共有三款,除咗戴上粉紅或粉藍色蝴蠂嘅可愛款式之外,仲有出現率只得4.7%嘅金色蝴蝶款,真係靚到我都想衝去日本買! 相關資訊【相集】日本喵星人超強「躍動感」 行動迅速充滿喜感 (Jun 18, 2018) 日本「二足步行貓」粘土重現 超期待實體化 (Jun 18, 2018)

Read more ›