仲記唔記得呢隻想偷入美術館睇貓展覽嘅黑喵？佢嘅憤怒眼神令佢喺網上爆紅，自從被保安拒絕入場之後，輯相喺Twitter有超過1萬個轉發，官方決定推出一個特別版Tote Bag紀念吓。個Tote Bag將隻喵變成超級巨型肥喵，被困喺玻璃門入面，而保安員就指住佢作出訓示。售價1500円，只係發行390個，呢間「尾道市立美術館」果然唔係一般美術館咁簡單，好有生意頭腦！不過隻貓有無得分佣？我驚佢會反嚟報仇。 相關資訊日本郵局「瑪利奧紀念郵票」 今日發售好想買！ (Jun 28, 2017) 奇妙街景圖 日本山口縣見鹿頭結他手 (Jun 27, 2017)

《Star Wars》真係商機無限，上年Nestle Cafe喺日本出過黑武士同白兵嘅咖啡機，堅靚，兩間公司friend底，所以啱啱見倒呢5款法國限量版嘅雀巢咖啡都覺得好合理，今次有齊R2-D2、C-3PO、黑武士、Boba Fett同Chewbacca，角色嚟講最想要黑武士，但味道呢，似乎C-3PO款Hazelnut最啱我口味，不過算啦，香港應該無得買。入嚟可以睇埋條片，每款都整咗啲特效，幾有心機，不過就小學雞啲。 相關資訊【好想買】BB-8超可愛USB風扇 瘋狂轉動透心涼 (Apr 26, 2017) 新片速報 今集有單機故事？《Star Wars: Battlefront II》預告率先流出 (Apr 12, 2017)

條片一開始就聽到黑武士熟悉嘅呼吸聲，星戰迷應該很想要。呢隻Devon Works同Star Wars聯乘嘅手錶全球限量500隻，而家預訂緊，不過價錢一啲都唔平，開價美金$28500，即係超過港幣22萬！賣得咁貴因為跟足Devon Works最出名嘅Devon Tread 1型號再改良，用料頂級，買錶仲送多對袖口鈕比你，唯一係嫌錶面太大，鬼佬先carry得到，同埋太貴。 相關資訊【小休】日本河邊驚見黑武士/白兵 悠閒傾計Twitter熱傳 (May 22, 2017) 【I Am Your Son】木工爹哋製作1:1仔仔木雕 黑武士淪陷 (May 17, 2017)

黃金PS4之前都出過，賣美金$13800，買唔起？而家可以平平哋齋買隻手掣。呢隻PS4同埋Xbox One嘅24K金手掣，由之前出過夜光PS4手掣嗰間COLORWARE公司製作，一隻賣美金$299，即係港幣$2300左右，相等於平時賣嘅普通手掣嘅6倍左右，講真，又唔算太貴。佢標明每款手掣只賣25隻，不過PS4已經售罄喇，而家Xbox One手掣仲有少量，土豪金呢啲貨長賣長有，擺上淘寶有無得炒? 相關資訊PS4金銀機公佈 6月9日香港行貨到 (Jun 6, 2017) 流出圖片 PS4即將推出金色機 (May 30, 2017)

《哈比人：五軍之戰》要等到12月17日先有得睇，係時候翻睇第一集做定功課。第一集最搶眼除咗我最鐘意嘅咕嚕，仲有火龍同埋矮人族爭餐死嘅精靈寶鑽，最近Weta Workshop宣佈推出呢粒寶鑽，連埋矮人族皇帝Thror雕像同埋張皇椅，全球限量1000座，開價美金299，即係港幣2300左右，近睇皇帝Thror嘅面相幾精緻，但係啲鬍鬚就好假，最搶眼都係粒寶鑽，勁閃，唔知真嘅有無咁燦眼？ 相關資訊超靚恐龍開瓶器網上預訂 好想插支飲管入佢口 (Sep 4, 2016) 日本Twitter熱傳古怪雕像 人型手掌網民話似《寄生獸》 (Sep 3, 2016)

真正鍾意影相嘅，實有玩過針孔相機(Pinhole)或者寶麗來(Polaroid)，咁呢部全人手製作，全球量產500部嘅66/6針孔即影即有相機毒唔毒倒你？Supersense出品，用嘅係寶麗來嘅經典黑白菲林White Frame格式，之所以叫66/6，係為紀念距離Edwin H.Land發明第一部即影即有相機66年，距離寶麗萊底片停產6年，連個名都浪漫過人。有興趣可以入去網站訂購，今日開始，手快有手慢無。 相關資訊【新片速報】影相靠天份+技術 真人實證「相機平貴」唔重要 (Jun 14, 2017) 【新片速報】日本網民直擊變色龍生產過程 珍貴影片Twitter熱傳 (Dec 23, 2016)

一諗起星戰同金色，我只會諗起C-3PO，估唔到白兵變金色原來都幾靚仔。呢個限量版白兵胸像，由美國Gentle Giant製作，目的係紀念公司成立10週年，想買極有難度，因為要先比$80美金成為會員先有機會預購，不過胸像都係賣$100美金，唔算貴。白兵旁邊仲跟咗隻Mouse Droid機械人，預計今年第四季推出。做唔做會員好？ 相關資訊C-3PO個腦裝布甸 日本網民：「好似猴子腦！」 (Mar 6, 2017) STAR WARS壽司鼓油碟 裝少少鼓油有樣睇 (Feb 14, 2017)

品牌The House of Solid Gold專出貴到爆燈嘅奢侈品，最近又有新產品面世。呢架號稱全球最貴嘅爬山單車，開價接近港幣780萬！貴在所有金屬部份都係用純24K金製造，土豪金喎，梗係貴啦！車身仲有個品牌logo，用咗足足600粒黑鑽同埋大量藍寶石鑲成，連水樽位都係鑲滿鑽石寶石，貴氣到呢。至於坐嘅位都唔失禮，係用鱷魚皮舖成，全球限量13架，踩出街直情係身份嘅象徵，不過點泊呢？ 相關資訊日本單車高手前座載女伴 大髀變拉麵叉燒五花大縛 (Jun 5, 2017) 【有片】日本單車新機能 座椅都有eject掣 (May 16, 2017)

iPhone5s同Samsung S4都有出金色電話，之前英國HTC都出咗全球只得5部，開價歐羅£2750嘅黃金版HTC One，可能市場真係有好多土豪，好渴市，最近美國HTC又宣佈推出24K金版本HTC One，賣美金$2500，即係大約港幣2萬蚊左右，外國網記者拎咗上手玩，話比起iPhone5S嘅金色版再閃啲，HTC仲計劃今個月喺芬蘭同埋歐洲地方推出金色版本，但係，金色真係咁靚咩？我睇唔透。 相關資訊【有片】MONDO GROSSO新曲 「満島ひかり」香港取景拍MV (Jun 6, 2017) 【有片】好感人呀！港男單車穿越撒哈拉 救貓女齊歷險 (May 25, 2017)

品味嘅嘢，係要自小培養，如果想第時嘅仔女未識行先識用原力，呢個星戰BB玩具真係要趁早入貨。我唔知呢啲吊喺BB床上面，郁嚟郁去嘅玩具正確學名係乜，但係我隱約見倒Death Star、Naboo Starfighter、X-Wing等等星戰物品。仲有仲有，佢貴到我眼都突嘅價錢 ─ 港幣$3500！！我要用兩個感嘆號先表達倒我嘅驚訝程度，呢筆錢夠買幾多罐奶粉？如果買倒嘅話。 相關資訊【連環圖】日本浣熊仔收玩具 攬到實超可愛Twitter熱傳 (Jun 27, 2017) 【多圖】神級玩具化妝師 重畫頭雕極像真 (Jun 23, 2017)

有時真係不得不讚福龍，期期《鐵將縱橫》都撚盡十二成功力，對得住真金白銀掏腰包畀十五大元嘅讀者，Dark Club搞聚會又肯親身出席，同讀者零距離接觸兼簽名簽到手軟，依家連送禮都真係攞個心出黎益讀者。 相關資訊邱福龍自爆《山海逆戰》銷量不及《鐵將縱橫》 讀者留言加油 (Mar 7, 2017) 好葡萄！港漫人賀會長生日贈畫！張萬有送老祖宗親筆畫！ (Dec 1, 2016)