Post Tagged with: "陳浩南"

網圖分享:白冰的Q版港漫角色
by / on 12/10/2017 at 9:45 pm

網圖分享:白冰的Q版港漫角色

唔想用「萌」形容白冰筆下嘅Q版港漫角色,畢竟王小虎、王小龍、石黑龍、步驚雲、鐵縱橫、陳浩南同海虎都係英雄,「萌」太娘娘腔,但畫得很很很很很可愛卻是不爭事實。線條唔多架,但用色好,三幾筆就中晒神髓,好值得畀Like。 相關資訊《新著龍虎門》「*’b8豆a」係乜? 易天行成功奪舍未? (Dec 9, 2017) 絕世好劍重鑄成功 步驚雲雕像再次開放 (Oct 5, 2017)

Read more ›

《古惑仔》送手機貼紙 鷹靚定龍靚?
by / on 07/10/2017 at 9:00 am

《古惑仔》送手機貼紙 鷹靚定龍靚?

今期第2067期《古惑仔》送手機貼紙,分大飛同陳浩南兩款,唔知大家收唔收貨?我買書嗰陣揀咗大飛,貪隻鷹型仔啲、線條顯眼啲,但睇完牛佬喺面書登嘅手機貼紙示範相後,我有丁點兒後悔嘞。一比,原來龍真係靚過鷹喎,無論構圖同顏色都搶眼好多,或者同手機殼本身顏色有關係喇,搞到我家陣心郁郁,想畀多廿蚊牛佬使,買埋陳浩南手機貼紙。 相關資訊寫個服字俾牛佬!峰迴路轉佐維唔使死! (Dec 14, 2017) 支持牛佬決定!佐維同趙繼邦攬住上路! (Dec 8, 2017)

Read more ›
《古惑仔》賀年海報點解釘埋一齊?《同擔日月天》又關甘尚武事?
by / on 26/01/2017 at 9:45 pm

《古惑仔》賀年海報點解釘埋一齊?《同擔日月天》又關甘尚武事?

1995-1996期丁酉孖寶版《古惑仔》送賀年海報,我等鍾意儲海報嘅港漫迷原本開心到拍手掌,但點知海報原來係跨頁釘喺書中間,咁撕唔撕佢落嚟好呢?呢鑊考起嘞。挑剔?或者喇,但唔只得我一個有呢個諗法,烏龜喺面書留言曰:「點解張海報釘埋係書到,唔係分開,有得換嗎?」Lau Chi Whai又咁話:「海報釘住嫁?」係喇,牛佬,點解唔分番開佢獨立一張呢?以前不嬲都係咁架。另,海報順便Sell埋倫裕國唱嘅《同擔日月天》,左起亦龍、大飛、伊健、甘尚武、陳浩南、大天二、立花正仁、生蕃同灰狗……唔,係咪覺得有啲問題呢?斷估應該係畫福田八大壯士赴死救南哥一役,但甘尚武屬第二代喎,應該無佢份喎,係咪原本想畫太子,但唔小心畫咗甘尚武呀?定係我意會錯?BTW,真心Mode,呢張海報畫得好靚。 相關資訊《古惑仔》搞Gag 牛佬想整死佐維同立花? (Nov 27, 2017) 《古惑仔》出錯? 同一期出兩回〈飛女正傳〉? (Nov 20, 2017)

Read more ›
網圖分享:白冰筆下的《山海逆戰》于若蘭
by / on 25/01/2017 at 9:15 pm

網圖分享:白冰筆下的《山海逆戰》于若蘭

口淡淡,悶悶哋,上面書搵靚畫睇睇先,撞吓撞吓又俾我搵到白冰。白冰畫嘅都係大路港漫人物同電影角色,火雲邪神、陳浩南、莉亞公主、聶風呢幾幅好高質,我尤其鍾意佢畫嘅《山海逆戰》于若蘭,面相直頭同原著有九成似,靚就係靚,值得一Look。 相關資訊馬雲突入《山海逆戰》? 神農族大巫師功夫高唔高? (Dec 15, 2017) 《山海逆戰》54期出特別版 3D立體海報+專刊$68超抵 (Nov 9, 2017)

Read more ›
牛佬賀特朗普勝出 《古惑仔》延後周五出版
by / on 10/11/2016 at 6:06 pm

牛佬賀特朗普勝出 《古惑仔》延後周五出版

唔好話政治唔關你事,原來美國總統大選都可以影響到你睇公仔書。今朝返工,落街去相熟書報攤,喂?點解無《古惑仔》嘅?問老闆娘,佢都不明所以;上網瀏覽面書先知原來牛佬為賀特朗普KO希拉莉,決定將第1973期《古惑仔》延至聽日先出版,我估係因為要重新畫過個封面啩?唔通牛佬初初都估希拉莉贏?BTW,但見封面陳浩南同特朗普拎住支古惑啤暢飲,既緊貼時事個封面又搶眼,仲可以順便幫自己賣埋廣告,呢招真係絕一絕! 相關資訊瑞新《火武耀揚》豪華珍藏版 11月22日見街 (Nov 8, 2017) 別矣《古惑仔》Tommy! 促請牛佬交代死因! (Oct 30, 2017)

Read more ›
跨頁陳浩南搭《從頭再來》歌詞!牛佬手字係得嘅!
by / on 07/09/2016 at 10:30 pm

跨頁陳浩南搭《從頭再來》歌詞!牛佬手字係得嘅!

牛佬公認為港漫界起字最好一位,呢點我認同。有時,得罪講,真係靠牛佬起字「救」番本書,畫面明明好悶,但旁白同對白起得好,霎時令古仔變得好睇番同緊湊番。例子有第1954期《古惑仔》,牛佬又出招,跨頁陳浩南靠邊站,另節錄劉歡《從頭再來》部份歌詞,個人認為幾營造到陳浩南侷住「重頭再來」嘅無奈感,幾吻合南哥心境──起朵,威過,衰過,死過翻生,東山再起,到依家再涉江湖睇住洪興二代,一生人循循環環都離唔開黑社會呢個圈。有讀者Tomm Wong Jr睇完留言話:「今日睇到呢版真係特別感慨。」能夠令讀者感慨,證明牛佬手字有番咁上下!佢仲喺「Cowman Msg」推介《從頭再來》,叫讀者上YouTube摷番嚟聽,我好乖,真係摷嚟聽,歌詞係幾有Mood,但劉歡嘅唱腔就……恕我正言,好重國產味,真係接受唔到。 相關資訊《古惑仔》紅魔女陣亡! Tommy離死不遠? (Oct 24, 2017) 《古惑仔》寫錯出版日期 紅魔鬼殺著係紅Bra? (Oct 21, 2017)

Read more ›

牛佬書展推出《古惑仔畫集》 限量必搶
by / on 07/07/2016 at 8:30 am

牛佬書展推出《古惑仔畫集》 限量必搶

呢條News真真新鮮滾熱辣,相信牛佬躉包括我一定好興奮!雖則《古惑仔》聽日先出到第1937期,但港漫達人Kent Chu喺面書爆料話:「《古惑仔》邁向第2000期紀念特別企劃:《古惑仔畫集》,誠意推介,書展優先限量發售,無論你係咪古惑仔,都應該要擁有,絕對唔講得笑!」暫時所得資料有三,一,書展有售,不過係限量發售,即係要搶,希望唔好太限量喇;二,唔知幾厚,但每本絕對唔會賣超過$250;三,唔花巧,得一個版本,唔會出乜乜特別版物物會場版,賣晒就無。望封面,構圖係陳浩南撻火點煙,好型,真係好型!呢本畫集一定會成為我書櫃一份子。 相關資訊《古惑仔》女殺手似教師 兩大神人仲未見到趙繼邦 (Oct 12, 2017) 《古惑仔》暗黑之門殺手登場 跪求牛佬咪咁快整死Tommy Lin (Oct 10, 2017)

Read more ›
新一輯《古惑仔》電影 胡歌、黃曉明或陳坤做主角?
by / on 31/08/2015 at 9:00 pm

新一輯《古惑仔》電影 胡歌、黃曉明或陳坤做主角?

開拍新一輯《古惑仔》電影事在必行,牛佬仲喺面書登咗張同「北京時代影響力」董事長郭婷婷喺砵蘭街嘅合照添。好,問題嚟嘞,第一男主角陳浩南由邊個飾演先?仲伊健?No喇,和平行政部Jackyman爆響口話:「以後嘅陳浩南,好大機會屬強國人演出,好大機會屬胡歌、黃曉明或陳坤。」吓?強國人做主角,個Feel唔夠Local喎,齋想像黃曉明擔住口煙喺銅鑼灣,坐喺欄杆撩耳仔扮南哥,我已經有少少起雞皮,感覺硬係格格不入咁嘅。Cast真係咁重要?真係一個香港演員都揀唔到? 相關資訊《古惑仔》送車寶山海報 不作完人便為禽獸 (Sep 29, 2017) 《古惑仔》送神之殺手海報 佐維著老西好斯文 (Sep 22, 2017)

Read more ›
ACG x《古惑仔》 陳浩南龍頭版Figure下周開訂
by / on 13/07/2015 at 4:00 pm

ACG x《古惑仔》 陳浩南龍頭版Figure下周開訂

係,無錯,係下周先正式開訂,不過有相俾大家睇住先。呢個由ACG聯乘《古惑仔》推出嘅陳浩南龍頭版12吋Action Figure,我恨到流晒口水,因為實在係型。眼看Poster未為真喎?你又講得啱,咁我又喺上周2015香港動漫Show見過真身,但見陳浩南西裝骨骨咬雪茄,翹起二郎腿穩坐龍頭寶座,整體造型極有霸氣,透過面書問過ACG,ACG話下周正式交代詳細資料,暫時所知賣$14XX,好期待。 相關資訊《古惑仔》送武神太子海報 有埋洪興+三聯權力排行榜好抵睇 (Sep 8, 2017) 《古惑仔》下期「隨時」送海報 係咪植錯字? (Sep 4, 2017)

Read more ›
2015香港漫畫Show 六大紙板公仔任影
by / on 01/07/2015 at 3:00 pm

2015香港漫畫Show 六大紙板公仔任影

本人就好期待呢個禮拜六嘅2015香港漫畫Show嘞,唔知大家到時會唔會捧場呢?報多單料畀大家知,到時展場會展出六個紙板公仔,包括牛佬嘅陳浩南、馮志明嘅霸刀、梁偉家嘅天師、邱福龍嘅赤殺王、黃玉郎嘅勝公子同戴慶賢嘅《秘密武器》,全部1:1真人身高,記得影番幅靚相擺上面書威威。 相關資訊梁偉家x胡家寶Jam畫 天師x老祖宗同一時空 (Oct 31, 2017) 梁偉家《滅絕遊戲張道陵畫集》開賣 每本$170 (Oct 18, 2017)

Read more ›
《古惑仔》3D陳浩南Tee開賣 會員九折
by / on 03/06/2015 at 9:45 am

《古惑仔》3D陳浩南Tee開賣 會員九折

牛佬話想打造一件大家可以真正著出街嘅Tee喎,所以就推出呢件《古惑仔》3D陳浩南Tee嘞。啱嘅,之前出過嘅Tee唔係唔型,但實在太浮誇,理論上同實際上都係珍藏可以,實著免問。今次呢件Tee賣$220,會員九折,唔貴,不過我想問嘅係,究竟邊忽3D呢?齋望相真係唔多覺眼吓,Anyway,作為牛佬天字第一號Fans,我就點都會買架嘞。 相關資訊曹志豪《死角》Tee $180 ToySoul有售 (Dec 15, 2017) 日本超可愛倉鼠Tee 面珠就是很立體 (Dec 1, 2017)

Read more ›

牛佬嚇鬼 南哥老花
by / on 01/04/2015 at 10:00 pm

牛佬嚇鬼 南哥老花

作為港漫死忠,我係連文字專欄都撈埋嗰類人,上期《古惑仔》專欄「Cowman Msg」咁話:「下一期,有個重點值得講吓──就係我哋嘅南哥勒!下期,牛佬將會以一個非常大膽嘅手法,嚟鞏托陳浩南進入另一境界!至於係乜手法,有勞大家及實!睇完之後,大家肯定會講句:『嘩!真係大膽喎!咁都夠膽死?』真架!以呢個手法嚟塑造港漫主角,係100%前無古人!唔係乜嘢驚天動地嘢,但係冇人試過,亦冇人敢制!」 相關資訊《古惑仔》新專欄 連載小說《飛女正傳》登場 (Aug 29, 2017) 受颱風「天鴿」影響 《古惑仔》延遲至周五出版 (Aug 24, 2017)

Read more ›
《古惑仔》1800期 牛佬無提過浩南哥
by / on 16/03/2015 at 10:44 pm

《古惑仔》1800期 牛佬無提過浩南哥

唔覺唔覺《古惑仔》已經去到1800期,牛佬喺今期專欄「牛佬的話」話:「喺牛佬個人嚟講,入行幾廿年,成就一般!但係如果講到值得自豪嘅,就係有份參與製作呢部全球最長篇連環圖故事。」唔係吹水,你可能會話我Seven,但真心Mode,到依家仲Keep住隔三日科十七個大洋畀牛佬使,我自己都與有榮焉。 相關資訊牛佬!《古惑仔》大格咗啲喎!韓賓一味耷低頭捱揪! (Aug 18, 2017) 牛佬《Bloody Girl》網絡劇開播 呂英紅年紀大咗少少 (Jul 24, 2017)

Read more ›
《古惑仔》復刻珍藏版打孖上
by / on 18/02/2015 at 10:00 am

《古惑仔》復刻珍藏版打孖上

過年係好開心,但都幾怕無公仔書睇,事關各大中小漫畫公司都推出新春孖裝版,兩期內容一次過睇晒,搞到打後個幾禮拜無精神食糧,都咪話唔慘。今年好啲嘞,因為牛佬一次過推出兩期《古惑仔》復刻珍藏版,內容講到o靚坤回歸搵陳浩南尋仇,堪稱劇力萬鈞嗰隻,照舊各售$38。慳住睇,又或回味再三睇,都頂得住個幾禮拜港漫真空期嘅。 相關資訊書展撐牛佬!撐《赤軀隨遇》! (Jul 20, 2017) 向《古惑仔》電影致敬? 冷氣機廣告惡搞南哥/細細粒/烏鴉 (Jun 29, 2017)

Read more ›
《古惑仔》繼續送卡 南哥賽雅情侶檔
by / on 09/02/2015 at 12:30 pm

《古惑仔》繼續送卡 南哥賽雅情侶檔

買咗今期《古惑仔》未?我買咗,堪稱劇力萬鈞呀今期!事關南哥終於醒番喇,仲一句:「大飛,你透一透,我嚟同佢打。」跟住就單挑陳俊賢,一個肘擊批到對手爆晒缸,委實睇得人異常興奮。今期繼續隨書附送年曆卡一張,構圖係南哥攬住賽雅,儲開海報卡仔嘅朋友,千其咪錯過。 相關資訊馬來西亞版利志達《刻毒》 送年曆卡多8頁睇 (Dec 8, 2017) Pariz Wong出月曆+年曆卡 大頭靜陪你減肥 (Oct 31, 2017)

Read more ›