Post Tagged with: "雪條"

東京銀座隱世甜品店 超正雪條Twitter熱傳
by / on 12/01/2018 at 7:37 am

東京銀座隱世甜品店 超正雪條Twitter熱傳

  呢間開喺東京銀座大型商場「GINZA SIX」嘅和服店JOTARO SAITO,一睇就知賣貴嘢,估唔到嘅係入面有超美味嘅甜品!有日本網民分享,話店入面嘅cafe有得賣雪條,唔止外形靚,仲超好味!佢就推介朗姆酒葡萄乾味,每支賣626円。話聽講個設計師本身好鍾意食雪糕,所以就開咗呢間cafe喺和服店入面嘞。而個post喺Twitter勁多人RT,另外有網民都試過呢間店嘅甜品,都話勁好味,絕對係間隱世甜品店,有興趣嘅記住bookmark去試試。 相關資訊日本渋谷任食炸雞 100円放題Twitter熱傳 (May 21, 2018) 【有片】超可愛雀仔短片 一齊轉超搞笑Twitter熱傳 (May 19, 2018)

Read more ›

超強偽裝!防止偷食!日本雪條推出扮保冷劑「Do not Eat」包裝
by / on 07/10/2017 at 6:55 pm

超強偽裝!防止偷食!日本雪條推出扮保冷劑「Do not Eat」包裝

你有冇試過,返到屋企好期待咁打開雪櫃,諗住食條之前買落嘅雪條,點知唔見咗喎!俾其他人食咗喎!如果你買嘅係「竹下製菓」出嘅「ブラックモンブラン(Black Mont Blanc)」防偷食包裝版,咁就冇呢個煩惱喇,因為佢包裝個面寫明係冰箱用保冷劑,大大隻字寫住唔食得,一般人應該唔會懷疑,但翻轉個包裝底部一睇,其實係雪條嚟呀!不過有日本網民都提出,話咁樣會唔會影響銷量呀?咁又會唔會有人調番轉以為保冷劑係雪條? 相關資訊日本知名設計師新作 腳趾尾都要戴頭盔 (May 22, 2018) 日本名模「平子理莎」47歲 外貌與真實年齡不符 (May 22, 2018)

Read more ›
人氣「日本刀雪條」網上熱傳 岐阜縣關市名物
by / on 26/08/2017 at 5:18 pm

人氣「日本刀雪條」網上熱傳 岐阜縣關市名物

覺唔覺得日本嘅雪糕、雪條特別好味?最近熱傳有呢款日本刀雪條,仲成為咗岐阜縣關市嘅名物。事緣關市最出名製作刀具,為咗發揚當地文化,有幾位學生諗到製作咗呢款「日本刀アイス」,有柚子同紅豆兩款味道,,大人細路都好鐘意,仲喺Twitter熱傳,不過暫時未有固定店舖,通常都係喺大型活動擺吓攤檔,賣1000円一支,買嚟影相都抵。 相關資訊【相集】喵星人大得好快 日本熱傳對比照超可愛 (May 18, 2018) 好型喎!手握刀柄識發光 日本刀「鬼燐刀」 (Apr 28, 2018)

Read more ›
【有片】透心涼「雪條」暗藏殺機     全部都係污染物
by / on 09/06/2017 at 7:34 am

【有片】透心涼「雪條」暗藏殺機 全部都係污染物

夏天梗係想食返條雪條,呢幾款雪條睇落清新冰涼,不過知道真相後會有啲想嘔。佢哋由4位國立臺灣藝術大學嘅同學製作,取自臺灣100個污染水源地嘅水,先製作成雪條,因為難易保存,佢哋再復刻成1比1嘅Poly模型做展覽。雪條唔止又黃又黑,仲夾雜住樽蓋、木材、木筷子膠套等等垃圾,好恐怖。製作今次畢業作品嘅目的係想令公眾反思水源污染嘅問題。作品唔止係台灣引起好大迴響,好多外國媒體都有報導。睇完之後仲想唔想食雪條? 相關資訊日本網都報 台中最美牙醫助護陳甯揎 (Nov 19, 2017) 日本網民發現 台灣TPE48票選可愛美少女 (Nov 14, 2017)

Read more ›
有片:乾冰加果汁/汽水 自製雪條話咁易
by / on 22/09/2016 at 10:00 am

有片:乾冰加果汁/汽水 自製雪條話咁易

呢個絕對係哄女友嘅最佳玩意,玩乜?自製雪條呀。方法好簡單,只需乾冰一大舊,將濕過水嘅圓形鐵通直接磨乾冰,磨呀磨,磨到乾冰凹出一個深坑,之後雪條棍放喺一邊,然後倒入你鍾意嘅果汁或汽水,畀啲耐性等一陣,液體就會結冰,如此這般就有雪條食咯。片中人示範咗紅莓汁、鳳梨汁同可樂,食得幾滋味吓,不過緊記食之前,要將支雪條過一過食水,否則會黐住嘴唇,到時有排煩嘞。 相關資訊【相集】日本驚青喵星人捐窿捐罅 直昇機經過嚇到匿埋 (May 8, 2017) 【慎入】北海道名物「瓜拿納」 真身好恐怖似眼球 (Feb 8, 2017)

Read more ›
【P圖時間】日本網民P奧運選手 網球拍變西瓜雪條Twitter熱傳
by / on 13/08/2016 at 12:43 pm

【P圖時間】日本網民P奧運選手 網球拍變西瓜雪條Twitter熱傳

日本呢隻西瓜型雪條「スイカバー」夠晒經典,最近睇奧運睇得咁開心,有日本網民就無聊P吓圖,將一班網球手嘅球拍P晒做西瓜雪條,效果好配合,大家為咗條雪條都表現得雄心壯志,輯相放喺Twitter勁多人RT。天氣咁熱,食住雪條睇奧運其實仲爽。 相關資訊日本大阪cafe三代貓 喵星人與貓頭鷹和睦共處 (May 22, 2018) 【日本投選】最想重製的80年代動畫 第1位《山T女福星》 (May 21, 2018)

Read more ›

有片:45日7小時2分鐘 史上最耐一杆──唔入洞!
by / on 09/11/2015 at 8:30 pm

有片:45日7小時2分鐘 史上最耐一杆──唔入洞!

史上最耐一杆高爾夫球出現了,揮杆,直到高爾夫球去到洞口,竟然歷時45日7小時2分鐘,因為機關重重。自進入鯊魚口後,高爾夫球跌入船仔,船仔要靠慢慢流落嚟嘅糖漿推動,之後交個波畀烏龜,係,無錯,烏龜揹住高爾夫球,俾食物吸引一步一步行去下一個機關,直至龜背上面支旗仔觸動彈弓,高爾夫球先跌入雪條陣,雪條仔相對簡單啲,花啲時間溶雪就過關喇,跟住……誇張咯,靠青草慢慢生長,逐厘米逐厘米推動個波,再之後……發射,誰知……他媽的,搞咗咁耐,居然擦邊唔入,嬲呀! 相關資訊有片:Lego車轆變義肢 斷手烏龜行得番 (Dec 14, 2016) 有片:Golf球桿=流動廁所!For man only! (Sep 27, 2016)

Read more ›
【雪條合體】日本網民自創冰西瓜    Twitter瘋狂RT
by / on 31/05/2015 at 11:03 am

【雪條合體】日本網民自創冰西瓜 Twitter瘋狂RT

夏天食西瓜最爽,如果係冰西瓜就更加爽。呢個日本網民@ARuFa_FARu自創嘅冰西瓜喺Twitter被瘋狂RT,15小時已經過咗16000個RT,因為佢係由15支西瓜雪條合併而成嘅!佢仲話呢個係佢嘅長年夢想,而家終於可以完成嘞。但係15支雪條,你係咪一次過食得晒架?實肚屙喎! 相關資訊【相集】日本Twitter超流行 分享搞笑「貓貓成長對比圖」 (May 18, 2018) 日本Twitter超流行 分享「影唔返第二次嘅靚相」 (May 17, 2018)

Read more ›
有片   狼牙棒仙人掌雪條   3D印刷搵人食
by / on 24/10/2014 at 8:00 am

有片 狼牙棒仙人掌雪條 3D印刷搵人食

3D印刷大神無所不能,最近就有設計師Wei Li 玩嘢整啲古靈精怪嘅雪條出嚟。佢哋先用3D印刷整咗個模出嚟,啲模根據返人類先天性恐懼嘅形狀,例如仙人掌呀、地雷呀、狼牙棒呀之類,然後再用個倒模整啲七彩顏色嘅支怪雪條比人試食,見到一支支尖刺嘅雪條,你敢唔敢放入口?我敢呀,仲想試晒咁多隻味O忝! 相關資訊【有片】第一身鞭鞭有力 《惡魔城》fan made遊戲免費玩 (Nov 6, 2017) 【有片】冰島3D立體斑馬線 懸浮設計提醒司機減速 (Oct 26, 2017)

Read more ›
風味特濃 日本推出意粉味雪條
by / on 12/03/2014 at 3:24 pm

風味特濃 日本推出意粉味雪條

日本赤城乳業嘅「ガリガリ君」人氣好高,而且亦都鍾意同唔同單位合作。不過嚟緊呢次就夠晒新意,因為日本網上出現咗呢張宣傳圖,就係佢會推出意大利粉味嘅雪條!凍咗嘅意粉我都唔想食啦,仲要變成「ナポリタン味」雪條?不過如果見到,真係會忍唔住買嚟挑戰。 相關資訊貓奴要去 日本超正旅館有貓入房陪玩 (May 21, 2018) 【新片速報】日本超嗲海豹仔 反肚摟摸捉實飼養員隻手 (May 21, 2018)

Read more ›
OREO製冰大法     消暑透心涼
by / on 23/06/2013 at 2:22 pm

OREO製冰大法 消暑透心涼

颱風打唔成,天氣繼續酷熱。星期日唔想出街,見倒呢個OREO官方建議嘅OREO製冰大法,即刻同大家分享吓。造法好簡單,將OREO餅壓碎加落製冰格入面,再加少少奶,雪到變冰就搞掂。官方建議用嚟配咖啡或者牛奶飲品,我呢,就肯定會原粒食,咁先夠消暑嘛! 相關資訊日本超邪惡士多啤梨甜品 食一杯飽晒 (Apr 13, 2018) 【超想食!】日本「士多啤梨日」 水果蛋糕店推32款流口水甜品 (Jan 7, 2018)

Read more ›