Post Tagged with: "電影"

喪屍打不完 《生化危機》電影6部曲Reboot
by / on 22/05/2017 at 10:50 pm

喪屍打不完 《生化危機》電影6部曲Reboot

當《The Walking Dead》都喪極唔完嘅時候,啱啱完咗6集嘅電影《Resident Evil》Reboot又有幾奇吖?況且佢仍然都係最收得嘅遊戲改篇電影系列。Constantin Film嘅chairman Martin Moszkowicz喺Cannes Film Festival度講已經有reboot計劃,不過暫時就冇任何資料公佈,只係預計Paul W.S. Anderson同女主角Milla Jovovich都會out。機迷梗係希望可以係阿Chris同Leon做番主角,跟番遊戲劇情,咦咁仲可以拍外傳添。 相關資訊【香港6月上】《生化危機》CG動畫新作 香港戲院有得睇! (May 8, 2017) 下年5月上映 《Biohazard》CG電影 Chris、Leon聯手出擊 (Dec 15, 2016)

Read more ›

【10大】日本女仔心目中「最浪漫邂逅」 勁似電影橋段
by / on 05/04/2017 at 7:46 am

【10大】日本女仔心目中「最浪漫邂逅」 勁似電影橋段

好想識個日本女朋友?最近日本有個調查,訪問女仔心目中「最命中註定嘅浪漫邂逅」。第三位係喺書店一齊拎同一本書掂到對方隻手;第二位係喺飛機上出手相助幫你將行李放上頭頂嘅行李櫃:至於第一位就留返俾你入嚟睇嘞。全部都好似電影橋段,睇嚟日本女性都好鐘意FF,而且唔怕老土嘅。入嚟有齊頭10位嘅結果,扮邂逅其實唔難。不過最怕其實結論都係your face, your fate。 相關資訊【新片速報】日本喵星人vs野生「貉」 眼神對決悍衞家園 (May 27, 2017) 【有片】日本監獄改修預想圖 會唔會太豪華? (May 27, 2017)

Read more ›
【新片速報】《斉木楠雄のΨ難》真人電影新片海報公開 橋本環奈好清純
by / on 15/03/2017 at 7:45 am

【新片速報】《斉木楠雄のΨ難》真人電影新片海報公開 橋本環奈好清純

由2012年開始喺《週刊少年Jump》連載嘅超人氣漫畫《斉木楠雄のΨ難》(齊木楠雄的災難) 將會拍真人版電影,官方啱啱出咗新片同海報,主角超能力者由「山﨑賢人」飾演,另外仲有飾演照橋心美嘅「橋本環奈」!橋本環奈今次著校服好清純,同《銀魂》挖鼻嘅「神樂」好唔同,大家鍾意邊個造型多啲?BTW,兩套電影都係由福田雄一做監督,睇嚟佢都好鍾意橋本環奈。電影預計今年10月21日上畫,遲過《銀魂》少少。其他演員仲有新井浩文、吉沢亮、笠原秀幸、賀来賢人、ムロツヨシ、佐藤二朗,入嚟有大量新造型相睇。 相關資訊柔軟的女神 橋本環奈瑜伽初體驗 (May 22, 2017) 網民愛到爆 橋本環奈出浴衣照 (May 12, 2017)

Read more ›
【新片速報】《不幹了!我開除了黑心公司》真人電影 福士蒼汰飾演謎之男
by / on 04/03/2017 at 7:06 am

【新片速報】《不幹了!我開除了黑心公司》真人電影 福士蒼汰飾演謎之男

日本上班族出名壓力大,尤其是剛畢業嘅年青人,經常有過勞死嘅新聞出現。呢套由日本超人氣小說《不幹了!我開除了黑心公司》改編嘅真人電影,聽個名都想睇!由福士蒼汰主演,仲有工藤阿須加、黑木華、小池榮子、吉田鋼太郎,描寫現代社會痛苦掙扎嘅年輕人,故事仲有啲懸疑,香港人睇應該都好有共鳴。啱啱有預告片推出,睇完預告堅有啲想入場睇。日本5月27日上映,希望香港都趕得切上映啦。 相關資訊日本補腦公仔麵 粉紅色麵條真人開腦示範 (May 8, 2017) 超正真人錯覺相 見唔見到隱藏動物? (Apr 19, 2017)

Read more ›
狼人《盧根》全球6款海報任睇     手部特寫版超有型
by / on 25/02/2017 at 11:39 am

狼人《盧根》全球6款海報任睇 手部特寫版超有型

電影狼人嚟到最終章,官方名叫《盧根》(LOGAN),3月2日香港都有得睇嘞。不過今次想講係呢套電影嘅海報。官方合共推出咗6個版本,香港常見嘅版本就係狼人抱住細路女,企喺夕陽前嘅半身相,另外有張細路女捉實狼人隻手嗰張手部特寫,其實仲型仲有氣氛,令人聯想起經典電影《舒特拉的名單》,日本Twitter好多人share呢張海報,我認崇日,就算香港版本嗰張夕陽海報,但配咗日本字都總係好似靚啲。入嚟有晒咁多個版本嘅海報同埋預告慢慢睇。 相關資訊【相集】日本「秋田犬」介紹「秋田縣」 超高質宣傳海報 (Apr 30, 2017) 《73漫畫》加推書店精裝本 送海報限量73本 (Apr 23, 2017)

Read more ›
貓奴重拍電影經典場面 喵星人做老臨靠零食
by / on 23/11/2016 at 7:15 am

貓奴重拍電影經典場面 喵星人做老臨靠零食

呢對英國情侶David同Sarah最近嘅「劇照」喺網上好受歡迎,佢哋搵埋屋企兩隻喵星人Tara同Willow一齊參演,重拍經典電影嘅劇照,包括《異形》、《人鬼情未了》、《閃靈》、《E.T外星人》、《美麗有罪》。對於做老臨,喵星人似乎唔多配合,要主人出動好多零食獎勵佢哋先得。嚟緊佢哋話會繼續呢個電影系列,兩隻喵星人相信有排忙嘞,霞姨記住派飯盒呀! 相關資訊【新片速報】日本喵星人勁似喪屍 攝入門隙片Twitter熱傳 (May 26, 2017) 【多圖】日本「喵星人瞓胸部」寫真 青山裕企貓創作第二彈 (May 26, 2017)

Read more ›

【新片速報】死神流克唱Pineapple Pen    蘋果筆寫死亡筆記
by / on 02/11/2016 at 7:13 am

【新片速報】死神流克唱Pineapple Pen 蘋果筆寫死亡筆記

《死亡筆記Death Note》新作電影、啱啱喺10月29日上映嘅《デスノート Light up the NEW world》,啱啱拎咗電影週末票房榜首,今次除咗有松山研一同藤原竜也再度出演之外,當然唔少得死神流克,啱啱佢就拍咗段片,同PICO太郎(ピコ太郎),玩返之前好hit嘅《Pen-Pineapple-Apple-Pen》,係就係遲咗少少,但夾晒一向鐘意食蘋果嘅流克一樣有驚喜,段片放上網好快被瘋狂RT。最尾流克仲用支Pineapple-Apple-Pen嚟寫死亡筆記,好正! 相關資訊【有片】日本超靚混色木顏色筆 紅加黃畫蘋果特別立體 (May 26, 2017) 【有片】西人版《死亡筆記》首條預告 夜神月學英文? (Mar 23, 2017)

Read more ›
悲!《Bloody Girl》改編成電影!唔出實體書!
by / on 28/10/2016 at 3:00 pm

悲!《Bloody Girl》改編成電影!唔出實體書!

大家有無睇喺漫畫app「漫本」連載嘅《Bloody Girl》?依家已經連載到第四十六回,我有追開,習慣臨訓攤喺床睇番半粒鐘,一次過連睇幾回,感覺好正。得知《Bloody Girl》會改編成電影,咁出唔出實體書呢?好可惜,牛佬喺第1968期《古惑仔》嘅「Cowman Msg」畀咗答案:「嗯…..可以肯定講句:『唔會!』因為香港嘅實體出版市場,已經返魂無術。主要問題係──租金不斷上漲,試問邊有報攤同書屋呢?所以,自己定咗──就算第日有乜新嘢推出,都會喺網站嗰邊想法子。」聽到呢個消息,我都幾欷歔吓,其實我真係想當面問牛佬,唔出薄裝周刊,咁出類似依家嘅復刻珍藏本得唔得?印少啲,賣貴番些少,包裝精美啲又好收藏,真係無得諗?至於散貨問題,誇啲講句,如果有心捧場嘅,直接上「和平」攞書都仲得,順便見埋牛佬攞埋簽名再影埋相,到時仲開心喇。喂,牛佬,諗諗佢吖。 相關資訊《古惑仔》派膠 佐敦有燈唔射射燈掣 (May 10, 2017) 喂牛佬!《古惑仔》印歪咗喎! (Apr 24, 2017)

Read more ›
【人面獸身】電影導演變藝術品    宮崎駿/星戰導演新造型
by / on 21/10/2016 at 7:14 am

【人面獸身】電影導演變藝術品 宮崎駿/星戰導演新造型

鍾意電影嘅朋友,應該會鍾意藝術家Jonathan Levine呢個系列嘅作品。用咗全球知名導演做主題,樣貌用返導演嘅招牌樣,而身體就集合晒對方嘅經典電影作品,導演包括日本動畫大師宮崎駿、《星戰》嘅佐治盧卡斯、恐怖大師希治閣、《阿凡達》嘅占士金馬倫,仲有史提芬史匹堡、添布頓等等,好正,數唔數宮崎駿個身混合咗幾多個電影角色? 相關資訊【必去】吉卜力美術館「食物」主題展覽 重現經典食物/餐廳/手稿 (May 27, 2017) 【好想買】BB-8超可愛USB風扇 瘋狂轉動透心涼 (Apr 26, 2017)

Read more ›
有片:戥余兒開心!《九龍城寨》出電影宣傳片!
by / on 01/08/2016 at 9:45 pm

有片:戥余兒開心!《九龍城寨》出電影宣傳片!

陳洛軍、吉祥、大老闆、AV、信一、十二少、龍捲風……係好開心嘅,如果你同我一樣都係司徒劍僑Fans的話,我諗連小說原著者余兒都估唔到自己嘅作品《九龍城寨》可以拍成電影,而出任電影監製嘅,係監製過《無間道》系列、《頭文字D》同《志明與春嬌》嘅監製莊澄。雖然電影2017年先上映,但余兒已經急不及待掟咗條宣傳片上YouTube,雖然成條片都係由舊畫稿Edit而成,但一加咗幾句旁白──「恩怨,在血色之夜結下」、「反抗,就是唯一的出路」、「絕境,得到重生的機會」、「活著,讓我活得有希望」、「用鮮血用汗水,粉碎敵人的靈魂」、「建立屬於我們的新世界」,就霎時熱血唔少。依家睇番,司徒劍僑啲畫都仲係咁靚。 相關資訊最本土!最癲喪!漫畫版《今晚打喪屍》四款海報出齊! (May 22, 2017) 溫定書睇戲 《今晚打喪屍》小說第一、二集$140開賣 (May 16, 2017)

Read more ›
【P圖大戰】揸槍變揸自拍神器 網民瘋狂改電影劇照
by / on 22/05/2016 at 1:59 pm

【P圖大戰】揸槍變揸自拍神器 網民瘋狂改電影劇照

聽日又要返工返學,星期日都係留喺屋企上下網算嘞。喺屋企無無聊,好多人會幫手P吓圖,香港人就去執腦細張瀑布相,外國人呢?將電影入面揸槍嘅畫面變做揸自拍神器。效果好神似,仲好奇妙。自拍得最型嘅,我會揀Terminator;最盡情?Harry Potter無得輸啦。 相關資訊【越睇越似】特朗普下巴似青蛙 外國網民瘋狂改圖 (May 5, 2017) 【多圖】Mr.Bean超高質改圖 狼人/佛地魔萬能key (Mar 28, 2017)

Read more ›

木顏色筆重畫電影海報 《蝙蝠俠對超人:正義曙光》都有份
by / on 03/04/2016 at 12:47 pm

木顏色筆重畫電影海報 《蝙蝠俠對超人:正義曙光》都有份

雖然《蝙蝠俠對超人:正義曙光》有唔少劣評,但係依然輕鬆成為香港上星期電影票房冠軍。其實咁多款海報之中,我最鍾意都係呢兩款。法國設計師Damien Paccalin好鍾意畫畫同電影,幾年間用木顏色筆重畫咗好多款電影海報,由《蜘蛛俠》到《變形俠醫》,以至最近嘅《蝙蝠俠對超人:正義曙光》都有,效果好正。 相關資訊【靚成咁】最靚迪士尼公主 重畫作品IG超人氣 (Apr 19, 2017) 日本版《金剛:骷髏島》海報有氣勢 各國電影海報比較圖 (Mar 31, 2017)

Read more ›
《格雷的五十道陰影》捐書熱潮 慈善書店:「不要再捐了!」
by / on 26/03/2016 at 2:24 pm

《格雷的五十道陰影》捐書熱潮 慈善書店:「不要再捐了!」

前排《格雷的五十道陰影》(Fifty Shades Of Grey)電影上映時都掀起過熱潮,唔止電影,本小說都賣得好好,不過呢啲情慾話題夠gimmick但就唔多持久,最近英國樂施會嘅慈善書店Goldstone Books就呼籲大眾唔好再捐呢本小說出嚟,因為佢哋實在收到太多太多嘞。睇返張相,佢哋一啲都無誇張,因為捐出嚟嘅書足以起到一道牆,至於點解個個都爭住捐本書出嚟,相信理由都好明顯‥‥‥ 相關資訊小說《鐵拐俠盜──無價之寶》復刻創刊 崔成安繪畫封面 (Jul 19, 2016) 《九龍城寨》小說第三期 十二少吉祥HeHe味濃 (Jun 23, 2016)

Read more ›
余兒威威!《今晚打喪屍》改編成電影!
by / on 15/03/2016 at 8:45 pm

余兒威威!《今晚打喪屍》改編成電影!

訪問過出版社「創造館」阿頭余兒,畀我感覺係個彬彬有禮、肯為夢想堅持到底嘅人,既係港漫編劇,一心想做小說作家,就不停寫寫寫,小說《今晚打喪屍》實際賣幾多書唔知,但惹嚟迴響係鐵一般事實。堅持到底,家陣終於有成績嘞,《今晚打喪屍》將會改編成電影版,監製係《打擂台》鄭思傑、導演係《喪屍血滴子》盧煒麟,主角係白只同張繼聰,前導海報已經見街,擒晚仲舉行咗影視展發佈會添。呢鋪真真落實架嘞,唔係得個吹字,呢套Cult片一定開拍,余兒,恭喜你呀,到時一定入戲院捧你場。 相關資訊漫畫版《今晚打喪屍》出海報 有身無頭係邊個? (Apr 27, 2017) 有片:正呀喂!《今晚打喪屍》電影預告喪嗌主角名! (Apr 12, 2017)

Read more ›
丸尾末廣《少女椿》電影版 中村里砂演主角綠子
by / on 16/02/2016 at 4:15 pm

丸尾末廣《少女椿》電影版 中村里砂演主角綠子

日本奇幻鬼怪系漫畫家丸尾末廣名作《少女椿》將拍攝真人版電影,由Torico執導,主角由中村里砂飾演,但見Poster裡面嘅佢著住經典大黃紅點裙,頭繫蝴蝶結,加埋個扁扁嘴斜睥眼表情,確實幾有原著漫畫版主角綠子神髓。數歷史,《少女樁》係丸尾末廣1984年作品,1992年推出過動畫版,2012年推出過舞台劇版,故事講孤女綠子加入雜技團,點知個個團員都係性變態,崇尚暴力血腥,色情玩意更加係層出不窮,綠子慘遭勞役同強姦,好彩Last有侏儒帶佢逃出生天,電影版將於5月尾喺日本上映,好想睇。 相關資訊有片:《少女樁》首條預告片 中村里砂邪氣逼人 (Apr 14, 2016) 【新片速報】「男男合體」睇戲買一張飛 成功暪騙戲院職員 (Feb 5, 2016)

Read more ›