Post Tagged with: "電腦"

【有片】神物!除時reboot你個腦 「Ctrl」「Alt」「Delete」隨身再起動
by / on 22/04/2018 at 7:45 pm

【有片】神物!除時reboot你個腦 「Ctrl」「Alt」「Delete」隨身再起動

唔,實際用途嚟講……即係好似之前啲無限枝豆、啪啪紙咁,都係冇實際用途,但就可以令到人隨時隨地爽一爽。呢個「Ctrl(コントロールキー)」「Alt(オルトキー)」「Delete(デリートキー)」嘅裝置名為「reboot anytime」,據講可以令你自己本身個腦清醒啲,其實即係唔做嘢淨係撳吓掣,放空吓,咪醒啲囉,而且撳落去個觸感仲好好添。o依家已經集資成功,2,830円,6月中出貨,講真有啲想買,個設計都幾靚。 相關資訊【生命力】一個月唔開電腦 顯示卡生出菇 (Nov 9, 2015) 【法國佬的浪漫】相機電腦種植物 爆發生命力 (Sep 21, 2015)

Read more ›

西非山區教用MS Word無電腦 男教師用粉筆黑板畫出畫面
by / on 24/02/2018 at 12:43 pm

西非山區教用MS Word無電腦 男教師用粉筆黑板畫出畫面

乜嘢叫教學熱誠?西非迦納嘅呢位男教師就示範咗嘞。佢喺當地嘅偏遠地區教學,上堂想教學生用Microsoft Word,可惜學校根本無電腦,讀Visual Arts嘅佢就諗到將成個畫面喺黑板度畫出嚟,再逐項解釋。佢將相片放上Facebook後好多人分享同留言,好多人都想像唔到仲有地方無電腦。好快有善心人捐助電腦同投影機俾佢哋,佢仲計劃將部份捐俾附近都係教ICT(Information and Communications Technology)嘅學校,好有意思! 相關資訊【相集】波蘭山區超靚「雪景」 靚到似仙境睇咗當去咗 (Nov 26, 2017) 高手太多 再睇日本開學黑板畫 (Apr 12, 2017)

Read more ›
【貓奴共鳴】日本貓扭蛋 喵星人瞓電腦超寫實
by / on 20/02/2018 at 7:35 am

【貓奴共鳴】日本貓扭蛋 喵星人瞓電腦超寫實

作為貓奴,實有經歷過俾喵霸佔電腦嘅日子啦?當你行開一陣,返嚟就會發現佢哋上緊網,有時用喵星人文搜尋緊嘢,有時睇緊片,有時瞓緊覺‥‥‥日本EPOCH新出嘅呢套扭蛋就有齊幾個唔同嘅款式,全部都同部電腦有關,好可愛,2月發售,一式六款。 相關資訊【新片速報】日本喵星人出動 牛仔褲「貓鬚」製造工場 (May 20, 2018) 日本推出 電話座連散熱風扇 睇片好啱 (May 20, 2018)

Read more ›
日本教師天才級發明 電熱水壺「電腦」Twitter熱傳
by / on 07/02/2018 at 7:01 am

日本教師天才級發明 電熱水壺「電腦」Twitter熱傳

係天才級嘅發明呀!日本呢位教師自製咗個電熱水壺電腦,表面睇係一個電熱水壺,打開個蓋會見到入面有齊電腦底版,旁邊就係大大小小唔同嘅插孔,可以插USB手指同VGA線,好有達文西feel,入面嘅配備據講係Intel i3,佢仲試用嚟成功駁著咗個芒。不過合埋個蓋之後應該排唔到熱嘞。 相關資訊日本薄切王 一條方包切47片 (May 20, 2018) 日本網民自創絕技 一秒全變「眼鏡娘」 (May 19, 2018)

Read more ›
【有片】造型超靚識著燈 自製《Overwatch》D.Va電腦機箱
by / on 28/10/2017 at 8:48 pm

【有片】造型超靚識著燈 自製《Overwatch》D.Va電腦機箱

有玩《Overwatch》嘅,都應該幾鍾意呢位韓國角色D.Va?而呢位韓國fans就似乎好有愛喇,佢聲稱用咗超過100個小時製作咗呢個D.Va電腦機箱,又係嗰句,我見親啲識著燈發光嘅嘢,就覺得特別靚。 相關資訊【有片】行得走得Cosplay 《Overwatch》D.Va外骨骼機甲服 (Nov 21, 2017) 【有片】外國阿爸氹阿囝 自製《Overwatch》Bastion裝甲 (Nov 2, 2017)

Read more ›
【有片】超正PC機箱!初音箱內跳舞原來係……
by / on 17/10/2017 at 12:57 pm

【有片】超正PC機箱!初音箱內跳舞原來係……

先前都見過好多日本網民將啲figure放入電腦機箱入面,再加埋啲燈,都靚喎。不過今次仲勁,入面隻初音識郁識跳舞呀!有冇咁犀利呀?其實就係用一塊透明嘅液晶屏幕嚟做到呢個效果,超正!好想整! 相關資訊日本「初音之日」+「渣古之日」 大量賀圖賀片 (Mar 9, 2018) 【2018出GAME表】 3月至4月 [PS4 /XBox One/Switch /PC/PS Vita] (Mar 3, 2018)

Read more ›

【有片】打機上網做運動 靜音「運動電腦枱」要呃人先要呃自己
by / on 25/07/2017 at 9:39 pm

【有片】打機上網做運動 靜音「運動電腦枱」要呃人先要呃自己

做運動有好多理由,不過唔做運動就有更多藉口,不過如果買咗呢張枱,你就唔可以再話打埋呢舖機先、做埋少少嘢先或者睇多少少嘢先做運動,因為你可以一路玩、睇、做,一邊踩車做運動。呢張「エクササイズデスクBGD-780」Exercise Desk賣38,016円,唔貴,而且仲示範俾你睇有幾靜音,一定唔會嘈到人!咁……不如買張呃吓自己先啦! 相關資訊喵星人專用電腦 有Mouse有魚樂無窮 (Aug 14, 2015) 外國機迷自製《Minecraft》電腦 四四方方識發光 (Aug 11, 2015)

Read more ›
【睇見都驚】倒瀉咖啡落電腦 原來被整蠱
by / on 16/07/2017 at 10:54 am

【睇見都驚】倒瀉咖啡落電腦 原來被整蠱

呢張相第一眼見到個心真係離一離,杯咖啡倒瀉咗落部MacBook度,個Keyboard濕晒,點算好?不過睇真啲原來全部係假嘅,用嚟整蠱人最啱,而且可以防止其他人盜用你部電腦,好想買! 相關資訊【超正】《週刊少年Jump》聯乘Georgia 50款咖啡有排儲 (Apr 23, 2018) 【愚狗節】日本狗狗被整蠱 頭頂冬菇超可愛 (Apr 1, 2018)

Read more ›
日本網民新玩法 海鮮發泡膠箱 變電腦機箱
by / on 04/06/2017 at 4:32 pm

日本網民新玩法 海鮮發泡膠箱 變電腦機箱

你屋企個電腦機箱係點?有晒LED著晒燈?定一話最緊要慳位?日本人喺呢方面都好花心思,見過有人放figure入去,加埋透明機箱同燈光,好有型……至於呢個,就別有一番風味,竟然係發泡膠箱!仲係一個本來要嚟裝海鮮嘅箱,真係好有地方特色!但點散熱?之後仲有網民分享,仲勁,係紙皮箱…… 相關資訊日本媽媽母親節收「浸浴紅玫瑰」 試用發現超恐怖 (May 19, 2018) 【一張圖變圖集】新奇揹背囊 二次元、三次元同步挑戰 (May 18, 2018)

Read more ›
超靚!美國木製電腦Volta V 打機有品味
by / on 13/01/2017 at 12:00 pm

超靚!美國木製電腦Volta V 打機有品味

本身對木造嘅嘢都有好感,呢部電腦更吸引係因為佢木造之餘好細部。全手掣,用上American hardwood為材料,備有水冷系統,而且有唔同規格可以揀,不過價錢…… 相關資訊【有盒就是任性】iMac盒變滾輪 滾出品味生活 (Aug 3, 2015) 【一人一張電腦桌面】搞笑icon任玩 Chrome/Firefox圍揼IE (Jun 2, 2015)

Read more ›
日本喵星人霸晒兩個芒 兇狠眼神Twitter熱傳
by / on 10/11/2016 at 7:13 am

日本喵星人霸晒兩個芒 兇狠眼神Twitter熱傳

可能天氣開始凍,又可能喵星人全部其實都係電腦奇才,所以經常都會喺電腦前發現佢哋「霸」住部電腦。日本啱啱有網民放咗呢幾張連環圖上網,樓主話佢新加咗個芒喺屋企,不過喵星人就決定兩個芒都要霸晒,攝正喺中間,仲露出一個兇狠嘅眼神,邊個埋嚟鬧邊個呀!呢度全部電腦都係我架! 相關資訊又係咁?日本便利店入多貨 店員美圖促銷意粉 (May 18, 2018) 【有片】京都嵐山竹林大量破壞 竹上寫字有中英韓文 (May 18, 2018)

Read more ›

【想買】喵星人萌爆玩具 抓報紙爬電腦超可愛
by / on 26/06/2016 at 3:01 pm

【想買】喵星人萌爆玩具 抓報紙爬電腦超可愛

仲記唔記得呢班喵星人?由日本插畫家ねこむら(貓村)創作,之前出過電話耳機塞,紅到個個貓奴爭住買。最近台灣公司研達拎到日本方面嘅授權,推出咗合共8款嘅迷你玩具「貓村I Love Cat-喵日記」。有喵星人抓報紙,爬電腦芒、玩廁紙盒等等款式,全面都附合晒喵星人嘅喜好,有幾款仲可以做埋杯緣子掛喺杯邊做裝飾,喺台灣7-11或者PC Store網店有得買,好想儲齊一套! 相關資訊【有片】挑戰笑點底線 日本網民飼養謎之生物 (May 18, 2018) 【相集】日本Twitter超流行 分享搞笑「貓貓成長對比圖」 (May 18, 2018)

Read more ›
【唔好再扮貓】喵星人又斷正 玩電腦連錯3次密碼被攝
by / on 12/06/2016 at 7:13 am

【唔好再扮貓】喵星人又斷正 玩電腦連錯3次密碼被攝

有無發覺喵星人好鍾意玩電腦?除咗瞓喺芒前芒後取暖之外,有啲仲好鍾意踩keyboard學打字。最近外國網Imgur有人放咗呢張貓相,佢話自己部電腦設定咗連續入錯3次密碼會自動影相。佢今日返返吓工,電話就收到呢張屋企喵星人嘅相。網友個個留言話好搞笑,有人問係咪Watch Cat 2?另外喵星人個樣似乎好認真,完全唔知自己已經斷正,唉,唔好再扮貓嘞。 相關資訊【相集】喵星人大得好快 日本熱傳對比照超可愛 (May 18, 2018) 日本喵星人匿藏失敗 鼻頭露出超可愛 (May 17, 2018)

Read more ›
【恐怖】俾喵星人嚇親   日本貓奴開電腦見恐怖貓樣
by / on 06/06/2016 at 7:15 am

【恐怖】俾喵星人嚇親 日本貓奴開電腦見恐怖貓樣

有時真係會俾喵星人個樣嚇一跳。好似呢個日本網民放咗呢幾張圖上twitter被瘋狂RT,佢話自己想集中精神對住電腦做嘢,點知就見到電腦後面嘅喵星人攤喺度做出呢個咁恐怖嘅樣,十足妖怪一樣。睇返呢隻喵星人,原來平時都係鍾意做古怪表情,成日扮認真扮惡,不過一睇就知得個扮字,其實超可愛。 相關資訊覆whatsapp好攰呀!日本Softbank出啞鈴電話殼 (May 17, 2018) 日本Twitter超流行 分享「影唔返第二次嘅靚相」 (May 17, 2018)

Read more ›
【有片】瘋狂機能!3萬美元砌PC 1部機同時玩7隻遊戲?
by / on 06/01/2016 at 9:34 pm

【有片】瘋狂機能!3萬美元砌PC 1部機同時玩7隻遊戲?

3萬蚊美元!實在太誇張。呢個「LinusTechTips」頻道將贊助得番嚟嘅大量配件砌埋成為一部超級電腦,當中包括256GB RAM (8x 32GB)、7x AMD R9 Nano graphics cards、8x 1TB SSDs……簡單講,就係1部機可以當7部用,呢個示範就係其中「1部」運行《Crysis 3》嘅3440x、最強設定(60-100fps),之後其他6部就loop緊啲demo。 相關資訊【2018出GAME表】 1月至2月 [PS4 / XBox One / Switch / PC / 3DS / PS Vita] (Jan 7, 2018) 【2017出GAME表】 11月至12月 [PS4 / XBox One / Switch / PC / 3DS / PS Vita] (Nov 5, 2017)

Read more ›