Post Tagged with: "靈異"

【新片速報】日本靈異變種貓 逐漸飄近嚇死人
by / on 09/07/2018 at 7:01 am

【新片速報】日本靈異變種貓 逐漸飄近嚇死人

嚇死!喺Twitter見到有日本網民分享呢段片,以為係變種生物,白貓頭配圓形毛身體,仲識向前飄,睇真啲發現只係一隻假貓,由於係用羊毛氈做嘅,所以效果都幾像真,仲幾恐怖添。樓主幫佢改咗個貓名叫「バルン」,今年0歲。 相關資訊【相集】日本「顏藝王」雪橇 超強表情Twitter熱傳 (Jul 21, 2018) 日本神人畫「3D串燒」 超像真睇到流口水 (Jul 21, 2018)

Read more ›

非常嚇鬼 Google街景見日本福島停車場謎之女人
by / on 23/10/2017 at 4:22 pm

非常嚇鬼 Google街景見日本福島停車場謎之女人

Google街景成日都見到啲好特別嘅嘢,有網民就發現喺福島縣福島市呢間「やまや福島西店」嘅停車場,就見到呢個企喺度嘅女人,雖然日光日白,但個氣氛都幾寒。又原來,2015年8月已經有人影到……好有靈異感覺。 相關資訊日本小妹妹IG熱傳 超濃密頭髮大爆發 (Jul 20, 2018) 日本熱到癲 太陽伯伯「變樣」網民大改圖 (Jul 20, 2018)

Read more ›
【有片】星期日晚嚇爆你 洋娃娃自動郁 大廳無端大風吹
by / on 15/01/2017 at 11:11 pm

【有片】星期日晚嚇爆你 洋娃娃自動郁 大廳無端大風吹

星期日晚刺激吓,英國《每日郵報》報道,呢條影片據講係喺屋企嘅cam拍到嘅,首先,當小朋友喺度玩洋娃娃時候,其實右手邊另一個洋娃娃個頭已經自己郁喇!之後另一段,佢喺廳度畫畫,突然之間好似有一陣風吹郁佢啲紙咁,到佢走咗又冇事,但當佢返嚟後,又吹多次,今次仲勁……其實會唔會係電影宣傳片呀?嚇我唔到嘅。

Read more ›
【新片速報】超靈異!直播新間期間 女人突然失踪
by / on 20/03/2016 at 3:51 pm

【新片速報】超靈異!直播新間期間 女人突然失踪

你信唔信有鬼?信唔信有外星人?丹麥電視台最近直播新聞時,就發生咗件靈異事件。當時佢哋喺機場拎行李位置訪問緊手球隊教練,後面有兩個女人傾緊計,但係突然間,其中一個女人竟然消失咗!有人話佢係瞬間轉移,有人話佢俾外星人捉走咗,不過更多人話佢其實係同旁邊個女人一齊移動,咁啱被佢遮住咗。條片放上網好快已經過百萬點擊,我諗好多人同我一樣不停翻睇。 相關資訊京都喵星人失踪半年 大阪地震後返屋企尋親 (Jun 24, 2018) 日本雨傘防失踪方法 扮警局財物網上熱傳 (Sep 22, 2017)

Read more ›
【有片】狗狗毛公仔靈異事件 神秘力量監生扯走
by / on 15/02/2016 at 7:08 am

【有片】狗狗毛公仔靈異事件 神秘力量監生扯走

呢條片好好笑,片中見到一隻毛公仔狗狗,被神秘力量喺門嘅另一邊狂扯,估唔到隻毛公仔咁有彈性,居然可以喺門罅成功鑽出。打開門一睇,噢,原來係屋企隻真狗狗要玩具。好彩拍片嘅Dennis Dole打開度門,否則喺屋企無情情見到呢個場面,都咪話唔驚。 相關資訊Burger King員工每日送漢堡包俾患癌狗狗 網民感動熱傳 (Jul 21, 2018) 【有片】狗狗自創消暑大法 瞓水澗順水流漂走 (Jul 20, 2018)

Read more ›
有片:鬼上公仔身?Walking Doll自己識行!
by / on 15/10/2015 at 9:45 pm

有片:鬼上公仔身?Walking Doll自己識行!

日光日白睇呢條片都覺得寒一寒,如果咁唔好彩喺夜晚撞到呢個Walking Doll,我諗我嗌都似!係,Walking Doll呢個名係我作嘅,因為佢真係識行,仲要係唔使拖住都識自己行,仲要行得好似一個人,而事實上佢只不過係一個公仔,一入電就曉行嘅公仔,估計係上世紀七八十年產品,專For教小朋友行路而設,而唔係乜嘢靈異錄像,不過由於太詭異,所以好多外國網友都叫佢做「Devil Doll」! 相關資訊日本真實版《龍貓》 喵星人瞓巨型毛公仔Twitter熱傳 (May 23, 2018) 【多圖】日本靚女同公仔一模一樣 遊歷日本拍攝相集 (May 5, 2018)

Read more ›

【有片】慎入!日本Nico直播現超恐怖靈異片段 公仔隻眼突然識郁!
by / on 20/09/2015 at 3:56 pm

【有片】慎入!日本Nico直播現超恐怖靈異片段 公仔隻眼突然識郁!

建議日光日白兼唔好一個人睇……直播中出現靈異影像,真係睇到人心都寒埋。呢位人氣「ニコ生主」,喺網上直播時,其中一個場面中,佢用隻手去搞呢隻公仔,就喺佢隻手掂到佢頭右邊嘅時候,隻公仔隻眼竟然向右望一望!只係一瞬間,好快就回復正常……呢段影片被RT過萬次,當然有人話係造假,亦有人就話會唔會隻公仔隻眼本身識郁?咁有人就Google咗啲關鍵字「視線追従アイ」、「目が動く ドール」、「ドールアイ 追従」,但就未見到有對眼識咁郁嘅公仔……

Read more ›
日本網民玩「鬼相」 測年齡網站有冇陰陽眼?
by / on 05/05/2015 at 1:02 pm

日本網民玩「鬼相」 測年齡網站有冇陰陽眼?

呢排「how-old」網好多人玩啦,咁日本網民除咗搵吸血鬼漫畫家、動漫角色、女優嚟玩之外,仲搵「心霊写真」,即係啲鬼相嚟玩呀!有啲就測到有人樣有年齡,有啲就測唔到,咁係咪代表有啲係造假? 相關資訊日本超可愛倉鼠 扮雪米滋四腳朝天好啱位 (Jul 20, 2018) 生日賀一賀 日本fans用962,120円預訂718隻新碟 (Jul 19, 2018)

Read more ›
日本電車靈異照片 清晰倒影嚇爆人
by / on 05/12/2014 at 4:37 pm

日本電車靈異照片 清晰倒影嚇爆人

所以話,冇乜嘢其實就唔會四圍影,尤其係反光、鏡面嘅地方……呢位日本網民佢就喺電車上面影咗一張相,之後發現喺列車車窗嘅倒影,個倒影好清楚,直情清到懷疑係人嚟,不過驚嘅都唔好入嚟睇喇……我諗大家都知道,列車入隧道嗰陣,出面真係好黑,車窗會好似鏡一樣咁反光啦,不過話時話,好耐冇試過咁樣坐喺度望到車窗咯,因為次次都迫滿晒人,多人到鬼都驚啦。 相關資訊【新片速報】日本街貓完全唔怕人 直行直撞超嗲Twitter熱傳 (Jul 19, 2018) 日本小妹妹天才發明 消暑西瓜特飲Twitter熱傳 (Jul 19, 2018)

Read more ›
新片速報 超清晰鬼影 阿根廷甲組聯賽直播靈異事件
by / on 29/11/2014 at 4:55 pm

新片速報 超清晰鬼影 阿根廷甲組聯賽直播靈異事件

呢場波係早兩日嘅阿根廷甲組足球賽事,由競賽會對河床,結果1比0,當中重點係直播嘅時候,有人發現場邊有一個人影由右至左跑過,咁佢後面啲人好似冇乜反應,即係現場嘅人見唔到?之後隔咗一陣,又有一個影由右邊跑番去左邊,今次更加清楚,企喺前排嘅警察都係冇反應,咁即係……太濛會覺得係幻覺嚟啫,太清楚又會覺得係假嘅囉……

Read more ›
靈異定《Gantz》?大阪車長目擊女子跳軌 煞車冇人冇屍體
by / on 17/11/2014 at 2:26 pm

靈異定《Gantz》?大阪車長目擊女子跳軌 煞車冇人冇屍體

有睇《Gantz》都應該記得開頭一幕,就係兩位主角被列車撞散一刻被黑球召喚,所以喺現實世界冇人搵到佢哋嘅屍體……點知喺噚日(16日),大阪府泉大津市旭町泉大津站竟然發生類似事件,據知有人聽到一聲尖叫,之後見到一名女子衝向月台跳軌,車長都見到,於是就緊急煞車,但之後叫晒警察嚟都搵唔到有屍體,亦都冇血跡……呢單新聞震驚日本網絡,仲有網民話喺列車嘅車頭玻璃反影見到有人樣,雖然唔算好似,但都幾奇異……而月台工作人員同車長都話親眼見到有人跳落路軌,之後喺佢眼前消失……最恐怖係早多一日15日,喺JR難鳥海車站都發生過類似事件,不過就冇咁多人睇到…… 相關資訊【有片】日本喵星人迫爆紙箱 超痴纏攬實唔放 (Jul 19, 2018) 【今日GIF】日本高手製懷舊遊戲GIF 幻想中的遊戲世界 (Jul 18, 2018)

Read more ›

新片速報 車禍現場現靈體 黑影升天堅唔堅?
by / on 01/06/2014 at 1:30 pm

新片速報 車禍現場現靈體 黑影升天堅唔堅?

呢條片,據講係一單車禍現場嘅直播影片,留意係撞毁嘅車輛部份,突然好似有一個黑影飄向上……當然,即時有好多專家出嚟話其實唔難,你又覺得真定假?

Read more ›
【有片】多蒙特對拜仁 德國盃直播現幽靈!?
by / on 24/05/2014 at 7:34 pm

【有片】多蒙特對拜仁 德國盃直播現幽靈!?

上個星期踢咗嘅呢場賽事,睇電視可能冇乜特別,拜仁贏兩粒囉。但外國就有片發現其中一個鏡頭,見到頭場上面有黑影飄過咁……之前都有類似嘅事件喺其他國家發生,不過就喺觀眾席,有人話係o依家球場啲遙控攝影機嘅投影嚟……你覺得呢? 相關資訊日本國家隊拍片 為泰國被困足球隊加油 (Jul 8, 2018) 【有片】18歲女玩花式足球 超強控球力 (Jun 26, 2018)

Read more ›
新片速報 嚇爆!日本足球節目 靈異謎之聲
by / on 27/02/2014 at 11:58 am

新片速報 嚇爆!日本足球節目 靈異謎之聲

其實噚晚已經見到呢單料,但我一個人喺屋企好驚,所以今朝返公司先睇……呢段係早幾日日本季前介紹J-League球隊新瀉天鵝嘅電視影片,但去到第11秒,就有日本觀眾話聽到有把女聲話:「おなか痛い……」即係胃痛,而女主持係完全唔覺有問題嘅……我頭先開嚟聽……嗚!啲毛管楝起晒喇。 相關資訊超正!打破敵對關係 日本連鎖快餐Twitter編輯玩聯手 (Jul 18, 2018) 【有片】廁紙變子彈 日本高火力水槍月尾發售 (Jul 18, 2018)

Read more ›