Post Tagged with: "音樂"

【新片速報】日本網民玩直髮夾 調校熱度變音樂演奏
by / on 16/02/2018 at 12:44 pm

【新片速報】日本網民玩直髮夾 調校熱度變音樂演奏

新年流流,梗係要夾返個靚髮拜年,不過呢位日本網民就有新玩法,佢發現調校熱度嘅掣每撳一下會有唔同聲,好好玩,仲可以用嚟演奏音樂,超動感!睇片都覺得正,之後有網民發現呢個夾髮器賣7萬円超貴,睇嚟佢好重視自己嘅髮型,不過咁撳法好易壞喎。 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›

【新片速報】日本超強沖涼獨白 音樂配深情獨白Twitter熱傳
by / on 07/12/2017 at 7:02 am

【新片速報】日本超強沖涼獨白 音樂配深情獨白Twitter熱傳

呢位日本網民絕對係天才級嘅表演者,雖然張cap圖係朦朧咗啲,但段片真係正嘅。喺廁所一邊沖涼一邊唱歌好多人都試過,不過佢就有氣氛好多,配合埋背景音樂、花灑營造嘅雨聲,加埋佢自己充滿感情嘅獨白,完全表達咗對今日遇到嘅挫折嗰種無奈同痛心,加埋裸背嘅超性感演出,難怪喺Twitter勁多人RT,入嚟有得慢慢欣賞,記住要開聲睇。 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
【新片速報】用表情過關 音樂節拍遊戲Twitter熱傳
by / on 24/08/2017 at 7:01 am

【新片速報】用表情過關 音樂節拍遊戲Twitter熱傳

呢個Face Dance Challenge手機遊戲最近喺Twitter好多人玩,好似平時嘅音樂節拍遊戲,不過就用顏藝過關,有笑、扁嘴、O嘴等emoji,玩玩吓仲有Crazy Time,YouTuber brianjesse親自示範,一日唔夠已經有接近20萬人Like,不過玩極都係得3千幾分,之後有網民出片挑戰佢,連Iron Man都出埋嚟,入嚟有片睇。 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›
【新片速報】星戰主題曲Rock版    cosplay演出iTune有售
by / on 22/12/2015 at 7:14 am

【新片速報】星戰主題曲Rock版 cosplay演出iTune有售

又星戰?無辦法啦,睇完套新戲之後個個中晒毒,起碼要忍多半個月。今次輪到呢隊樂隊Galactic Empire玩星戰音樂,仲要cosplay埋黑武士、白兵、Shadow Trooper、Imperial guard同Boba Fett一齊夾band,將星戰主題曲變rock晒,不過聽落又幾順耳,中間仲有making of玩埋白兵頭撞收音柱,黑武士用原力殺工作人員,玩得好認真。首歌iTune有得買,售價$8就可以日日狂聽過住洗腦式嘅星戰生活。 相關資訊《Star Wars》光劍變芥末醬 黑武士出手唧醬 (May 22, 2018) 【有片】超可愛星戰Porgs飯團 製作過程影片跟住學 (Jan 20, 2018)

Read more ›
【貓專用音樂 – 有試聽】40分鐘越聽越放鬆   首隻科學驗證貓CD
by / on 04/11/2015 at 7:13 am

【貓專用音樂 – 有試聽】40分鐘越聽越放鬆 首隻科學驗證貓CD

作為貓奴,有無試過播音樂甚至自己唱歌比喵星人聽?可惜人類聽嘅音樂同貓嘅頻率唔同,例如貓鐘意聽雀仔叫、喵媽咪嘅咕嚕咕嚕聲,所以呢位有20年演奏經驗嘅音樂人David Teie就製作咗呢隻專比貓聽嘅CD,聲稱係第一隻有科學實證可以充實貓咪生命嘅音樂,仲可以令佢哋放鬆啲。入面將貓最鐘意嘅聲音結合音樂,再以貓咪咕嚕嘅頻率混合而成,仲搵咗唔少明星貓做測試,而家喺Kickstarter集緊資,40分鐘完整版下載價美金$15,入面仲有demo試聽,測試過,屋企隻喵星人的確有反應,明顯溝通到,不過就好似無平靜到,貓奴快啲搵屋企隻喵星人試吓啦。 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›
唔駛塞耳聽音樂 骨傳導「耳筒」震你頭蓋骨
by / on 19/10/2015 at 11:55 am

唔駛塞耳聽音樂 骨傳導「耳筒」震你頭蓋骨

搭車返工返學,啲人又嘈又盛,真係好難唔塞住對耳,不過如果你唔想塞住對耳想舒服啲,同時又聽到周圍嘅聲音,咁呢個行「bone conduction system」嘅「耳筒」「BATBAND」就啱數喇。以音波震動頭蓋骨傳導聲音,確保高音質,賣$149美元,下年4月出貨。

Read more ›

有片  催淚廣告300萬點擊    真人真事改編
by / on 20/08/2014 at 7:11 am

有片 催淚廣告300萬點擊 真人真事改編

遲咗少少,不過好想share,呢條泰國廣告片短短兩星期已經喺YouTube有超過300萬點擊,泰國廣告一向有質素,今次嘅主題係音樂同愛,改編自真人真事,彈結他極差嘅中學生經常俾同學取笑,原來佢每日放學後都靠彈結他幫患咗癌症嘅母親籌醫藥費。橋唔怕舊,拍得好一樣可以感動人心。賣嘅係保險公司Thai Life Insurance,佢哋之前都拍咗一系列類似嘅廣告,每次都大受歡迎,入嚟有得重溫。 相關資訊【新片速報】日本超勁固力果廣告 72位女演員演一個女仔一生 (Mar 10, 2018) 【圖集】日本「喵插畫」超感人 貓奴必睇Twitter熱傳 (Jan 11, 2018)

Read more ›
連續1000日著不同款式T恤   晒命無極限
by / on 14/04/2014 at 7:02 am

連續1000日著不同款式T恤 晒命無極限

洛杉磯嘅Isac Walter好鐘意音樂,更鐘意買衫,屋企儲埋大量樂隊T恤,有一日佢忽發奇想,決定每日著一款Tee兼喺自己嘅blog度介紹,目標係連續1000日著唔同嘅T恤唔撞款!最後佢成功咗!仲一次過show晒自己嘅海量收藏威威。不過故事仲未完,佢而家仲繼續舖緊相,最新數字係1006‥‥‥ 相關資訊日本新宿哥斯拉主題店 限定T恤/相集10月30日開賣 (Sep 29, 2017) 【另類cosplay】日本超正笠頭T恤 無臉男/初號機頭型啱啱好 (Jun 1, 2017)

Read more ›
新片速報   打住籃球玩音樂    閂車門打拍子
by / on 30/03/2014 at 10:30 am

新片速報 打住籃球玩音樂 閂車門打拍子

早幾日睇完Enterbay有關Michael Jordan嘅微電影,籃球友個個變得好熱血!啱啱喺網上又見倒另一條籃球片,Kurt Hugo Schneider製作,今次大家拎住個波唔係打籃球,而係玩音樂!一行十幾人用籃球著地嘅聲打拍子,有人兩手打四球,有人拋波玩雜技,咁點解有架車?因為開合車門都係打拍子嘅一種,成條片一take過,睇完有無令你想著返套波衫落街打籃球? 相關資訊【有片】籃球場無雙 213cm高12歲小學生企喺度入樽 (Jun 18, 2018) 【有片】男兒當入獄?日本學生籃球賽中拳擊球證 (Jun 17, 2018)

Read more ›
新片速報  可口可樂動畫廣告   郁住散發正能量
by / on 21/08/2013 at 7:20 am

新片速報 可口可樂動畫廣告 郁住散發正能量

每日睇倒唔開心嘅新聞,黑暗腐敗嘅政府,心情真係會有啲低落,如果你同我一樣,可以睇吓可口可樂呢個充滿正能量嘅新廣告,主題係「Happiness is movement, movement is hapaniess」,用上簡潔動畫,表達我哋開心時會紥紥跳,而倒轉頭郁動多啲人都會開心啲,首歌好好聽,睇完心情都靚晒,最後話晒係廣告,當然要提醒你,開支可樂就最快樂。 相關資訊【圖集】《復仇者聯盟3》角色動畫化 超似彼思動畫風格 (May 4, 2018) 【新片速報】日本超人氣動畫新作 打籃球打到體育館淪陷 (Apr 16, 2018)

Read more ›
新片速報    敲煎Pan撕紙玩音樂   網絡紅人有新作
by / on 13/08/2013 at 12:33 pm

新片速報 敲煎Pan撕紙玩音樂 網絡紅人有新作

估你同我一樣,都係不停上網留意風球訊息,邊有心機做嘢㗎?不如上網聽吓歌輕鬆吓啦。呢位加拿大籍華人Andrew Huang個樣怪怪哋,不過對音樂嘅熱誠無庸置疑,最鐘意用日常用品製作出嘅聲效混合編曲,之前試過成首歌都係用水聲製作出嚟,勁。加埋佢唱得唔錯,幾有洗滌心靈效果㗎。今次就改用鐵筒、煎Pan、實險室試管、石油氣罐、膠水管等等騎呢物品製作聲效,連撕紙聲都唔放過,成個Song Challenge系列都幾有kill time效果,聽吓聽吓好快就放工㗎喇。 相關資訊【新片速報】寄艙行李無好下場 職員掟喼短片Twitter熱傳 (May 30, 2018) 【有片】超可愛雀仔短片 一齊轉超搞笑Twitter熱傳 (May 19, 2018)

Read more ›

沖涼聽歌獵奇發明     浴簾變喇叭
by / on 22/04/2013 at 8:05 am

沖涼聽歌獵奇發明 浴簾變喇叭

沖涼聽歌係我嘅嚐好,開心起上嚟仲會跟住唱O忝!呢幅叫「Shower Tunes」嘅浴簾,內置防水音響系統,另外有個透明位比你放部電話、tablet或者古老嘅嘅iPod入去聽歌,係lo-tech咗少少,立吓眼我仲以為個浴簾內置iPhone咁威。除咗聽歌,仲可以睇戲或者聽電話,amazon賣美金$40,當買個喇叭咁解囉。 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›
獵奇神曲    俄羅斯/街霸/MJ / David Bowie混音特集
by / on 23/03/2013 at 6:27 pm

獵奇神曲 俄羅斯/街霸/MJ / David Bowie混音特集

星期六無嘢做,上YouTube搵嘢睇,居然見倒呢首正歌!由Ithaca Audio製作嘅Game Theory,將19首遊戲經典音樂例如俄羅斯方塊、太空侵略者、街霸、孖寶等等,同David Bowie、Michael Jackson嘅歌混合埋一齊,呢頭聽倒「Beat It!」,嗰頭又有超音鼠食金幣嘅聲畫彈出,充滿驚喜。最正係成首歌居然用特製嘅NES超任手掣混音,勁! 相關資訊【有片】打機用埋腳 新裝置靠隻腳幫手 (May 26, 2018) 街霸角色You Lose造型USB 香港品牌官網有得訂 (Apr 27, 2018)

Read more ›
Sony防水防上癮   游水專用Walkman日本2月發售
by / on 17/01/2013 at 9:52 am

Sony防水防上癮 游水專用Walkman日本2月發售

Sony最近玩防水玩上癮,旗艦機Xperia Z玩防水,呢部2月16日將會喺日本推出嘅Walkman更加係游水專用!呢部耳機型號NWD-W270,夠輕兼內置4GB記憶體。老實,防水耳機或者MP3都唔係咩新嘢,不過呢個勝在唔駛連住一大抽電線,重29克,可以去到水深2米,而且設計緊貼頸部,聲稱游水大動作都唔會甩。不過同Sony之前出嘅跑步Walkman一樣,最麻煩係要將啲音樂過嚟過去,價錢預計1萬円以內,有黑、白、藍三色,香港暫時未知會唔會返貨。不過我要學咗游水先。 相關資訊Sony E3演奏樂器涉嫌歧視 網民鬧爆原來跟車太貼 (Jun 19, 2018) 日本GU超突出新褲 拉鍊位唔同色勇士專用 (Jun 1, 2018)

Read more ›