Post Tagged with: "食物"

女版Low Cost Cosplay玩謝金正恩 食物做主題影完食返晒
by / on 18/05/2018 at 7:40 am

女版Low Cost Cosplay玩謝金正恩 食物做主題影完食返晒

繼好出名嘅low cost cosplay之後,泰國又有另一位cosplayer出現,呢位22歲嘅Sine Benjaphorn,特別之處係所有衫都有用食物嚟做裝飾。例如金正恩前面啲咪變晒一條條腸,又例如范冰冰條裙變咗棵菜。全部都係平平哋嘅惡搞cosplay,不過最正係佢唔浪費食物,每次影完相啲食物佢都會食返晒,好女仔。 相關資訊牛佬搞Gag有啖笑 金正恩+馬雲突入《古惑仔》 (Apr 24, 2018) 金仔試玩VR 進入海底世界? (Mar 30, 2018)

Read more ›

【相集】外國媽咪自製可愛食物 超強創意講求健康
by / on 23/04/2018 at 7:54 am

【相集】外國媽咪自製可愛食物 超強創意講求健康

有個識整嘢食嘅媽咪真係好幸福,外國呢位媽咪Laleh Mohmedi更加係高手之中嘅高手,整乜似乜,而且食材超多樣化,作品包括海棉寶寶、Minion、白雪公主、功夫熊貓、怪獸公司嘅毛毛等等,全部都難佢唔到,而且食材配搭仲好豐富,佢標榜全部都係健康食材好有益,入去佢IG有多啲食品睇。 相關資訊【圖集】日本超強爹哋 用囡囡畫作設計便當 (May 25, 2018) 【有片】超可愛雀仔短片 一齊轉超搞笑Twitter熱傳 (May 19, 2018)

Read more ›
【大嘥鬼】日本士多啤梨園園主控訴    大量棄置食物超浪費
by / on 21/03/2018 at 7:29 am

【大嘥鬼】日本士多啤梨園園主控訴 大量棄置食物超浪費

日本嘅士多啤梨園好多人鍾意去,不過都要食得晒先好摘或者買。張相由農場「原田いちご園」喺Twitter發佈,佢哋發現有食唔曬嘅士多啤梨俾人放咗喺木椅上面,覺得好浪費好傷心。其實每粒士多啤梨都係農夫嘅心血,難怪佢哋咁唔開心嘅。呢個農場位於日本茨城縣水戶市,去開附近可以去參觀吓,不過記住唔好做大嘥鬼! 相關資訊【有片】日本網上熱傳 名古屋「痴漢無雙」 街頭放題級狂摸 (May 25, 2018) 日本女士專用「瞓覺的士」 有得按摩兼卸妝 (May 25, 2018)

Read more ›
【連環圖】喵星人被搶食物 豐富表情變化網上熱傳
by / on 09/03/2018 at 7:51 am

【連環圖】喵星人被搶食物 豐富表情變化網上熱傳

喵星人有幾「為食」大家都知,如果自己嘅晚餐俾人搶咗會點?最近有隻喵就親身經歷咗。佢嘅大餐俾隻負鼠搶咗嚟食,重點係隻喵嘅表情變化。初時佢望住影緊相嘅主人,發出求救訊號,見主人唔理佢無反應,開始面露不滿,之後唯有自己走埋去嘗試叫走隻負鼠,不過俾人兇一兇即時閃走,然後再望住主人,露出好嬲嘅表情。輯連環圖喺Imgur好多人討論,不過呢位主人玩到咁大全程唔幫手,小心隻喵之後會報復喎。 相關資訊【成功上樓】小黑喵變大黑喵 被領養喵星人超幸福 (May 25, 2018) 日本喵星人影寫真 懷舊甫士超有少女味 (May 23, 2018)

Read more ›
日本網民食物現「奸笑BB樣」 心都寒埋Twitter熱傳
by / on 12/01/2018 at 7:17 am

日本網民食物現「奸笑BB樣」 心都寒埋Twitter熱傳

笑笑笑,笑到人個心都寒埋。呢兩張圖最近喺日本Twitte熱傳,有網民煮咗道關東煮,不過發現入面其中一粒丸竟然浮現出一個BB仔嘅笑臉,仲要係奸笑,效果好恐怖!之後好多網民貼圖回應,仲有網民出手改圖,入嚟有回帶。 相關資訊日本網民神級地毯畫 《龍珠》阿樂被爆死 (May 25, 2018) 【雕咗幾耐?】日本木工高手 自製紅勇士/魔蟹/強人可動模型 (May 24, 2018)

Read more ›
太投入影相好危險 日本藝人食物傾斜大量貼圖
by / on 25/12/2017 at 2:33 pm

太投入影相好危險 日本藝人食物傾斜大量貼圖

日本藝人遠藤憲一大家都好熟悉啦,最近佢喺Twitter放咗咗相後被狂RT。原來佢犯咗好多人都會犯嘅錯誤,就係顧住影相無留意手上碟嘢傾斜咗流晒出嚟,滴汁仲要啱啱好吊喺碟邊,好有藝術感。之後網民回帶睇返之前都有好多人中過招,死因都係貪靚掛住影相,最過份應該係拉麵,成碗湯倒晒出嚟‥‥‥入嚟有回帶。 相關資訊日本電視節目教影「錯覺相」 地下噴水扮飄起 (May 24, 2018) 日本今日「Kiss之日」 Twitter大量圖/片應節 (May 23, 2018)

Read more ›

【好想去】大阪《龍珠》主題餐廳 食物超精緻大量精品
by / on 10/12/2017 at 1:23 pm

【好想去】大阪《龍珠》主題餐廳 食物超精緻大量精品

嚟緊計劃去大阪嘅龍珠迷,呢間主題餐廳應該必去嘞。12月8日開幕,喺大阪梅田,食物方面幾有誠意,有筋斗雲班戟、神龍春卷、四星珠甜品/蛋包飯、大魔王封印沙律,全部都好正,唯一係個豬肉拉麵有啲殘忍,不過有佢最鍾意嘅底褲仔,好可愛。仲可以嗌埋貓仙人仙豆。另外有大量精品發售,由T恤、外套到電話套散紙包乜都有,而且開到夜晚11點,最緊要帶定張信用咭。 相關資訊自改《龍珠》神龍波鞋 著上腳許願 (May 23, 2018) 日本大阪cafe三代貓 喵星人與貓頭鷹和睦共處 (May 22, 2018)

Read more ›
日本「迷你狙擊手」扭蛋     藏身食物瞄準目標
by / on 03/11/2017 at 8:18 am

日本「迷你狙擊手」扭蛋 藏身食物瞄準目標

日本「熊貓之穴」系列扭蛋一向高質,啱啱又公佈有呢款狙擊手系列Miniature Sniper,5款狙擊手匿埋喺蕃茄、花生、香口膠、奶精同埋糖入面瞄準目標,超可愛又搞笑,睇完好想儲齊一套!今個月有得買,每扭一次200円,記住留意吓! 相關資訊【新片速報】日本超溫馴白文鳥 任摸唔嬲似棉花糖 (May 23, 2018) 日本真實版《龍貓》 喵星人瞓巨型毛公仔Twitter熱傳 (May 23, 2018)

Read more ›
【圖集】另類食物攝影     高清蒜頭/辣椒配人仔
by / on 13/10/2017 at 9:30 am

【圖集】另類食物攝影 高清蒜頭/辣椒配人仔

攝影師Péter Csákvári呢輯相好正,本身係一個食物攝影師嘅佢,發現原來加啲人仔、道具喺啲食物旁邊會有好特別嘅效果,於是創作咗呢輯叫「Tiny Wasteland」嘅圖集。雞蛋、花生、蒜頭、壽司、辣椒‥‥‥全部都好正,入嚟有得慢慢睇。 相關資訊日本攝影高手高手高高手 富士山靚相Twitter熱傳 (Apr 28, 2018) 日本超肥美北極熊 水中攝影低抄奇妙角度 (Apr 23, 2018)

Read more ›
【相集】IG可愛妹妹做超模 食物植物變時裝
by / on 05/07/2017 at 7:33 am

【相集】IG可愛妹妹做超模 食物植物變時裝

呢位外國嘅3歲小妹妹Stefani好可愛,仲好幸福!因為佢媽咪經常都幫佢影fashion靚相,每套「衫」都係食物同植物,例如有西瓜、椰菜花、香蕉等等。而小妹妹都好稱職,每次都擺出超模級數嘅甫士。睇返合照,原來佢媽媽又靚又潮,難怪影出嚟嘅相咁有創意。 相關資訊【相集】喵星人大得好快 日本熱傳對比照超可愛 (May 18, 2018) 日本喵星人匿藏失敗 鼻頭露出超可愛 (May 17, 2018)

Read more ›
有片:新鮮→發霉→萎縮→腐爛 食物縮時拍攝
by / on 13/06/2017 at 11:00 am

有片:新鮮→發霉→萎縮→腐爛 食物縮時拍攝

悶悶哋睇吓啲Time-Lapse短片,感覺都好……好乜呢?咁就要睇你睇乜嘞,今次有西瓜、士多啤梨、漢堡包、菠蘿、奇異果、牛奶、青瓜同牛油果由新鮮到發霉到萎縮到腐爛嘅縮時拍攝。睇完,我嘅感覺係好怪異,好鬼死異形Feel,但,我又忍唔住Loop咗三次,其實有乜咁好睇呢?我自己都解釋唔到。 相關資訊日本肉醬意粉頭飾賣斷市 食物頭飾咩玩法 (Oct 11, 2016) 《真‧哥斯拉》日本Twitter合集 插畫/改圖/食物乜都有 (Aug 25, 2016)

Read more ›

【必去】吉卜力美術館「食物」主題展覽 重現經典食物/餐廳/手稿
by / on 27/05/2017 at 11:36 am

【必去】吉卜力美術館「食物」主題展覽 重現經典食物/餐廳/手稿

宮崎駿迷必去嘅東京「吉卜力美術館」最近有新項目加入!有睇開動畫都知入面嘅食物一向勁吸引,每次都睇到人好肚餓。最近呢個展覽「食べるを描く。」就以食物做主題,例如《天空之城》嘅煎蛋多士、《千與千尋》嘅烤雞、《魔女宅急便》朱古力蛋糕,仲有香噴噴嘅麵包、飯團、咖喱,全部都好似真嘅一樣!現場仲有模擬餐廳同廚房,當然唔少得大量嘅手稿。由今日開始至2018年5月有得睇,去睇前記住記住要預先買飛! 相關資訊【有片】日本「あ」(呀)字展覽 觸摸發出不同叫聲 (Apr 8, 2018) 【不要玩食物】日本道具食品展 超創意設計Twitter熱傳 (Apr 2, 2018)

Read more ›
《東京喰種》池袋期間限定cafe 超核突食物還原度高
by / on 11/05/2017 at 7:37 am

《東京喰種》池袋期間限定cafe 超核突食物還原度高

《東京喰種》電影就嚟上畫,官方都喺池袋都準備咗呢間主題cafe。以期間限定Cafe嚟講,今次佢哋嘅食物都幾高質,fans應該好想去,日本都有好多fans喺Twitter熱傳。其中金木的獨眼咖喱應該最吸引,但點食好呢?另外當然有嗰啲香腸扮手指,茄汁扮血,整到一撻撻嘅恐怖料理啦,不過好多人反而想試人間最難食嘅雞蛋三文治。到時仲有大量精品賣,5月27日至6月28日喺東京池袋PARCO 7樓嘅THE GUEST cafe&diner有得試,fans快啲準備吓遊日行程嘞。 相關資訊流浪狗狗前後兩個樣 10個月還原變雪橇 (May 12, 2018) 【圖集】還原Marvel超級英雄真面目 網民貪新棄舊 (May 11, 2018)

Read more ›
【圖集】日本神級食物刺繡師 拉麵/抹茶幾可亂真
by / on 08/03/2017 at 7:06 am

【圖集】日本神級食物刺繡師 拉麵/抹茶幾可亂真

日本人嘅刺繡技術好強,最近呢幾張圖喺Twitter好多人分享,仲吸引埋電視台同外國媒體報導。眨眼睇以為係碗拉麵同兩束麵條,睇真啲其實係刺繡完成圖同兩束繡花線。碗拉麵像真度極高,而且超細緻,刺繡師@ipnot仲專登拎對筷子扮夾麵!其實呢位刺繡師好勁,除咗繡拉麵,仲有繡朱古力、蕃茄仔、壽司、蘋果、抹茶等食物,其中抹茶真係幾可亂真,入嚟有大量回帶圖。 相關資訊日本知名設計師新作 腳趾尾都要戴頭盔 (May 22, 2018) 日本名模「平子理莎」47歲 外貌與真實年齡不符 (May 22, 2018)

Read more ›
日本超像真食物iPhone殼 咖喱飯真到唔敢拎上手
by / on 22/10/2016 at 12:32 pm

日本超像真食物iPhone殼 咖喱飯真到唔敢拎上手

日本啲食物模型有幾靚大家都見識過,前排介紹過將啲食物放上頭嘅新玩法,最近又有呢堆iPhone殼喺日本熱賣,唔止有經典嘅牛肉餅、魚生飯,連好多汁嘅咖喱飯、麻婆豆腐飯都有,個咖喱飯真到唔敢拎上手拍整污糟自己。價錢每個6458円,不過只限iPhone6/6s,暫時未有iPhone7。 相關資訊【日本投選】最想重製的80年代動畫 第1位《山T女福星》 (May 21, 2018) 貓奴要去 日本超正旅館有貓入房陪玩 (May 21, 2018)

Read more ›