Post Tagged with: "食譜"

日本Twitter熱傳電飯煲食譜   「蕃薯飯」睇見都想食
by / on 14/11/2017 at 7:02 am

日本Twitter熱傳電飯煲食譜 「蕃薯飯」睇見都想食

媽媽嘅智慧真係唔可以睇少,最近有日本網民分享咗佢媽咪傳授嘅一道食譜,簡單用電飯煲煮就得嘞。加個蕃薯,然後再加2茶匙豉油、1茶匙清酒同埋糖,之後好似正常咁煲飯,最後將個熟咗嘅蕃薯壓爛,就完成呢道好好味嘅蕃薯飯嘞!好多人都喺Twitter分享,睇完好想試吓呀,媽咪可唔可以煮俾我食? 相關資訊【有片】日本奈良現奇景 「霧氷」、藍天共演! (Nov 25, 2017) 日本網民分享30款髮型 日日轉款Twitter熱傳 (Nov 25, 2017)

Read more ›

日本網民分享秘密食譜    「豚肉捲醬油丸子」超美味
by / on 27/06/2017 at 7:58 am

日本網民分享秘密食譜 「豚肉捲醬油丸子」超美味

日本百貨公司都有得買嘅「醬油丸子」好多人鐘意食 ,自製都唔難,網上有好多食譜可以跟住學。最近有日本網民分享佢嘅秘密食譜,原來買啲豚肉捲起串丸子,之後再落鑊煎,完成品好好味!外脆內軟,睇見都有啲肚餓,下次試吓先! 相關資訊日本瘋狂fans自製「廣瀨鈴」假人 遊環球影城Twitter熱傳 (Nov 25, 2017) 日本可愛鹿仔「禦寒」大法 枯葉包圍成為景點 (Nov 25, 2017)

Read more ›
【有片】加拿大IKEA超創意食譜 看圖放材料即捲即煮
by / on 16/06/2017 at 7:48 am

【有片】加拿大IKEA超創意食譜 看圖放材料即捲即煮

唔係最近新不過啱啱先見到,好想分享吓。IKEA嘅瑞士肉丸好多人鍾意食,最近佢哋為加拿大一個廚房活動推出咗本簡易食譜《Cook This Page》,唔係教整肉丸,而係教整其他菜式,但手法就極得意!好似填顏色薄咁,每道菜都有一格格嘅食材圖,想煮就要好似填色咁,喺每格放上相應食材,最後將佢捲埋放入焗爐就得!因為張紙係烤盤紙,用嘅係可食用油墨,所以食落肚都無問題,焗完嘅食品真嘅一樣,手殘都肯定煮到呀! 相關資訊日本創意「年賀狀」 奔跑狗狗key入電影場景 (Oct 17, 2017) 網民有創意 IKEA廚房用具變模型工具 (Oct 12, 2017)

Read more ›
日本網民自製醬漬三文魚丼 極易整Twitter熱傳
by / on 16/06/2017 at 7:47 am

日本網民自製醬漬三文魚丼 極易整Twitter熱傳

一直都好鍾意食三文魚刺身,最近有日本網民放咗呢張圖上網,自製醬漬三文魚丼!吸引好多人RT。煮法好簡單,將三文魚刺身放入加咗少少芝麻油嘅醬油入面浸30分鐘就得。有人話可浸過夜風味更佳。其實呢個唔係樓主自創嘅,佢都係跟另一位網民學習,今年2月都熱傳過,入嚟有回帶。 相關資訊【有片】日本外務省官方出片 介紹模型歷史文化 (Nov 24, 2017) 日本車站職員超強手藝 剪票紙碎15萬粒砌列車畫 (Nov 24, 2017)

Read more ›
日本網民分享創意食譜 煙肉捲拉麵一口小食
by / on 08/06/2017 at 7:43 am

日本網民分享創意食譜 煙肉捲拉麵一口小食

返埋呢兩日就放假,係時候計劃吓週末煮嘢食嘞。最近有日本網民分享咗呢個創意食譜,將一包拉麵一開九,之後再逐個用煙肉捲起,然後放入煎pan煎兩煎,效果似乎唔錯,煎完嘅麵件唔知係咪好似中國菜嘅「兩面黃」咁呢?今個星期試下先! 相關資訊【圖集】日本喵星人冬天著斗篷 戴埋帽仔超可愛 (Nov 24, 2017) 日本公司「另類」員工福利 同動漫人物結婚每月5千円津貼 (Nov 24, 2017)

Read more ›
日本網民分享電飯煲食譜 洋蔥雞超美味
by / on 03/06/2017 at 10:48 am

日本網民分享電飯煲食譜 洋蔥雞超美味

好多日本人都鍾意用電飯煲煮嘢食,連蛋糕都整得到,好勁。最近有日本網民分享咗呢個食譜,喺Twitter好多人分享。方法係將一塊雞肉放入電飯煲,之後加大量洋蔥,最後落啲雞湯,然後撳掣開始烹調。完成品睇落好好味!懶懶哋又想自己煮嘢食不妨試吓嘞。 相關資訊相差10歲一樣可愛 網民狂讚藤田ニコル/佐佐木希和服造型 (Nov 23, 2017) 新片速報 PS4《幪面超人 巔峰戰士》「南光太郎」Black參戰! (Nov 23, 2017)

Read more ›

【有片】超邪惡拉絲芝士薯餅    日本「Tasty Japan」簡單食譜勁吸引
by / on 03/01/2017 at 7:11 am

【有片】超邪惡拉絲芝士薯餅 日本「Tasty Japan」簡單食譜勁吸引

一直好少放食譜,不過今次呢個實在太邪惡,又芝士又薯仔,絕對唔可以只有我見到!日本「Tasty Japan」經常拍片教煮食,今次呢個好簡單,5個薯仔切片,之後舖薯仔舖火腿舖芝士,重覆以上步驟,最後灑少少香草,再加啲忌廉然後放入焗爐,完成品邪惡度爆燈,最重要係啲芝士咇晒出嚟,太過份!今晚要試吓!BTW,呢個「Tasty Japan」有超多食譜,全部都好吸引,慎入。 相關資訊日本Mr.Donut超邪惡冬甩 蛋沙律芝士火腿餡一定要試 (Nov 18, 2017) 日本超邪惡朱古力蛋糕 半溶朱古力醬Twitter熱傳 (Nov 10, 2017)

Read more ›
日本網民自創芝士Parma Ham 睇落超正今晚試吓
by / on 21/11/2016 at 7:31 am

日本網民自創芝士Parma Ham 睇落超正今晚試吓

意大利火腿Parma Ham好多人鍾意食,如果將佢夾埋芝士呢?日本twitter有人分享咗呢個自創食譜,仲引嚟勁多人RT。做法好簡單,買包Parma Ham再加包片裝芝士,之後喺保鮮紙上面將食材舖成一條長條形,最後捲捲捲,然後切開一片片,食得!樓主話味道超好,今晚買嚟試吓先! 相關資訊日常生活二次元化 全40種各300円「主角透明濾鏡」 (Nov 23, 2017) 可以咁樣玩!螢光耳環變玩具螢光棒 (Nov 23, 2017)

Read more ›
【有片】七龍珠消暑啫喱波    有得食有得玩唔難整
by / on 16/07/2016 at 11:53 am

【有片】七龍珠消暑啫喱波 有得食有得玩唔難整

之前都見過七龍珠薯仔波、法式焦糖燉蛋,不過講到似,呢個啫喱波絕對無得輸。外國YouTube頻道Aggressive Comix教大家整七龍珠,用車厘茄加個倒模整星星,之後開包橙汁味嘅啫喱粉,雪4個鐘就搞掂,睇落唔難,最繁複係要買嗰個好似扭蛋嘅容器,外國網站有得買,HK$83有4個,有無人想一齊買? 相關資訊日本超核突萬聖節Pizza 眼球加斷指仲有血啫喱 (Oct 5, 2017) 【新片速報】日本柴犬飲水消暑 透心涼笑到瞇晒眼 (Aug 4, 2017)

Read more ›
【地獄之門】彩虹Pizza唔開胃 外國網有齊食譜教整
by / on 21/04/2016 at 7:11 am

【地獄之門】彩虹Pizza唔開胃 外國網有齊食譜教整

彩虹蛋糕好多人都食過,雖然靚就係幾靚,不過啲色素咁勁其實都唔係幾開胃。點知最近外國頻道Oh Bite It仲大膽,整咗呢個彩虹pizza出嚟,幾十種色混埋一齊,仲要啲芝士有拉絲效果,睇落好恐怖。網站入面竟然有食譜教你跟住整,我就睇相都覺得飽飽哋,唔駛客氣嘞。 相關資訊【地獄料理】日本小朋友「運動會便當」 獅子狗變雞仔 (Sep 30, 2017) 日本地獄級廚神 自創料理「海鮮丼」太過份 (Jul 27, 2017)

Read more ›
【放閃可恥】情人節食譜煙三文魚變花束 自己整自己食
by / on 14/02/2016 at 12:21 pm

【放閃可恥】情人節食譜煙三文魚變花束 自己整自己食

情人節放閃可恥,不過如果係阿媽整嘅就唔同。呢位新加坡靚媽Li Ming Lee好鍾意整便當比囝囝,而且水準去到專家級數,超靚!佢仲出埋書教大家跟住整。最近情人節佢設計咗幾道菜式,比班豬妹跟住整,好似用煙三文魚捲成嘅花束,喺佢嘅Blog有教學,睇落唔難,應該可以自己整比自己食。或者整比阿媽食。BTW,入嚟有佢之前整嘅便當回顧,蛋黃哥、賤熊、龍貓,全部都靚到好過份。 相關資訊【新片速報】日本喵星人與狗 超有愛Twitter長期放閃 (Sep 14, 2017) 【葡萄精】閃光情人節 日本人妻整咖哩飯蛋糕 (Feb 15, 2017)

Read more ›

【可愛】日本女生自創「熊貓珍珠奶茶」 食譜日英並照跟住學
by / on 31/01/2016 at 1:25 pm

【可愛】日本女生自創「熊貓珍珠奶茶」 食譜日英並照跟住學

珍珠奶茶飲得多,熊貓珍珠都係第一次見,由日本女仔Yuki創作嘅熊貓珍珠,唔止日本網有介紹,仲反攻埋去台灣,連台灣人都讚可愛,睇見佢用支粗飲管吸隻熊貓仔出嚟,真係好得意。呢位叫Yuki嘅女仔有自己嘅blog「Yukitchen」,專門教大家整得意食物,包括鬆弛熊丸子串燒、Domo君蛋糕等,全部有晒日文同英文嘅食譜可以跟住整。至於點解身在日本嘅佢會識珍珠奶茶呢?原來佢之前去美國旅行,發現好多當地華人鍾意飲,所以就慢慢鑽研。除咗整嘢食,佢仲係兼職模特兒,鍾意嘅記住Like埋佢FB。 相關資訊日本「DJ社長」惡搞雙馬尾囡囡 超醜造型Twitter熱傳 (Nov 23, 2017) 有片:日本YouTuber大整蠱 飯檯標出大隻佬嚇祖母 (Nov 22, 2017)

Read more ›
【其實唔難?】Disney Tsm Tsum壽司卷 超靚有食譜跟住整
by / on 30/12/2015 at 7:03 am

【其實唔難?】Disney Tsm Tsum壽司卷 超靚有食譜跟住整

天氣凍唔駛出街食飯,有愛心便當食,你話幾幸福?日本家庭主婦或者女朋友好多都整得一手靚便當,咁除咗蛋包飯之外,仲可以考慮埋呢幾款Disney Tsm Tsum嘅壽司卷,效果超靚,想跟住整可以買埋本書,日本Amazon有售,想食唔想學嘅,買嚟送比人。不過首先你要有‥‥‥ 相關資訊小朋友雨衣戴起似condom 日本amazon有得買 (Sep 13, 2017) 【圖集】喵星人玩紙箱實錄 坐定定影相幕後花絮 (Aug 29, 2017)

Read more ›
【都市傳說】杯麵湯底整日式蒸蛋 冬蔭功味好過原味!
by / on 31/10/2015 at 4:36 pm

【都市傳說】杯麵湯底整日式蒸蛋 冬蔭功味好過原味!

杯麵係日本國寶,亦係宅男必備品,最近有個都市傳說話用杯麵飲剩嘅湯可以整日式蒸蛋「茶碗蒸し」,個Twitter放上網幾日已經有接近3萬個RT,有日本網站仲親身試吓,除咗用原味仲試埋冬蔭功味。做法好簡單,將飲剩嘅湯倒入碗仔入面再加隻蛋,搞勻佢放入500w微波爐叮2-3分鐘就得,如果剩返好多湯仲可以加夠兩隻蛋。睇相見完成品好像真,個編輯仲話原來冬蔭功好過原味,等我今晚都試吓整黑胡椒蟹蒸蛋先! 相關資訊【有片】日本浸浴喵 浸到想瞓游埋水 (Nov 22, 2017) 【新片速報】日本網民收1百萬籌碼手信 原來係火機Twitter熱傳 (Nov 22, 2017)

Read more ›
【有片】 超邪惡Oreo大蛋糕食譜 新手都學得識
by / on 05/07/2015 at 12:52 pm

【有片】 超邪惡Oreo大蛋糕食譜 新手都學得識

好邪惡,呢個Oreo大蛋糕睇見都流口水。由好出名整嘢食嘅日本YouTuber 「Hey! It’s Mosogourmet!!」製作,有晒每個程序,新手都肯定學得識,都係基本嘅加奶加糖加蛋加忌廉攪攪攪,睇見啲材料就覺得好肥,好似一次過食咗1000塊Oreo餅咁,所以我睇完決定去麥當勞買杯Oreo麥旋風奬勵吓自己,星期日食好啲! 相關資訊Rex Koo《七孔流血》畫展延伸工作坊 DIY放映機 (Nov 14, 2017) 【有片】10歲蘿莉Youtuber陰功豬 約聚會冇人到喊出120萬Views (Nov 8, 2017)

Read more ›