Post Tagged with: "馬榮成"

展出聶風火麒麟雕像 驗明真身落訂唔遲
by / on 10/10/2017 at 7:31 pm

展出聶風火麒麟雕像 驗明真身落訂唔遲

即係咁喇,雖然這些機會是不屬於我的,但都可以睇咗當買咗嘅啫。講緊嘅係馬榮成推出嘅香港限量紀念版聶風火麒麟雕像,首50個優惠套餐已經售罄,家陣仲有50個名額,仲係心大心細唔知落唔落訂好嘅,不妨去「收藏家港漫專區」驗一驗真身先,有玻璃專櫃展覽咗出嚟,睇啱嘅,咪落訂囉,盛惠$8300。 相關資訊馮志明《大漠蒼狼》簽名會 睇埋《刀劍江湖上河圖》 (Aug 9, 2017) 馮志明《大漠蒼狼》 早訂送Folder (Jul 21, 2017)

Read more ›

服! $8300個聶風火麒麟雕像! 8日賣晒50個!
by / on 07/10/2017 at 11:00 am

服! $8300個聶風火麒麟雕像! 8日賣晒50個!

係不得不服嘅,睇番時間,馬榮成喺9月28日出Post公開訂購聶風火麒麟雕像詳細資料,話限量生產100個,頭50個落訂會送多支酒And乜乜物物云云,每個雕像盛惠$8300。算唔算天價,我唔知,亦唔敢評論,只要真心鍾意,就幾多錢都值,我淨係知我都好想要,但這些機會是不屬於我的。而喺10月5日,馬榮成已經出Post話頭50個雕像已經售罄,感謝讀者支持云云。Wow,頭尾不過8日時間,咁快就有人認頭晒,$415000袋袋平安,果然厲害……嗯,各位,不要去羨慕,不要去妒忌。 相關資訊漫畫星光大道週年同樂日 主筆親筆畫板曝光 (Jan 19, 2017) 馬榮成生日作畫 霸氣戰狂重現 (Jan 18, 2017)

Read more ›
絕世好劍重鑄成功 步驚雲雕像再次開放
by / on 05/10/2017 at 10:00 am

絕世好劍重鑄成功 步驚雲雕像再次開放

時間過得真係好快,九龍公園漫畫星光大道個步驚雲雕像斷劍,原來已經係7月嘅事,而有關部門做嘢亦俾想像中快,10月頭已經整番好把絕世好劍。馬榮成喺面書登相可以佐證,雕像四周再無圍欄,重新開放俾遊客參觀打卡,恭喜晒。 相關資訊網圖分享:白冰的Q版港漫角色 (Oct 12, 2017) 餘嬲未了留言狂插 網民作畫諷刺《天下》「伏刊」 (Jan 12, 2017)

Read more ›
聶風火麒麟雕像開訂 $8300你買唔買?
by / on 24/09/2017 at 7:00 pm

聶風火麒麟雕像開訂 $8300你買唔買?

嘩,我諗真係要好有愛,先會考慮買呢個聶風雕像,分兩個版本,第一個係「聶風火麒麟套裝」,包雙頭雕、雙地台及兩組替換手,附獨立編號及證書,頭50位訂購送多支風雲白酒同聶風火麒麟3D立體原作者簽名紀念海報一張,而售價係──$8300,係,我無寫錯你無睇錯,係八千三百大元,呢個價簡真係……Fine,平啲嘅有唔包火麒麟嘅「聶風迎風」版本,售$4200。差啲唔記得講,「收藏家港漫專區」同「天下出版社」家陣開訂,馬Sir迷有買趁手喇,嗯……雖然我好想要,但這些機會是不屬於我的。 相關資訊馬榮成話《天下》復刊又唔復刊 辣興網民100個嬲 (Jan 11, 2017) 2017年港漫界震撼彈 《天下》復刊網民一人一句 (Jan 10, 2017)

Read more ›
《小鐵漢》+《風雲徙置區》9月20日獨家開訂
by / on 18/09/2017 at 9:39 pm

《小鐵漢》+《風雲徙置區》9月20日獨家開訂

個零禮拜報導過話上官小威將會復刻馬榮成《小鐵漢》與《風雲徙置區》,依家進一步消息嘞,9月20日正式喺「收藏家港漫專區」獨家開訂。留意番,兩書除普通版外仲有尊貴限量版,限量呀,即係要搶,有買趁手啦老友。 相關資訊上官小威復刻《金漫畫》 星級陣容每本$98 (Sep 24, 2017) 復刻停不了 上官小威復刻《金漫畫》 (Sep 19, 2017)

Read more ›
網圖分享:笑爆嘴二創 麒麟魔變麒麟球單車
by / on 13/09/2017 at 11:14 pm

網圖分享:笑爆嘴二創 麒麟魔變麒麟球單車

馬榮成剛剛先話推出聶風雕像麒麟魔,好快已經有網友玩二次創作喇。Hoong Moon Goh兄好盞鬼,學足馬榮成喺面書Post出嚟幅解構圖咁,畫咗個「瘋騾、攝封交叉聯乘平行時空特別愛藏版」,聶風變王風雷,麒麟變單車,仲有甚麼「#麒麟球單車」、「#求麟麒異獸」等Hashtag,唔係講笑,我真係笑咗。 相關資訊網圖分享:港漫人2017新年賀圖 (Jan 1, 2017) 等到頸都長!上官小威《畫出彩虹四十年》開訂! (Dec 22, 2016)

Read more ›

《天下》Fans又要破財 聶風雕像不日推出
by / on 12/09/2017 at 2:59 pm

《天下》Fans又要破財 聶風雕像不日推出

如果你係《天下》Fans的話,儲定錢吖唔該,要有心理準備破嘞。事關馬榮成剛喺面書出Post兼出埋解構圖,話會推出聶風雕像──麒麟魔喎,1:4,屬收藏級,買雕像更送獨一無二珍藏紀念品一份,限量生產咁話喎。唔知賣幾多錢呢?希望唔好太貴喇。 相關資訊好有愛!梁偉家三哥病重!馬榮成贈親筆畫! (Nov 30, 2016) 馬榮成推出「新作」 無敵點解開眼嘅? (Nov 17, 2016)

Read more ›
上官小威添食 復刻馬榮成《小鐵漢》與《風雲徙置區》
by / on 07/09/2017 at 9:00 am

上官小威添食 復刻馬榮成《小鐵漢》與《風雲徙置區》

上官小威又有復刻作嘞,今次係馬榮成嘅《小鐵漢》同《風雲徙置區》。《風雲徙置區》分上下兩冊,普通版$68,尊貴限量版包書、兩幅水晶畫板、簽名證書$300;《小鐵漢》一期完,普通版$38,尊貴限量版包書、一幅水晶畫板同簽名證書$180。利申,呢兩本大作我係未睇過嘅,所以好有興趣買番嚟睇,唔知大家又點睇? 相關資訊日本復刻《Slam Dunk》月曆 20年前產品10月賣街 (Oct 3, 2017) 馮志明《兄弟》同《小偷》 上官小威不日復刻 (Sep 13, 2017)

Read more ›
馬榮成籌備珍藏級風雲雕塑!究竟賣唔賣?
by / on 25/08/2017 at 10:00 am

馬榮成籌備珍藏級風雲雕塑!究竟賣唔賣?

馬榮成喺面書透露,話製作緊兩件收藏級雕塑,一個係1:4聶風,另一個係1:2步驚雲,仲登咗兩張相出嚟,相信唔少《天下》迷都睇到流晒口水。睇完相,個人認為聶風面相唔夠俊俏,無咗種飄逸感,反而隻火麒麟做得幾威武吓,不過暫時只係雛型,未係最後Version,相信成品會更精雕細琢更有神韻。另,我有兩個問題想問,一,點解重雲輕風呢?步驚雲就1:2,聶風就1:4,於比例唔成一對喎;二,成品賣唔賣嘅呢?如果賣,大概又幾錢?真係好想知。 相關資訊裸體雕塑着返衫 法國攝影師神級PS技術 (Aug 15, 2017) 【圖集】超型8bit木刻雕塑 木頭人起晒格 (Aug 12, 2017)

Read more ›
有片:《風雲》大總結 郭富城+鄭伊健始終最好
by / on 27/07/2017 at 10:30 pm

有片:《風雲》大總結 郭富城+鄭伊健始終最好

馬榮成喺facebook上咗條片,總結咗《風雲》由原著漫畫衍生出嚟嘅各種項目,包括電影《風雲:雄霸天下》、《風雲II》、電視劇《風雲:雄霸天下》、《風雲》Online Game、《風雲大型舞劇》、《風雲5D音樂劇》同動畫等等。睇完真係不勝唏噓,慨嘆時光飛逝,幾時都話元祖係最好,鄭伊健飾演嘅聶風同郭富城飾演嘅步驚雲始終最討好,首主題曲又好聽,啲甚麼音樂劇同大型舞劇呢…… 相關資訊《今晚打喪屍》漫畫化 誰是主筆等余兒開估 (Nov 8, 2016) 有片:《海報師:阮大勇的插畫藝術》加推70分鐘加長版 (Nov 2, 2016)

Read more ›
步驚雲不敵風吹雨打 絕世好劍斷開兩截
by / on 25/07/2017 at 9:30 pm

步驚雲不敵風吹雨打 絕世好劍斷開兩截

幾鋒利嘅刀都有生銹嘅一日,絕世好劍也不例外。瀏覽馬榮成面書,得悉擺喺九龍公園香港漫畫星光大道嘅步驚雲塑像,因抵受唔住日曬雨淋And風吹雨打,插喺地下嘅絕世好劍斷成兩截,劍身仲出現爆邊情況。唉,此一斷劍,令我諗番起N年前訪問過有嗰句講嗰句嘅林祥焜,佢大鬧政府唔尊重港漫,將啲塑像置放露天地方,無瓦遮頭,不出三兩年一定又殘又爛又污糟,好應該認認真真起個永久性港漫博物館,落力宣傳發展成為旅遊點云云。唏噓呀,真係俾林祥焜不幸言中喇,希望有關方面做多啲保養工夫喇。 相關資訊港漫x電影《悟空傳》 林祥焜創作漫畫版電影海報 (Aug 9, 2017) 網圖分享:港漫人出圖 賀阮大勇奪專業精神獎 (Apr 10, 2017)

Read more ›

網圖分享:馬榮成教仔 做嘢唔好怕蝕底
by / on 20/07/2017 at 10:00 am

網圖分享:馬榮成教仔 做嘢唔好怕蝕底

瀏覽馬榮成面書,原本係想睇吓佢今年書展及動漫節有乜搞作,答案係暫時唔見,卻意外見到畫作一幅,內容係老豆教仔,並有留言曰:「仔仔放假做兩星期暑期工。我第一個告誡是:年輕人一定不要怕蝕底。毫無工作經驗,蝕底是唯一的本錢。」睇完,我心中有個疑問,究竟佢囝囝返乜暑期工呢?Share呢個Post畀班Friend睇,佢哋反應都好兩極,有Friend話難聽過粗口,反問點解年輕人就一定要蝕底;有Friend就話馬榮成講得好啱,經驗係累積返嚟嘅,初出茅廬好應抱住唔怕蝕底之心,珍惜每一個學習機會云云。我呢,都覺得馬榮成講得啱,成世人流流長,蝕頭段有乜所謂,最緊要過程中有嘢落袋嘛。你可以話此屬老一輩思維,但有時老一輩講嘅嘢,錯唔晒。 相關資訊賀上官小威入行40年 重新推出馬榮成《大漫畫》 (Sep 13, 2016) 網圖分享:木頭上的風雲/馬Sir/華英雄 崔成安贈畫馬榮成 (Apr 11, 2016)

Read more ›
網圖分享:《迷離世界》出雙特別版 港漫人贈畫
by / on 13/06/2017 at 8:22 pm

網圖分享:《迷離世界》出雙特別版 港漫人贈畫

勁呀喂,我諗連上官小威都估唔到群情咁洶湧,一話推出各限量100本迷你金版同魔幻金版《迷離世界》啫,三兩日時間200本已經差唔多落晒訂,確實可喜可賀。仲心思思諗緊撐唔撐場?唔知睇完四方八面嘅港漫人賀圖,會唔會增加你購買慾?係,連馬榮成都撥冗贈畫,足見上官小威江湖地位。 相關資訊網圖分享:港漫人的《存在的瞬間》畫展賀圖 (Oct 8, 2017) 網圖分享:港漫人的中秋節賀圖(二) (Oct 7, 2017)

Read more ›
聶風+步驚雲又出手 馬榮成推出《風雲》威士忌
by / on 18/04/2017 at 10:00 am

聶風+步驚雲又出手 馬榮成推出《風雲》威士忌

瀏覽面書,但見馬榮成有以下留言:「《風雲》即將推出限量威士忌酒,絕對是成人的收藏。」幾錢?幾時推出?點買法?限量幾多?暫時統統未有資料,不過有相睇。齋睇相,個人認為酒盒係好靚仔嘅,純白底聶風加步驚雲,構圖簡簡單單無得輸,開盒,見有風雲招紙威士忌兩支,兼有「金鱗豈是池中物,一遇風雲便化龍」字句,堪稱集體回憶返晒嚟,《風雲》迷一定Like,唔太天價的話,我諗好多港漫迷都會爭住買。 相關資訊日本網民自製士多啤梨酒 完成品超靚好味到尖叫 (Mar 18, 2017) 網圖分享:江湖地位誰可代替 漫畫家出圖賀上官小寶70大壽 (Dec 17, 2015)

Read more ›
今期必買 《香港電影金像獎特刊》+《我們都是這樣看港漫長大的》
by / on 11/04/2017 at 10:30 am

今期必買 《香港電影金像獎特刊》+《我們都是這樣看港漫長大的》

再次恭喜阮大勇奪第36屆香港金像獎專業精神獎,咁恭喜完,係咪應該做番啲實際嘢支持佢?Fine,除咗喺佢嫩人家留言恭喜外,我哋不如捧吓場買番本附送《阮大勇最愛五十電影海報集》嘅《香港電影金像獎特刊》喇,呢本好嘢絕對值得珍藏。另外,唔知大家會唔會一撐由范永聰博士編著嘅《我們都是這樣看港漫長大的》?我孤陋寡聞唔識范永聰,但我Like個書名,好有共鳴呀衰鬼!內容由港漫60年代講到千禧年,人物涉及王司馬、王澤、講到黃玉郎、漢民、馬榮成、邱福龍、狄克、牛佬、甘小文、鄭問等等,每本$88,鍾意文字書嘅港漫迷應該啱睇,兩本書「至Goal Club」有售。 相關資訊《古惑仔》女殺手似教師 兩大神人仲未見到趙繼邦 (Oct 12, 2017) 《古惑仔》暗黑之門殺手登場 跪求牛佬咪咁快整死Tommy Lin (Oct 10, 2017)

Read more ›