Post Tagged with: "馮志明"

上官小威復刻《金漫畫》 星級陣容每本$98
by / on 24/09/2017 at 5:49 pm

上官小威復刻《金漫畫》 星級陣容每本$98

早前報導話上官小威正準備復刻《金漫畫》,依家有進一步消息。《金漫畫》將以12期作為一個總結,保證完滿出版所有故事,售$98。一舊水可以睇到啲乜呢?可以話係星級陣容,包括上官小寶、上官小威同馮志明,最喜出望外係徐大寶同黃國興都有份供稿,真真久違了。可以睇番佢哋嘅漫畫,我諗好多港漫迷都會好Happy。 相關資訊復刻停不了 上官小威復刻《金漫畫》 (Sep 19, 2017) 《小鐵漢》+《風雲徙置區》9月20日獨家開訂 (Sep 18, 2017)

Read more ›

馮志明《兄弟》同《小偷》 上官小威不日復刻
by / on 13/09/2017 at 10:14 pm

馮志明《兄弟》同《小偷》 上官小威不日復刻

利申,我係未睇過馮志明《兄弟》同《小偷》嘅,所以對上官小威打算復刻呢兩本40年前嘅大作,我非常有興趣。兩本打孖一齊買,售$68,唔貴,雖然唔知實際印書數,但講到明限量絕不加印,到時仲會出多個贈品版添,老土都係呢一句,必撐,拭目以待。 相關資訊很想要吧 Kent Chu復刻超迷你版《金報》同《生報》 (Sep 12, 2017) 上官小威添食 復刻馬榮成《小鐵漢》與《風雲徙置區》 (Sep 7, 2017)

Read more ›
馮志明出Post有辦你睇 《大漠蒼狼》手繪封面
by / on 15/08/2017 at 3:15 pm

馮志明出Post有辦你睇 《大漠蒼狼》手繪封面

Fine,擺明係引誘,馮志明喺面書Post咗兩張《大漠蒼狼》手繪封面相,簡簡單單留言曰:「手繪版ing,有霸刀又點會沒有飛驚?」有辦你睇,委實靚到一個點,豪邁沙筆版同精美彩筆版各限量40本,睇怕都要搶埋一份。 相關資訊馮志明出手繪畫集2016? (Jun 20, 2016) 網圖分享:黑白畫有氣勢 馮志明過年手作隨筆 (Feb 15, 2016)

Read more ›
馮志明《大漠蒼狼》簽名會 睇埋《刀劍江湖上河圖》
by / on 09/08/2017 at 6:00 pm

馮志明《大漠蒼狼》簽名會 睇埋《刀劍江湖上河圖》

呢個禮拜六,大家有必要走一趟「收藏家港漫專區」,事關馮志明會駐場搞霸刀801《大漠蒼狼》簽名會,影相就梗,頭40位幫襯滿$150嘅讀者仲即送迷你水晶印章添,印章分霸刀同虎斷版,正呀喂。簽完名,影完相,攞完禮物,唔該大家唔好做低頭族,因為30呎長《刀劍江湖上河圖》掛咗喺舖頭牆壁,長到要圍住幾幅牆嚟掛,內有齊《霸刀》同《刀劍笑》角色人物,有排睇呀。可惜嘅係《刀劍江湖上河圖》只有十幅,已經悉數被人訂購,無得擁有,有得欣賞打番張卡到好。 相關資訊《山海逆戰》出匙扣特別版 附Q版勾徹同傲嵐匙扣 (Apr 6, 2017) 幫襯收藏家港漫專區 即送邱福龍/夏偉義揮春 (Jan 19, 2017)

Read more ›
馮志明N呎長《刀劍江湖上海圖》曝光!
by / on 06/08/2017 at 12:00 pm

馮志明N呎長《刀劍江湖上海圖》曝光!

好葡萄!Kent Chu兩年前喺香港漫畫Show訂購嘅馮志明作品《刀劍江湖上海圖》剛剛到手,仲影咗相掟上面書公諸同好添。《刀劍江湖上海圖》全球得十幅,睇相,拉橫應該超過30呎長,全黑白,據知老馮本尊已經裱起咗,如果可以見到真身就好咯。不過我又咁諗,咁長點收藏好呢?除咗捲起佢真係別無他法,算你肯花錢買畫框裱起呢幅長畫,睇怕屋企都無咁大地方擺……唉,又係土地問題。 相關資訊Kent Chu做到嘢 非Dark Club會員都攞到貼紙 (Sep 21, 2017) 《山海逆戰》印錯期數 Kent Chu送免費貼紙彌補缺陷 (Sep 18, 2017)

Read more ›
馮志明《大漠蒼狼》 早訂送Folder
by / on 21/07/2017 at 11:00 am

馮志明《大漠蒼狼》 早訂送Folder

久違了的老馮終於有新書出,《大漠蒼狼》鐵定8月1日見街,一期完故事,「收藏家港漫專區」開訂,分兩個版本,一,普通版,又可細分為飛驚版同青龍版,各$180,買齊可以合併兩個封面,兼送你霸刀20周年Folder一大個;二,精裝硬皮版$280。驚你未夠喉,再整多本人設畫集添,每本$150。嗯,霸氣,我見到霸氣…… 相關資訊《漫畫Buddy 3》Folder套裝限量200套 (Jul 12, 2017) 書屋訂購《漫畫Buddy 3》 送Folder+Postcard (Jul 11, 2017)

Read more ›

馮志明x李珣 澳門開《美女與野獸》畫展
by / on 29/06/2017 at 10:00 am

馮志明x李珣 澳門開《美女與野獸》畫展

詳細資料唔多,亦無畫作可以先睹為快,但單憑馮志明呢三個字已經係信心保證,係就係遠咗啲,但如果有時間的話,不妨去澳門走一轉,事關馮志明會孖住李珣舉辦澳門漫藝術協會聯畫展《美女與野獸》。美女者,講緊唯美少女畫風嘅李珣;野獸者,當然係講筆風豪邁奔放嘅馮志明喇。 相關資訊冬甩扮事業線 張敬軒扮Emma Watson激似 (Mar 6, 2017) 網圖分享:猴年伊始 港漫人新年賀圖 (Feb 8, 2016)

Read more ›
《山海逆戰》珍藏卡特別版三封面 賣萌雪晴版售罄
by / on 24/05/2017 at 7:45 pm

《山海逆戰》珍藏卡特別版三封面 賣萌雪晴版售罄

嚟緊第26期《山海逆戰》推出珍藏卡特別版,三個版本終於有齊封面睇嘞:一,手繪至尊版專刊封面由雪晴繪畫,售$1280;二,卡簿特別版專刊由何志文繪畫,售$188;三,珍藏卡套裝版專刊封面由馮志明繪畫,售$88,「收藏家港漫專區」已經開始全部接受訂購,你又最鍾意邊一個版本?值得一提係雪晴版本已經售罄,于若蘭同傲嵐出自女仔手筆,原來會咁受歡迎,賣萌一樣掂,厲害! 相關資訊《山海逆戰》搞Gag? 伯益係首個用髮泥嘅人? (Sep 19, 2017) 網圖分享:港漫人出圖望颱風快快走 (Aug 28, 2017)

Read more ›
馮志明客串《山海逆戰》封面 霸氣勾徹出場
by / on 18/05/2017 at 5:00 pm

馮志明客串《山海逆戰》封面 霸氣勾徹出場

下期第26期見到《山海逆戰》特別版專刊,覺得唔同Feel的話,一啲都唔需要意外,因為封面由馮志明操刀。行家一出手,便知有沒有,老馮畫嘅勾徹霸氣縱橫,堪稱精彩到一個點,我就極希望可以原圖出,加番個書名就夠,千其唔好加咁多底色呀、Effect呀之類,呢張圖,我已經Save as wallpaper,實在係正。 相關資訊跟進:自嘲窮鬼+鹹濕鬼+爛賭鬼 福龍唔係撞鬼 (Aug 15, 2017) 《山海逆戰》超級Fans Edward Yu!添食創作異獸狸力泥塑! (Aug 9, 2017)

Read more ›
馮志明《新書原畫展》 火炭藝術工作室開放日
by / on 16/01/2017 at 11:00 pm

馮志明《新書原畫展》 火炭藝術工作室開放日

正正正正正!有畫展睇呀,今次有請老馮出場,掌聲鼓勵,啪啪啪啪啪!「火炭藝術工作室開放日2017」有馮志明《新書原畫展》,主題係「招、拼、日」,點招點拼點日法,自己慢慢考究,鍾意老馮畫風嘅你,千其唔好錯過。 相關資訊「邱福龍x黑漫畫」漫想世界展覽 買精品送限量印畫 (Dec 26, 2015) 告別《黑漫畫》 最後一期送聖誕卡 (Dec 21, 2015)

Read more ›
等到頸都長!上官小威《畫出彩虹四十年》開訂!
by / on 22/12/2016 at 9:00 pm

等到頸都長!上官小威《畫出彩虹四十年》開訂!

講咗N年,等到頸都長,上官小威巨著《畫出彩虹四十年》終於開訂,封面參考上官小威、馮志明、黃國興、謝志榮同馬榮成一張舊合照而成,好有心思。特別珍藏版分白金版同黑金版兩款,各售$250,各送紙畫板同明信片四張,各限量100本,如果一次過買齊兩個版本,送多你一張海報兼抽獎機會,至於係乜禮物就暫時未知。如果單買是但一本,科多$40可以換購紀念水晶畫板一幅,都係限量100幅。至於普通版,每本售$120包四張明信片,報告完畢。 相關資訊聶風火麒麟雕像開訂 $8300你買唔買? (Sep 24, 2017) 網圖分享:笑爆嘴二創 麒麟魔變麒麟球單車 (Sep 13, 2017)

Read more ›

復康力量傷健共融日 馮志明義賣畫作
by / on 20/10/2016 at 10:30 pm

復康力量傷健共融日 馮志明義賣畫作

早三兩日咪報導過小魚毛(余均偉)會出席「復康力量傷健共融日」,屆時會孖埋馮志明一齊義賣畫作嘅,小魚毛封大作率先曝光,至於馮志明畫成點,依家都有得睇喇。哈,又估唔到畫風可以變得咁厲害喎,完全無晒霸氣,落色平易近人,連公仔面相都友善了不少,唔講真係好難想像出自老馮手筆。Anyway,為善不甘後人,有時間嘅,10月22同23日去維園捧吓場喇。 相關資訊鄺志德慈善義賣!公開競投價高者得! (Jun 7, 2017) 港女老婆CaCa維園擺年宵 搵Cuson畫親筆畫 (Feb 5, 2016)

Read more ›
復康力量傷健共融日 小魚毛義賣畫作
by / on 17/10/2016 at 10:15 pm

復康力量傷健共融日 小魚毛義賣畫作

話說港漫人小魚毛(余均偉),會喺10月22同23日出席喺維園舉辦嘅「復康力量傷健共融日」,屆時仲會義賣畫作一副添,咁有意義嘅事,真係好值得大家支持吓。另,小魚毛喺面書透露呢壇嘢馮志明都有份,我忽然好想知佢畫成點,If用砂筆,唔知會唔會霸氣過頭,同大會主題唔多搭調呢? 相關資訊《漫畫賓治2》12月3日出版 課金支持唔好得個講字 (Nov 30, 2016) 抵到爛!$10一幅畫板!《10大名家傲畫集Boxset》唔買唔得! (Dec 10, 2015)

Read more ›
馮志明聽日開簽名會 《手繪畫集2016》優先發售
by / on 08/07/2016 at 9:45 pm

馮志明聽日開簽名會 《手繪畫集2016》優先發售

天文台好似話聽日行雷閃電,但就算幾橫風橫雨都好,都應該影響唔到我走一轉信和嘅決心,事關馮志明本《手繪畫集2016》聽日正式開賣,仲喺「收藏家港漫專區」搞咗個簽名會,大家想搵佢嫩人家簽名影相的話,唔該準時出席喇。另,《手繪畫集2016》分飛驚版同霸刀版,各售$160,即場購買畫集即送多個File畀你,開心! 相關資訊阿塗書展出《圖解廣東話Cantonese.jpg》 留意簽名會 (Jul 21, 2017) 《暗黑指紋》搞首賣簽名會 出埋Postcard (Jun 27, 2017)

Read more ›
《馮志明手繪畫集》 7月9日搞簽名會 兩版本任揀
by / on 22/06/2016 at 11:00 pm

《馮志明手繪畫集》 7月9日搞簽名會 兩版本任揀

有啲嘢真係唔使多講,齋睇已經夠,講緊係《馮志明手繪畫集》,齋睇封面裡面嘅 飛驚同霸刀,已經好想好想買。詳細資料如下──分「飛驚版」同「霸刀版」兩個 版本,92頁,全新購圖即係無舊稿喇,封面銀卡印製,各售$160。想搵老馮簽個大 名?得,7月9日「收藏家港漫專區」搞簽名會優先場,到時可以直接搵佢嫩人家影 相,到7月12日,畫集正式喺各大中小漫漫店發售。講開又講,港漫人其實都幾齊 心嘅,梁畫家都有出賀圖預祝老馮本畫集大賣,呢啲咪江湖地位囉。 相關資訊梁偉家自製《滅絕遊戲》時鐘 獨一無二無得賣 (Aug 22, 2017) 跟進番:梁偉家《滅絕遊戲》紀念明信片 得個睇字無得賣 (Jul 26, 2017)

Read more ›