最先睇到段片係因為有個外國人喺Twitter分享，話係有史以嚟最正嘅影片，仲吸引22萬轉載，之後搵返原來原帖係日本人上傳嘅，片中嘅鸚鵡仔用嘴咬住打開咗個紙盒，原來裡面有隻喵星人！拯救咗隻喵以為有獎勵？點知隻喵竟然出手爪佢，嬲嬲哋嘅鸚鵡仔決定報仇，睇完好難忍得住笑。原帖仲有後續，入嚟有得睇足本版。 相關資訊【新片速報】喵星人表演高空雜技 拉長全身腳揈揈 (Sep 22, 2017) 【新片速報】日本喵星人被玩尾 突然發惡影片Twitter熱傳 (Sep 21, 2017)

人類有玩具，呢隻鸚鵡仔都有喎。佢嘅主人買咗隻雀仔玩具俾佢，呢隻玩具仲識錄音跟人講嘢。鸚鵡仔起初玩得好開心，仲昂晒頸不停講「KON呢支娃」，不過無幾耐佢似乎想同玩具有進一步嘅交流，點知掂吓掂吓，隻玩具雀竟然俾佢推咗落地！喂，你殺咗你個朋友仔呀！ 相關資訊【有片】兒時夢想呀！Bandai出筋斗雲攬枕 (Sep 22, 2017) 【有片】強壯Body唔好嘥 日本消防員拍50套AV被發現 (Sep 22, 2017)

可歌可泣嘅愛情故事！呢段片最近喺Twitter熱傳，有日本網民分享咗佢隻鸚鵡嘅求愛故事，可惜佢嘅心儀對象一直無反應，原來對方係一隻毛公仔‥‥‥睇片見佢對住個毛公仔不停唱歌，仲好忘我咁跳晒舞，見對方無反應，仲轉個姿勢繼續唱，唉，睇到我想喊。 相關資訊【有片】日本屋中屋帳篷 自製私人空間唔駛1千蚊 (Sep 22, 2017) 日本雨傘防失踪方法 扮警局財物網上熱傳 (Sep 22, 2017)

小小嘅道具，就可以令呢兩隻日本嘅鸚鵡仔脫胎換骨！佢嘅主人對佢哋好好，諗到幫佢哋加塊布仔轉個新造型，睇落性感得嚟又可愛，受歡迎程度即時上升！有無人有興趣試吓？ 相關資訊日本Twitter熱爆青梅竹馬漫畫 泰國致敬版超爆笑 (Sep 21, 2017) 1月東京開展 《Final Fantasy》30周年大型回顧展 (Sep 21, 2017)

呢位日本網民屋企養咗好多唔同嘅鸚鵡，每隻都好靚。而家天氣開始凍，佢都開咗個暖爐俾自己同佢哋嘆。期中有隻毛色好靚、粉紅、黑白相間嘅鸚鵡特別識嘆，居然嘆開成個身體嘆暖氣，而且呢個已經成為佢每日嘅指定動作。輯相喺Twitter勁多人RT，樓主話個暖爐有32cm濶，即係隻鸚鵡攤開身體都有呢個濶度。BTW，係時候準備定屋企部暖爐招呼你嘅寵物嘞。 相關資訊日本白色鬚鬍喵 超搞笑外型Twitter熱傳 (Sep 21, 2017) 八哥變四方狗 日本扭蛋一式6款層層叠 (Sep 20, 2017)

一開始睇呢段片嘅時候，會以為個主人虐待隻鸚鵡，將佢放喺用完嘅廁紙筒入面碌呀碌，不過睇到後段就會發現，其實係隻鸚鵡仔自己貪玩。睇佢碌完幾個圈出返嚟之後，又忍唔住捐返入去再碌，玩得超開心，估唔到平平哋就可以整到個玩具俾佢，抵。 相關資訊日本傳統貓奴怪 奇譚新扭蛋夠古怪夠特別 (Sep 20, 2017) 【相集】日本超強顏藝值狗狗 惡樣萌樣Twitter熱傳 (Sep 20, 2017)

呢隻住喺日本嘅鸚鵡唔止聰明，仲好貪靚！呢條片放上Twitter後好多人RT，睇片見隻鸚鵡好用心咁將本雜誌咬出一條條唔同色嘅紙條，之後佢居然將啲紙條插上自己個身度做裝飾，仲越插越多，十足孔雀開屏咁，好搞笑。BTW，插到成身紙條會唔會飛唔起？ 相關資訊【有片】釣魚的人有福了 博多灣河口大量魚聚集浮面 (Sep 19, 2017) 遲早冇店員？日本便利店變自動售賣機 (Sep 19, 2017)

呢隻鸚鵡真係超得意，為咗聽自己把聲聽得傳神啲，居然識得喺玩具堆入面搵到個細細個嘅膠兜，然後笠住自己個嘴再大嗌試咪。咦，係喎，真係大聲啲傳神啲喎，再試先！之後佢不停嘗試，玩得好開心。主人將條片放上YouTube，好快已經過百萬點擊，睇返之前啲片，原來隻鸚鵡真係有試咪癮，成日拎起唔同嘅膠兜練習，又識玩傳波，好醒好得意！ 相關資訊超爛瞓日本柴犬仔 排排瞓超可愛Twitter熱傳 (Sep 15, 2017) 【圖集】日本超可愛「憤怒貓」 瞪大眼裝兇作勢 (Sep 11, 2017)

剝牙方法有好多種，之前見過有阿爸開架真車chok甩個仔隻牙，今次呢個小朋友Anton Androshchuk都好有特色，就係搵自己隻鸚鵡幫手剝，42秒短片，睇住隻鸚鵡喺Anton個口入面搵隻鬆鬆哋嘅牙，然後用個尖嘴不停啄，最後成功剝咗！而且據聞呢隻已經係鸚鵡幫Anton剝嘅第5隻牙，好神奇！ 相關資訊【長知識了】日本雞仔腳撐開企唔穩 獨門方法兩日醫好 (Apr 20, 2017) 日本網民自製士多啤梨酒 完成品超靚好味到尖叫 (Mar 18, 2017)

呢隻紫藍金剛鸚鵡囂張得嚟好聰明，最近喺網絡爆紅，睇片見倒佢識得自己開水喉沖涼，最正係佢會伸隻腳去水龍頭下面試水溫，試啱之後先會彎身快速經過水位來回沖身，主人想閂細啲個水龍頭咩？佢就會作出反抗自己校返大啲水！見佢洗完左腳洗右腳，好有衞生意識。呢隻鸚鵡叫Miss Iris，已經13歲，住喺美國加州嘅Palos Verdes，主人話佢最鍾意沖凍水涼，仲識得將水龍頭校左校右變水溫，好勁。星期一心情悶悶哋，睇完應該會輕鬆返少少。 相關資訊日本柴仔裝主人沖涼仲單眼 超可愛Twitter熱傳 (May 20, 2017) 日本喵星人浸浴變上刑場 表情超慘烈Twitter熱傳 (Nov 19, 2016)

日本EPOCH嘅扭蛋一向以惡搞聞名，之前介紹過有天壇大佛頭嘅柴犬，最近公佈今年5月會推出呢款香蕉鸚鵡扭蛋，夠膽死將香蕉同鸚鵡兩樣完全無關嘅嘢結合，但係效果又無違和感，仲幾得意，搞到我都好想買返隻。一式6款，普通高度45mm，但係仲有隻迷你版25mm，得意到暈！個人認為要買嘅，梗係揀最classic嘅黃色版香蕉啦！ 相關資訊【有片】日本喵兄弟 日日一齊瞓超sweet (Sep 19, 2017) 【有片】中計啦你！日本貓奴拘捕主子計劃成功 (Sep 19, 2017)

cosplay睇得多，扮動物真係比較少見，外國網Archie McPhee好鐘意出動物面具，最新作品就係呢款狗仔八哥嘅面具(係咪八哥？其實我唔係好識分八哥同沙皮)，用乳膠製成，聲稱味道好聞過真狗，我諗戴住佢星期日去公園蹓狗都幾有型。分分鐘平時見親你都狂吠嘅嘅隔籬屋狗女，會對你忽然熱情咗。除咗狗狗，仲有豬呀、雞呀、鸚鵡呀等數之不盡嘅動物面具，總之務求你同屋企嘅籠物有得襯到絕出街威威。 相關資訊超正日本路牌立體扭蛋 動物出沒注意！ (Jun 9, 2017) 外國警隊Facebook專頁網民激讚 有動物睇幽默感爆棚 (May 24, 2017)