Post Tagged with: "麥當勞"

日本麥當勞新薯條 「大学いもの味」個盒好靚
by / on 08/02/2017 at 4:38 pm

日本麥當勞新薯條 「大学いもの味」個盒好靚

2月15日或之後去日本旅行嘅,麥記又有新嘢食,就係呢隻「和風ポテトフライ 大学いもの味」,會供應到3月中。隻醬係蜜糖加黑芝麻,又甜又鹹唔知好唔好食?不過個盒就好靚。價錢330円,跟餐加60円。 相關資訊日本自動唱錢機 羽田機場有得玩 (Feb 21, 2017) 新玩法?保鮮紙舖面 角色臉都紅 (Feb 21, 2017)

Read more ›

【心寒】麥當勞叔叔被納粹黨批鬥    超強相集喪屍遍地
by / on 30/01/2017 at 1:20 pm

【心寒】麥當勞叔叔被納粹黨批鬥 超強相集喪屍遍地

好驚呀!好彩唔係生於納粹時代,如果唔係連麥當勞都無得食係咪驚先?輯相喺網上引起好大爭議,藝術家Jake & Dinos Chapman創作咗輯相集,背景係滿佈喪屍嘅納粹黨時代,受批鬥嘅係麥當勞叔叔。睇相見到麥當勞叔叔被吊十字架,希特拉飲麥當勞奶昔被困木籠,連漢堡神偷、滑嘟嘟都要坐船走佬。輯相除咗氣氛恐怖,仲勁在超強細節,屍橫遍野、後面每個納粹黨員都有唔同嘅動作表情,入嚟有得慢慢睇。 相關資訊日本「河津櫻」超靚相集 日本最早櫻花二月盛放 (Feb 17, 2017) 【村長級】黑面Juno喵星人相集 經常憤怒勁有威嚴 (Feb 14, 2017)

Read more ›
【新片速報】麥當勞比卡超全新展示法 美國CES跳盒而出Twitter熱傳
by / on 09/01/2017 at 7:12 am

【新片速報】麥當勞比卡超全新展示法 美國CES跳盒而出Twitter熱傳

美國消費電子展CES啱啱完咗,其中好多日本網民留意呢段片同喺Twitter分享。影片示範用Hologram展示麥當勞開心樂園餐,比卡超會喺個盒度跳出嚟,個漢堡又會轉轉吓。其實Hologram唔係新嘢,今次由英國公司kino-mo展示嘅全新Holograms裝置,名為Kino-mo Hypervsn。BTW,如果未來全線麥當勞都用呢啲裝置做展示牌,等嘢食嘅時候都幾頭暈,不過小朋友應該好開心。 相關資訊【新片速報】日本喵星人收埋自己 捐黑袋影片Twitter熱傳 (Feb 21, 2017) 日本Starbucks黑板畫神人 出post回帶睇舊畫 (Feb 20, 2017)

Read more ›
意大利麥當勞推出Nutella朱古力漢堡 流心朱古力超想食
by / on 15/11/2016 at 7:11 am

意大利麥當勞推出Nutella朱古力漢堡 流心朱古力超想食

好鍾意食Nutella呢隻朱古力醬,最近意大利嘅麥當勞竟然同Nutella合作,推出呢個Nutella漢堡包,而且已經有得食!張圖放上Facebook後已經有接近10萬個分享,睇相見到啲朱古力流緊出嚟超想食,唔知香港會唔會引入呢?不過我又諗起嗰啲理想與現實嘅試食圖,都係買個包返屋企自己搽嘞。 相關資訊呢個係一個考驗 情人節日本有5塊版朱古力包 (Feb 13, 2017) 菲律賓快餐店推出LEGO漢堡 4色漢堡仲有雪糕 (Feb 12, 2017)

Read more ›
萬聖節Burger King扮麥當勞鬼鬼    成間舖變裝認真玩
by / on 27/10/2016 at 7:13 am

萬聖節Burger King扮麥當勞鬼鬼 成間舖變裝認真玩

外國人有幽默感,所以啲宣傳手法都特別有創意。好似最近紐約嘅Burger King,就趁萬聖節就到,扮佢嘅競爭對手麥當勞。唔止路牌係隻披住麥當勞T恤嘅鬼鬼,成間舖都住塊寫住「McDonald’s」嘅白布,睇對眼就知佢係Burger King扮嘅。連裝漢堡包個盒都經過特別設計,好正,最重要係成本應該好平。 相關資訊愛媛縣鬼北町「道の駅」 5米女鬼像好破格 (Dec 5, 2016) 日本萬聖節9大Cosplay圖集 下年要去日本 (Nov 4, 2016)

Read more ›
日本麥當勞同「布甸狗」合作產品係啲咩?「麥樂狗」「狗旋風」定「布甸漢堡」?
by / on 03/10/2016 at 4:46 pm

日本麥當勞同「布甸狗」合作產品係啲咩?「麥樂狗」「狗旋風」定「布甸漢堡」?

嚟緊10月14日日本麥當勞會同布甸狗「ポムポムプリン」合作,推出主題食品。咁官方就叫大家估吓係咩嚟,當中包括有用嚟點麥樂雞嘅布甸醬,又有布甸漢堡,仲有布甸狗麥旋風,到底邊樣似啲?會唔會其實係有齊晒呀?10月7日會正式公佈。 相關資訊日本攝影高手再出圖 Iron Man新武器係精靈球 (Feb 21, 2017) 日本家居小工具 超強力貼紙負重150公斤 (Feb 21, 2017)

Read more ›

【有片】首次合作 日本麥當勞 X 「森永牛奶糖」 月尾出McSHAKE
by / on 15/09/2016 at 8:42 pm

【有片】首次合作 日本麥當勞 X 「森永牛奶糖」 月尾出McSHAKE

我估會甜到爆。都食過「森永ミルクキャラメル」啦,係好味,但都幾甜,如果要嚟做飲品……日本麥當勞同「森永製菓」初次合作,將會喺9月21日推出呢個特別口味嘅McSHAKE,細杯賣120円、中杯賣200円。都係嗰句,嗰段時間去就要試吓啦,影張相啦,放上fb啦,飲完個杯都唔會想掉啦。 相關資訊日本超靚櫻花貼紙 粉紅漸變花瓣自由組合 (Feb 21, 2017) 【有片】日本大風雪下驚現「肥雪犬」 無懼風雪輕鬆漫步 (Feb 21, 2017)

Read more ›
【多圖】日本麥當勞 x 船梨精 扮麥當勞叔叔超搞笑
by / on 11/09/2016 at 12:44 pm

【多圖】日本麥當勞 x 船梨精 扮麥當勞叔叔超搞笑

香港麥當勞都有nanoblock,不過如果有得自己砌埋就更好嘞。日本呢,最近就同出名玩得癲嘅「船梨精」合作,推出開心樂園餐玩具系列,8款造型超吸引!最正一定係船梨精扮麥當勞叔叔嗰款,零違和。另外俾漢堡包夾住嗰款都超得意,其餘仲有扮店員、外賣速遞員同‥‥‥做自己,9月7日至19日買餐就有玩具送,去開日本嘅fans記住換嘞! 相關資訊極速壽司 日本網民迴轉壽司店練動態攝影 (Feb 20, 2017) 【係咪太勁?】有片:竟然係模型 超像真玩具房 (Feb 20, 2017)

Read more ›
【有片】日本麥記廣告女 日本網民追捧15歲「マーシュ彩」
by / on 25/07/2016 at 5:40 pm

【有片】日本麥記廣告女 日本網民追捧15歲「マーシュ彩」

日本麥當勞可唔可以靠同《Pokémon Go》合作彈番起身好難講,不過呢系列麥記廣告就引起咗日本網民注意,因為當中位女主角好可愛。呢位「マーシュ彩」嘅爸爸係美國人,媽媽就係日本人,小學2年級已經簽咗公司,之後加入組合「F.A.R.M.」(2014年改名「White Lace」),今年9月先16歲……原來係混血兒,難怪個樣有啲早熟。 相關資訊【圖集】日本囡囡除下口罩後 前後對比圖好震憾 (Feb 20, 2017) 【知足者】一張圖變圖集 貧乳系「夏目花実」 日本網民:「樣可愛咪得囉。」 (Feb 19, 2017)

Read more ›
【救命】日本全線麥當勞今月引入免費Wi-Fi 冇蛋冇電必去
by / on 14/06/2016 at 8:29 pm

【救命】日本全線麥當勞今月引入免費Wi-Fi 冇蛋冇電必去

如果冇租Wi-Fi蛋,又突然有啲重要嘢想查;又或者租咗Wi-Fi蛋但已經冇電;又或者想坐低飲杯嘢食個包上吓網,咁就妥當喇,因為日本麥當勞將會由今個月6月20日開始至7月尾,就會喺全日本47都道府縣嘅1,500間店,提供免費Wi-Fi「マクドナルド FREE Wi-Fi」服務,首先會有日文同英文,之後仲會有中文同韓文對應,雖然日本冇香港咁多麥記,但救命搵佢都幫到手。 相關資訊日本奈良3隻鹿仔過馬路 激似The Beatles唱片封面 (Feb 19, 2017) 【有片】日本LEGO高手 自製自動扶手電梯 (Feb 19, 2017)

Read more ›
【有片】送18K金薯條 日本麥當勞創意攝影活動
by / on 18/05/2016 at 5:52 pm

【有片】送18K金薯條 日本麥當勞創意攝影活動

嘩,如果喺屋企擺一包金薯條喺度,真係身份象徵。呢包18K嘅金薯條「金のマックフライポテト」,係日本麥當勞搞嘅「ポテ撮り」攝影活動獎品,重約50g。呢個活動都好玩嘅,就係只要用佢個app影相,就咩都可以變成薯條……o依家都有啲作品出咗,可以入嚟睇喇。 相關資訊日本滑雪場見機動戰士 網民以為未瞓醒 (Feb 19, 2017) 【好驚呀!】日本馬騮好兇狠 深山警告牌咬到見血 (Feb 19, 2017)

Read more ›

【日本必試】麥記新包 Clubhouse漢堡5粒星正評   網民激讚無伏
by / on 01/05/2016 at 12:47 pm

【日本必試】麥記新包 Clubhouse漢堡5粒星正評 網民激讚無伏

食麥記嘅新飽經常中伏,不過日本麥當勞新出嘅Clubhouse Burger就大獲好評,好多日本食家仲俾4-5粒星。今次總共推出兩款新包,一款牛肉一款炸雞,賣490円。除咗有大大塊嘅煙肉做賣點之外,個甜甜哋辣辣哋嘅醬汁都好多人讚,而網友推薦嘅就係牛包,因為話炸雞嗰款塊炸雞仲無便利店嗰啲咁好食。其實今次日本麥記信心十足,推出前宣傳都標榜自己係5粒星水準,而每位點餐人士都會有張刮刮咭,邀請佢哋幫個包評分放上Twitter,擺明信心十足。呢排去開日本記住要試吓嘞! 相關資訊日本Starbucks職員出手 超靚黑板畫Twitter熱傳 (Feb 19, 2017) 日本喵星人試坐「牛角包咕臣」 姿勢超嘆Twitter熱傳 (Feb 19, 2017)

Read more ›
日本麥當勞兼職計劃 「社会人Y」應該會死
by / on 23/04/2016 at 7:54 pm

日本麥當勞兼職計劃 「社会人Y」應該會死

正所謂錢唔夠駛,好多人都會想做吓兼職,可能係大學生,可能係主婦,更加可能係本身有一份工再兼多份,真係諗起都身同感受眼濕濕。日本有網民就出咗圖話日本麥當勞請兼職,舉咗幾個例子出嚟,當中有「高校生A」,每朝6點至8點兼完職先去返學,每星期返4日;亦都有「主婦S」晚晚11點做到清晨4點……題外話係呢個「主婦S」惹起網民嘅幻想。好喇,仲有大學生都好勤力啦,不過,網民就發現嗰位「社会人Y」,由夜晚10點返到第二朝6點,咁作為「社会人」,即係之後又要返工,放工瞓一陣又開工?冇晒生活?不過佢每星期返3日啫……唉,生活真係艱難。話時話,好似話日本麥當勞兼職時薪最高可以成1.000円喎?仲高過我讀書嗰陣兼職做馬會。 相關資訊【理想與現實】日本最可愛自拍女高中生 網民:「第二位好想打佢」 (Feb 19, 2017) 【有片】日本女高中生Pose演變史 V手鴨嘴講到1684年 (Feb 18, 2017)

Read more ›
網絡瘋傳到日本 台灣麥記又出正妹
by / on 03/04/2016 at 5:51 pm

網絡瘋傳到日本 台灣麥記又出正妹

記唔記得台灣麥當勞有位「徐薇涵」,賣包賣薯條,個樣超可愛,搞到好多日本網站都有報道。啱啱又有一位喇,呢位叫「Min Min」,就因為佢喺自己facebook叫人去台中麥當勞搵佢買「甜心卡」而搞到喺網絡好多人講,台灣有傳媒報道之後,亦有日本網站介紹。網民除咗話「決定今晚食麥記」外,仲有人話佢似空姐,又話買包有冇佢嘅LINE送……睇番佢facebook同ig,仲應該有做model,因為有張內衣照,佢話今日著嚟影相嘅內衣都好靚……我都係嗰句,點解?點解我未見過香港麥記發生啲咁嘅事?如果有,我一定要兩個8號餐加大,一個儲一個食。 相關資訊【實驗】麥樂雞/薯條擺足6年無腐爛 「開心樂園餐」最長壽 (Feb 12, 2016) 日本麥當勞新包求改名 網民見真身叫「欺詐漢堡」 (Feb 4, 2016)

Read more ›
【新片速報】日本麥當勞動畫招募新人 超熱血AKB48聲演名
by / on 20/03/2016 at 4:06 pm

【新片速報】日本麥當勞動畫招募新人 超熱血AKB48聲演名

AKB48 横山由依 × Team 8 岡部麟 × スタジオコロリド!日本廣告特別好睇,就連最近麥當勞招募新人嘅廣告,都特別熱血感人。呢段廣告片以日本最強項嘅動畫製作,講一個小妹妹由初入麥當勞做嘢乜都唔識,都最後獨當一面成為大姐姐嘅故事。廣告片叫「我的未來」,你話:「唓,咪又係麥當勞請時薪員工」,不過加埋AKB48橫山由依聲演同埋咁浪漫嘅風格,感覺就唔同晒。 相關資訊【你有冇試過】搣甩四角開唔到 日本網民悲劇圖 (Feb 18, 2017) 日本畫師新作 水墨畫Iron Man極靚 (Feb 18, 2017)

Read more ›