Post Tagged with: "麥當勞"

網絡瘋傳到日本 台灣麥記又出正妹
by / on 03/04/2016 at 5:51 pm

網絡瘋傳到日本 台灣麥記又出正妹

記唔記得台灣麥當勞有位「徐薇涵」,賣包賣薯條,個樣超可愛,搞到好多日本網站都有報道。啱啱又有一位喇,呢位叫「Min Min」,就因為佢喺自己facebook叫人去台中麥當勞搵佢買「甜心卡」而搞到喺網絡好多人講,台灣有傳媒報道之後,亦有日本網站介紹。網民除咗話「決定今晚食麥記」外,仲有人話佢似空姐,又話買包有冇佢嘅LINE送……睇番佢facebook同ig,仲應該有做model,因為有張內衣照,佢話今日著嚟影相嘅內衣都好靚……我都係嗰句,點解?點解我未見過香港麥記發生啲咁嘅事?如果有,我一定要兩個8號餐加大,一個儲一個食。 相關資訊日本麥當勞推出「蛋黃哥麥旋風」 開心樂園餐玩具超正 (Jun 7, 2018) 【身份象徵】日本UT出麥記Tee 著住買巨無霸平100円 (Apr 17, 2018)

Read more ›

【新片速報】日本麥當勞動畫招募新人 超熱血AKB48聲演名
by / on 20/03/2016 at 4:06 pm

【新片速報】日本麥當勞動畫招募新人 超熱血AKB48聲演名

AKB48 横山由依 × Team 8 岡部麟 × スタジオコロリド!日本廣告特別好睇,就連最近麥當勞招募新人嘅廣告,都特別熱血感人。呢段廣告片以日本最強項嘅動畫製作,講一個小妹妹由初入麥當勞做嘢乜都唔識,都最後獨當一面成為大姐姐嘅故事。廣告片叫「我的未來」,你話:「唓,咪又係麥當勞請時薪員工」,不過加埋AKB48橫山由依聲演同埋咁浪漫嘅風格,感覺就唔同晒。 相關資訊【新片速報】日本鴨仔超鍾意食西瓜 摩打嘴啄食Twitter熱傳 (Jun 24, 2018) 【有片】青春小鳥 日本棒球部經理人 收驚喜禮物好感動 (Jun 24, 2018)

Read more ›
【實驗】麥樂雞/薯條擺足6年無腐爛   「開心樂園餐」最長壽
by / on 12/02/2016 at 7:10 am

【實驗】麥樂雞/薯條擺足6年無腐爛 「開心樂園餐」最長壽

間唔中都有呢類型新聞出現,究竟食老麥有幾唔健康?最近有位外國女士Jennifer Lovdahl就喺Facebook放咗張圖,圖中係佢擺放咗6年嘅開心樂園套裝,入面有麥樂雞同薯條(杯汽水一早飲咗),盒嘢佢放咗喺公司嘅飾櫃入面,不過6年後依然無腐爛無變形。佢想藉此話比大家知,老麥嘅食物唔係真嘅食物,小朋友唔應該食,好唔健康。佢仲話要食真正嘅fast food應該食蘋果、香蕉、紅蘿蔔‥‥‥噢。不過我都係戒唔倒,因為睇完張圖我又好想食薯條同麥樂雞嘞。 相關資訊日本麥記「芝士蕃茄肉醬薯條」 期間限定28號推出 (Feb 26, 2018) 好凍好想食杯麵 日本新推「薯條麥樂雞杯麵」 (Jan 31, 2018)

Read more ›
日本麥當勞新包求改名 網民見真身叫「欺詐漢堡」
by / on 04/02/2016 at 11:42 am

日本麥當勞新包求改名 網民見真身叫「欺詐漢堡」

雖然日本快餐店嘅「理想與現實」對比已經好過好多地方,至少好過香港,不過其實既然做唔到嗰個水準,就唔好俾位人入喇。日本麥當勞出咗呢個漢堡,最叻係佢搞咗個活動叫大家幫佢改名……咁有網民就買嚟試吓啦,發現真包同張相好唔同,最明顯就係少咗好多薯茸……於是網民就話不如改佢個名做「詐欺バーガー」啦!之後,好多網民以圖為證添…… 相關資訊【有片】日本天才發明 自動掃除電話指模裝置 (Jun 24, 2018) 日本國民美少女高橋ひかる Cos魔法少女/美少女探偵 (Jun 23, 2018)

Read more ›
日本最大間麥當勞結業 再見原宿表參道
by / on 22/12/2015 at 12:12 pm

日本最大間麥當勞結業 再見原宿表參道

麥記喺日本唔太撈得掂,咁我諗強勁嘅快餐對手太多啦。《日本經濟新聞》仲報道話美國母公司會出售最多33%日本麥記股權出嚟……而嚟緊呢年都話咗日本會有好多分店結業。不過原來呢間你同我都應該經過過嘅「マクドナルド原宿表参道店」都會喺下個月15日閉店!呢間日本面積最大嘅麥當勞分店,喺2012年4月29日開業,唔知有冇人去門口影相留念。 相關資訊【相集】日本超可愛鸚鵡 捐入襪仔勁得意 (Jun 23, 2018) 日本網民夜媽媽嚇爆 爛面肯德基叔叔街頭奸笑 (Jun 23, 2018)

Read more ›
【飽喇今次】日本麥記出NGT48麥樂雞 集齊要食1200件雞
by / on 14/12/2015 at 4:21 pm

【飽喇今次】日本麥記出NGT48麥樂雞 集齊要食1200件雞

又係考驗忠心嘅時候喇。日本麥當勞唔係好掂,不斷出招希望搞番掂,最新就會喺12月18日開始推出NGT48桶裝麥當雞,每桶48件,1800円,送一張卡,而卡就共有25張。於是,日本網民計咗條數,即係要用45,000円,食1200件雞你先可以集齊一套,而且限量推出,日本fans飽喇今次。 相關資訊超強痛車日本Twitter熱傳 迷你模型塞爆全車 (Jun 23, 2018) 世界盃日本贏波 大阪えびす橋震埋一份 (Jun 22, 2018)

Read more ›

【你真識食】英國喵星人經常食巨無霸 重22磅媲美兩歲細路
by / on 12/12/2015 at 3:47 pm

【你真識食】英國喵星人經常食巨無霸 重22磅媲美兩歲細路

食得麥當勞多係咪會痴肥?呢隻英國超級大肥貓Mighty Ginge就出咗事嘞!佢而家重40寸長18寸高重22磅,已經同一個兩歲小朋友嘅體重差唔多,主人話一得閒就會請佢食麥當勞嘅巨無霸,估計呢個就係令佢痴肥嘅元兇。每次有朋友嚟探佢或者主人帶佢出去睇獸醫時,啲人都會好驚訝點解隻喵可以咁肥咁大隻。不過其實喵星人唔適宜食咁肥鹽份又咁重嘅食物,想佢長命百歲,要戒老麥嘞! 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【有片】玩具瘋狂郁 日本高傲的喵擔天望地唔得閒理 (Jun 15, 2018)

Read more ›
新片速報 麥記飲筒變樂器 肥哥哥神級表演技驚YouTube
by / on 23/10/2015 at 7:15 am

新片速報 麥記飲筒變樂器 肥哥哥神級表演技驚YouTube

呢門手藝好似失傳已久,就係用麥當勞汽水飲筒吹音樂嘞。細細個都玩過,不過就無呢位肥哥哥Parker Kane玩得咁出神入化。26秒嘅短片演奏出一首節奏感好強嘅音樂,我最欣賞仲有佢滿足嘅表情,一邊吹一邊笑,仲開心過食兩個開心樂園餐呀,唔知佢途中係咪偷啜咗兩啖汽水呢? 相關資訊Sony E3演奏樂器涉嫌歧視 網民鬧爆原來跟車太貼 (Jun 19, 2018) 日本超正設計 呔夾變飲管夏日透心涼 (Jun 3, 2018)

Read more ›
【好想去】日本麥記推出「月見バーガー」 超想食紫薯奶昔/粟子麥旋風
by / on 27/08/2015 at 4:04 pm

【好想去】日本麥記推出「月見バーガー」 超想食紫薯奶昔/粟子麥旋風

出咗嚟做嘢之後,我唔驚9月1日喇,如果撞啱去日本就仲好,因為日本麥當勞今年喺9月1日又會再推出秋季必食嘅「月見バーガー」,另外仲有加北海道芝士嘅「北海道チーズ月見」同埋炸雞扒嘅「チキン月見 北海道チーズ」。不過漢堡都未算最正,仲有炸米團芝士波「もちもちチーズボール」、鹿兒島紫薯奶昔「マックシェイク 紫いも」、栗子麥旋風「マックフルーリーヘーゼルナッツオレオ」,聽見都諗到陣味,好想食呀! 相關資訊日本流傳「百力滋復活術」 網民氹女兒偷偷調包 (Jun 22, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›
伊朗大量山寨快餐店     Pizza Hut變「Pizza Hat」
by / on 09/08/2015 at 2:19 pm

伊朗大量山寨快餐店 Pizza Hut變「Pizza Hat」

伊朗上個月同各國達成核子協議,預期美國文化將會逐步喺當地解放,例如麥當勞可能會喺當地開店。其實當地而家已經有大量山寨版美國連鎖店,啲名仲好有創意!例如Pizza Hut變「Pizza Hat」、麥當勞McDonald’s變「Mash Donald’s」,仲有扮KFC嘅「ZFC」,扮Burger King嘅「Burger House」。好多國內嘅民眾都好期待正版麥當勞喺當地開放,但係國內嘅強硬派反應就好激烈。其實94年當地都開過一間麥當勞,但開店2日後就比強硬派放火燒咗間舖,如果今次真係開得成,嘿,以後啲伊朗細路就有難喇! 相關資訊日本麥當勞有新嘢 厚切煙肉American Deluxe期間限定 (Oct 30, 2017) 美國麥當勞「四川醬」缺貨引抗議 日本電視節目剖析 (Oct 12, 2017)

Read more ›
麥當勞叔叔cosplay圖集 男女肥瘦香港都有偽娘
by / on 22/07/2015 at 7:22 am

麥當勞叔叔cosplay圖集 男女肥瘦香港都有偽娘

話咁快又到動漫節,今年大會開咗一層專門比coser玩嘅樓層,唔駛入場免費有locker不過就少咗氣氛。講起cosplay,其實除咗cos到同角色一模一樣之外,仲可以講求「神似」。好似歷年來好多人都cos過麥當勞叔叔,當中有男有女有肥有瘦,入嚟有精選回帶,其中唔少我哋都介紹過,仲有香港代表嘅偽娘版!話時話,今年動漫節有無人會cos麥當勞叔叔呢?可以去附近天橋嗰間麥記買埋道具喎! 相關資訊本周Coser 日本「AlterME砂良」 (Jun 24, 2018) 【有片】超強Coser有燈有自動翼 《Warhammer 40K》Saint Celestine (Jun 20, 2018)

Read more ›

日本麥當勞變高級餐廳 六本木食「Fine Dining」8號餐
by / on 15/07/2015 at 5:51 pm

日本麥當勞變高級餐廳 六本木食「Fine Dining」8號餐

同女朋友食麥記本身都已經冇問題(除非佢好熱氣),如果約囡囡去呢間六本木嘅「Restaurant M」,更加要叫佢著靚啲添啦!因為佢將麥當勞嘅食物變晒用碟上,而且仲變到好高級,好似用炸薯條製嘅「Vichyssoise」法式馬鈴薯冷湯,用平時見到未必想食嘅蔬菜製作果凍,你睇嗰杯甜品,咪就係OREO麥旋風之嘛……可惜嘅係呢間餐廳只開1日,限20位客人,而且仲要應募先有得食。 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
【網絡瘋傳】台灣史上最強麥當勞女神 網民起底大叫:「我戀愛了!」
by / on 09/07/2015 at 11:44 am

【網絡瘋傳】台灣史上最強麥當勞女神 網民起底大叫:「我戀愛了!」

我哋多數都係分享日本囡囡多,但係呢位台灣麥當勞女神,冇得傾,你唔睇我都要自己留個記錄今晚返屋企再睇……話說早前台灣「雨狗(RainDog)」喺Blog放咗好多張呢位女神嘅相,稱之為「麥當勞小蘿莉」,網民即時亢奮起嚟,話佢成個洋娃娃公仔咁款!又有人問點解佢做咗8年麥記,啲同事都係大媽……見到佢啲皮膚白裏透粉紅,之後起底組立刻出動,原來佢叫「徐薇涵」,facebook就係「徐薇涵 小海豚」,都有接Job做Model……話時話,佢著制服仲靚過私服。喂喺邊間呀?我想要兩個包,一個食一個儲呀! 相關資訊日本網都報 台中最美牙醫助護陳甯揎 (Nov 19, 2017) 日本網民發現 台灣TPE48票選可愛美少女 (Nov 14, 2017)

Read more ›
【有片】麥當勞超型新包裝 「McBike」方便單車友
by / on 24/06/2015 at 3:37 pm

【有片】麥當勞超型新包裝 「McBike」方便單車友

喺外國,有揸車去買外賣嘅Drive-through車道,亦都有俾踩單車嘅單車車道。最新,仲有呢個「McBike」包裝!由阿根廷廣告公司「Tribal Buenos Aires」設計,已經喺丹麥哥本哈根麥當勞採用,之後哥倫比亞、荷蘭、日本都會有,方便勾喺車之餘,打開嗰吓仲好有型,一邊薯條一邊包,汽水喺下面……之但係,如果我想食多個麥樂雞同要多杯新地呢? 相關資訊【有片】日本麥當勞送1億3千萬杯咖啡 記住嗌埋肉桂捲 (Oct 12, 2017) 日本麥記煙肉薯仔批回歸 仲有iPhone電話殼 (Sep 28, 2017)

Read more ›
新片速報 麥當勞/可樂世界各地讀音 廣東話都有份
by / on 13/06/2015 at 12:12 pm

新片速報 麥當勞/可樂世界各地讀音 廣東話都有份

外國網站BuzzFeed最近拍咗條片都幾得意,搵佢哋Facebook嘅fans,唸出4個成日見嘅國際品牌喺當地嘅讀音,品牌包括有麥當勞、迪士尼、Google同埋Coca-Cola,而被邀請嘅fans就來自五湖四海,意大利、法國、丹麥、韓國、西班牙‥‥‥我最開心係見到有Cantonese(廣東話),無同Chinese(國語)混合埋喎,而讀音方面,原來阿拉伯有啲都幾似廣東話,西班牙又好得意,入嚟有得慢慢睇。 相關資訊日本透明可樂新素材 網民狂key圖任玩 (Jun 17, 2018) 日本Twitter熱傳「透明版可樂」 比想像中更透明 (Jun 16, 2018)

Read more ›