Post Tagged with: "麥當勞"

【好想去】日本麥記推出「月見バーガー」 超想食紫薯奶昔/粟子麥旋風
by / on 27/08/2015 at 4:04 pm

【好想去】日本麥記推出「月見バーガー」 超想食紫薯奶昔/粟子麥旋風

出咗嚟做嘢之後,我唔驚9月1日喇,如果撞啱去日本就仲好,因為日本麥當勞今年喺9月1日又會再推出秋季必食嘅「月見バーガー」,另外仲有加北海道芝士嘅「北海道チーズ月見」同埋炸雞扒嘅「チキン月見 北海道チーズ」。不過漢堡都未算最正,仲有炸米團芝士波「もちもちチーズボール」、鹿兒島紫薯奶昔「マックシェイク 紫いも」、栗子麥旋風「マックフルーリーヘーゼルナッツオレオ」,聽見都諗到陣味,好想食呀! 相關資訊【有片】兒時夢想呀!Bandai出筋斗雲攬枕 (Sep 22, 2017) 【有片】強壯Body唔好嘥 日本消防員拍50套AV被發現 (Sep 22, 2017)

Read more ›

伊朗大量山寨快餐店     Pizza Hut變「Pizza Hat」
by / on 09/08/2015 at 2:19 pm

伊朗大量山寨快餐店 Pizza Hut變「Pizza Hat」

伊朗上個月同各國達成核子協議,預期美國文化將會逐步喺當地解放,例如麥當勞可能會喺當地開店。其實當地而家已經有大量山寨版美國連鎖店,啲名仲好有創意!例如Pizza Hut變「Pizza Hat」、麥當勞McDonald’s變「Mash Donald’s」,仲有扮KFC嘅「ZFC」,扮Burger King嘅「Burger House」。好多國內嘅民眾都好期待正版麥當勞喺當地開放,但係國內嘅強硬派反應就好激烈。其實94年當地都開過一間麥當勞,但開店2日後就比強硬派放火燒咗間舖,如果今次真係開得成,嘿,以後啲伊朗細路就有難喇! 相關資訊1971年「同級生」合作 日本麥記Chelsea奶昔 (Sep 7, 2017) 【大師級】麥當勞盒加iPhone影人像 超強攝影技網上熱傳 (Aug 31, 2017)

Read more ›
麥當勞叔叔cosplay圖集 男女肥瘦香港都有偽娘
by / on 22/07/2015 at 7:22 am

麥當勞叔叔cosplay圖集 男女肥瘦香港都有偽娘

話咁快又到動漫節,今年大會開咗一層專門比coser玩嘅樓層,唔駛入場免費有locker不過就少咗氣氛。講起cosplay,其實除咗cos到同角色一模一樣之外,仲可以講求「神似」。好似歷年來好多人都cos過麥當勞叔叔,當中有男有女有肥有瘦,入嚟有精選回帶,其中唔少我哋都介紹過,仲有香港代表嘅偽娘版!話時話,今年動漫節有無人會cos麥當勞叔叔呢?可以去附近天橋嗰間麥記買埋道具喎! 相關資訊本周Coser 日本「真喩」愛高達 (Sep 17, 2017) 【相集】Cosplay無分年齡 超sweet夫妻cos盡動漫/電影角色 (Sep 16, 2017)

Read more ›
日本麥當勞變高級餐廳 六本木食「Fine Dining」8號餐
by / on 15/07/2015 at 5:51 pm

日本麥當勞變高級餐廳 六本木食「Fine Dining」8號餐

同女朋友食麥記本身都已經冇問題(除非佢好熱氣),如果約囡囡去呢間六本木嘅「Restaurant M」,更加要叫佢著靚啲添啦!因為佢將麥當勞嘅食物變晒用碟上,而且仲變到好高級,好似用炸薯條製嘅「Vichyssoise」法式馬鈴薯冷湯,用平時見到未必想食嘅蔬菜製作果凍,你睇嗰杯甜品,咪就係OREO麥旋風之嘛……可惜嘅係呢間餐廳只開1日,限20位客人,而且仲要應募先有得食。 相關資訊【有片】日本屋中屋帳篷 自製私人空間唔駛1千蚊 (Sep 22, 2017) 日本雨傘防失踪方法 扮警局財物網上熱傳 (Sep 22, 2017)

Read more ›
【網絡瘋傳】台灣史上最強麥當勞女神 網民起底大叫:「我戀愛了!」
by / on 09/07/2015 at 11:44 am

【網絡瘋傳】台灣史上最強麥當勞女神 網民起底大叫:「我戀愛了!」

我哋多數都係分享日本囡囡多,但係呢位台灣麥當勞女神,冇得傾,你唔睇我都要自己留個記錄今晚返屋企再睇……話說早前台灣「雨狗(RainDog)」喺Blog放咗好多張呢位女神嘅相,稱之為「麥當勞小蘿莉」,網民即時亢奮起嚟,話佢成個洋娃娃公仔咁款!又有人問點解佢做咗8年麥記,啲同事都係大媽……見到佢啲皮膚白裏透粉紅,之後起底組立刻出動,原來佢叫「徐薇涵」,facebook就係「徐薇涵 小海豚」,都有接Job做Model……話時話,佢著制服仲靚過私服。喂喺邊間呀?我想要兩個包,一個食一個儲呀! 相關資訊台灣迷你實景神人作品 高達被打太慘唔入圍GBWC? (Aug 15, 2017) 【圖集】超型8bit木刻雕塑 木頭人起晒格 (Aug 12, 2017)

Read more ›
【有片】麥當勞超型新包裝 「McBike」方便單車友
by / on 24/06/2015 at 3:37 pm

【有片】麥當勞超型新包裝 「McBike」方便單車友

喺外國,有揸車去買外賣嘅Drive-through車道,亦都有俾踩單車嘅單車車道。最新,仲有呢個「McBike」包裝!由阿根廷廣告公司「Tribal Buenos Aires」設計,已經喺丹麥哥本哈根麥當勞採用,之後哥倫比亞、荷蘭、日本都會有,方便勾喺車之餘,打開嗰吓仲好有型,一邊薯條一邊包,汽水喺下面……之但係,如果我想食多個麥樂雞同要多杯新地呢? 相關資訊日本麥當勞又限定 乳酸菌奶昔Calpis McSHAKE (Jun 19, 2017) 日本「超巨巨無霸」期間限定推出 限量Big Mac醬超吸引 (Jun 4, 2017)

Read more ›

新片速報 麥當勞/可樂世界各地讀音 廣東話都有份
by / on 13/06/2015 at 12:12 pm

新片速報 麥當勞/可樂世界各地讀音 廣東話都有份

外國網站BuzzFeed最近拍咗條片都幾得意,搵佢哋Facebook嘅fans,唸出4個成日見嘅國際品牌喺當地嘅讀音,品牌包括有麥當勞、迪士尼、Google同埋Coca-Cola,而被邀請嘅fans就來自五湖四海,意大利、法國、丹麥、韓國、西班牙‥‥‥我最開心係見到有Cantonese(廣東話),無同Chinese(國語)混合埋喎,而讀音方面,原來阿拉伯有啲都幾似廣東話,西班牙又好得意,入嚟有得慢慢睇。 相關資訊日本自動售賣機限定 可口可樂咖啡 (Sep 13, 2017) 【有片】超強3D效果 時代廣場可口可樂立體廣告牌 (Aug 27, 2017)

Read more ›
麥當勞發佈神秘新片 「漢堡神偷」回歸有鬚根
by / on 07/05/2015 at 4:39 pm

麥當勞發佈神秘新片 「漢堡神偷」回歸有鬚根

麥當勞叔叔就成日見,但漢堡神偷(Hamburglar)就好似好耐冇見喇。據講話佢喺2002年賣過最後一個廣告之後,真身就冇再出現……原來係去咗玩健身,高大咗,有家室,仲有鬚添。官方先發佈咗一條影片,片中見到一個男人燒緊漢堡扒,而佢條圍裙就係黑白間嘅……之後…… 相關資訊大島優子宣傳 日本麥當勞 X BEAMS DESIGN產品超靚 (May 31, 2017) 【有片】不要玩比達!日本麥當勞玩具 hea出拳有喜感 (May 19, 2017)

Read more ›
新片速報    麥當勞實用新紙袋     隨時解體當托盤
by / on 06/05/2015 at 7:16 am

新片速報 麥當勞實用新紙袋 隨時解體當托盤

呢個匈牙利麥當勞嘅新外賣紙袋幾實用,下面有個紙條位,撕開之後就可以將紙袋解體,拎走上半部,下半部就變成一個托盤可以裝住啲食物,最啱喺公園都朋友一齊gathering嘅時候用。比著係我,就會將啲薯條倒晒出嚟,再喺旁邊唧茄汁,唔知香港會唔會出返個? 相關資訊【有片】日本麥當勞x《龍珠 超》 龍珠發光射龜波 (May 11, 2017) 外賣壽司盒進化版 新增豉油碟位好細心 (Apr 19, 2017)

Read more ›
新片速報    麥當勞自助漢堡機有bug     自製最強巨無霸
by / on 30/04/2015 at 7:22 am

新片速報 麥當勞自助漢堡機有bug 自製最強巨無霸

外國部份麥當勞有部「Create Your Taste」機比人自選漢堡,喺機器前揀啱材料再拎張單埋收銀機比錢就得。外國YouTuber Moshe Tamssot仲發現部機有bug,材料任加,價錢照舊。佢揀材料時全部嘢例如芝士、生菜、蕃茄都加大10倍,埋到收銀處時阿姐都比佢嚇窒,本來埋單要美金$890.80,不過部收銀機原來每個漢堡最多只可以收$24.89,經理見到咁嘅情況好識做,話照整比佢,完成品最終有3.8磅,超霸氣!咁威威發現有bug,梗係即刻放上YouTube啦,不過相信呢個bug應該會好快剷走嘞。 相關資訊【有片】史上最多Bug奧運遊戲 變態級跑手凌空喪跑 (Jul 27, 2017) 日本麥記期間限定 櫻花「麥旋風」後日推出 (Feb 27, 2017)

Read more ›
歐洲麥當勞最老員工 店內慶祝90歲生日
by / on 29/04/2015 at 2:33 pm

歐洲麥當勞最老員工 店內慶祝90歲生日

如果我有90歲命,莫講話做麥當勞,食麥當勞都唔知得唔得。呢位叫Bill Dudley嘅伯伯,佢啱啱過咗90歲生日,而且佢啲同事仲幫佢搞咗個驚喜派對!作為歐洲最老嘅麥記員工,佢話佢9年前因為喺屋企悶悶哋,所以加入呢間北威爾斯嘅分店,到o依家都每星期返兩日,每更6個鐘:「我仲未有計劃退休。」而佢嘅71歲太太好支持佢,仲幫佢改咗個花名叫「Old McDonald」添。補充番少少,其實喺美國,兩年前都有一位92歲嘅婆婆Sara Dappen工作過,不過o依家就唔知退休未喇。 相關資訊【有片】英國McCafé辣火頭 狂笑懶有型咖啡店 (Feb 25, 2017) 日本麥當勞新薯條 「大学いもの味」個盒好靚 (Feb 8, 2017)

Read more ›

有片    日本06年麥當勞廣告再瘋傳     驚見Taylor Swift?
by / on 18/04/2015 at 12:16 pm

有片 日本06年麥當勞廣告再瘋傳 驚見Taylor Swift?

呢個2006年日本拍嘅麥當勞廣告最近又重新喺網上瘋傳,而家已經有1800萬點擊,片中嘅女model著晒成身麥當勞服裝,被發現激似外國女歌手Taylor Swift,有人話根本係同一個人,咁啱得咁蹺,2月份麥當勞喺Super Bowl播出廣告之後,Taylor Swift都喺自己twitter留個有關麥當勞嘅言論,不過似乎唔係同一件事。BTW,日本當年嘅廣告都幾奇幻,有人話個model其實叫Agota Varga,睇返佢其他目,其實都唔係好似Taylor Swift唧。 相關資訊【有片】《飄零燕》高中篇?凱迪、彼德長大了賣杯麵 (Sep 14, 2017) 【有片】眼鏡呀!綾瀨遙教你飲檸樂好檸味! (Sep 8, 2017)

Read more ›
理想與現實     醜陋的麥記中伏實錄
by / on 17/03/2015 at 7:10 am

理想與現實 醜陋的麥記中伏實錄

自從以前中過伏之後,我已經唔再相信廣告相,尤其是麥當勞嗰啲,不過現實係更加殘酷嘅,只要喺Instagram搜尋#mcdonaldsfail,就會發現全世界嘅麥當勞都充滿伏味,有人發現個麵包發咗霉、漢堡包入面無漢堡扒只得一篤蕃茄醬、煙肉蛋漢堡入面塊煙肉燶晒、芝士漢堡塊芝士走咗出嚟‥‥‥全部都要零分重作,睇完我覺得香港嘅麥記其實唔差。 相關資訊【有片】日本麥記新包大戰 關東關西理想與現實 (Aug 14, 2017) 【毁容】日本網民餐廳中伏 吉祥物甜品咁嘅樣 (Jul 25, 2017)

Read more ›
日本麥當勞有得換 多啦A夢宣傳新劇場版
by / on 15/03/2015 at 6:58 pm

日本麥當勞有得換 多啦A夢宣傳新劇場版

香港嘅開心樂園餐成日都有玩具換,如果有呢幾隻,我都想買嚟食吓……日本嘅開心樂園餐每年賣出超過100萬個,梗係啦,又寵物小精靈又妖怪手表,啲o靚仔仲唔發狂咩。o依家就係為咗宣傳《映画ドラえもん のび太の宇宙英雄記(スペースヒーローズ)》而推出嘅6款多啦A夢玩具,即日開始有3款,20日開始又有另外3款,如果去開日本有冇興趣換吓? 相關資訊日本Twitter熱爆青梅竹馬漫畫 泰國致敬版超爆笑 (Sep 21, 2017) 1月東京開展 《Final Fantasy》30周年大型回顧展 (Sep 21, 2017)

Read more ›
南韓麥當勞「牛油蜜糖薯條」 期間限定去旅行要試
by / on 02/03/2015 at 7:36 am

南韓麥當勞「牛油蜜糖薯條」 期間限定去旅行要試

麥當勞我最鍾意食薯餅同薯條,其中間唔中先推出嘅Shake Shake薯條係我嘅最愛,啱啱見倒韓國麥當勞新推出咗呢款「牛油蜜糖薯條」,唔係普通加BBQ蜜糖味嘅shake shake粉咁簡單,而係炸之前已經加埋牛油同蜜糖製作,超想食!呢款薯條會由2月27日到3月8日提供,如果去開南韓玩記住試埋喇。 相關資訊【多圖】韓國超可愛扭蛋 狗雀合體夠奇妙 (Sep 5, 2017) 韓國醫院食呢啲 日本網民出圖仲有派飯妹妹 (Jul 11, 2017)

Read more ›