Post Tagged with: "麥當勞"

日本網民怒插 麥記60秒送餐o徒氣
by / on 08/01/2013 at 11:26 am

日本網民怒插 麥記60秒送餐o徒氣

啱啱嗰個星期日晚7點,我諗住叫賣廣告賣得好恒、又唔知咩半個鐘內送到嘅24小時麥麥送。打咗兩次飛去留言叫我留名留電話,留咗等多15分鐘,冇反應,再打,今次勁,打兩次打得通!當我叫晒嘢之後,佢就話半個鐘內送到,遲咗有蘋果批送,我好開心,因為我知道自己安坐家中等半粒鐘就有麥記食。點知5分鐘後,有個分店阿姐類物體打嚟:「先生,麥當勞呀,要遲啲送嚟喎!」遲幾多?「個半鐘!」嗰吓唔爆粗,我都覺得自己好有風度,我堅唔明,唔使整o架喎!好喇,最嬲都唔係呢樣,咁我死死地氣自己落去買啦,落到去腳程10分鐘嘅分店,頂你吖!完全冇人排隊買嘢!呻完,其實完全唔關呢篇報導事,呢篇報導係講之前日本搞嗰「Enjoy! 60 Second Service」,即係60秒內上餐,唔係就請你食巨無霸嘅活動,係就係做到60秒,但就惹嚟大量網民網上分享佢哋得到嘅包,有啲椰菜未切好,有啲嚿肉一忽忽,有啲直情冇餡……活動搞到今個月31日,每逢11am-2pm就有,去開旅行挑戰下囉。 相關資訊日本麥當勞又限定 乳酸菌奶昔Calpis McSHAKE (Jun 19, 2017) 日本「超巨巨無霸」期間限定推出 限量Big Mac醬超吸引 (Jun 4, 2017)

Read more ›

女僕入侵麥當勞!台灣分店期間限定 主人請點餐!
by / on 01/01/2013 at 6:00 pm

女僕入侵麥當勞!台灣分店期間限定 主人請點餐!

香港麥記嘅活動,搞嚟搞去又大富翁又盛,我最叻中過個麥芝蛋,有朋友中過杯細橙汁,咩名車咩簽賬額,有咁好彩都冇咁多位生暗瘡。都係台灣搞嘅活動有意義!呢間係台灣鼎山家樂福麥當勞餐廳,佢哋喺12月31日搞咗個可愛女僕點餐活動,而且每個女僕都揸住自己個名影咗張相,仲會同你跨年倒數!引你去叫個8號餐……雖然質素就唔係話好突出,但我覺得有誠意,香港麥記,請認真考慮,不過啲男店員點?啲嬸嬸又點算? 相關資訊【有片】日本外國人女僕cafe 啱啱開業多個選擇 (Jun 17, 2017) 大島優子宣傳 日本麥當勞 X BEAMS DESIGN產品超靚 (May 31, 2017)

Read more ›
新片速報 日本麥記60秒上菜活動 請你食包
by / on 24/12/2012 at 11:21 am

新片速報 日本麥記60秒上菜活動 請你食包

由2013年1月4日開始至1月31日,日本差唔多全線麥當勞都會舉行一個60秒活動。即係點?即係你嗌完8號餐加大走青瓜要多包鹽唔駛茄汁汽水走冰之後,佢60秒內就要送到嚟櫃枱,如果唔得就會送優惠券請你食包。有日本傳媒就親身去咗優先舉行呢個活動嘅御堂筋周防町店測試,拍埋片,梗係唔駛60秒啦!我反而好鍾意佢哋送嗰件60秒巨無霸Tee喎! 相關資訊【有片】不要玩比達!日本麥當勞玩具 hea出拳有喜感 (May 19, 2017) 【有片】日本麥當勞x《龍珠 超》 龍珠發光射龜波 (May 11, 2017)

Read more ›
挑戰熱氣極限 日本喪食薯條熱潮
by / on 29/10/2012 at 6:06 pm

挑戰熱氣極限 日本喪食薯條熱潮

唔同地方都有文化差異,爆炸哥有個朋友,視食麥當勞為死罪,一句「邊係人食o架!」備受爭議,但佢仍然唔聽意見,特立獨行……喺日本,最新出現一啲奇境,就係鬥食薯條!事源10月開始至11月頭,日本麥當勞就推出加大薯條唔使加錢優惠,都係賣150円,咁突然,就出現一群小朋友挑戰23包加大薯條……之後,有人有樣學樣變本加厲,60包,之後……場面好壯觀,結果食唔食得晒,有幾多個人喉嚨痛同爆瘡,就不得而知喇…… 相關資訊【太邪惡】日本薯條Pizza面世 仲有關西限定「Pizza脆飯」 (Feb 28, 2017) 日本麥記期間限定 櫻花「麥旋風」後日推出 (Feb 27, 2017)

Read more ›