Post Tagged with: "龍珠"

日本潮興扮龜波影相 高中女生打到飛起
by / on 27/03/2013 at 10:35 pm

日本潮興扮龜波影相 高中女生打到飛起

日本女高中生,影相V字手係例牌動作,不過近日喺日本就仲興起一種搞嘢拍攝手法,名為「發勁」。之前喺日本討論區2ch就出現一堆女高中生嘅相片,影嘅時候被打一方就跳起彎腰交戲,而另一邊嘅學生妹就做出拳、轟地、爆氣等動作,咁影出嚟就好似其中一人震飛其他女生咁,勁有漫畫感覺,同「應肚即飛」有異曲同工之妙。而最新呢,就係食住3月30日《龍珠Z 神與神》喺日本上映個勢,個個喺度扮出龜波,我睇相都感覺到佢哋嘅度大嗌:「Ka!Me!Ha!Me!Ha!」呢句嘢,呢排真係聽好多……而2ch班網友似乎就被嚇親,有人留言話:「o依家啲女高中生好恐怖……」 相關資訊終極結盟?日本Minions踩場見大量史萊姆 (Jul 25, 2017) 日本草皮內衣 目標客戶係咩人? (Jul 25, 2017)

Read more ›

新片速報 《龍珠Z 神與神》動畫片段 兔仔秒殺超西3悟空!
by / on 22/03/2013 at 11:51 am

新片速報 《龍珠Z 神與神》動畫片段 兔仔秒殺超西3悟空!

嘩正呀喂!呢條唔只係預告片咁簡單,呢條分幾鐘影片可以先睹為快,睇到外星兔仔同超級撒雅人3悟空喺界王主場大戰!悟空打爆個星球都掂唔到隻兔仔,最後兔仔輕鬆一嘢秒殺悟空!雖然劇情都係勁人出場嘅方程式,但係咁耐冇見悟空我都好熱血呀!日本3月30日先至上映,快睇! 相關資訊《龍珠超畫集》有中文版 動漫節率先發售500本 (Jul 24, 2017) 【有片】重用再重用 網民發現《龍珠超》動作重覆又重覆 (Jul 6, 2017)

Read more ›
日本推出《龍珠Z 神與神》手表 全球限量9,999隻
by / on 21/03/2013 at 11:41 am

日本推出《龍珠Z 神與神》手表 全球限量9,999隻

今個月尾喺日本上映嘅新劇場版,再次掀起《龍珠》熱潮。之前都睇過有便利店出超級撒雅人薯條、龍珠薯仔波。貴少少,有呢隻手表,黑底橙紋三圈設計,仲有粒四星龍珠喺度,低調得嚟又有龍珠味道。由專營動漫周邊嘅PREMICO推出,呢間嘢之前都出過One Piece手表,今次全球限量9,999隻,要買應該唔難,男女都啱戴,賣39,000円,今個月尾見街。 相關資訊日本網民繼續畫明治朱古力 《龍珠Z》情侶夫妻上身 (Jul 4, 2017) 【不要玩阿樂】重現爆死一幕 《龍珠Z》S.H.Figuarts阿樂送你一售培植人 (Jul 2, 2017)

Read more ›
獵奇影片 真人版悟空 鬧市搞事出龜波
by / on 21/03/2013 at 11:25 am

獵奇影片 真人版悟空 鬧市搞事出龜波

呢條片係上年年尾出嘅,不過趁《龍珠Z 神與神》新劇場版月尾喺日本上映,我又摷番出嚟Share。其實好無聊,呢條西人扮悟空喺鬧市搞搞震,嚇吓人又企上高位儲元氣玉,不過睇到最後佢出龜波氣功嘅特效,我又忍唔住笑咗出嚟。另外呢個製作單位仲拍過真人《刺客教條》等影片,都幾好笑。 相關資訊【雜誌情報】《龍珠FighterZ》杜拉格斯參戰 等玩Beta測試 (Jun 23, 2017) 日本「J-WORLD TOKYO」有新嘢 坐筋斗雲吹風噴水 (Jun 23, 2017)

Read more ›
新片速報《龍珠Z 神與神》兔仔勁好揪
by / on 19/03/2013 at 11:31 am

新片速報《龍珠Z 神與神》兔仔勁好揪

3月30日喺日本上映嘅《龍珠Z 神與神》,今日又見到有Movie Clip。今次冇悟空登場,主角好明顯係隻外星兔仔,而呢段影片就係為咗表現佢嘅強,魔童俾佢秒殺,布歐都唔夠佢揪,仲有比達、悟飯都唔夠佢打,不過,佢哋未變超西喎。 相關資訊【有片】日本舉行《龍珠》跑 9月千葉、愛知有得玩 (Jun 21, 2017) 外媒訪問《龍珠FighterZ》製作人 任記Switch隨時有份 (Jun 20, 2017)

Read more ›
三大作品《龍珠》《One Piece》《為食獵人》4月夢幻合演
by / on 18/03/2013 at 12:59 pm

三大作品《龍珠》《One Piece》《為食獵人》4月夢幻合演

勁,今年嘅合作動畫有齊三大人氣作品,包括《龍珠》、《One Piece》同《為食獵人》,內容長達1小時,故事就係講《天下第一競食大會》……分前後兩篇,動畫中會有三大作品嘅大量角色現身,會喺4月7日於日本播放,大家嗰幾日留意吓喇。 相關資訊連載20周年 記念日協會定聽日為「ONE PIECEの日」 (Jul 21, 2017) 【問你怕未?】官方公佈《One Piece》真人版劇集 《Prison Break》班底製作 (Jul 21, 2017)

Read more ›

現實與幻想 龍珠食品真身登場 龍珠走樣 悟空脫髮
by / on 18/03/2013 at 12:12 pm

現實與幻想 龍珠食品真身登場 龍珠走樣 悟空脫髮

之前報導咗3月30日日本上映嘅新劇場版《龍珠Z 神與神》會喺Mini Stop推出一系列食品,薯條當係超級撒雅人頭髮、龍珠炸薯球、布歐布甸都好正!啱啱正式推出,日本就有傳媒跟進咗,去咗買一大堆食物真身嚟睇睇!雖然冇之前初音肉包咁嚴重,但悟空同比達明顯有中年脫髮危機,薯條唔夠多呀!龍珠薯波都有少少走樣,橢圓形嘅龍珠見過未?講到最像真,都係布歐布甸! 相關資訊處處見菲利 日本網民拆解最終形態 (Jun 18, 2017) 隊際格鬥《Dragon Ball FighterZ》 超靚Cut-in動畫/漫畫對比圖 (Jun 16, 2017)

Read more ›
《龍珠Z 神與神》悟空終極形態曝光 + CM第2彈
by / on 17/03/2013 at 11:54 am

《龍珠Z 神與神》悟空終極形態曝光 + CM第2彈

有睇過《龍珠》嘅都知,撒雅人呢個戰鬥民族會遇強越強,唔夠打咩?變超西。再唔夠打咩?變超超西。仲係打唔贏?變超超超西再合體……3月30日喺日本上映嘅最新劇場版《龍珠Z 神與神》有咩新嘢?啱啱就有新造型登場,呢個紅色頭髮紅色眼珠嘅悟空,到底有幾勁?入嚟仲可以睇到原作者鳥山明親繪嘅電影海報。 相關資訊再有新片!更多Gameplay 《Dragonball FighterZ》超正Cut-in (Jun 12, 2017) 【E3】新片速報 《龍珠FighterZ》超靚畫面3打3 (Jun 12, 2017)

Read more ›
新片速報 最強對最強《龍珠Z 神與神》IMAX版Trailer
by / on 12/03/2013 at 12:15 pm

新片速報 最強對最強《龍珠Z 神與神》IMAX版Trailer

3月30日,最新劇場版《龍珠Z 神與神》上映!不過係喺日本,唔關香港事,香港方面完全冇消息,都係叠埋心水等出碟算把喇。唉,《One Piece》就有,《龍珠》就冇,即係歧視我哋呢啲中年動畫迷啫?啱啱日本又有新IMAX版Trailer,以前成日有得又唔恨睇,隔咗17年未睇過,又好想入場睇囉!Ka!Me!Ha!Me!Ha!另外,過去17套劇場版喺日本仲會開始配信,日本PSN都好似有喎! 相關資訊終於唔玩3D 新《龍珠》格鬥遊戲 3打3玩2.5D (Jun 9, 2017) 【有片】超迫力!日網民自製紙板 電話拍《龍珠》出波動畫 (May 24, 2017)

Read more ›
新片速報 KFC X《龍珠 Z 神與神》悟空食炸雞出龜波
by / on 02/03/2013 at 7:22 am

新片速報 KFC X《龍珠 Z 神與神》悟空食炸雞出龜波

隨住《龍珠 Z 神與神》呢套最新劇場版喺日本3月30日上映,之前報導過、同KFC肯德基伯伯嘅Crossover亦正式開始!食雞有水樽送,水樽頂仲有粒發光龍珠!啱啱日本就出咗廣告片,悟空跑住去食炸雞,食完仲無啦啦出龜波氣功……話時話,如果悟空去KFC,食幾多個桶先夠飽呢? 相關資訊【有片】不要玩比達!日本麥當勞玩具 hea出拳有喜感 (May 19, 2017) 【有片】80歲野沢雅子功力深厚 《龍珠 超》悟空 VS 悟飯 (May 18, 2017)

Read more ›
新片速報 《龍珠Z 神與神》最新預告 細蚊伯爺公 打到上太空
by / on 27/02/2013 at 11:03 am

新片速報 《龍珠Z 神與神》最新預告 細蚊伯爺公 打到上太空

唉,《EVA新劇場版:Q》都未有日期,人哋日本4月都出碟啦,唉!仲有一套,係隔咗17年、3月30日喺日本就上映嘅全新一套龍珠Z劇場版《Dragon Ball Z 神與神》,我都勁想睇,但香港又係冇聲氣,睇嚟叠埋心水等出碟算把喇。而電影嘅最新預告就有得睇喇,悟空,真係好有型! 相關資訊【有片】日本麥當勞x《龍珠 超》 龍珠發光射龜波 (May 11, 2017) 阪神虎 X 《龍珠 超》 球員變超級撒亞人出Tee (May 2, 2017)

Read more ›

J League開咧玩龍珠 新潟天鵝 X 《Dragon Ball Z 神與神》 悟空到場打氣!?
by / on 23/02/2013 at 3:53 pm

J League開咧玩龍珠 新潟天鵝 X 《Dragon Ball Z 神與神》 悟空到場打氣!?

咩都乘得一餐,我就係鍾意日本呢個風氣,即係你鍾意一套動漫,其實真係唔駛慌冇嘢好買。3月30日喺日本上映嘅《Dragon Ball Z 神與神》,係相隔17年再嚟嘅最新龍珠劇場版,咁耐冇見悟空梗係大件事,除咗之前報導過同KFC合作外,仲有同J1球隊「新潟天鵝」合作,球隊就整咗張扮龍珠嘅海報,3月30日對蒲和紅鑽,除咗球隊會用「CHA-LA HEAD-CHA-LA」嚟做主題曲外,仲話悟空會到場打氣添!睇完戲睇波,真係爽!可惜,我喺香港,仲買唔到飛睇曼聯對傑志…… 相關資訊【理想與現實】天鵝凍飲水泡一裝即翻 網民心情好低落 (Jun 3, 2017) 【有片】同悟空鬥波 比達藝人「R藤本」試玩《龍珠Z》VR (Apr 30, 2017)

Read more ›
新片速報 《Dragon Ball Z 神與神》電視低清預告片 紀念飲品發售
by / on 22/02/2013 at 10:34 am

新片速報 《Dragon Ball Z 神與神》電視低清預告片 紀念飲品發售

仲有幾日,隔咗17年、3月30日喺日本就上映嘅全新一套龍珠Z劇場版《Dragon Ball Z 神與神》。啱啱就有錄自日本電視節目嘅新片段,好低清,麻麻哋。想等高清片嘅都可以入嚟睇吓由2月25日開始發售嘅紀念飲品,全套12款,每罐110円,去開日本真係想買齊一套…… 相關資訊【有片】日本婆婆電車內爆氣 叫聲激似《龍珠Z》悟空 (Apr 25, 2017) 好強嘅氣!龍珠戰士高達 模型高手狂改MS撒亞人 (Apr 16, 2017)

Read more ›
肯德基 X 《龍珠 Z 神與神》 叔叔變悟空計劃正式始動!
by / on 18/02/2013 at 6:22 pm

肯德基 X 《龍珠 Z 神與神》 叔叔變悟空計劃正式始動!

肯德基變孫悟空,算係Crossover?定係Cosplay?定只屬惡搞?睇番幅相嘅背景,成個公仔又正正經經戙喺日本某間KFC大門口喎,唔似玩嘢喎。其實之前都報導過,不過今次就有肯德基高清圖,由2月15日起,叔叔將會打扮成孫悟空造型,拎住總共七粒龍珠,喺日本七間KFC分店出現。另外仲會推出龍珠特別版套餐,跟餐有有水樽送,個水樽頂仲有粒識發光嘅龍珠,幾精緻,一式七款有齊笛子魔童、莊子等角色,仲計劃整埋特製外賣袋。除此之外,仲加咗啤牌同龍珠棋等精品,官網仲有兩張3月30日上映嘅新劇場版《龍珠Z 神與神》Wallpaper俾大家下載! 相關資訊【有片】奇妙的電話 大陸出KFC電話 附餐廳點歌App (Jul 13, 2017) 【俾返桶炸雞我】中國杭州開綠色KFC 無炸雞得烤雞 (Jul 12, 2017)

Read more ›
肯德基cosplay孫悟空  日本KFC龍珠套餐送水樽
by / on 01/02/2013 at 10:30 am

肯德基cosplay孫悟空 日本KFC龍珠套餐送水樽

肯德基叔叔都算係參與度極高嘅cosplayer,之前扮過EVA-01初號機、女僕等等,最近睇中3月30日日本上映嘅《龍珠Z 神與神》劇場版,由2月15日起,叔叔將會打扮成孫悟空造型,拎住總共七粒龍珠,喺日本七間KFC分店出現。另外仲會推出龍珠特別版套餐,跟餐有有水樽送,個水樽頂仲有粒識發光嘅龍珠,幾精緻,一式七款有齊笛子魔童、莊子等角色,仲計劃整埋特製外賣袋,去開日本一定要朝聖吓。 相關資訊【毁容】日本網民餐廳中伏 吉祥物甜品咁嘅樣 (Jul 25, 2017) 日本喵星人企正「集中線」 現聖光Twitter熱傳 (Jul 25, 2017)

Read more ›