Post Tagged with: "龍珠"

【好想去】大阪《龍珠》主題餐廳 食物超精緻大量精品
by / on 10/12/2017 at 1:23 pm

【好想去】大阪《龍珠》主題餐廳 食物超精緻大量精品

嚟緊計劃去大阪嘅龍珠迷,呢間主題餐廳應該必去嘞。12月8日開幕,喺大阪梅田,食物方面幾有誠意,有筋斗雲班戟、神龍春卷、四星珠甜品/蛋包飯、大魔王封印沙律,全部都好正,唯一係個豬肉拉麵有啲殘忍,不過有佢最鍾意嘅底褲仔,好可愛。仲可以嗌埋貓仙人仙豆。另外有大量精品發售,由T恤、外套到電話套散紙包乜都有,而且開到夜晚11點,最緊要帶定張信用咭。 相關資訊吃一口軟彈的菲利 《龍珠 超》「フリーザ様の大福」 (Jul 20, 2018) 《龍珠 超》劇場版正式命名 超級撒亞人「布洛尼」回歸 (Jul 10, 2018)

Read more ›

新片速報 《龍珠FighterZ》成年悟飯/布歐/悟天格斯激戰
by / on 06/12/2017 at 2:33 pm

新片速報 《龍珠FighterZ》成年悟飯/布歐/悟天格斯激戰

2018年2月1日推出嘅《龍珠Dragon Ball FighterZ(ドラゴンボールファイターズ)》,啱啱又有角色新片,主角就係成年嘅悟飯,唉,活喺強大老爸嘅陰影下面,係慘啲嘅。之後再睇番,仲有原始形態嘅魔人布歐,再睇早啲,個人覺得超想用嘅係悟天格斯呀!「超級鬼魅神風突擊」!好正! 相關資訊日本網民神級地毯畫 《龍珠》阿樂被爆死 (May 25, 2018) 自改《龍珠》神龍波鞋 著上腳許願 (May 23, 2018)

Read more ›
【名場面再現】Bandai玩嘢系列 《龍珠》100隻「メタルクウラ」套裝賣378,000円
by / on 02/12/2017 at 8:24 am

【名場面再現】Bandai玩嘢系列 《龍珠》100隻「メタルクウラ」套裝賣378,000円

喺劇場版《ドラゴンボールZ 激突!!100億パワーの戦士たち》入面,「メタルクウラ」曾經大量出現,如果想重現呢個名場面,機會嚟喇,因為Bandai將會推出呢個100隻「メタルクウラ」套裝,每隻高約122mm,賣378,000円!下年3月出貨。不過留意番,都有得獨立一隻賣嘅,3,780円,係,其實買100隻係冇平到嘅…… 相關資訊【有片】日本列車遇「菲利」?幾多億能量廣播? (May 5, 2018) 【有片】出現了!《龍珠Z》變成人版 悟空、布歐、魔童都係女 (Apr 10, 2018)

Read more ›
【有片】4日過150萬Views 35分鐘真人版人造人 VS 悟飯/杜拉格斯
by / on 18/11/2017 at 2:43 pm

【有片】4日過150萬Views 35分鐘真人版人造人 VS 悟飯/杜拉格斯

之前2015年公開過預告版,啱啱就有2017年新版本喇,35分鐘,YouTube頻道RobotUnderdog2製作嘅真人版《Dragon Ball Z: Light of Hope》,有人造人17、18號,仲有……好似應該或者係悟飯,同埋杜拉格斯,係以1993年《ドラゴンボールZ 絶望への反抗!!残された超戦士・悟飯とトランクス》嘅未來世界觀嚟創作。 相關資訊日本神級油畫師 少女激似真人Twitter熱傳 (May 15, 2018) 日本發現真實版「蜘蛛伯伯」 可愛笑臉似真人Twitter熱傳 (May 3, 2018)

Read more ›
62歲大師 《龍珠》作者鳥山明近照曝光
by / on 16/11/2017 at 7:30 pm

62歲大師 《龍珠》作者鳥山明近照曝光

好多漫畫家都係比較神秘嘅,尤其係神枱級嘅,好少公開露面或者見到近照。62歲嘅鳥山明就好耐都冇近照,不過啱啱就有雜誌去佢屋企門口等佢,訪問有關之前經營海外業務逃稅嘅報道,而喺11月8日,亦終於見到老師本人,做咗個訪問兼影到張相。據講仲係老師出門口倒垃圾時遇到嘅…… 相關資訊【有片】資生堂、《龍珠》合作 阿樂終於做主角 (Apr 7, 2018) 【有片】外國fans仲癲狂 《龍珠 超》結局太熱血 (Mar 27, 2018)

Read more ›
新片速報 無閑你就好 《龍珠 FighterZ》人造人18號角色短片
by / on 14/11/2017 at 5:11 pm

新片速報 無閑你就好 《龍珠 FighterZ》人造人18號角色短片

雖然佢唔係Gals系列figure嗰隻爆身材,不過本身人造人18號都係好好……啱啱PS4/Xbox One《龍珠FighterZ(ドラゴンボール ファイターズ)》出咗新預告,就係18號做主角,見到佢係咁踩人,講真,好有少少想做佢嘅敵人。咳唔,講番隻遊戲,2月1日日版推出,PS4同步繁體中文版都會推出,仲有典藏版隻7cm高悟空figure,而Xbox One/PC繁體中文版就會早啲喺1月26日發售,不過今次就只有台灣譯名。 相關資訊【有片】係感動!係熱血!《龍珠 超》TV動畫今日完 (Mar 25, 2018) 日本MINIATURE CALENDAR新作 悟空Gas爐玩爆氣 (Mar 18, 2018)

Read more ›

【圖集】神級俄羅斯cosplayer  《龍珠》/大量角色扮乜似乜
by / on 07/11/2017 at 9:07 am

【圖集】神級俄羅斯cosplayer 《龍珠》/大量角色扮乜似乜

以cosplay嚟講,呢位來自俄羅斯嘅Justyna Sosnowska應該屬於神嘅級數。佢嘅強項係特技化妝,所以唔止可以扮《龍珠》嘅18號,連龜仙人、瘦布歐都得,堅勁!佢喺3年嚟cosplay過嘅角色數之不盡,包括《Game of Thrones》、加勒比海盜、MJ等等,全部都極真,好多仲好靚女。不過我最鍾意係佢扮死神嘅L同埋Harry Potter嘅石內卜,好正,入嚟有得慢慢睇。 相關資訊老婆唔俾去俄羅斯 老友組團帶「紙牌人」睇世界盃 (Jun 20, 2018) 日本網上熱傳 俄羅斯女騎警好靚 (Jun 9, 2018)

Read more ›
愚人節事件成真?《龍珠超》「社會人篇」突入 菲利係你老闆
by / on 23/10/2017 at 12:43 pm

愚人節事件成真?《龍珠超》「社會人篇」突入 菲利係你老闆

今年嘅愚人節,《ドラゴンボール超》玩嘢話新章突入,係「社会サバイバル編」,個個角色著晒西裝做上班族,菲利係你老闆有排煩,不過如果有人造人18號做我上司,我又唔介意晚晚加班到深夜……事隔半年,嚟到o依家,呢個篇章竟然成真?啱啱有雜誌情報,出卡俾你抽啫。 相關資訊泰國《龍珠》迷 半年紋全身 (Mar 14, 2018) 《龍珠》劇場版20作 鳥山明劇本、角色設定《龍珠 超》12月上映 (Mar 13, 2018)

Read more ›
大量新圖 《龍珠FighterZ》格鬥之外有Story Mode
by / on 22/10/2017 at 10:12 am

大量新圖 《龍珠FighterZ》格鬥之外有Story Mode

早幾日宣佈咗發售日係2018年2月1日,而且呢隻《龍珠Dragon Ball FighterZ(ドラゴンボールファイターズ)》仲有中文版同步出,可能當時你會覺得格鬥Game中唔中文都冇所謂,但喺最新嘅遊戲圖入面,除咗見到「精英軍團」、「納巴」、培植人外,仲有Story Mode嘅畫面! 相關資訊【有片】巴黎球迷請「悟空」集氣 全因爭第七粒「龍珠」? (Feb 26, 2018) 【有片】《龍珠》「比達」夫婦賣花王清潔劑 「莊子」2代目聲優出聲 (Feb 15, 2018)

Read more ›
《龍珠》悟空色手掣?澳洲11月出新色DualShock 4
by / on 20/10/2017 at 10:28 pm

《龍珠》悟空色手掣?澳洲11月出新色DualShock 4

一睇到,以為係為咗下年出嗰隻《龍珠FighterZ》出嘅特別色,似悟空件衫嘛?不過其實冇關係,只係11月14日會喺澳洲、歐洲出呢隻新色「Sunset Orange」DualShock 4,講真隻色幾靚,自己貼個「悟」字上去都得。 相關資訊8月新出PS公認新手掣 似唔似對家嗰隻? (May 24, 2018) 【有片】1分鐘睇晒 40年間遊戲手掣變化 (Apr 13, 2018)

Read more ›
發售日確定 《龍珠FighterZ》「精英軍團」參戰!
by / on 18/10/2017 at 10:14 pm

發售日確定 《龍珠FighterZ》「精英軍團」參戰!

終於有確實發售日期喇,係2018年2月1日!農曆新年前就有得玩啦。呢隻《龍珠Dragon Ball FighterZ(ドラゴンボールファイターズ)》又有新雜誌情報,除咗發售日外,價錢係7,800円,另外亦有新參戰角色,就係「精英軍團」,即係「基紐特戰隊」,亦都見到「納巴」新圖。咁有精英軍團嘅「基紐」,佢嘅超必會唔會係同對手嘅HP交換?咁超必係咪5人集結……? 相關資訊【有片】超音鼠變「撒亞人」?MOD參戰《龍珠FighterZ》 (Feb 13, 2018) 【有片】消失的對手 《龍珠FighterZ》glitch靠天津飯+餃子 (Feb 10, 2018)

Read more ›

龜仙人必入 Dragonball Gals新作阿拉伯「莊子」下年2月出
by / on 09/10/2017 at 3:23 pm

龜仙人必入 Dragonball Gals新作阿拉伯「莊子」下年2月出

細個睇「益智」漫畫,第一個為你帶嚟幻想嘅女主角係邊位?會唔會係《龍珠》入面嘅莊子呀?嚟緊Megahobby有呢隻Dragonball Gals系列新作「ドラゴンボールギャルズ ブルマ アラビアンVer.」,呢個系列之前出過18號佢哋都令人好開心啦!今次呢隻賣9,250円,2018年2月上旬發售。 相關資訊《龍珠》聯乘Nike超強FF系列 12款波鞋款款都靚 (Feb 5, 2018) 【新片速報】日本《龍珠》DB藝人齊集坐巴士 地上最強陣容 (Feb 5, 2018)

Read more ›
【有片】聽日播1小時 《龍珠 超》預告悟空新形態 元氣彈復活!
by / on 07/10/2017 at 12:04 pm

【有片】聽日播1小時 《龍珠 超》預告悟空新形態 元氣彈復活!

《龍珠 超(ドラゴンボール超)》聽日(8日)朝早9點會播1小時,一次過睇第109、110話「これぞ全宇宙一の究極バトル!孫悟空VSジレン!!」,劇情就係悟空對第11宇宙最強戰士「ジレン」,仲預告埋會有之前都公開咗嘅悟空最新形態,而且仲會有「元気玉復活」,加埋「界王拳20倍」,應該都幾精彩! 相關資訊童年版悟空景品 著武士盔甲慶祝兒童節 (Mar 23, 2018) 日本「睇漫畫學大道理」角色終於有正面 路飛/悟空出場 (Mar 8, 2018)

Read more ›
新片速報 《龍珠Dragon Ball FighterZ》天津飯「氣功炮」阿樂「狼牙風魔拳」
by / on 24/09/2017 at 7:05 pm

新片速報 《龍珠Dragon Ball FighterZ》天津飯「氣功炮」阿樂「狼牙風魔拳」

都係東京遊戲展嘅遊戲片段,下年初推出嘅PS4/Xbox One《龍珠Dragon Ball FighterZ(ドラゴンボールファイターズ)》,之前都見過天津飯同阿樂嘅角色圖片,啱啱有片睇,見到佢哋兩個都出晒必殺技咁,唔知阿樂嘅名場面會唔會出現?有冇培植人呢?另外,鳥山明老師設定嘅新角「人造人間21号」亦都確定會由桑島法子聲演。至於發售日期,TGS竟然冇講到,因為預定會喺下個月發售嘅《Vジャンプ》公開。 相關資訊【有片】KinKi Kids變超級撒亞人 賣《龍珠Z Dokkan Battle》 (Jan 30, 2018) 新片速報 Bandai神秘宣傳片 處處有「龍珠」 (Jan 29, 2018)

Read more ›
新片速報 東京遊戲展《龍珠Dragon Ball FighterZ》預告 「人造人21號」眼鏡娘
by / on 21/09/2017 at 3:21 pm

新片速報 東京遊戲展《龍珠Dragon Ball FighterZ》預告 「人造人21號」眼鏡娘

PS4/XboxOne呢隻《ドラゴンボールファイターズ》,下年年初先出,早前就見到雜誌圖有鳥山明老師設定嘅新角「人造人間21号」現身啦,啱啱東京遊戲展就有埋新片睇喇。18號之後,呢位眼鏡娘係咪都可供食用? 相關資訊【除咗恭喜之外】美國阿爸集100萬Like 太太同意囝囝叫「悟空」 (Jan 28, 2018) 【有片】另類玩法!《龍珠FighterZ》最低畫質設定變《超武鬥傳》? (Jan 27, 2018)

Read more ›