今次真係肚痛都唔理嘞，呢間淺草嘅「たいこ茶屋」有得試「1000円任食刺身放題」，有網民親身去咗兼影埋相放上Twitter，引到大家狂RT。睇見啲拖羅呀、三文魚呀、魚籽呀好似唔駛錢咁任夾，真係口水都流埋出嚟。飲食網「食べログ」嘅評分係3.5粒星，可以一戰！BTW，抵還抵，去嘅時候記住留意禮儀，食幾多先夾幾多，唔好做大嘥鬼。 相關資訊【新片速報】日本鴨仔超鍾意食西瓜 摩打嘴啄食Twitter熱傳 (Jun 24, 2018) 【有片】青春小鳥 日本棒球部經理人 收驚喜禮物好感動 (Jun 24, 2018)

呢間喺大阪1000円可以住一日嘅旅館，其實2015年已經有人報導過，不過最近日本網民又摷返出嚟討論，大家可以當溫故知新。呢個單位入到去啱啱好夠一個人瞓，勉強都叫轉到身，前後仲可以擺吓嘢。網民留言話：「睇落都好正常」、「淨係瞓覺其實幾好」、「房間可以，但啲被舖好似好污糟」、「可以用嚟做倉庫」、「好似監獄嘅房間」。其實佢位於大阪西成區，之所以咁平因為西成區出名舊、暴力同色情，號稱「関西一番危険」，所以遊客都係唔建議去嗰度住嘞。好似網民留言咁話：「不如去漫畫cafe啦。」 相關資訊京都喵星人失踪半年 大阪地震後返屋企尋親 (Jun 24, 2018) 【新片速報】大阪地震電車停駛 人力推動向前行 (Jun 18, 2018)