Post Tagged with: "BANDAI"

Bandai奇妙扭蛋 巨型蟲仔識捲埋
by / on 04/06/2018 at 5:32 pm

Bandai奇妙扭蛋 巨型蟲仔識捲埋

日本好多呢隻蟲,香港有冇?同埋到底有幾鍾意呢種「だんごむし(Woodlouse)」蟲先會走去扭呢款扭蛋呢?嚟緊8月Bandai就會推出呢隻扭蛋,捲埋一嚿時直徑74mm,你入完錢扭完,就碌出嚟喇。全三款,500円一次。 相關資訊日本扭蛋「柴犬」超可愛 指尖上的肥柴 (Jun 21, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›

【回憶】Bandai復刻30年前卡機 6,480円買返屋企
by / on 30/03/2018 at 3:50 pm

【回憶】Bandai復刻30年前卡機 6,480円買返屋企

嘩真係好懷念呀!當年你都喺玩具模型或者文具店前面扭過啩?啲零用錢係咪跌晒入部機度?嚟緊Bandai記念「カードダス30周年」,將會完全再現呢部1988年嘅卡機,而且真係可以入兩個10円入去扭卡!最緊要係扭嗰吓卡卡聲呀!雖然好似細咗啲……當然啲卡要另外買,《龍珠》?定《SD高達》?8月出貨,6,480円,要有! 相關資訊船梨精出「劍玉」 本尊親自示範瘋狂彈跳 (May 25, 2015) 船梨精出迷你figure 扭手指撳面好好玩 (May 2, 2015)

Read more ›
【有片】Bandai新系列 「ホシノ・フミナ」皮膚真嘅一樣
by / on 28/03/2018 at 11:33 pm

【有片】Bandai新系列 「ホシノ・フミナ」皮膚真嘅一樣

Bandai又有新嘢,今次係叫「Figure-rise LABO」,特別之處就係身體嘅皮膚超像真,仲有對眼睛,仲有……入嚟有片睇,第1彈會係「Figure-rise LABO ホシノ・フミナ」,即係《GUNDAM BUILD FIGHTERS TRYガンダムビルドファイターズトライ》嘅「 ホシノ・フミナ」,6月發售。 相關資訊妖怪手錶和菓子 兒童節吞佢落肚 (Apr 21, 2015) 「Premium Bandai」即日預訂 40米高1/1鹹蛋超人可動Figure (Apr 1, 2015)

Read more ›
一年戰爭!Bandai出RX-78-2/自護號頭枕
by / on 25/11/2017 at 5:33 pm

一年戰爭!Bandai出RX-78-2/自護號頭枕

之前出過渣古呀、魔霸呀嗰啲,今次終於輪到一年戰爭終極一戰嘅RX-78-2高達同自護號!喺動畫入面最後,一隻冇咗個頭,一隻得番個頭,咁今次買齊兩個真係好啱數。「機動戦士ガンダム ひとやすみヘッドクッション RX-78-2 GUNDAM/MSN-02 ZEONG」由即日開訂,各4,536円,2018年1月下旬出貨。 相關資訊我就是高達!《機動戰士Gundam第08MS小隊》陸戰型高達盾牌袋 (Jul 19, 2018) 7月26日開戰 PS4《機動戰士Gundam Battle Operation 2》今日事前登錄 (Jul 12, 2018)

Read more ›
【有片】兒時夢想呀!Bandai出筋斗雲攬枕
by / on 22/09/2017 at 9:46 am

【有片】兒時夢想呀!Bandai出筋斗雲攬枕

細個睇《龍珠》,好想要一嚿筋斗雲,雖然我內心未必夠純潔……嚟緊有機會喇,呢嚿雲H約45cm×W約100cm×D約40cm,真嘅一樣,由Bandai推出,本身係攬枕,但當然你都可以好似呢條試玩片咁企上去扮悟空……呢個「心の清い者がのれる 筋斗雲クッション」,賣8,000円,即日日本官網有得訂,2018年3月出貨,睇落好似幾舒服。 相關資訊生日賀一賀 日本fans用962,120円預訂718隻新碟 (Jul 19, 2018) 【新片速報】日本街貓完全唔怕人 直行直撞超嗲Twitter熱傳 (Jul 19, 2018)

Read more ›
掛喺腰間好有型 Bandai精靈球食玩第2彈
by / on 13/09/2017 at 3:20 pm

掛喺腰間好有型 Bandai精靈球食玩第2彈

《Pokémon》嘅精靈球,之前都出過食玩套裝,最正係可以扣喺腰帶度,真係好有型呀!嚟緊就會有呢套「ポケットモンスター ボールコレクション SPECIAL02」,5,616円一套,即日官網收訂,下年1月發貨。 相關資訊超靚Pokémon透明精靈球 第二彈車厘龜超可愛 (Dec 2, 2017) 【有片】自製精靈球 3D print出嚟放Switch遊戲 (Oct 11, 2017)

Read more ›

超正!Bandai出魔霸攬枕 長1米初回特典有埋對鞋
by / on 08/09/2017 at 2:38 pm

超正!Bandai出魔霸攬枕 長1米初回特典有埋對鞋

又嚟玩嘢,講真近年Bandai呢啲玩嘢系列係越玩越有驚喜嘅。今次輪到《機動戦士ガンダム》入面嘅「ビグ・ザム」攬枕,全長有成1米,最正係初回特典有埋對腳,俾你穿對腳入去扮人形魔霸打爆高達!有番咁大隻,價錢唔平,32,400円,即日喺日本官網有得訂,訂到9月25日,12月出貨,冬天啱啱好喎!聖誕節送俾我更好! 相關資訊喵星人變裝扭蛋大人氣 扮蘋果、蜜蜂同埋‥‥‥狗?! (Mar 8, 2015) 廣州GBWC 2014 睇中國特色高達 (Oct 3, 2014)

Read more ›
廁所自high玩變身 Bandai幪面超人腰帶內褲!
by / on 09/08/2017 at 3:00 pm

廁所自high玩變身 Bandai幪面超人腰帶內褲!

其實唔一定廁所嘅,你喺屋企換衫,喺浴室著衫時都可以變身!Bandai將會推出一系列幪面超人內褲,有《仮面ライダーエグゼイド》嘅幾位,最正係連昭和嘅拉打都有份!你最想要邊一條?我梗係想要Black同埋響鬼!各6480円,9月下旬出貨。 相關資訊【有片】自製「幪面超人555」Cosplay服 變身識著燈 (Jul 13, 2018) 《幪面超人》 x beauty:beast出衫 幪面超人Build靚喎! (Jul 4, 2018)

Read more ›
9月推出 Bandai魔蟹龜霸頭枕
by / on 19/06/2017 at 5:35 pm

9月推出 Bandai魔蟹龜霸頭枕

又玩自護軍MS個頭,可能因為夠圓,所以Bandai成日搵自護MS嚟玩,今次就會出直徑40cm嘅頭枕。包括有「アッガイ(MSM-04 ACGUY)」、「量産型ズゴック(MSM-07 Z’GOK)」、「シャア専用ズゴック(MSM-07S Z’GOK)」,各4,104円,9月下旬出貨。 相關資訊高達對強人 Bandai出盾形頭枕 (Dec 8, 2017) 《ONE PIECE》路飛向龜仙人致敬 羅賓性感出戰 (Jul 19, 2014)

Read more ›
【兵】Bandai出《天空之城》「ロボット兵」 57關節超可動
by / on 06/04/2017 at 3:05 pm

【兵】Bandai出《天空之城》「ロボット兵」 57關節超可動

官網又有新嘢訂,今次係《天空の城ラピュタ》登場嘅古代兵器「ロボット兵(Full Action Ver.)」。7,560円,高約118mm,賣點係超可動,有57個活動關節,可以做到四足步行型態,10月出貨。 相關資訊【有片】《天空之城》再出「飛行石」 兩種燈效「ロボット兵」連動 (Jun 15, 2018) 【有片】神剪接!《天空之城》「ムスカ」槍擊 《龍貓》「草壁メイ」接子彈 (Oct 6, 2017)

Read more ›
即刻變大個全高25cm!Bandai出《數碼暴龍》暴龍獸 + 八神太一
by / on 07/03/2017 at 11:12 am

即刻變大個全高25cm!Bandai出《數碼暴龍》暴龍獸 + 八神太一

今次真係即刻變大個,今日開訂嘅有呢隻Bandai G.E.M.系列「デジモンアドベンチャー グレイモン&八神太一」,最勁係全高25cm,放喺屋企真係好霸氣。以呢個呎吋嚟講,10,800円又唔算好過份,今日下午官網開訂,7月出貨。 相關資訊羽生結弦最愛《數碼暴龍》片頭曲 團隊畫賀圖答謝 (Mar 5, 2018) 【有片】發售20周年 《數碼暴龍》機復刻版發售 (Jan 9, 2018)

Read more ›

【官圖與現實】Bandai「古拿比加」發動「火紅眼」 日本網民玩實物變關公
by / on 20/07/2016 at 2:16 pm

【官圖與現實】Bandai「古拿比加」發動「火紅眼」 日本網民玩實物變關公

「冨樫義博」嘅《Hunter X Hunter》,唉……出吓Figure搵錢先啦。呢隻Bandai出嘅HG「古拿比加(クラピカ)」,同系列前作希索加一樣識著燈,咁佢邊度發光好?梗係發動「緋の眼」啦!啱啱出貨喇,之前官圖無限好,實物到手,網民著咗燈之後……好難忍到唔笑,上注香先啦。 相關資訊Bandai奇妙產品 《Hunter X Hunter》大岡出9cm長耳環 (May 22, 2018) 【補習】日本《Hunter X Hunter》迷製作圖解 「暗黑大陸編」關係圖 (Apr 17, 2018)

Read more ›
Bandai出「真‧喵星人」日本扭蛋 坐UFO襲地球捉老鼠
by / on 20/02/2016 at 1:01 pm

Bandai出「真‧喵星人」日本扭蛋 坐UFO襲地球捉老鼠

一直有傳聞話貓其實係外星人,所以叫喵星人。日本Bandai最近甚至出埋扭蛋,推出咗呢個真‧喵星人系列,每隻喵都坐喺UFO飛碟入面伸個頭出嚟,仲話個形態同被意外拍倒嘅UFO相完全一致,頂部都係呈半圓狀。呢套扭蛋一式六款,每扭一次200円,UFO下面仲吊住個老鼠牌,因為話喵星人襲地球係為咗捉老鼠喎,但係有隻喵星人瞓著咗喎。 相關資訊日本小妹妹天才發明 消暑西瓜特飲Twitter熱傳 (Jul 19, 2018) 【有片】日本喵星人迫爆紙箱 超痴纏攬實唔放 (Jul 19, 2018)

Read more ›
《One Piece》杯緣子有驚喜 怕跌落水現驚青樣
by / on 05/01/2016 at 7:13 am

《One Piece》杯緣子有驚喜 怕跌落水現驚青樣

之前Megahouse都有出過《One Piece》嘅杯緣子系列,不過今次Bandai呢款更有睇頭,因為每個角色都會露出一個怕跌落水嘅驚青樣,配合返原著食咗惡魔果實就游唔到水嘅設定。總共有5個角色,女仔最鍾意應該都係路飛同索柏,一邊扮驚一邊賣萌,好想儲。 相關資訊日本動物醫院「心寒」宣傳板 貓貓震晒好驚青 (Jul 17, 2018) 【新片速報】航拍機差少少跌落水 機主喪游成功救回 (Jun 13, 2018)

Read more ›
黃金蛋黃哥出動!Bandai食玩7月推出
by / on 27/06/2015 at 11:28 am

黃金蛋黃哥出動!Bandai食玩7月推出

又係蛋黃哥!無計啦,佢就嚟殺到旺角朗豪坊,加上‥‥‥佢真係超得意嘛。今次係Bandai嚟緊7月29日推出嘅食玩系列,首先吸引我嘅係中間嘅黃金蛋黃哥,唔再係蛋黃色,變咗金色高貴咗,連個表情都得戚晒。今次連埋黃金蛋黃哥一共有6個款式,細心嘅你一定留意到今次嘅蛋白好有質感,半透明仲有少少流動嘅感覺,最重要要係蛋黃哥嘅表情都交足戲 (即係無戲無表情),我第二想要係佢拎住塊煙肉當被冚嗰款,好有大無畏嘅hea爆精神。 相關資訊慶祝5週年出賣屁屁 蛋黃哥池袋主題餐廳 (Jun 15, 2018) 日本麥當勞推出「蛋黃哥麥旋風」 開心樂園餐玩具超正 (Jun 7, 2018)

Read more ›