Post Tagged with: "COSPLAY"

本周Coser 台灣美腿女王 紅月司
by / on 25/01/2013 at 10:15 pm

本周Coser 台灣美腿女王 紅月司

早排同完DenKa、林采緹呢兩位台灣Coser做訪問之後,更加留意佢哋嘅動向,繼而睇到好多台灣女Coser,質素真係好高,而且好疏爽。咁講,我覺得既然有DenKa、林采緹,冇理由冇呢個台中紅月司(Akatsuki Tsukasa),佢出席過香港、日本活動,而且佢仲係我最鍾意o既美腳類型,雖然身高168cm,但望埋去對腳好長好靚好白淨,而且佢仲扮過我至愛嘅Catherine、毒島冴子!都係嗰句,今晚星期五,大家玩夜啲! 相關資訊【圖集】Wonder Woman低成本cosplay 膠紙加瑜伽墊50小時完成 (Nov 24, 2017) 【有片】行得走得Cosplay 《Overwatch》D.Va外骨骼機甲服 (Nov 21, 2017)

Read more ›

本地Cosplayer專訪 藍晞:我氣場比較惡!
by / on 23/01/2013 at 12:00 pm

本地Cosplayer專訪 藍晞:我氣場比較惡!

藍晞是個爽朗的Cosplayer,與她說話是很舒服的,雖然她說自己氣場比較惡,無鹹濕仔敢埋身,但估計與她做朋友應該是件賞心樂事。她多數扮演男性角色,一年只扮演一次女生角色,並不諱言說:「我現在無男朋友,我都想有個男朋友。」這份爽朗,在現今世代是非常難得的。 相關資訊Coser「えなこ」又出動 今年3度上《週刊ヤングジャンプ》封面 (Nov 20, 2017) 本周Coser 日本「ゆう」超強FGO Cosplay (Nov 19, 2017)

Read more ›
日本老伯cosplay水手熱   網上獵奇圖集
by / on 23/01/2013 at 10:42 am

日本老伯cosplay水手熱 網上獵奇圖集

Cosplay唔係後生仔嘅專利,最近日本有個老伯狂著水手服cosplay,喺新宿區遊盪,吸引好多日本人用手機影相放上twitter分享。呢位老伯好專業,有冬天同夏天兩套水手服替換,地中海式髮型配襯兩條小鬢辮,完全無掩飾佢男子漢嘅身份,而且仲識擺卡娃兒甫士V晒手丁字腳同途人合照。不過,原來佢並唔係第一個著水手服嘅阿伯,名古屋嘅安穗野香(係,藝名嚟嘅)著水手服cosplay出晒名,仲出唱片上電視!甫士一樣咁卡娃兒,入嚟開吓眼界啦! 相關資訊【有片】日本外務省官方出片 介紹模型歷史文化 (Nov 24, 2017) 日本車站職員超強手藝 剪票紙碎15萬粒砌列車畫 (Nov 24, 2017)

Read more ›
東京馬拉松 Cosplayer大回顧 上班族也是角色?
by / on 22/01/2013 at 8:33 pm

東京馬拉松 Cosplayer大回顧 上班族也是角色?

世界六大馬拉松之一,東京馬拉松每年2月尾都會舉行,咁馬拉松都要加入當地特色,講到日本,就一定係動漫原素,所以近年每一年都會有大量Cosplayer跑手參賽,有啲更加係Cosplay組織嚟!有外國網站就嚟咗個大回顧,當中比卡超就梗有,菲利件衫咁好賣,又見到佢啦,仲有西人扮美國隊長,亦有人孭住個十字架扮耶蘇,加埋喺自己個身上面裝咗幾部iPhone加攝錄機……不過講到最正,係有人Cos上班族,老西加埋個公事包,個表情都係趕返工咁!高手! 相關資訊神戶馬拉松禁登記選手Cosplay 超強跑手暗Cos冇人知? (Nov 18, 2017) 日本熱賣和式「家居服」 人氣cosplayer親身示範 (Nov 18, 2017)

Read more ›
日本忍者速遞服務  不殺人不盜竊
by / on 22/01/2013 at 8:34 am

日本忍者速遞服務 不殺人不盜竊

忍者喺本人心目中係神秘、不可侵犯嘅職業,不過可能忍者已經式微, 《Ninja Gaiden》又賣得麻麻,所以忍者都要另謀出路賺錢。日本有間叫Ninja Deli嘅公司,最近推出忍者速遞服務,工作範圍只限日本東京都、神奈川県、千葉県一帶,不過忍者唔會幫你殺人,因為網站註明盜竊、破壞、暴力行為一律唔做,咁做乜?我諗頂籠都係陪吓小朋友玩吓飛標,年尾去吓啲公司春茗搞吓氣氛咁囉。至於價錢,佢哋話要視乎工作性質再面議,唔知女忍者駛唔駛另外加錢呢? 相關資訊本周Coser 日本「さづき」骨感可愛 (Nov 12, 2017) 【做節】日本「 いいおっぱいの日 」 囡囡應節出圖出片 (Nov 8, 2017)

Read more ›
即食Cosplay 緊身衫變身 渣古 比卡超
by / on 18/01/2013 at 4:12 pm

即食Cosplay 緊身衫變身 渣古 比卡超

噚日Share咗張貼身龍貓衫相,引嚟各界人士不安,為表歉意,今日決定嚟個大晒冷,出埋其他好嘢!個人嚟講最鍾意就係呢件渣古緊身衫,單眼佬造型唯肖唯妙,絕對能夠表達出渣古作為嘍囉嗰份無奈同大愛精神。另外,仲有比卡超、鹹蛋超人、Mario、戰隊系列、藍精靈等等。賣2千幾円至3千幾円不等,著住佢去跑馬拉松或者游水,羡煞旁人。 相關資訊超強《Fate/Grand Order》Cosplay 台灣「芥川Aku」變「フローレンス・ナイチンゲール」 (Nov 7, 2017) 【有片】美國沙灘Cosplay活動 航拍陽光海灘好奔放 (Nov 7, 2017)

Read more ›

有片  蜘蛛俠變抹窗俠  兒童醫院氹細路
by / on 13/01/2013 at 4:29 pm

有片 蜘蛛俠變抹窗俠 兒童醫院氹細路

我認我一向都麻麻哋鐘意蜘蛛俠,我覺得佢有少少醜樣,但係人不可以貌相,今日睇新聞見倒呢個抹窗嘅蜘蛛叔叔,睇埋背後嘅故事,我覺得好warm,後悔自己以貌取人。喺美國佛羅里達州嘅Tampa Bay,為咗令住院小朋友可以開心笑吓,當日喺All Children’s Hospital清潔落地玻璃窗嘅叔叔,化身做蜘蛛俠爬牆抹窗。原來呢個英雄兵團仲有美國隊長,之前都去過Children’s Hospital旗下其他醫院探小朋友。講真,著住呢件密不透風嘅蜘蛛俠衫抹窗都幾侷吓,但我第一次咁鐘意蜘蛛俠。 相關資訊大隻版「小雲」 25歲才木玲佳童顏巨肌 (Nov 6, 2017) 本周Coser 日本「渚」Cosplay占卜師 (Nov 5, 2017)

Read more ›
有片 西人Coser變身Commander Shepard 過程全記錄
by / on 13/01/2013 at 11:19 am

有片 西人Coser變身Commander Shepard 過程全記錄

Project Cosplay影片系列,Red 5今次搵嚟專業級西人Crystal Graziano,佢曾經Cos過女版雷電、街霸Cammy等角色。今次就直擊佢將自己變成《Mass Effect》嘅Commander Shepard,呢條片就睇到佢套甲點整,再加埋特別一段特別效果影片,加埋便服版Crystal,嘴唇好鬼厚,拍得幾型幾靚。 相關資訊【圖集】神級俄羅斯cosplayer 《龍珠》/大量角色扮乜似乜 (Nov 7, 2017) 這就是專業 認真Cosplay背後 (Nov 5, 2017)

Read more ›
本周Coser 韓風螺旋貓Miyuko
by / on 12/01/2013 at 7:52 pm

本周Coser 韓風螺旋貓Miyuko

上年都介紹過呢個韓國Cosplay組織Spiral cats嘅成員Tasha同Ren,隔咗一排,我有啲掛住韓國正妹,於是我淥咗個辛辣麵,一邊揀相一邊食。係,我知你對我星期六喺屋企寫稿嘅生活冇興趣,咁講番Miyuko,佢4月16日生日,血型係AB型,Cos過好多唔同角色,最令我嬲嬲哋嘅係上年4月嗰陣曾經流傳過佢一張裸體相,好彩後尾證實係假o架啫!我搵番嚟睇,其實都PS得幾真,嗚呀!辣親添! 相關資訊【有片】外國機迷Cos Switch主機 拆甩Joy-Con扮斷手 (Nov 3, 2017) 人氣Coser示範 昭和「袴」出家居服「ゆる袴」 (Nov 3, 2017)

Read more ›
本周Coser 菲律賓Alodia 百幾萬fans
by / on 05/01/2013 at 7:31 pm

本周Coser 菲律賓Alodia 百幾萬fans

大家喺香港,接觸得最多甚至住埋同一間屋嘅,除咗係香港人之外,應該係菲律賓人,但係就算我星期日走去中環,我都未見過咁高質素嘅。為咗帶各位周遊列國,今次唔再介紹日本台灣歐美熱門國家,而係去到菲賓律,呢個24歲Alodia Filipino喺菲律賓有Cosplay Queen之稱,自稱Gamer最愛打機,2003年15歲開始玩Cosplay,會去東京遊戲展又會去外國動漫節,熱門動漫遊戲角色都扮過,仲有Youtube頻道成日更新有片睇,Facebook fans人數有146萬!國家級數。睇佢Facebook,同米原康正影過相,前排仲嚟過香港玩。 相關資訊【有片】外國阿爸氹阿囝 自製《Overwatch》Bastion裝甲 (Nov 2, 2017) 【有片】日本美大生 年年都有今日Cos《Pokémon》 (Nov 1, 2017)

Read more ›
新片4連環 「箱根駅伝」馬拉松 神龍現身 3隻菲利最搶鏡
by / on 04/01/2013 at 8:48 pm

新片4連環 「箱根駅伝」馬拉松 神龍現身 3隻菲利最搶鏡

介紹吓先,日本新年(1月2日、3日)舉行嘅「箱根駅伝(Hakone Ekiden)」,係超過200公里嘅馬拉松,20間嚟自關東地區嘅大學都會派出選手接力參賽。今年第89回「箱根駅伝」當中,最搶鏡唔係咩冠軍選手,而係呢3隻幫「日体大」打氣嘅菲利,佢哋相當奔放同鬼馬,完全視貼身白色衫帶嚟嘅激凸效果如無物,又踢腳又舉起條神龍亂咁舞!日本就有大量觀眾拍咗現場片擺上網,星期五晚入嚟笑吓都抵!另外我都終於明白,點解前幾日COSPA公佈最暢銷Cosplay服結果,菲利仲可以排到第7……不過,佢哋呢件係自製嘅,近睇仲有筆痕,笑點更高。 相關資訊零違和!太子地鐵站菲利塗鴉!原來係江記P圖! (Nov 1, 2017) 萬聖節全家cosplay Star Wars造型小朋友夠入戲 (Nov 1, 2017)

Read more ›

獵奇Coser Comiket 83集結
by / on 03/01/2013 at 4:35 pm

獵奇Coser Comiket 83集結

日本同人活動Comiket 83啱啱完咗幾日,係時候上網搵吓有咩好嘢Cosplay喇。好嘢大把,不過我哋不落俗套、劍走偏鋒,今次分享嘅係獵奇多於一切,連《進擊的巨人》都有!仲有《Hunter X Hunter》個大岡添呀!當然唔少得初音、高達、三國…… 相關資訊日本狗狗萬聖節cosplay 超強造型Twitter熱傳 (Nov 1, 2017) 爆氣級人造人18號Cosplay 美國Roxy Chan (Oct 31, 2017)

Read more ›
2012日本COSPA服裝排名 校服大集合《龍珠》菲利入10大!?
by / on 03/01/2013 at 12:26 pm

2012日本COSPA服裝排名 校服大集合《龍珠》菲利入10大!?

日本分店遍佈全國嘅COSPA,專賣動漫精品同Cosplay服裝產品,無論係自製服裝嘅用料或者現成cosplay服都有。咁啱啱佢就出咗2012官方排行榜,初音、浪客劍心、K-ON!、EVA綾波麗呢啲keep住有新嘢,扮極都有人扮,好正路,但係,當中就發現到亮點,雖然今年《龍珠Z》會有新劇場版出,但冇你份喎,菲利!點解你會排第7?仲高過綾波波?到底點解咁多日本人鍾意扮佢呢?唔通貪佢套衫夠貼身? 相關資訊日本老竇孖仔升級Cosplay 上年紅白機今年玩超任 (Oct 30, 2017) 【萬聖節】Daigo變《動物朋友》「藪貓」 「雪女」HYDE好可愛 (Oct 30, 2017)

Read more ›
2013新年快樂!本周Coser 全球最美不知火舞 台灣藝人Mia
by / on 01/01/2013 at 12:06 am

2013新年快樂!本周Coser 全球最美不知火舞 台灣藝人Mia

如果你又繼續同我一樣,喺屋企倒數完又冇嘢做,梗係要賀一賀佢,最實際就係睇吓靚女Coser相,攞個意頭囉!佢呢個鄧婷,有個藝名叫藍鳳凰,雖然個名風塵味濃郁,但佢個樣就走可愛路線。基本上,佢擔任過TVBS電視主持,又係Model,唔可以算係Coser,但偏偏佢最紅一鑊就係早幾個月Cos咗拳王中嘅不知火舞!紅到去日本,有人喺討論區話佢係全球最靚嘅不知火舞,仲有日本人留言話睇到有反應……佢除咗不知火舞兩套衫之外,仲有白雪公主、仲有兔仔耳、貓耳,仲有眼鏡……仲有兩段唱歌跳舞嘅片,年齡方面,有人話佢79年出世,我係唔會信o架! 相關資訊本周Coser 日本「まふぉい」可愛顏值高 (Oct 29, 2017) 【圖集】俄羅斯高質cosplayer 扮乜似乜超百變 (Oct 26, 2017)

Read more ›
日本雙馬尾協會 x 《Lollipop Chainsaw》新啦啦女登場(中)
by / on 28/12/2012 at 9:27 pm

日本雙馬尾協會 x 《Lollipop Chainsaw》新啦啦女登場(中)

上兩星期,寫過篇「日本雙馬尾協會 x 《Lollipop Chainsaw》新啦啦女登場」上篇,之後因為亞洲遊戲展著實忙到飛街,所以我本住有拖無欠嘅精神,拖到今時今日先出中篇。中篇?仲有後篇?係呀,合共12位靚女,仲爭兩個未現身,日本人講信用,信佢冇走數。講番今次扮《Lollipop Chainsaw》嘅三個雙馬尾靚女,最尾登場嘅小出友華,21歲大學生,好無敵,無得輸,絕對領域全開!!睇完早啲瞓。 相關資訊本周Coser 日本「クオン」臉圓圓好可愛 (Oct 22, 2017) 【有片】超靚成熟版 《美少女戰士》Cosplay拍攝幕後更好睇 (Oct 19, 2017)

Read more ›