Post Tagged with: "Evangelion"

限量1,000架 1/18《Evangelion》NERV官用車發售
by / on 01/11/2012 at 11:03 pm

限量1,000架 1/18《Evangelion》NERV官用車發售

呢部「ヱヴァンゲリヲン新劇場版:破 Nerv Official Business Coupe【NERV官用車(作戦部1課管轄)】」,係第二集裏面,里美車明日香去試三號機嗰架車,亦即係綾波透過電話同明日香講多謝嗰吓。不過,[真係得個望字!係,賣18,900円之嘛,有愛嘅話真係唔算啲咩,但佢限量1,000部,莫講話買,見得到你都時運有番咁上下高。啱啱日本喺10月下旬出咗,香港唔知有冇,有唔應單聲我知……比例係1/18,全長22.3cm,仲包一個明日香同一個葛城美里,唉,入面有日本網站影嘅實物介紹圖,睇咗當買咗啦! 相關資訊【7月襲來】Evangelion x 沙嗲王 油麻地廣告已出 (Jun 18, 2018) EVA主唱高橋洋子來港!香港動漫電玩節有EVA Store (Jun 9, 2018)

Read more ›

新片速報《Evangelion新劇場版:Q》新角色新機體曝光!!
by / on 01/11/2012 at 8:54 pm

新片速報《Evangelion新劇場版:Q》新角色新機體曝光!!

大鑊!估唔到咁大鑊!11月17日喺日本上映嘅《Evangelion新劇場版:Q》又有新預告片登場,以為都係嗰啲剪剪埋埋炒埋一碟配啲鋼琴聲,點知!有新角色登場!仲有新機體!睇啲配色似係真希波專用,不過個賣相就有啲大鑊,仲有,兩名新女角色登場,到底係咩人!呀呀呀呀呀呀呀呀……點o架香港幾時上呀?我要去日本呀呀呀呀呀呀!12月21日有咩事睇唔到佢,我真係唔眼閉o架! 相關資訊8月發售 日本出《Evangelion》初號機/ペンペン睡衣 (May 24, 2018) 【開始未?】khara請人 幫手製作《Evangelion新劇場版》結局 (May 23, 2018)

Read more ›
愛藏心底裏 Evangelion X Hello Kitty男裝內褲
by / on 01/11/2012 at 3:35 pm

愛藏心底裏 Evangelion X Hello Kitty男裝內褲

一個雄糾糾嘅硬漢子,都總會有柔情一面,但我明,世俗嘅眼光未必接受到男人老狗鍾意Hello Kitty……咁我哋唯有將對佢嘅愛放喺褲入面啦。頂!Evangelion X Hello Kitty都唔係第一次,但竟然出底褲,仲要係男裝!Monogram Kitty蝴蝶結,中間攝咗幾隻綾波Kitty同綾波喵出嚟……賣2,940円一條,包裝又真係精美。同時,為慶祝《Evangelion新劇場版:Q》11月17日上映,同日亦會推出限量3000部特別色汽車導航機,初號機帶路,綾波麗把聲叫你轉左轉右,可惜,香港用唔到,如果唔係我日日返工條路都開住佢嘈怨巴閉。 相關資訊使徒再來襲 大阪環球影城「EVA XR Ride」過山車限定復活 (May 17, 2018) 【有片】再見EVA列車 今日最終運行日 1,200人車站集結 (May 13, 2018)

Read more ›
小姐邊位?明日香 PS Home變臉
by / on 01/11/2012 at 8:47 am

小姐邊位?明日香 PS Home變臉

有留意Gameover又鐘意《Evangelion》嘅,可能留意倒凡係有關EVA嘅消息,編輯錢無義都一定衝出嚟報導,但今次點解由Reika寫呢?唔,講返段新聞先,之前《Evangelion》宣佈同PlayStation Home合作,推出綾波麗、碇真嗣同埋明日香嘅服裝下載,前兩個角色己經有得賣,第三彈嘅明日香就啱啱今日開始下載,服裝賣500円、假髮250円,唔貴吖,但係當你睇倒明日香個樣‥‥‥肥腫難分,唔係見倒套衫真係唔知佢係邊位,如果你睇完都決定下載,咁你真係嫁得過,因為外表對你嚟講就如浮雲。好嘞,咁你明點解錢無義唔寫啦‥‥‥ 相關資訊【眼鏡】《Evangelion》車隊適格者 「真希波」賽車女郎田中めい (May 12, 2018) 《Evangelion》新幹線列車展出 原來班長「洞木ヒカリ」有姊妹 (May 12, 2018)

Read more ›
池袋人類嘆茶計劃 《Evangelion》 X animate cafe
by / on 29/10/2012 at 10:59 am

池袋人類嘆茶計劃 《Evangelion》 X animate cafe

由11月1日至11月30日,池袋間animate cafe就同《Evangelion》合作,變身成為EVA主題cafe。好嘢呀,除咗杯咖啡有個使徒樣之外,其他嘢飲嘢食完全睇唔出關Evangelion事,冇使徒食,更加冇綾波麗你吃!不過唔緊要,佢有大量限量商品,杯杯碟碟、杯墊等全線都係EVA,淨係呢幅適格者侍應圖都引死人。去開旅行,池袋站行7分鐘就到,唔食嘢都去飲杯啡啦!冇得去旅行,都可以飲,飲恨囉。 相關資訊渚薰請慢用 《Evangelion》賽車女郎「真嗣」柳本絵美攝影會圖集 (Apr 28, 2018) 真嗣唔錯喎?《Evangelion》賽車女郎攝影會 (Apr 20, 2018)

Read more ›
《Evangelion新劇場版:Q》 X Pizza Hut零號機送外賣
by / on 23/10/2012 at 4:21 pm

《Evangelion新劇場版:Q》 X Pizza Hut零號機送外賣

對唔住,又係我,又係Evangelion。咁又有新情報嘛,我真係忍唔住唔講o架!今次係同日本Pizza Hut合作,唔係好似香港Halo咁整Halo Pizza,而係叫外賣有嘢抽咁解。抽咩呢?正喎!係零號機駕駛栓嘅大型攬枕,120cm長 x 20cm直徑。另外都有杯呀,卡呀嗰啲,第一彈係永遠女神綾波麗,去到11月4日,喂,九龍城送唔送呀? 相關資訊《Evangelion》鷺巣詩郎浴室現神秘石紋 庵野監督確認:「真的是EVA。」 (Apr 12, 2018) 山下しゅんや X 吉沢光正 《Evangelion新劇場版》明日香 (Apr 6, 2018)

Read more ›

名場面立體化重現 海洋堂Evangelion展覽10/27舉行
by / on 23/10/2012 at 2:56 pm

名場面立體化重現 海洋堂Evangelion展覽10/27舉行

對唔住,又係《Evangelion》,唔怕話俾大家聽,呢幾個月,我身心都好痕,好似俾蟻咬咁,無他,一來香港未知幾時上;二來日本實在太多正嘢,我有愛,但冇假。即係點呢?即係呢幾個月去開關西旅行嘅EVA迷有福了,因為海洋堂Figure Museum黑壁龍遊館將會舉行「海洋堂 エヴァンゲリオンフィギュアワールド」展,以玩具立體呈現新劇場版中嘅名場面!咁個展館喺邊?京都附近囉。 相關資訊6月發售 《新世紀Evangelion》主題曲再出Single (Mar 23, 2018) 《Evangelion》新戰車 林寶初号機/弐号機 (Mar 23, 2018)

Read more ›
人類補水計劃 Aqua X Evangelion初號水機現身
by / on 23/10/2012 at 1:24 pm

人類補水計劃 Aqua X Evangelion初號水機現身

真係咩都可以乘,無所不乘,又要我提多次,《Evangelion新劇場版:Q》喺日本11月17日就上喇,乘完鬚刨、眼藥水等等等之後,今次乘水,係,飲嗰啲水。今日(23日)喺日本東京就舉行咗個發佈會,宣佈會同Aqua Clara推出一系列飲水機,日本《Fami通》有現場報導。其實即係推出專用水機貼紙,幫你部水機變成痛水機,即係初號水機。官網仲有Wallpaper下載,不過全部都係寫住Coming soon。睇嚟,嚟緊可能會有人類補習、補健、補品、補血計劃,唔出奇。 相關資訊2018賽季適格者公佈 《Evangelion》Racing Queen三新人報到 (Mar 19, 2018) 「碇真嗣」聲優緒方恵美有工作 係咪「EVA」呀? (Mar 17, 2018)

Read more ›
《Evangelion新劇場版:Q》鷺巢詩郎原聲大碟 11/28推出
by / on 21/10/2012 at 4:51 pm

《Evangelion新劇場版:Q》鷺巢詩郎原聲大碟 11/28推出

鷺巢詩郎嘅音樂有幾勁,睇過威豐年系列同前兩集新劇場版,尤其係第二集破嘅EVA迷都知。11月17日套《Evangelion新劇場版:Q》就係日本上,講起都傷心,香港仲未有聲氣……咁佢隻《EVANGELION:3.0》「YOU CAN(NOT)REDO」音樂大碟就會喺11月28日推出,限定版有個盒,一盒兩隻碟,封面包裝係碇真嗣同渚薰,仲有未收錄喺電影入面嘅音樂,賣3,000日元。另外,Evangelion嘅官方Facebook都轉咗封面圖,都係呢張,仲有官方新海報,都係呢張。 相關資訊《Evangelion》X 日本職人 「エヴァンゲリオン×日本の職人」賣70,000円! (Mar 1, 2018) 【有片】《Evangelion》真嗣叫聲日、英、墨比較 聽到尾點忍到? (Feb 27, 2018)

Read more ›
新片速報《Evangelion 新劇場版:Q》最新預告片!!
by / on 18/10/2012 at 3:40 pm

新片速報《Evangelion 新劇場版:Q》最新預告片!!

終於等到有新預告片,呢段niconico播放嘅最新預告,之前嗰首鋼琴歌襯底,見到真希波,見到唔著衫嘅綾波麗,仲有單眼妹明日香喺度嗌!仲有,渚薰同真治相遇喇!頂!真治你咪臉紅得唔得? 今隻標題係YOU CAN (NOT) REDO,11月17日日本上映,香港,仲未有消息。 httpvh://www.youtube.com/watch?v=VJM12oSbKXs 相關資訊官方出2018年賀圖 《Evangelion新劇場版》今年有冇得睇? (Jan 6, 2018) 【有片】瘋狂!新宿VR設施《Evangelion》「魂の座」加強版玩「暴走」 (Dec 23, 2017)

Read more ›
賽車版綾波 11月推出
by / on 16/10/2012 at 4:46 pm

賽車版綾波 11月推出

呢隻PMフィギュア系列綾波麗係我最愛嘅賽車女郎版本,全高22cm,係今年11月推出嘅プライズ商品……好啦,我認喇,其實,我出呢段news嘅主要目的,又係為咗分享呢個真人版賽車女郎綾波麗,慢用。 相關資訊全員適格者現身 《オルタンシア・サーガ -蒼の騎士団-》x《Evangelion》主角騎士造型 (Nov 15, 2017) 《Evangelion》 x 《Hortensia Saga》 真嗣騎士服登場 (Oct 29, 2017)

Read more ›

EVA電器系列第三第四彈 本部噴霧變喇叭
by / on 10/10/2012 at 6:46 pm

EVA電器系列第三第四彈 本部噴霧變喇叭

越近《Evangelion新劇場版:Q》上映嘅日子11月17日,我個心就越唔舒服,因為仲未收到消息香港幾時有得做,而上映同步率100%呢個心願亦越嚟越遠……算,我用物質嚟麻醉自己!先前已經見過呢個NERV本部噴濕機,係11月出嘅EVA Electronics系列第三彈,第二彈把絕對領域風扇我都有買,呢個又點可以冇?仲有,第四彈公佈埋,係電話喇叭,又係本部,唓,冇乜特別啫!你睇埋個插頭先講嘢,個插頭係初號機條電視插頭呀!便給我敗吧! 相關資訊New Balance x 《Evangelion》出鞋 9月9日開賣鞋袋超靚 (Sep 7, 2017) 新幹線福音戰士 「500 TYPE EVA」出玩具可變形 (Aug 31, 2017)

Read more ›
中川翔子扮真希波 Evangelion X mmts服飾登場  
by / on 05/10/2012 at 4:57 pm

中川翔子扮真希波 Evangelion X mmts服飾登場  

噚日(4日)喺東京原宿間EVANGELION STORE TOKYO-01,就舉行咗一個《Evangelion新劇場版》X mmts第二彈服裝嘅發佈會,日本《Fami通》就有現場報導。喺現場,中川翔子有份參與呢個項目,仲即場著起啲衫褲裙,仲cos真希波!可惜,呢個系列全線水裝嚟……如果我有女朋友,我一定買嚟迫佢戴眼鏡扮真希波,啟動beast模式呀,嘩哈哈哈哈…… 相關資訊家庭新成員 中川翔子領養新貓變公主 (Jun 10, 2018) 【有片】中川翔子遊桂浜水族館 出片玩魚 (Jun 6, 2018)

Read more ›
又嚟EVA Cake 明日香獨眼造型登場
by / on 05/10/2012 at 10:22 am

又嚟EVA Cake 明日香獨眼造型登場

嚟到第四彈Evangelion Cake,今次就係第四使徒登場!不過,呢個系列嘅蛋糕一向都唔係主角,主角係隨糕隨送嘅嗰支叉!今次支叉係20cm長嘅朗基奴斯之槍,另外個「叉座」先勁,係11月17日上映嘅《Evangelion新劇場版:Q》最新造型明日香,單眼娘!即日開始接受預訂,12月推出。 相關資訊日本品牌推出《Street Fighter》內衣 春麗Cammy套裝開訂 (Aug 30, 2017) 「鎌倉ぼんぼり祭り」庵野秀明親筆畫 《Evangelion: 3.0+1.0》新2號機? (Aug 6, 2017)

Read more ›
《Evangelion新劇場版:Q》綾波麗請你食飯計劃
by / on 02/10/2012 at 11:23 am

《Evangelion新劇場版:Q》綾波麗請你食飯計劃

其實我想講,就算《Evangelion新劇場版:Q》完全冇宣傳,完全冇crossover,我都係會乖乖地買飛入場睇。不過下集都唔知幾時上,唔趁今集掠到你盡咩?嗱,今次就唔係出啲產品引你俾錢,而係有著數俾番你,由今日開始至11月30日喺日本1950間食店,包括笑笑、白木屋等居酒屋消費,只要你同動畫中主要角色同名或同姓或同名同姓,咁就會有折頭,最勁半價!咦?唔知如果我叫黃日香、陳波麗、趙真希、凌波波咁,有冇得平? 相關資訊又有動靜!《Evangelion新劇場版》結局 khara官方出新圖 (Aug 1, 2017) 【有片】庵野秀明今次玩車 拍Honda新廣告 (Jul 31, 2017)

Read more ›