Post Tagged with: "Facebook"

【為呃Like】Facebook扮多朋友 日本新興出租朋友服務
by / on 15/03/2017 at 7:33 am

【為呃Like】Facebook扮多朋友 日本新興出租朋友服務

出租男女朋友淘寶都有,不過日本呢間「Family Romance」嘅公司就主打出租朋友,而目的係令你喺社交媒體「睇落好受歡迎」!可以根據個人喜好揀性別、年齡或者服裝,約好時間地點,呢班老臨就會出動,然後同你慶祝生日、BBQ,隨你鍾意,之後你就可以有好多相放上網,等人知你幾受歡迎,生活幾咁精彩。有「疑似」用家分享話佢試過租咗10個成員同佢喺東京酒店慶祝生日,又自備埋蛋糕一齊selfie。不過問題就嚟嘞,如果佢本身搵唔到10個朋友同佢慶祝生日,其實佢嘅社交網絡又有無咁多人關注或者睇佢嘅相呢?不過官方就話呢個服務可以俾你嘅僱主、同事或者前度男女朋友睇。好嘞,如果你真係有興趣,都要有返咁上下經濟能力先得,因為每次出租成員最少要book兩個鐘,盛惠8000円。如果想要10個朋友同你慶祝,埋單人頭費就要8萬円,即係港幣5千零蚊,仲未計食品、飲品、交通費等等開支,仲要兩個鐘內完成,呢個呃like行動睇落都幾貴吓,香港嘅霞姨可以考慮吓。 相關資訊【有片】日本素顏cafe 下月澀谷開掂 女侍應好natural (Mar 27, 2017) 網絡熱傳3格圖 日本死光「Japanizing Beam」萬物變萌 (Mar 27, 2017)

Read more ›

【有片】百厭樹熊仔等呀媽拯救 母愛片Facebook熱傳
by / on 05/10/2016 at 7:13 am

【有片】百厭樹熊仔等呀媽拯救 母愛片Facebook熱傳

好溫馨,母愛真係好偉大呀!最近呢段片喺Facebook熱傳,有隻曳樹熊仔亂行亂撞被困咗喺鐵欄內,樹熊媽媽見到即刻由樹上面爬落嚟拯救,睇佢雖然有啲呆呆哋又手忙腳亂,但最終都成功救到樹熊仔,之後兩個屁股搖吓搖吓就走咗。衰仔,下次唔好咁曳嘞! 相關資訊【母愛氾濫】日本BB頭手袋Twitter熱傳 其實好恐怖 (Feb 24, 2017) 【真母愛】喵星人媽媽好偉大 大字型餵食圖集 (Jun 21, 2016)

Read more ›
《美女與野獸》Belle配灰姑娘    sweet爆訂婚照Facebook熱傳
by / on 01/10/2016 at 2:52 pm

《美女與野獸》Belle配灰姑娘 sweet爆訂婚照Facebook熱傳

嚟到2016年,仲談論支唔支持同性戀真係老土到爆,外國呢對情侶Yalonda同Kayla Solseng影咗輯訂婚紀念照,一個cosplay《美女與野獸》嘅Belle,另一個就係《灰姑娘》嘅Cinderella,輯相超靚而且好sweet,放上Facebook之後好多人like爆,邊個話公主一定要配王子? 相關資訊本周電影觀後感:何以王子會比野獸醜樣 《美女與野獸》 (Mar 18, 2017) 冬甩扮事業線 張敬軒扮Emma Watson激似 (Mar 6, 2017)

Read more ›
【有片】Facebook熱傳 日本富士山小學生集體「跳大繩」
by / on 04/04/2016 at 2:03 pm

【有片】Facebook熱傳 日本富士山小學生集體「跳大繩」

喺日本讀書似乎真係開心啲,尤其是住喺郊區地方嘅小朋友,放咗學可以同班同學仔通山跑,幾爽。啱啱睇到日本呢班六年級小學生嘅影片,片中佢哋50幾個同學仔一齊跳大繩,好壯觀,仲跳得好齊!難怪影片放上facebook之後火速瘋傳,而家已經有639萬次瀏覽,好勁。其實佢哋嚟自唔同學校,全部都係富士山跳繩協會嘅學員,今次呢個練習應該花咗唔少時間,但係一大班朋友仔一齊玩,諗起都開心。 相關資訊【神還原】日本網民用3.5小狂擦 殘舊煎pan黑變藍 (Mar 27, 2017) 【相集】日本喵星人想出浴 攬實水喉唔放Twitter熱傳 (Mar 27, 2017)

Read more ›
【終於有得改】Facebook表情符號任揀   比卡超/AKB48自high專用
by / on 15/03/2016 at 7:12 am

【終於有得改】Facebook表情符號任揀 比卡超/AKB48自high專用

Facebook自從加咗Like以外嘅表情符號之後,香港唔少本地設計師都有惡搞吓,不過齋睇無得用,最近終於有個網站reaction packs嘅大量表情符號可以透過Chrome或者Firefox裝喺Facebook入面,比卡超、美少女戰士、龍貓,真人版仲有AKB48,一次過放晒出嚟任揀,仲可以自行上載自己設計嘅款式,唯一美中不足係裝咗之後只有喺自己嘅Facebook睇到,其他人睇你嘅戶口時,就只會睇到平時Facebook設定嗰幾款表情,不過用嚟自high吓都唔錯吖。 相關資訊新片速報 快過閃電?飛人保特拍「比卡超」賣廣告 (Feb 28, 2017) 【相集】日本音樂人澤部渡被嫌棄 喵星人「超不滿」表情發自內心 (Feb 23, 2017)

Read more ›
【喵星人與豬仔】Facebook溫馨影片3百萬點擊 攬頭攬頸一齊瞓
by / on 04/02/2016 at 7:11 am

【喵星人與豬仔】Facebook溫馨影片3百萬點擊 攬頭攬頸一齊瞓

  喵星人成日俾人話高傲,其實佢哋同唔同種類嘅動物都相處得好好,好似今次呢隻豬仔Laura同隻喵星人B就好好朋友,經常攬頭攬頸一齊瞓,網上有大量相,睇見都覺得超溫馨。其中Facebook有段片見到豬仔不停用個鼻嗡埋去貓貓度,喵星人就幫豬仔舔毛回應,勁可愛,難怪條片已經超過3百萬次觀看,入去佢嘅Facebook有大量影片睇,like定放長假再慢慢睇先。 相關資訊【新片速報】《刀劍亂舞》後台溫馨一幕 工作人員幫狐之助梳毛 (Mar 27, 2017) 日本呀爸為顯示西蘭花呎吋 捉屋企喵星人做對比 (Mar 26, 2017)

Read more ›

【新片速報】為呃Like搏到盡   Facebook靚相鏡頭後辛酸
by / on 15/12/2015 at 7:12 am

【新片速報】為呃Like搏到盡 Facebook靚相鏡頭後辛酸

不嬲都話網上見到嘅嘢唔駛羨慕,因為鏡頭後嗰一面我哋都未睇倒。最近又有人玩揭秘,呢位叫Hồ Anh Đức嘅越南攝影師拍咗條片,揭開facebook每張相背後不為人知嘅一面,有人赤腳踩沙地好浪漫,其實係喺地盤除鞋影嘅;仲有享受大自然挨住棵樹木嘅大頭相,原來係踎喺路邊棵草前影嘅。所以話,網上啱like最重要都係演技。 相關資訊日本攝影師超靚街景相 涉谷街頭VS香港高樓 (Mar 26, 2017) 【相集】日本京都「春夏秋冬」超靚夜景相 日本攝影師Twitter要follow (Feb 25, 2017)

Read more ›
插畫諷刺Facebook奴隸    切「Like」當飯食 / LOGO變手銬
by / on 10/12/2015 at 7:15 am

插畫諷刺Facebook奴隸 切「Like」當飯食 / LOGO變手銬

呢位波蘭藝術家Sebastian Pytka嘅設計好正,透過作品諷刺Facebook、Star Wars、恐怖分子等議題,例如將Facebook LOGO變成手銬、用刀叉切「Like」當飯食,喺呢個人人呃Like嘅年代,大家睇落應該好有共鳴。另外病童手捧星戰嘅Death Star,仲有將平時鎖喺玻璃架入面嘅滅火筒變成手槍,諷刺恐怖分子肆虐嘅作品都好有heart,睇完得啖笑之外仲有反思位。 相關資訊【圖集】超可愛「正方動物」系列 四四方方似《塊魂》 (Feb 10, 2017) 【多圖】特朗普瘋狂被惡搞 諷刺漫畫「自由女神」無得瞓 (Nov 11, 2016)

Read more ›
【笨賊】打劫完銀行咬銀紙放Facebook 劫匪火速被捕
by / on 28/09/2015 at 1:20 pm

【笨賊】打劫完銀行咬銀紙放Facebook 劫匪火速被捕

玩Facebook出事都唔係第一次見,不過呢對啱啱打劫完銀行嘅劫匪,居然將啲相放上Facebook晒命,就真係笨賊都極點。28歲嘅John Mogan同24歲嘅Ashley Duboe,涉嫌打劫美國Asheville嘅一間銀行,事後John喺自己嘅Facebook上放咗大量炫富相,例如將叠錢塞入口扮食嘢、將叠錢扮電話放喺耳仔邊,仲攬住大叠錢同Ashley合照,警察火速做嘢,兩個而家喺拘留所等上庭。據知成面紋身嘅John喺銀行閉路電視嘅影像入面塊面無紋身,應該事前用化妝遮咗,但遮唔住佢想放上FB炫富嘅心,據悉佢啱啱先放監,之前都係因為打劫銀行而入獄,今次仲放埋FB,斷正,即啪啦。 相關資訊【仲襯】賤熊被整蠱網民狂RT 藏身氣球變打劫笨賊 (Oct 2, 2016) 【有片】喵星人入侵辦公室 日本銀行廣告晒貓 (Feb 22, 2016)

Read more ›
【好大壓力呀】facebook創辦人確認 好快有得撳「Dislike」
by / on 16/09/2015 at 11:02 am

【好大壓力呀】facebook創辦人確認 好快有得撳「Dislike」

嘩!要嚟嘅始終都要嚟。31歲嘅facebook創辦人Mark Zuckerberg,喺美國時間噚日(15日)一個答問環節中講到,佢哋順應網民意願,已經研究緊將「Dislike」掣加喺facebook度,而且好快會進行測試……我又想知喇,中文like叫讚吖,咁dislike呢?「不讚」?「彈」?「負皮」?話時話,加咗dislike,做專頁嘅管理員真係壓力爆煲o架,不過我唔驚,因為我哋都係互助互愛嘅好朋友嚟,我又靠份工擔起頭家,屋企又有老有嫩有貓有狗,大家唔會咁絕情嘅,我哋一向講個「義」字o架嘛,黐線嘅我唔驚,我真係唔驚…… 相關資訊網民力量!等足5年 狗狗終於有人收養 (Apr 6, 2015) facebook今日改版 新增「On This Day」功能按日期搵動態 Up相有問題 (Mar 25, 2015)

Read more ›
【手機靈異事件】手機跌落河兩星期 Facebook有新相自動發佈
by / on 25/08/2015 at 7:11 am

【手機靈異事件】手機跌落河兩星期 Facebook有新相自動發佈

之前外國都有人試過唔見咗部iPhone,之後喺iCloud發覺有喺中國影嘅新相,引發咗網上瘋傳嘅「廣東橘子哥」故事。最近又有類似事件發生,29歲嘅工程師Nathan Buhler喺8月2日唔覺意跌咗部電話落河,佢連執都費事,因為諗住壞硬。點知過咗兩星期佢居然喺自己Facebook發覺有新相發佈!相中有班消防員影合照,仲留言話執到Nathan部電話,叫佢去附近消防局Calgary fire department攞返。之後接連幾日繼續有消防局嘅新相喺Nathan嘅個人FB發佈。事隔15日,Nathan終於拎返部機,仲同班消防員影張合照放上網,佢仲話原來消防員唔止救人,仲救電話,抵佢咁開心啦,跌落水嘅機都救得返! 相關資訊日本超像真食物iPhone殼 咖喱飯真到唔敢拎上手 (Oct 22, 2016) 【有片】最高墮地測試 iPhone7直昇機跌落地面 開鏡頭拍住撞 (Sep 20, 2016)

Read more ›

臭臉狗網上大熱 黑口黑面好可愛
by / on 01/08/2015 at 11:17 am

臭臉狗網上大熱 黑口黑面好可愛

外國有隻叫Grumpy Cats嘅貓紅遍網絡,個樣超不爽,好似好卑視人類咁。最近終有隻Grumpy Dog彈起,呢隻狗狗簡直係Grumpy Cats嘅失散大佬,個樣一樣超不爽,佢叫呀Earl,今年5歲,係巴格犬(Puggle),住喺美國,自從主人Derek Bloomfield將佢嘅相放上網後就被瘋傳,雖然佢有啲黑面,但睇真啲又超可愛喎,而家佢有Facebook同IG戶口,已經為做明星作好準備。快啲去follow啦。 相關資訊【相集】日本老夫妻IG狂晒情侶裝 結婚36年依然好sweet (Mar 7, 2017) 超可愛「短尾矮袋鼠」扮自拍 張開手笑晒口網上熱傳 (Mar 2, 2017)

Read more ›
【集氣】Facebook繼續改 喜愛專頁要「搶先看」
by / on 16/07/2015 at 2:35 pm

【集氣】Facebook繼續改 喜愛專頁要「搶先看」

好喇,facebook又出手靜靜地改嘢喇,你可能會發覺自己讚好咗嘅專頁成日冇影,唔係佢哋懶呀,係因為你又要去讚好個掣度set嘢,將「預設」變成「搶先看」。提提你如果有鍾意嘅專頁,記得set一set先睇到第一手資訊。當然,順手搶先睇埋GameoverHK是常識之中嘅常識…… 相關資訊新片速報 Facebook出教學短片 教你unblock朋友 (Dec 13, 2014) 新片速報 2014年Facebook大事回顧 世界盃第1 冰桶只排第5 (Dec 10, 2014)

Read more ›
【文青要買】 Facebook日記逐年印    足本離線重溫
by / on 20/04/2015 at 7:06 am

【文青要買】 Facebook日記逐年印 足本離線重溫

以前啲人會寫日記,而家啲人會舖Facebook,將見倒嘅嘢放上網做紀錄。但係作為一個文青,點可以無本實體書拎喺手?Pia Knoester就推出咗個名為「365 Days In Print」嘅產品,將自己喺Facebook嘅post印刷成一本精美日記簿,每年印一本,陣書卷味即刻湧晒出嚟。加上製作幾精美,最重要係就算無交寬頻費,都可以離線重溫自己喺facebook嘅內容自戀吓。 相關資訊日本喵犯人撳錯「印刷」掣 外星喵文字曝光 (Mar 21, 2017)  【有片】參觀日本書刊印刷過程 日本網民拍片放Twitter (Feb 9, 2017)

Read more ›
靚女高層3年唔換衫    成功人士的秘訣
by / on 11/04/2015 at 3:29 pm

靚女高層3年唔換衫 成功人士的秘訣

好多成功人士都係長期著同一套衫,例如蘋果嘅Steve Jobs、Facebook嘅Mark Zuckerberg,既方便又快捷,據講話咁做可以集中專注力同決斷力喺工作上。通常實行嘅都係男士居多,最近就有一位靚女Matilda Kahl加人陣營,佢連續三年都係著白色恤衫襯黑色褲,風雨不改,最多都係披多件皮褸,好多網民都大讚佢咁做有個性,仲好想知佢平時襯咩鞋。BTW,有無讀者都係日日著同一套衫?老實,我想試吓! 相關資訊最啱Social嘅時裝 社交網絡LOGO著上身 (Dec 2, 2014) 有片 擒水渠勇救小動物 9千萬瀏覽熱播 (Nov 29, 2014)

Read more ›