Post Tagged with: "Felix Ip"

Felix Ip《香港重機》Figure曝光 廢箱重機+垃圾俠登場
by / on 17/07/2018 at 8:57 pm

Felix Ip《香港重機》Figure曝光 廢箱重機+垃圾俠登場

嘩!真係好正呀,之前介紹過嘅Felix Ip《香港重機》系列之垃圾蟲同垃圾桶實體化玩具,依家不但有色辦睇,仲正名為「廢箱重機」同「垃圾俠」。個人認為做得好精細,嗰種殘舊污糟感覺好出,喺燈光下,好似真係生晒鏽磨蝕咗咁。買就買硬,不過唔知真正有幾高呢?希望唔好太大隻喇,呢啲Figure仔,細細隻先好睇。 相關資訊葉偉青《香港重機》商品化 垃圾蟲+垃圾桶曝光 (Jul 13, 2018) 《龍貓》30週年推出大量精品 18隻跳舞龍貓有排儲 (Jul 7, 2018)

Read more ›

Felix Ip x 人人搬屋 x Tinbot貨車機械人曝光
by / on 07/07/2018 at 3:29 pm

Felix Ip x 人人搬屋 x Tinbot貨車機械人曝光

終於有實物睇喇,Felix Ip嘅《香機重機》系列畫作實體化,首個現身嘅就係呢隻聯乘TinBot嘅人人搬屋貨車機械人,大黃車身好搶眼。書展有賣,價錢未知,但我買硬。 相關資訊日本超強網民DIY 蟹殼最終形態機械人 (Jul 13, 2018) 有片:畫沙機械人=溝女神器? (Jul 11, 2018)

Read more ›
Felix Ip《香港重機》實體化 聯乘《TinBot》出機械人公仔?
by / on 26/06/2018 at 7:41 pm

Felix Ip《香港重機》實體化 聯乘《TinBot》出機械人公仔?

之前咪話Felix Ip打算將《香港重機》系列實體化嘅,一直未聞樓梯響,今日佢喺面書留言曰:「《TinBot》x《香港重機》,一次非常有趣的Crossover,密切留意!」終於有眉目喇。我心急,連忙Check一Check這個「TinBot」是甚麼料,原來品牌中文名叫「鐵寶奇盒」,專出有香港元素嘅機械人公仔嘅,質素未拎過上手唔知乜料,但設計同用色就真真不俗。我非常期待呢次聯乘,希望Felix Ip可以一次過出十隻八隻香港重機機械人喇,到時一字排開擺喺飾櫃,肯定好型。 相關資訊有片:日本工程師係高達迷 自製8.5米高機械人曉行曉開槍 (Jun 7, 2018) 【圖集】爸爸畫作再出動 機械人改圖變神作(4) (Dec 27, 2017)

Read more ›
Felix Ip勁呀喂!《香港重機》系列出實體Figure!
by / on 15/06/2018 at 9:15 pm

Felix Ip勁呀喂!《香港重機》系列出實體Figure!

《香港重機》作品集尚未推出,Felix Ip已經透露會推出埋相關玩具。佢喺面書出咗張宣傳圖,從圖中所見,無估錯應該係垃圾蟲同垃圾桶造型Figure,好正!留意番,《香港重機》系列有N咁多幅畫作,如果全部變晒實體玩具的話,一字排開擺喺飾櫃,可以想像到有幾震撼。 相關資訊MastaMic x How2work x 井上三太出Figure 灰模曝光 (Mar 14, 2018) 阿諾舒華辛力加Figure 搵塊布都無包兩個「丁丁」配件 (Feb 16, 2018)

Read more ›
Felix Ip《香港重機》 7月書展推出
by / on 23/05/2018 at 10:00 pm

Felix Ip《香港重機》 7月書展推出

仲記唔記得之前介紹過Felix Ip充滿香港元素嘅可變形機械人系列畫作?家陣又好消息,就係畫作將會輯錄成畫集《香港重機》,喺嚟緊7月推出。正喇喂,隔住Mon得個齋聞同拎上手睇完全係兩回事,逐頁揭逐頁慢慢欣賞先係王道嘛。建議Felix Ip將畫集出得大Size啲,賣貴啲都唔係問題,我話嘅。 相關資訊Kana書展出《打爆真‧三國歷史》 陳某幫手畫封面 (Jul 19, 2018) 有片:Man僧書展出Postcard? (Jul 18, 2018)

Read more ›
Felix Ip聯乘余兒 D2 Place講喪屍
by / on 11/04/2018 at 8:45 pm

Felix Ip聯乘余兒 D2 Place講喪屍

喺D2 Place舉行嘅「Toys Collector Market玩具收藏家販售展」,好似好多瓣數咁喎,有甚麼少女玩具專區喇,又有甚麼馬莎x沙生Gundam cosplay喇,又有珍藏玩具展喇,到時玩具原型師太歲又會接受訪問喇……講到訪問,我最Care嘅當然係余兒聯乘Felix Ip嘅「今晚講喪屍」環節,屆時兩人會大談創作喪屍題材之路,撐開《今晚打喪屍》同《香港感染‧旺角站》嘅我,一定會去捧場。 相關資訊Toys Collector Market玩具收藏家販售展 九大漫畫家原畫展覽 (Apr 24, 2018) 喪屍圍西貢 創造館小說《異人》不日推出 (Nov 2, 2017)

Read more ›

網圖分享:繼續強!Felix Ip可變形機械人系列(二)!
by / on 29/03/2018 at 8:39 pm

網圖分享:繼續強!Felix Ip可變形機械人系列(二)!

畀啲掌聲唔該!Felix Ip真係好勤力,其實唔只,齋勤力都未夠,仲要好有創意,否則點可能每日出一幅「可變身成機械人」系列畫?今次又多差唔多20幅,當中,我最鍾意係郵筒同雪糕筒,前者似戴帽機械郵差,夠Cute;後者畫到成隻戰機咁,有啲《星球大戰》味添喎。 相關資訊正呀喂!《香港感染2》5月26日見街! (May 25, 2017) 最本土!最癲喪!漫畫版《今晚打喪屍》四款海報出齊! (May 22, 2017)

Read more ›
網圖分享:超強!Felix Ip可變形機械人系列!
by / on 12/03/2018 at 10:00 pm

網圖分享:超強!Felix Ip可變形機械人系列!

Felix Ip畫風有強烈個人風格,唔玩精雕細琢喜用粗線條,予人一種好Raw感覺,無論黑白同彩色我都咁鍾意。最新創作有含香港元素嘅可變形機械人系列,渡海小輪、中巴九巴、小巴的士、人人搬屋運輸車、貨車、嘉頓麵包車、街邊水龍頭、垃圾桶、石油氣罐等等,全部都可以變身成機械人。齋畫已經如此,如果能夠變成真正立體玩具,就更加不得了咯。 相關資訊漫畫版《今晚打喪屍》出海報 有身無頭係邊個? (Apr 27, 2017) Felix Ip《香港感染‧旺角站》 4月8日搞簽名會 (Apr 7, 2017)

Read more ›
余兒《今晚打喪屍》作品展 睇原畫買埋親筆畫板
by / on 08/10/2017 at 7:15 pm

余兒《今晚打喪屍》作品展 睇原畫買埋親筆畫板

係好令人鼓舞嘅,余兒《今晚打喪屍》由小說開始,到漫畫,到電影,佢話「《今晚打喪屍》已成為本地喪屍品牌」,係無講錯嘅。既然咁正斗,就一於唔好俾佢停,嚟緊會有個《今晚打喪屍》作品展,展出多幅小說同漫畫原畫,大家記得去朝聖打卡。另,屆時Wah Kee、faminik同Felix Ip會即場畫喪屍畫板發售,獨一無二,要搶! 相關資訊書展幫襯創造館攤位$200 送《我們,在創造。》特刊 (Jul 14, 2018) 《今晚打喪屍》桌上遊戲開箱 教埋你點玩 (Jul 14, 2018)

Read more ›
聯乘東方表行畫鐘表 Felix Ip好型仔呀
by / on 26/09/2017 at 7:30 pm

聯乘東方表行畫鐘表 Felix Ip好型仔呀

嘩,唔係講笑,我真係忽然覺得Felix Ip型仔咗,而型仔咗嘅佢,出現喺東方表行宣傳片裡面。宣傳片主題係「藝遊時間」,Felix Ip用佢最擅長嘅粗線條粗獷畫風,畫出一隻隻鐘表傑作。佢啲訪問對白固然係型:「……時間係每一個人去表達同忠於自己嘅載體……時間係一個好好嘅證人。」好有哲理好有人生經驗同閱歷咁,連個Tone同剪接都係十級型。人哋話專心工作嘅男人最有型靚仔,喺呢條片裡面,你見到嘅Felix Ip就Exactly係人辦嘞。 相關資訊《香港感染‧旺角站》宣傳動畫 內文稿件先睹為快 (Apr 3, 2017) 好消息!Felix Ip《香港感染‧旺角站》4月5日見街! (Mar 29, 2017)

Read more ›
Felix Ip x Pen So開繪本大師班 一堂過分享創作心得
by / on 11/08/2017 at 8:15 pm

Felix Ip x Pen So開繪本大師班 一堂過分享創作心得

計筆風其實好兩極,Pen So《九龍城寨──場景故事畫集:浪漫大逃亡》何其精雕細琢,Felix Ip嘅《Robox Sketchbook》又何其豪邁奔放,兩個人加埋一齊會有乜化學效果?參加佢兩位聯合舉辦嘅繪本大師班,唔知可唔可以略窺一二?一堂過,到時佢哋會分享創作點滴、入行經歷同指導同學仔創作漫畫或繪本技巧,唔知大家有無興趣呢又? 相關資訊很想要吧? 《阮大勇的影畫藝術》送戲飛紀念證 (Jul 13, 2018) 離晒譜!Pen So《香港災難》有老翻! (Jul 11, 2018)

Read more ›

《Robox Sketchbook 2》九折有交易 特攝Sketchbook將連載《漫道月刊》
by / on 06/08/2017 at 11:00 am

《Robox Sketchbook 2》九折有交易 特攝Sketchbook將連載《漫道月刊》

關於「漫道」消息有二,而呢兩單消息都關Felix Ip事。一,未買《Robox Sketchbook 2》的話,除可以去書屋買番,亦可直接向「漫道」補購,畫板連畫集$150,九折交收有著數;二,Felix Ip將會喺8月號《漫道月刊》開始,連載關於特攝嘅Sketchbook,係咪開心先? 相關資訊漫道辦「漫畫人物課程」 名額10個 (Jul 16, 2018) 畀個Like 擺「毒毒手記」畫版+貼紙 (May 8, 2018)

Read more ›
跟進:Felix Ip《Robox Sketchbook 2》正式開訂
by / on 30/06/2017 at 11:00 am

跟進:Felix Ip《Robox Sketchbook 2》正式開訂

早兩日講過Felix Ip會推出《Robox Sketchbook 2》,家陣有確切資料嘞,畫集鐵定7月19日見街,依家正式接受訂購,有興趣者可以致電「至Goal Club」留書,一書一畫板盛惠$150,早訂有著數,有埋親筆簽名是也,報告完畢。 相關資訊《戇男筆記‧港漫200人》大賣 戇男至Goal Club搞簽名會 (Jun 1, 2018) 買嚟儲 《第37屆香港電影金像獎特刊》$98 (Apr 17, 2018)

Read more ›
網圖分享:Eric Ng的面書版「七十二大圖集」
by / on 29/06/2017 at 12:00 pm

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業? 相關資訊世界盃落幕 甘小文嚴選最佳最差11人 (Jul 16, 2018) 有啲唏噓 Cuson書展出《4張幾單身日記》 (Jul 2, 2018)

Read more ›
Felix Ip書展出《Robox Sketchbook 2》
by / on 28/06/2017 at 11:00 am

Felix Ip書展出《Robox Sketchbook 2》

Felix Ip好多產,剛剛先推出漫畫版《今晚打喪屍》,好評如潮,話咁快又有消息話將會喺書展推出《Robox Sketchbook 2》。此畫集乃漫道出品,輯錄過百張機械人插圖,之前第一集唔知大家有無捧場?有嘅話,第二集無可能唔買;無嘅話,買完第二集覺得好睇的話,買番第一集儲亦唔過份。 相關資訊葉偉青《Robox Sketchbook》打孖買送畫版 (Jul 18, 2018) 輯錄《飛女正傳》 牛佬書展出《洪門女將》 (Jul 17, 2018)

Read more ›