Post Tagged with: "figure"

My name is Chanpeel!甘小文出陳皮女俠Figure!
by / on 29/06/2017 at 11:00 am

My name is Chanpeel!甘小文出陳皮女俠Figure!

我係先喺面書專頁「G.Goal Club」知道甘小文會推出Figure嘅,角色係《柒頭者繴盟》陳皮女俠,心諗個Figure究竟係乜Look呢?再Click入面書專頁「甘員外小文」望望,嘩!不得了!陳皮女俠現身!高呼:「My name is Peel,Chan Peel。」花朵叫「Chanpeel Woman」,而《柒頭者聯盟》仲有個勁搞笑譯名「Seven Head Alliance」,屬直譯、硬譯,再望埋女俠個Mary嘴同Bra Top上面兩個疑似手指印圖案,真係笑到我收唔到聲。小文係得嘅,呢隻咁出位嘅Figure,好難唔買。留意番,此Figure遲啲喺「至Goal Club」有售,有進一步消息會跟進。 相關資訊書屋訂購《漫畫Buddy 3》 送Folder+Postcard (Jul 11, 2017) 書展必搶《七十二行》實體書 (Jul 9, 2017)

Read more ›

【無閑就是爽】後日開訂 巨乳版《龍珠Z》人造人18號新版本
by / on 07/03/2017 at 9:56 pm

【無閑就是爽】後日開訂 巨乳版《龍珠Z》人造人18號新版本

上年9月出過一次,人造人18號身材突然異變,就係Megahouse推出嘅「Dragon Ball Gals」系列「ドラゴンボールギャルズ人造人間18号」,我諗無閑見到都嚇一跳。最新就有呢隻「ドラゴンボールギャルズ 人造人間18号 Ver.Ⅱ」,後日3月9日日本開始預訂,無頭髮都有辦法。 相關資訊日本玩具解剖可愛牛仔 食燒肉前學習部份名稱 (Dec 12, 2016) 【先生邊位】《Star Wars》Han Solo崩壞 網民:「係咪打太多Botox?」 (Apr 1, 2016)

Read more ›
使唔使咁似?景甜人偶似十足《長城》林梅
by / on 23/02/2017 at 11:00 pm

使唔使咁似?景甜人偶似十足《長城》林梅

真係不禁要問一句:「使唔使咁似?」呢個由Threezero推出嘅景甜人偶,以《長城》「鶴軍將領」林梅為製作藍本,亞洲人五官輪廓唔及老外突出,一向難雕,但人偶面相似到我以為張相係P圖,厲害!樣似,整體纖瘦人體比例亦異常討好,套衫亦跟足電影原著,護甲、肩甲、腳靴好有金屬感,隻藍色亦好出,係件斗篷感覺柔弱咗啲啫。配件有劍、劍鞘、扇刃,可換手,高11吋,售價約$1310,入得過呀喂。 相關資訊《The Walking Dead》Michonne人偶 買一得三送多兩隻喪屍 (Mar 21, 2017) 【超正】《龍珠》悟空出波燈 舊figure自己DIY唔難 (Feb 25, 2016)

Read more ›
【相集】日本網民自創動感畫面 識得玩可以好好玩
by / on 13/02/2017 at 11:00 am

【相集】日本網民自創動感畫面 識得玩可以好好玩

figure識得玩可以好好玩。好似呢個日本網民最近就發揮創意,加埋刁鑽嘅影相角度,拍攝出呢輯充滿動感嘅相集。網民好鍾意,一切幫佢RT發揚光大。佢見反應幾好,仲換埋搞笑藝人「ダンディ坂野」個頭繼續玩‥‥‥ 相關資訊【有片】超驚嚇情景 日本工程車尾現人影 (Jul 20, 2017) 【中二病發】日本有得賣 魔導書背囊 (Jul 20, 2017)

Read more ›
【文青必買】梵高Q版figure 左耳拆得甩附送名畫
by / on 12/02/2017 at 7:10 am

【文青必買】梵高Q版figure 左耳拆得甩附送名畫

估唔到畫家梵高都有figure出,而且仲要係Q版。更特別嘅係模仿返佢嘅特徵,左耳竟然可以拆落嚟。梵高figure除咗連埋支畫筆,身後仲有佢著名嘅畫作「The Starry Night」同「The Sunflowerss」任換。呢隻figure喺Kickstarterk有得買,由Today Is Art Day製作,開價美金$21,文青必買。 相關資訊【改圖】刺蝟仔變名畫主角 高質改圖刺蝟很忙 (Jul 19, 2017) 古典名畫二次創作 變龍貓變薩爾達零違和 (May 25, 2017)

Read more ›
XM Studios x 火雲邪神Figure開賣!似唔似劉華?
by / on 28/12/2016 at 11:15 pm

XM Studios x 火雲邪神Figure開賣!似唔似劉華?

XM Studios新推出火雲邪神珍藏級Figure,造型衣飾連手心兩團烈燄氣勁都跟足晒原著,附地台,面具細緻、肢體動作自然屬應份,尤其要讚五官面相好栩栩如生。話時話,硬係覺得個樣有啲似劉華,大家又覺得似唔似?又話時話,賣$5445,大家又覺得貴唔貴?12月30日開訂,全球限量388隻,報告完畢。 相關資訊網圖分享:白冰筆下的《山海逆戰》于若蘭 (Jan 25, 2017) 網圖分享:「See-人畫郎」想畫就畫 高水準明星畫作 (Jan 20, 2017)

Read more ›

雪晴繪本Figure正式開訂 分兩款套裝有獎抽
by / on 16/12/2016 at 3:12 pm

雪晴繪本Figure正式開訂 分兩款套裝有獎抽

擺明賣廣告,都係嗰句,真心Mode希望雪晴隻繪本Figure早日沽清,詳細資料如下──預訂分兩款套裝,一,袋裝包17cm Figure、袋仔、抽獎Postcard各一,售$528;二,木盒套裝,包括17cm Figure、木盒、雙面水晶畫板、鎖匙扣各一、抽獎Postcard兩張,售$728,中獎者會得到一份「超珍藏禮物」禮物。講明限量,即係要搶,所以落訂要快呀,完。 相關資訊【有片】日本「拉麵對烏冬麵」繪本 瘋狂畫風Twitter熱傳 (Jul 20, 2017) 《山海逆戰》珍藏卡特別版三封面 賣萌雪晴版售罄 (May 24, 2017)

Read more ›
雪晴繪本Figure曝光 Toysoul 2016有辦睇
by / on 14/12/2016 at 10:30 pm

雪晴繪本Figure曝光 Toysoul 2016有辦睇

繼鎖匙扣後,雪晴首個繪本Figure真身終於曝光,可能因為條孖辮仔,又可能因為粉紅色,定因為個Pose呢?定因為手捧住隻貓仔太可愛呢?唔係吹水,我男人老狗都覺得個Figure好Kawaii,畀到人一種好嗢馨嘅感覺。賣幾錢,唔知,淨係知周五喺九龍灣國際展貿中心舉行嘅Toysoul 2016有辦睇。Like嘅,即場落埋訂都仲得,真心Mode同雪晴打氣,希望呢隻公仔可以大賣。 相關資訊網圖分享:港漫人出圖祝《遇見貴人》大賣 張萬有畫老祖宗 (Jan 24, 2017) 漫畫星光大道週年同樂日 主筆親筆畫板曝光 (Jan 19, 2017)

Read more ›
雪晴繪本Figure 附件鎖匙扣曝光
by / on 07/12/2016 at 11:15 pm

雪晴繪本Figure 附件鎖匙扣曝光

兩個月前,本網站報導過雪晴將會推出首個繪本Figure,依家聞到樓梯響喇,雖然未有Figure實物睇,更遑論價錢,但套裝附件鎖匙扣已經做好,雪晴仲拿臨臨掟上面書公諸同好添。大家即管望望,啱唔啱心水? 相關資訊動漫授權市場開動 雪晴水晶畫板有售 (Jan 6, 2017) 網圖分享:港漫人2017新年賀圖 (Jan 1, 2017)

Read more ›
《塊魂》出figure粉絲必儲 11吋王子推巨型塊魂
by / on 18/11/2016 at 7:21 am

《塊魂》出figure粉絲必儲 11吋王子推巨型塊魂

呢度有無《塊魂》嘅fans?其實我都幾鍾意玩,不過已經好耐無新作嘞,最近外國玩具公司FIRST4FIGURES就宣佈推出塊魂王子嘅figure,高11吋,除咗王子本人之外,當然唔少得巨大嘅塊魂波。另外仲推出限定版,王子變咗黑色星星造型嘅Dipp,粒巨型塊魂波都變咗另一隻色,個人都係鍾意普通版多啲,仲有啲想買,不過價錢就有啲貴,分別係美金$234.99(普通版)同$249.99(限定版),預計下年第二季發貨。 相關資訊【新片速報】日本青蛙王子開餐脫腳 搞笑片Twitter熱傳 (Oct 10, 2016) 《新著龍虎門》聯乘XM Studios 火雲邪神Figure未知價 (Jan 25, 2016)

Read more ›
外國「過勞死」figure日本熱議 網民:「作為日本人感到驕傲!」
by / on 06/11/2016 at 7:20 am

外國「過勞死」figure日本熱議 網民:「作為日本人感到驕傲!」

日本人出名工作壓力大,聽到「過勞死」呢個字就驚。日本上年就有接近200人因為工作過勞而死。不過外國人無忌諱,最近仲出咗個諷刺日本呢個現象嘅骷髏人figure。盒面大大隻字寫住「過勞死」,骷髏人著住恤衫打晒呔,手執公事包,個公事包仲可以打開,入面有佢嘅死亡證。有日本網民放咗上2ch討論,好多日本人都勁讚,留言話:「日本都賣啦」、「幾可愛喎」、「好想買個放喺公司張枱」、「作為日本人感到驕傲」。其實打份工啫,唔係賣命喎,腦細你哋明唔明呀? 相關資訊坐箱望窗好文青 日本人貓爭紙箱圖集 (Jul 20, 2017) 日本超可愛「黑面喵」 不滿表情Twitter熱傳 (Jul 20, 2017)

Read more ›

【被上帝遺棄的聲音】多啦A夢走音王 Medicom新figure值得儲
by / on 28/10/2016 at 7:14 am

【被上帝遺棄的聲音】多啦A夢走音王 Medicom新figure值得儲

其實多啦A夢同技安一樣,夢想都係成為一個歌唱家,可惜兩個都擁有一把被上帝遺棄嘅聲音‥‥‥最近Medicom宣佈會推出呢款唱歌唱到走晒音嘅多啦A夢Figure,個名叫「VCD ドラえもん コロコロコミック創刊号Ver.」,今次好有紀念價值,因為呢個造型嘅多啦A夢,其實係日本兒童漫畫雜誌《コロコロコミック》嘅創刊號封面造型,當年係1977年5月15日,相信好多人都未出世。為咗慶祝雜誌40周年,特別推出呢隻咁可愛嘅多啦A夢,預計下年3月推出,售價5500円。 相關資訊【有片】最新2017年版「見到靜香沖涼」動畫 大雄反問:「點解你成日沖涼?」 (Jun 3, 2017) 日本夾公仔機 臉紅「多啦A夢」好多綁法 (May 14, 2017)

Read more ›
【有片】日本跳舞Figure發售 34個關節隨節奏郁動
by / on 26/10/2016 at 8:39 am

【有片】日本跳舞Figure發售 34個關節隨節奏郁動

如果屋企啲Figma呀盛識郁嘅話,偶像們識跳舞,漫畫男主角識擺出必殺技動作,都幾好玩。不過睇嚟仲有好遠啦,呢隻由以前有份開發機械狗「AIBO」嘅技術人員製作、準備公開發售嘅機械人「Model MOFI7 Pro」,會採用「Real 3DSkin」物料製造,身高45cm,大約1/4嘅比例,全身合共34個關節,可動範圍最大200度。預計2017年2月發售,賣98萬円!除咗價錢,從佢生硬嘅動作話俾我哋知,離我開頭FF嘅玩法仲爭很遠。 相關資訊變態創意阻止不了 日本出「側溝VR」扮渠內人 (Jul 19, 2017) 【有片】其實驚唔驚呀?日本貓仔狂搞青蛙仔 (Jul 19, 2017)

Read more ›
雪晴首個繪本Figure 《鐵將縱橫》仗義賣廣告
by / on 22/10/2016 at 9:15 pm

雪晴首個繪本Figure 《鐵將縱橫》仗義賣廣告

Coming soon!講緊嘅係雪晴首個繪本Figure,咁Soon到幾時?2017年咁話喎,雖則十畫未有一撇,難得邱福龍已經仗義喺今期《鐵將縱橫》幫雪晴賣廣告,港漫人咁團結,可喜可賀也。為乜無端端出Figure呢?雪晴喺面書留言曰:「話說早2個月的茅一天,一位好友突然問雪晴:『有無興趣做figure?』大概想了5秒,我就回覆佢:『好丫@@』」Good吖,爽快吖,做人做事最緊要隨心,鍾意咪鍾意,想點咪點囉。好,依家隆重宣報,雪晴Figure不日橫空面世,拭目以待呀。 相關資訊邱福龍自爆《山海逆戰》銷量不及《鐵將縱橫》 讀者留言加油 (Mar 7, 2017) 《鐵將縱橫》最終回加厚至32頁 兼送明信片 (Nov 9, 2016)

Read more ›
Storm Collectibles出《街霸V》Ryu 1:12 Figure登場
by / on 23/06/2016 at 10:30 pm

Storm Collectibles出《街霸V》Ryu 1:12 Figure登場

  「Storm Collectibles」推出《街霸V》Figure,率先彈出嘅阿龍(Ryu),詳細資料如下──1:12、177mm高、30個可活動關節、三個可換頭顱、四對手、波動拳效果膠塑,擺波動拳、升龍拳同旋風腿Pose輕而易舉,整體嚟講,用色、衫褶、肌理都唔錯,值得入手。 相關資訊今年後半年發售 《Marvel VS Capcom: Infinite》日本官網開張 (Apr 17, 2017) Storm Collectibles出蘇聯佬 十字旋風轉超霸氣 (Feb 9, 2017)

Read more ›