Post Tagged with: "IG"

【新片速報】《權力遊戲》Jon Snow扮火龍    龍媽開心拍片放IG
by / on 20/08/2017 at 7:26 am

【新片速報】《權力遊戲》Jon Snow扮火龍 龍媽開心拍片放IG

《權力遊戲》第七季去到尾聲,fans實好唔捨得睇完佢啦,最重要梗係連behind the scenes都要睇埋。龍媽Emilia Clarke啱啱就放咗段片上IG,睇到佢同Jon Snow玩得好開心,Jon Snow仲扮飛龍拍翼,同平時cool爆嘅形象好唔同,睇返之前仲有兩個人嘅合照,Jon Snow戴咗眼鏡之後斯文晒,入嚟有得回帶,不過小心留言有劇透! 相關資訊《權力遊戲》Jon Snow毛毛披肩來自IKEA 官方教學DIY (Aug 16, 2017) 【圖集】迪士尼變《Game of Thrones》 Elsa變龍媽 (Jul 25, 2017)

Read more ›

【相集】日本網民狂玩「西瓜裙」 IG美女/BB扮著裙
by / on 11/07/2017 at 7:04 am

【相集】日本網民狂玩「西瓜裙」 IG美女/BB扮著裙

日本人好鍾意食西瓜,特別係最近天氣咁熱,佢哋仲俾之前IG另一位用西瓜扮裙嘅小妹妹啟發,最近興起喺IG放西瓜相。西瓜相即係將西瓜放喺鏡頭前,扮成一條連身裙影相。有靚女、小朋友、男人甚至狗狗,好清涼!喺IG搜尋「スイカドレス」(西瓜禮服)就會見到大量相片嘞! 相關資訊【有片】日本網民飛機上影雲 完美立體爆10萬RT (Aug 20, 2017) 日本3字頭女生部屋 唔需要男朋友? (Aug 20, 2017)

Read more ›
【相集】IG可愛妹妹做超模 食物植物變時裝
by / on 05/07/2017 at 7:33 am

【相集】IG可愛妹妹做超模 食物植物變時裝

呢位外國嘅3歲小妹妹Stefani好可愛,仲好幸福!因為佢媽咪經常都幫佢影fashion靚相,每套「衫」都係食物同植物,例如有西瓜、椰菜花、香蕉等等。而小妹妹都好稱職,每次都擺出超模級數嘅甫士。睇返合照,原來佢媽媽又靚又潮,難怪影出嚟嘅相咁有創意。 相關資訊日本喵星人示範女高中生服 肥肥白白超可愛 (Aug 19, 2017) 超靚Pokémon透明精靈球 內附場景卡比獸好可愛 (Aug 17, 2017)

Read more ›
【紅到日本】狗狗坐擁超肥美pet pet 眼矇腿粗IG大人氣
by / on 04/07/2017 at 7:15 am

【紅到日本】狗狗坐擁超肥美pet pet 眼矇腿粗IG大人氣

呢隻狗狗Chowchow最近紅到去日本,全因為佢有個大pet pet同埋好萌嘅睡姿。當大家睇埋佢個樣,矇豬眼再加埋個蓬鬆嘅髮型,肥到好似粒棉花糖咁,可愛到暈。而家佢住喺馬來西亞,來自中國嘅佢好彩有幸成為寵物而唔係食物,只得半歲大嘅佢而家喺IG好高人氣,入嚟有多啲相睇。 相關資訊日本網民分享白狗假髮圖 勁似《鋼鍊》合成獸 (Aug 15, 2017) 【多圖】日本人氣貓軍團 超可愛生活照Twitter熱傳 (Aug 13, 2017)

Read more ›
IG女皇渡邊直美出杯緣子 重量級攀爬夠突出
by / on 22/06/2017 at 7:54 am

IG女皇渡邊直美出杯緣子 重量級攀爬夠突出

日本搞笑女藝人渡邊直美喺日本勁受歡迎,IG粉絲更加去到680萬,好誇張,日本人鐘意佢夠真唔造作,除咗有自家服飾品牌,最近佢仲同奇譚合作出埋杯緣子擺設。重量級嘅身形爬喺杯邊,效果夠晒突出!姿勢包括倒吊、坐、爬同趴,各有特式,仲有一個隱藏款式,合共5款,今年8月推出。 相關資訊【圖集】日本喵星人戴「兔耳」想殺人 受害喵照片大公開 (Aug 16, 2017) 喵星人惡夢 萬聖節奇譚加推新扭蛋 (Aug 15, 2017)

Read more ›
【係愛呀】超可愛壁虎爸IG大熱    攬實玩具囝囝好滿足
by / on 21/05/2017 at 5:19 pm

【係愛呀】超可愛壁虎爸IG大熱 攬實玩具囝囝好滿足

呢隻壁虎會唔會太得意?最近佢喺Instagram好紅,經常笑笑口嘅佢,似乎好鍾意主人買俾佢嘅小玩具迷你壁虎。望住隻玩具嘅時候,佢雙眼會笑到瞇埋,有時仲會擘大口,不過口入面無乜牙好似呀伯。佢有時仲會攬住隻公仔瞓,超可愛,真係唔忍心同佢講:「其實佢唔係你個仔嚟架!」入嚟有多啲圖睇。 相關資訊【新片速報】日本明星級水瀨仔 玩Hand Spinner超可愛 (Aug 3, 2017) 日本超可愛企鵝仔 碌地滑翔姿勢Twitter熱傳 (Aug 2, 2017)

Read more ›

【圖集】超型黑色Latte網上大熱   IG大量靚相分享
by / on 18/05/2017 at 7:08 am

【圖集】超型黑色Latte網上大熱 IG大量靚相分享

之前網上都興過一排黑色雪糕,最近轉移陣地,網民開始影黑色嘅Latte放上網嘞。打開IG搜尋#GolfLatte或者#BlackLatte就會見到好多靚相。據聞之所以黑色,主要係沖咖啡時加咗活性炭,所以杯嘢黑黑哋之餘仲幾健康添。而家英國同澳洲好多Cafe都有得飲,其中澳洲White Mojo啲Black Latte仲有唔同圖案嘅拉花,由天鵝到喵星人都有,去開澳洲記住試吓! 相關資訊【相集】網上最劣貓畫作 Twitter帳戶專畫經典貓圖 (Jul 21, 2017) 合味道杯麵黑湯底 墨汁新口味食完烏卒卒 (Jul 20, 2017)

Read more ›
【有片】超巨型喵星人好黐身 經常要抱考臂力
by / on 30/04/2017 at 11:21 am

【有片】超巨型喵星人好黐身 經常要抱考臂力

由細攬到大,而家變到咁大隻點算好?照攬囉。外國呢位貓奴隻緬因喵Tihon細細隻開始已經好黐身,到而家咁巨型都係好鍾意見到主人就跳埋去要攬攬,好彩身型纖瘦嘅主人好好力,完全無嫌棄佢。不過佢雖然身形巨大,但係喺屋企並唔係大佬,身形細過佢嘅喵仔先係話事嗰個。而家佢只係想每日24小時黐實主人,做大佬?唔駛客氣嘞。 相關資訊【相集】日本喵星人跳到咁高 企起身攝位超搞笑 (Aug 18, 2017) 【新片速報】觸感似棉花糖可搣臉 日本喵星人化妝袋超可愛 (Aug 18, 2017)

Read more ›
炭黑色雪糕IG大人氣      洛杉磯雪糕店變話題店
by / on 27/04/2017 at 11:35 am

炭黑色雪糕IG大人氣 洛杉磯雪糕店變話題店

夏天咁熱食返杯雪糕都好合理吖,最近呢杯黑色雪糕喺IG好多人分享,位於美國洛杉磯嘅雪糕店Little Damage推出呢款炭黑色雪糕,外形唔算討好,但就幾新奇刺激,仲可以加唔同配料,試過嘅人都話幾好味。之前紐約嘅Morgenstern Finest雪糕店都推出過,似乎炭黑雪糕有排玩,相信香港今個夏天應該會有好多嘞。 相關資訊日本JR出現熟口熟面「怪男」 超似人氣動畫角色 (Jul 7, 2017) 【新片速報】日本超人氣喵星人 窄巷高速前進短片Twitter熱傳 (Jun 19, 2017)

Read more ›
【靚成咁】最靚迪士尼公主 重畫作品IG超人氣
by / on 19/04/2017 at 7:02 am

【靚成咁】最靚迪士尼公主 重畫作品IG超人氣

將迪士尼嘅公主重畫唔係新鮮事,不過呢位外國插畫家Isabelle Staub嘅作品就特別高質。如果當年我認識嘅迪士尼女主角係咁嘅樣,我應該會好鍾意佢哋,尤其是美人魚。呢位插畫家最近喺IG好紅,唔止畫迪士尼公主,佢畫其他女性角色都好靚,入去佢嘅IG有得慢慢睇。 相關資訊【新片速報】橋本環奈剪短髮 LINE全程直播超人氣 (Jun 7, 2017) 【貓寫真】日本最曳喵星人出寫真 抓爛紙門Twitter超人氣 (Jun 1, 2017)

Read more ›
【圖集】日本柴犬顏藝值超高 表情多多可愛到暈
by / on 12/04/2017 at 7:26 am

【圖集】日本柴犬顏藝值超高 表情多多可愛到暈

好耐無見過一隻顏藝值咁高嘅狗,呢隻日本柴犬仔Ryuji個樣超可愛,今年7歲嘅佢表情極豐富,有時好得戚,有時又識伸脷賣萌,最正都係間唔中會古古惑惑戚眉戚眼。咁可愛,難怪佢嘅IG已經收咗12萬個follower,係咁意打個喊露都5、6千個like,唔怪得之可以咁囂張嘞! 相關資訊【有片】奇蹟共演 日本「鶴見川花火大會」爆閃雷電、煙花 (Aug 19, 2017) 【有片】喵仔逃獄爬出嚟 原來為咗過隔籬 (Aug 19, 2017)

Read more ›

【相集】日本喵星人廚師 滿枱料理齋睇無得食
by / on 05/04/2017 at 7:12 am

【相集】日本喵星人廚師 滿枱料理齋睇無得食

究竟呢個IG帳戶係主打喵星人定食物?答案應該係兩樣都啱。呢個IG戶口有接近兩萬個粉絲,喵星人廚師叫Maro,每次都滿枱食物極豐富,不過喵星人應該齋影相無得食,難得佢每次都有唔同造型而且無黑面,都算好俾面嘞。 相關資訊日本海膽食捲心菜 奇妙相片Twitter熱傳 (Aug 19, 2017) 【有片】極危險!日本公路行錯路 掉頭會係咩嘢人? (Aug 18, 2017)

Read more ›
【天價】影相放上網收7萬蚊 外國旅遊達人天堂式生活
by / on 05/04/2017 at 7:11 am

【天價】影相放上網收7萬蚊 外國旅遊達人天堂式生活

每Post一張相有港幣7萬蚊,每日工作1小時,呢啲究竟係乜嘢生活?外國呢對俊男美女Jack Morris同Lauren Bullen擁有好多人夢寐以求嘅生活,佢哋上年喺Fiji認識,兩個都係網絡紅人,男嘅IG而家有200萬個followers,女嘅有120萬,好多品牌以至旅遊局都會搵佢哋影吓相share吓喺個人平台。佢哋話每日會喺日出時用一小時影相,每出一個post最多可以有9千蚊美金,即係超過7萬蚊港幣,低過美金3千蚊嘅job佢哋都唔會接。入嚟有佢哋嘅IG可以follow。不過建議唔好喺返工時間睇,睇完好可能會心情低落。 相關資訊【新片速報】外國貓奴自製紙箱迷宮 50個紙箱排陣超興奮 (Aug 11, 2017) 【相集】辦公室偷時間影相自娛 超正場景相勁到出相集 (Aug 10, 2017)

Read more ›
【多圖】超可愛鬆毛喵IG大人氣 肥仔愛爬樹
by / on 02/04/2017 at 11:22 am

【多圖】超可愛鬆毛喵IG大人氣 肥仔愛爬樹

呢隻超可愛嘅喵星人Bone Bone各位貓奴要識,佢來自泰國,而家喺當地好高人氣。佢嘅特點係啲毛好霸氣,尤其是下巴,多到好似圍咗頸圈咁,加上佢身形圓潤,佢仲經常揹住個好似龜殼嘅黃色背囊出巡,超搞笑。而家佢每次出街都會俾好多女仔圍住,個個爭住同佢自拍,另外佢仲好鍾意爬樹,入嚟有多啲相睇。 相關資訊【新片速報】日本超可愛兔仔短片 兩秒鐘融化成一團肉 (Jul 27, 2017) 【有片】十級可愛喵星人 叫主人起身失敗自己瞓埋 (Jul 22, 2017)

Read more ›
【有片】日本黑白喵星人超人氣     性格似樹熊嗲到暈
by / on 01/04/2017 at 10:55 am

【有片】日本黑白喵星人超人氣 性格似樹熊嗲到暈

呢隻住喺日本嘅喵星人好可愛,一定要介紹俾大家識。黑白毛色十足熊貓咁,但性格似樹熊,好鍾意攬實主人瞓,不過感覺到主人好吃力‥‥‥佢仲好鍾意碌地,而且主人幫佢影嘅相全部超可愛,喺IG已經儲到8千幾個粉絲,入嚟有片有相睇。 相關資訊【慎入】日本鄉郊便利店 夏天有蟲有青蛙 (Aug 18, 2017) 日本銀座高級壽司放題 每位3990円Twitter熱傳 (Aug 18, 2017)

Read more ›