Post Tagged with: "IKEA"

【峰迴路轉】IKEA買錯藍色廁所板 阿媽抓狂阿囡揭真相
by / on 07/04/2018 at 6:39 pm

【峰迴路轉】IKEA買錯藍色廁所板 阿媽抓狂阿囡揭真相

買錯嘢好閒啫,有keep單據嘛?但呢位阿媽喺IKEA用40蚊英鎊買咗個廁所板後就掉咗張單,返到屋企先發現竟然係藍色?開頭接受唔到個廁所變藍色嘅阿媽最後用咗30分鐘去接受呢個事實,但當佢個女睇到貼喺廁所上面嘅label之後…… 相關資訊IKEA開發臨時屋 4小時裝好 改善難民生活 (Mar 27, 2015) 新片速報 整蠱名畫「專家」 IKEA平價畫有人開價二千萬! (Mar 19, 2015)

Read more ›

網民有創意 IKEA廚房用具變模型工具
by / on 12/10/2017 at 9:40 pm

網民有創意 IKEA廚房用具變模型工具

砌得模型都應該好鍾意隨意將身邊嘅嘢變成工具,以前都有啲鉗仔竹籤買,都係自製啫?咁呢位模型友就喺IKEA買咗呢個本來要嚟放碗碟嘅架,不過佢就用嚟放唔砌嘅模型框…… 相關資訊MR.Z超像真狗狗1/6模型 雪橇/八哥新作有得買 (Jul 2, 2018) 超強痛車日本Twitter熱傳 迷你模型塞爆全車 (Jun 23, 2018)

Read more ›
【有片】日本東海地區首間IKEA開幕 2500人門外排隊等入場
by / on 11/10/2017 at 8:35 pm

【有片】日本東海地區首間IKEA開幕 2500人門外排隊等入場

日本東海地方首間IKEA,呢間喺愛知縣長久手市嘅IKEA係全日本第9間店,面積係日本最大嘅2萬平方米。咁……點呢?就引嚟2,500人今朝(11日)10點喺店外排隊等入店!店員又打氣棒又Five又拍手咁歡迎,好正!咁到底IKEA有幾吸引?你星期日去吓九龍灣嗰間都會知,行花市咁,又有人坐喺梳化傾計,又有小朋友嗌,又有肉丸食,真係一個節目嚟o架! 相關資訊【有片】地震前有咩反應 日本貓Cafe閉路電視足本睇 (Jul 16, 2018) 【有片】日本網民咩玩法?買齊設備冇買倉鼠 (Jul 16, 2018)

Read more ›
IKEA推出寵物系列 貓床/寵物袋平價發售
by / on 10/10/2017 at 7:31 am

IKEA推出寵物系列 貓床/寵物袋平價發售

IKEA宜家傢俬乜都有得買,係無寵物用品,之前有張好細嘅床因為俾貓瞓過而喺網上大紅,唔知係咪因為咁啟發咗佢哋,而家終於推出專為貓狗而設嘅Lurvig寵物系列!床、梳化、咕臣、貓屋、糧食碗同寵物袋一應俱全,價錢都係一貫咁經濟實惠。日本、美加同法國都已經推出,其他地方就預計2018年3月,各位貓主狗主要留意嘞! 相關資訊八達通正喎! Evangelion香港動漫節限定產品公開 (Jul 9, 2018) 日本扭蛋「貓貓舔毛」系列 反肚照舔超治癒 (Jun 14, 2018)

Read more ›
《權力遊戲》Jon Snow毛毛披肩來自IKEA 官方教學DIY
by / on 16/08/2017 at 7:44 am

《權力遊戲》Jon Snow毛毛披肩來自IKEA 官方教學DIY

美劇《Game of Throne》入面Jon Snow成日披住件毛毛披肩好有型,原來呢件披肩來自IKEA。之前劇入面嘅服裝師Michele Clapton喺訪問度透露咗,而IKEA最近就教埋大家點樣自製。本身係一塊毛毯,名稱係SKOLD,香港賣緊$359,要變做披肩就要先剪個圈,基本上唔駛點教都識,Winter is coming!大家買定塊返屋企準備吓嘞。 資料來源:http://www.ikea.com/hk/zh/catalog/products/80318938/?query=SKOLD 相關資訊日本超強網民DIY 蟹殼最終形態機械人 (Jul 13, 2018) 日本網民DIY襯衫相簿 自由配搭Twitter熱傳 (Feb 19, 2018)

Read more ›
【有片】加拿大IKEA超創意食譜 看圖放材料即捲即煮
by / on 16/06/2017 at 7:48 am

【有片】加拿大IKEA超創意食譜 看圖放材料即捲即煮

唔係最近新不過啱啱先見到,好想分享吓。IKEA嘅瑞士肉丸好多人鍾意食,最近佢哋為加拿大一個廚房活動推出咗本簡易食譜《Cook This Page》,唔係教整肉丸,而係教整其他菜式,但手法就極得意!好似填顏色薄咁,每道菜都有一格格嘅食材圖,想煮就要好似填色咁,喺每格放上相應食材,最後將佢捲埋放入焗爐就得!因為張紙係烤盤紙,用嘅係可食用油墨,所以食落肚都無問題,焗完嘅食品真嘅一樣,手殘都肯定煮到呀! 相關資訊日本網民創意「防盜眼」 萬花筒配印度人Twitter熱傳 (Jul 6, 2018) 加拿大警察當值飲Starbucks 日本網民熱烈討論 (Jul 4, 2018)

Read more ›

【有愛】外國IKEA捐公仔床俾流浪貓 喵星人唔駛瞓地板
by / on 18/04/2017 at 7:49 am

【有愛】外國IKEA捐公仔床俾流浪貓 喵星人唔駛瞓地板

IKEA呢張本來俾公仔用嘅床,自從俾貓奴發現咗用嚟做貓床之後就大受歡迎。最近加拿大嘅IKEA仲將佢發揚光大,捐咗10張床仔比安大略嘅動物之家Etobicoke Humane Society,另外再加多美金$300。雖然唔係好大手筆,但就好有人情味而且好貼地嘞。以後班貓仔就唔駛再瞓喺凍冰冰嘅地板,如果快啲搵到人收養住新屋就更好嘞! 相關資訊【改圖】搭車瞓覺被惡搞 外國網民高質改圖 (Jul 15, 2018) 日本喵星人「下巴貼地」睡姿熱傳 一人一張分享圖 (Jul 15, 2018)

Read more ›
【碌架床】日本貓奴IKEA買層架      喵星人層層瞓超可愛
by / on 03/02/2017 at 7:23 am

【碌架床】日本貓奴IKEA買層架 喵星人層層瞓超可愛

作為貓奴,有咩開心得過買返嚟嘅嘢喵星人肯用?日本有位貓奴最近喺IKEA買咗呢個3層架,舖好晒毛巾諗住俾屋企3隻主子瞓,佢哋開頭都充滿警戒心,不過好快就有隻大膽貓跳上去試,見幾安全,其他喵都即刻跳上去霸返個靚位。主人仲每人分派咗一隻玩具俾佢哋陪瞓。各位貓奴,有無興趣添置返個? 相關資訊融入海邊 日本魚形拖鞋夏天玩水必備 (Jul 16, 2018) 【新片速報】日本黑喵遇見白喵時鐘 最遙遠的距離 (Jul 16, 2018)

Read more ›
【有片】網民將IKEA燈改裝成「Death Star」 超靚識發光
by / on 18/01/2017 at 7:12 am

【有片】網民將IKEA燈改裝成「Death Star」 超靚識發光

《Star Wars》嘅死星(Death Star)出過唔少產品,不過點都比唔上自己DIY嘅!有外國網民最近改裝咗IKEA出品嘅PS2014 吊燈,自己畫圖案再上顏色,整成超靚嘅發光死星,佢仲放埋上網教大家整,唔算難但好考耐性,不過完成品靚成咁,星戰迷應該好想試! 相關資訊Crocs出高踭涼鞋惹爭議 火速斷市網民鬧爆 (Jul 15, 2018) 媽媽自製超正壽司蛋糕 日本網民放閃相Twitter熱傳 (Jul 14, 2018)

Read more ›
【劇透注意】網民瘋狂惡搞 《權力遊戲》    Hodor無處不在
by / on 28/05/2016 at 12:29 pm

【劇透注意】網民瘋狂惡搞 《權力遊戲》 Hodor無處不在

注意有劇透!睇咗最新一集《Game of Thrones》嘅,應該都俾佢個結尾感動到喊,由於太震憾,外國好多網民就瘋狂出圖,有真實有惡搞,總之Hodor就無處不在,實用性好強。 相關資訊【新片速報】Low Cost神還原第二彈 惡搞《冰雪奇緣》Twitter熱傳 (Jul 15, 2018) 【民間智慧】日本網民自創釣魚孖寶 撈烏冬超方便 (Jul 10, 2018)

Read more ›
【有片】IKEA出VR 立體家居體驗 以後買嘢唔駛逼?
by / on 06/04/2016 at 1:00 pm

【有片】IKEA出VR 立體家居體驗 以後買嘢唔駛逼?

VR技術,除咗玩同睇外,其實仲可以應用喺好多唔同地方。試諗吓,如果你準備裝修間屋買傢私,買之前就可以喺VR世界先佈置體驗一次,到時真係MEGA BOX都唔駛去,網購搞掂。呢種服務暫時未推出,不過IKEA就出咗個「VR Experience」,俾你喺廚房玩吓熱吓身先。 相關資訊IKEA枱燈 新增手機無線充電功能 7月歐洲有得買 (Mar 3, 2015) 好想玩!IKEA現假遊戲《Grand-ma’s Auto》玩啲咩? (Mar 1, 2015)

Read more ›

【IKEA愛情插畫】IKEA全新宣傳插畫  解決愛情難題好簡單
by / on 19/02/2016 at 7:11 am

【IKEA愛情插畫】IKEA全新宣傳插畫 解決愛情難題好簡單

IKEA嘅宣傳手法一向有驚喜,今次呢輯插畫好正,題目係「Love is Complicated」。係囉,愛邊係很簡單架,不知幾複雜,但係佢話宜家傢俬幫到你喎。例如兩個人嗌交,可以用IKEA嘅燈罩笠實對方個頭;男朋友Martin離家出走,可以買張叫Martin嘅四腳椅做代替品,仲有好多搞笑圖畫,唯一係用$1熱狗代替鑽石戒指嗰招睇落好危險,唔通新加坡女仔唔拜金? 相關資訊【新片速報】藝術家手繪超靚《龍貓》插畫 紀念初生嬰兒 (Jan 31, 2018) 【圖集】日本「喵插畫」超感人 貓奴必睇Twitter熱傳 (Jan 11, 2018)

Read more ›
【有片】IKEA好玩聖誕新片 自訂裝飾三級制
by / on 14/12/2015 at 7:10 am

【有片】IKEA好玩聖誕新片 自訂裝飾三級制

而家啲YouTube片越嚟越多嘢玩,之前有360度影片,又有AR影片,最近新加坡IKEA嘅呢個聖誕廣告片仲可以click中間個輪盤,即時調節「聖誕氣氛級別」,由「輕量級」一家四口喺只有簡單聖誕佈置嘅屋企唱「We Wish You a Merry Christmas」,到「中間級」一家六口喺豐富佈置下唱歌仔,到「重量級」成家人著晒聖誕裝,一次過將自己嘅聖誕裝飾品晒冷,豐儉由人,有網民就留言話佢係全年最煩膠嘅聖誕洗腦廣告,我比較想知係佈置到「重量級」要駛幾多錢呢? 相關資訊【有片】聖誕真好!日本爵士演奏家高木里代子彈鋼琴 (Dec 26, 2017) 【圖集】聖誕大快樂 日本網民浪漫大餐熱鬧實況 (Dec 25, 2017)

Read more ›
【有片】IKEA路姆西後有新作 4歲兒童畫作變玩具量產
by / on 31/10/2015 at 3:52 pm

【有片】IKEA路姆西後有新作 4歲兒童畫作變玩具量產

自從路姆西之後,大家都留意倒IKEA有公仔賣。最近IKEA又有新活動,今次挑選咗10位小朋友畫嘅公仔,將佢哋量產成真實公仔喺店內發售,每賣出一隻就會捐出1蚊美金比UNICEF幫助小朋友。睇返10個作品,全部都好有創意,雖然未必睇得出係咩動物,但就好符合小朋友嘅創作精神,其中一隻仲有啲似《寄生獸》嘅米奇。而最細嘅設計師只有4歲,亞洲代表有台灣同埋馬來西亞,行開IKEA記住支持吓。 相關資訊日本麥當勞推出「蛋黃哥麥旋風」 開心樂園餐玩具超正 (Jun 7, 2018) 【圖集】日本超強爹哋 用囡囡畫作設計便當 (May 25, 2018)

Read more ›
北京IKEA淪陷 民眾湧入瞓覺嘆冷氣
by / on 05/08/2015 at 7:09 am

北京IKEA淪陷 民眾湧入瞓覺嘆冷氣

已經唔係第一次,內地天氣熱,好多民眾鍾意去IKEA涼冷氣,2013年都報導過,嚟到2015年,國民嘅習慣依然無變,外國網同日本網呢兩日都有報導,北京嘅IKEA再度淪陷,所有床呀梳化呀全部都瞓滿晒人,一家大細一齊瞓覺嘆冷氣,爽到呢。難為IKEA唔知點算好。其實佢哋可以參考吓2013年杭州地鐵嘅方法,當年過千人湧晒入地鐵站涼冷氣、煲煙、嬉戲,地鐵當局一聲令下,熄!冷!氣!之後啲人就全部散晒,之後先開返冷氣,呢招應該得喎。 相關資訊日本網上熱傳 簡單方法冷氣除異味 (Jul 11, 2018) 【有片】日本喵星人瞓覺圖 超型睡姿似「浮世繪」 (Jul 2, 2018)

Read more ›