Post Tagged with: "iPhone"

有片:100呎高掟落街 西瓜保唔住iPhone
by / on 03/05/2016 at 10:00 am

有片:100呎高掟落街 西瓜保唔住iPhone

用Lego喇、熊公仔喇、冰塊喇,包住iPhone由100呎高掟落街,iPhone都可以安然無恙,無穿無爛撻得著。今次試用西瓜,方法係喺西瓜表皮鑿個長方形窿窿,硬生生塞部iPhone入去,然後掟落街。以為包到實一實就無事?非也,iPhone無散開,完好無缺但撻唔著,估計係震散咗內部零件,加上西瓜汁滲晒入機累事。 相關資訊【有片】西瓜卡真係有西瓜 日本YouTuber奇妙出閘 (Oct 4, 2017) 【有片】靚喎!iPhone電話座 扮懷舊電視 (Sep 18, 2017)

Read more ›

【有片】水中測試 其實iPhone SE係防水?
by / on 04/04/2016 at 8:57 pm

【有片】水中測試 其實iPhone SE係防水?

iPhone比較輸蝕嘅一樣嘢,可能就係唔防水,但其實又係咪掂吓水都唔得?跌入廁所拎番上嚟就死機?有人做咗個測試,用iPhone 5S、SE、6S放入水中倒數,之後得出嘅結果,係iPhone SE浸咗30分鐘都仲運作正常,之後再加時浸…… 相關資訊【相集】日本京都懷舊小店 過200張iPhone拍攝全紀錄 (Sep 16, 2017) 比較番 日本網民出圖 iPhone X / 2003年產物比拼 (Sep 13, 2017)

Read more ›
【有片】超創意拍片法 狂揈iPhone打圈超慢鏡
by / on 08/02/2016 at 1:28 pm

【有片】超創意拍片法 狂揈iPhone打圈超慢鏡

好正,真係想試吓,不過要小心啲,首先要縳實啲部機,之後就要小心唔好揈親其他人。呢位瑞士滑雪友Nicolas Vuignier,佢用繩縛住部iPhone 6,之後就打圈揈,令到部電話喺空中圍住自己轉!最勁係佢一邊揈一邊滑雪,加上超慢鏡,出嚟嘅效果超好睇!勁過用航拍機!我諗企喺度咁拍嘅效果都幾正!等陣搵笪空地試吓? 相關資訊【新片速報】iPhone計時器神奇測試 遮住最尾數字會變慢? (Sep 2, 2017) 【大師級】麥當勞盒加iPhone影人像 超強攝影技網上熱傳 (Aug 31, 2017)

Read more ›
【終極FF】iPhone一百樣可能 變多士爐/碎紙機/啤酒杯
by / on 27/01/2016 at 7:12 am

【終極FF】iPhone一百樣可能 變多士爐/碎紙機/啤酒杯

iPhone用途好廣,不過總有啲你好想佢有但佢仲未有嘅功能,插畫家Anshuman Ghosh就將佢哋畫晒出嚟,例如幻想自己部iPhone可以做多士爐、碎紙機、雪糕機、BBQ爐、洗手液、啤酒杯,每張插畫都好靚,不過全部只屬FF,起碼iPhone仲未可以做到防水。不過我最想見係變成透明嗰款,雖然實用度低,但型喎。 相關資訊超強插畫家 2017年迪士尼公主全新造型 (Sep 26, 2017) 【睇到心寒】諷刺現實插畫集 現代人病態生活一覽無遺 (Jun 4, 2017)

Read more ›
【有片】瘋狂撞擊測試 Nokia3310做iPhone電話殼
by / on 04/01/2016 at 1:09 pm

【有片】瘋狂撞擊測試 Nokia3310做iPhone電話殼

世界上最硬嘅電話,應該就係Nokia 3310。咁世界上最硬嘅電話殼,會唔會就係用5部Nokia 3310嚟製作嘅電話殼呢?我真心佩服佢哋嘅創意,而且佢哋仲用iPhone 6S裝上呢個Nokia 3310喺50呎高跌落地下做測試……除咗Nokia 3310外,仲有磚頭、菠蘿做嘅電話殼…… 相關資訊日本超實用「封印」膠紙 封iPhone封老闆 (Apr 24, 2017) 【要試】日本網民大發現 iPhone超強功能無人知? (Apr 12, 2017)

Read more ›
【有片】日本iPhone用家跌爆Mon 屏幕離機照Touch好有型
by / on 30/11/2015 at 11:05 am

【有片】日本iPhone用家跌爆Mon 屏幕離機照Touch好有型

你想唔想擁有一部咁近未來設計嘅iPhone?透明屏幕離開咗部電話,依然可以操控自如,實在太有型喇。如果你都想擁有,你可以試吓掉部iPhone落地,不過唔保證可以爛到咁,可能要試多幾部……可遇不可求呀。咦?我隔籬位枱面啱啱有部iPhone喺度喎…… 相關資訊婚紗風水著?21歲久松郁実新DVD《いくみん~IQ→S391HJ062007~》 (Nov 17, 2017) 【悼念圖】聲優鶴ひろみ離世 再見莊子、阿圓、Naomi (Nov 17, 2017)

Read more ›

iPhone專用迷你小枱燈 電筒燈光變柔和
by / on 20/11/2015 at 7:13 am

iPhone專用迷你小枱燈 電筒燈光變柔和

平時搵嘢都會開著手機嘅小電筒,即係閃燈模式,有公司就藉此發明咗盞小枱燈Luma,開著iPhone嘅電筒模式,再將盞迷你枱燈夾喺上面,照出嚟嘅燈光就柔和好多嘞!呢個設計由Peleg Design Studio嘅設計師同Holon Institute of Technology共同合作研發。價錢唔貴,賣美金$10,不過淘寶應該好快有。BTW,開著咗佢我咪無得瞓覺前玩手機? 相關資訊日本網民網購「藍色櫈」中伏 迷你呎吋坐落想喊 (Nov 6, 2017) 日本「迷你狙擊手」扭蛋 藏身食物瞄準目標 (Nov 3, 2017)

Read more ›
【離奇】日本網友尋回iPhone 內藏大量女性腳部特寫照
by / on 21/10/2015 at 11:52 am

【離奇】日本網友尋回iPhone 內藏大量女性腳部特寫照

唔見電話你同我都試過,不過呢位日本網友嘅遭遇就比較離奇。事主喺兩年半前唔見咗部iPhone,近日警局打比佢話搵返佢部電話,佢拎返嘅時候估計部機已經用唔倒,點知開得著,而且發現部機入面有大量女性腳部特寫嘅相,唔只女人,連男人都有‥‥‥好明顯上手用家係有古怪性癖嘅愛好者,輯相放上Twitter後好多人RT。比著係你,仲敢唔敢用返部電話?BTW,好想知警察點樣搵得返部兩年半前遺失嘅電話。 相關資訊日本大阪紀念塔景點 超似動漫「魔鬼塔」 (Nov 17, 2017) 日本「雜貨大賞」公佈結果 漫畫傘/宇宙紅茶超強入圍 (Nov 17, 2017)

Read more ›
有片:真心服!日本傳媒開iPhone插股罅!菊花紋認證!
by / on 05/10/2015 at 8:30 pm

有片:真心服!日本傳媒開iPhone插股罅!菊花紋認證!

仲記得iPhone提供指紋認證開機系統無耐,就有網友嘗試玩腳趾紋甚至乳頭認證,當中有成功有失敗,成一時佳話。今日,iPhone 6s面世,有日本傳媒決定玩得再重口味啲──菊花紋認證,仲拍埋片畀大家參考參考添。係,你無睇錯,我都無寫錯,真係正常情況下都睇唔到嘅菊花紋!自古成功在嘗試,該日本傳媒都唔係第一次就成功o架,因為iPhone 6s話晒都有番咁上下大部,色強插得入窄窄一條股罅,都對唔準菊花紋解鎖;為此,佢決定喺菊花口搽木工膠,待木工膠乾透直接倒模菊花紋,以後就只有用手指頭笠住舊乾膠模先可以解鎖,非常安全!如此刁鑽玩法都諗得出,我除咗講位已出之外,都無乜嘢再好講嘞。 相關資訊日本超像真食物iPhone殼 咖喱飯真到唔敢拎上手 (Oct 22, 2016) 【有片】最高墮地測試 iPhone7直昇機跌落地面 開鏡頭拍住撞 (Sep 20, 2016)

Read more ›
《Mad Max》火爆結他手出iPhone喇叭座 可惜唔噴火
by / on 03/10/2015 at 12:51 pm

《Mad Max》火爆結他手出iPhone喇叭座 可惜唔噴火

有睇電影《Mad Max: Fury Road》嘅都會對呢個喺戰場上彈結他彈到噴火嘅Rock友Coma-Doof Warrior印象深刻,最近戰鬥民族就有位設計師555grinnt整咗呢款iPhone喇叭,放部iPhone上去,前面再擺埋個figure,真係型到爆!除咗一套買(美金$400),亦可以淨買figure(美金$80)或者淨買站台(美金$25),仲有好多隻色任揀,美中不足係個結他唔識噴火!10月11日出貨,Rock友要買啦! 相關資訊【型到震】呀爸改裝玩具車 變《Mad Max》戰車超hardcore (Apr 29, 2017) 日本網民新發現 iPhone7背後有日文字 (Sep 17, 2016)

Read more ›
【有片】冰火你部玫瑰金 凍爆辣著iPhone6S
by / on 27/09/2015 at 12:22 pm

【有片】冰火你部玫瑰金 凍爆辣著iPhone6S

又嚟啦,每逢iPhone有新機,當你嗰部未到手嘅時候,總有人喺你面前整爛佢俾你睇。今次照慣例,首先用「Liquid Nitrogen」超低溫凍一凍佢,之後就搵個大搥扑落去,爽!另一邊,就用「Rose Gold Thermite」鋁熱法熱爆佢,嘩玫瑰金好靚呀! 相關資訊水力尿袋Estream 有水就有電 (Aug 18, 2016) 【新片速報】日本網民神級iPhone密碼 圓周率小數點後300個位 (Aug 17, 2016)

Read more ›

【猩猩誤入歧途】新片速報  被人類引導成為iPhone信徒  沉迷睇猩猩
by / on 09/09/2015 at 7:14 am

【猩猩誤入歧途】新片速報 被人類引導成為iPhone信徒 沉迷睇猩猩

呢條片好多人睇,兩日已經過咗61萬點擊,片中嘅男仔去咗動物園,但就繼續手機不離身,瘋狂撳撳撳,仲成功導咗隻黑猩猩成為iPhone信徒。睇佢哋一齊排排坐睇靚相,似乎好Friend喎。原來手機上嘅相全部都係其他世界各地嘅猩猩靚圖,可能同我哋鐘意睇明星或者靚仔靚女一樣心態啦,隻黑猩猩都睇得好肉緊,眼都唔眨。不過坐咁埋真係小心啲,之前有短片影隻猩猩差啲撞爆玻璃,小心佢搶走部iPhone喎。 相關資訊日本動物園不可思議事件 走失30隻松鼠尋回38隻! (Nov 15, 2017) 【有片】日本喵星人沉迷上YouTube 後腳伸直好識嘆 (Nov 14, 2017)

Read more ›
【神奇的大自然】iPhone突然響     螞蟻轉方向圍手機瘋狂轉
by / on 05/09/2015 at 1:26 pm

【神奇的大自然】iPhone突然響 螞蟻轉方向圍手機瘋狂轉

呢條螞蟻片呢兩日好多人討論,已經過咗百萬點擊,片中見到有好多螞蟻喺部iPhone附近行,突然電話響,班螞蟻竟然好齊整咁一齊逆時針不停轉圈行(除咗有一隻好反叛嘅),網友覺得勁神奇,有專家話因為來電時嘅電磁波,影響到螞蟻觸角感測方向嘅磁力,所以令佢哋不停轉圈,另外又有專家話因為來電時手機嘅震動力,令螞蟻跟開同伴行嘅路線圖突然大亂,仲有科技專家突破盲腸,話估計條片係假嘅!其實可能佢驚緊老細打嚟,唔知聽唔聽好唧。 相關資訊【考眼力】日本網民一齊搵iPhone 超難睇機殼有保護色 (Jul 12, 2016) 【零違和】手機爆芒有新圖 型男揸槍wallpaper熱傳 (May 12, 2016)

Read more ›
巨星翻生賣廣告 米高積遜賣iPhone 柯德莉夏莉食老麥
by / on 31/08/2015 at 7:16 am

巨星翻生賣廣告 米高積遜賣iPhone 柯德莉夏莉食老麥

Michael Jackson跳住舞賣iPhone廣告?柯德莉夏莉唔食Tiffany’s Breakfast改食老麥?呢套FF廣告圖好高水準,由網站DesignCrowd呼籲45萬個設計師將已故名星同而家嘅品牌合成製作廣告,可口可樂、Calvin Klein、Beats、H&M、L.V.全部品牌唔駛比錢就有世界級巨星做代言,抵到爛。 相關資訊【有片】土屋太鳳/松井愛莉/廣瀨鈴賣朱古力 跳舞扮G字 (Oct 31, 2017) 【新片速報】星野源‧吉岡里帆變狐狸 日清新廣告fans必睇 (Oct 28, 2017)

Read more ›
【手機靈異事件】手機跌落河兩星期 Facebook有新相自動發佈
by / on 25/08/2015 at 7:11 am

【手機靈異事件】手機跌落河兩星期 Facebook有新相自動發佈

之前外國都有人試過唔見咗部iPhone,之後喺iCloud發覺有喺中國影嘅新相,引發咗網上瘋傳嘅「廣東橘子哥」故事。最近又有類似事件發生,29歲嘅工程師Nathan Buhler喺8月2日唔覺意跌咗部電話落河,佢連執都費事,因為諗住壞硬。點知過咗兩星期佢居然喺自己Facebook發覺有新相發佈!相中有班消防員影合照,仲留言話執到Nathan部電話,叫佢去附近消防局Calgary fire department攞返。之後接連幾日繼續有消防局嘅新相喺Nathan嘅個人FB發佈。事隔15日,Nathan終於拎返部機,仲同班消防員影張合照放上網,佢仲話原來消防員唔止救人,仲救電話,抵佢咁開心啦,跌落水嘅機都救得返! 相關資訊UPS狗狗Facebook專頁 速遞員分享熱情狗狗相 (Oct 20, 2017) 外國警隊Facebook專頁網民激讚 有動物睇幽默感爆棚 (May 24, 2017)

Read more ›