Post Tagged with: "iPhone"

【有片】超強iPhone拍片裝置 懷舊外型可換鏡頭
by / on 12/08/2015 at 8:35 pm

【有片】超強iPhone拍片裝置 懷舊外型可換鏡頭

好多人都會用電話拍片,但拍到咁Pro,原來大家都做得到,首先你要有一部iPhone6(將支援即將公佈嘅新型號),之後喺Kickstarter買埋呢部「Lumenati CS1」(o依家199美元,2016年2月出貨)。咁將部電話插入去,就可以變成一部攝錄機。裝埋個app,可以用觸控屏幕對焦,仲可以換鏡頭,仲可以加燈插mic,仲有觀景器,最緊要,型嘛。 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›

日本Starbucks出iPhone機殼 即嘟即比錢
by / on 07/08/2015 at 7:09 am

日本Starbucks出iPhone機殼 即嘟即比錢

日日都要飲返杯Starbucks?呢個日本新出嘅iPhone殼「Starbucks Touch」簡直係身份象徵,用咗佢再裝埋個app,去到Starbucks就可以直接嘟機比錢,總共有兩個款式,其中一個設計仲學埋外賣Starbucks時嗰張咭紙套做概念,由Starbucks同日本嘅Uniform Experiment合作,個人認為hard sell咗少少,但對死忠fans嚟講又唔同講法。暫時官方未公佈其他國家有無得用,同埋個殼暫時只得iPhone 6用得。 相關資訊日本動物園「豚鼠」排排企 超可愛似迴轉壽司 (Sep 23, 2017) 【有片】兒時夢想呀!Bandai出筋斗雲攬枕 (Sep 22, 2017)

Read more ›
有片:步槍狙擊 慢鏡睇iPhone 6變廢鐵
by / on 03/07/2015 at 10:30 am

有片:步槍狙擊 慢鏡睇iPhone 6變廢鐵

呢排唔知點解好鍾意睇啲射爆手機片,「FullMag」頻道大把,最新有Bravo 18步槍射爆iPhone,仲有慢鏡睇添。睇住好好哋一部iPhone變廢頭,心情好複雜,真係既痛快又肉赤。講多句,負責開槍位黑超阿哥開槍唔係好穩定,初頭唔能夠完全命中目標,子彈只係擦邊過震裂咗Mon面同射爆木檯,要再次連續射多好槍先KO,喂,眼界都好一般吓喎。 相關資訊比較番 日本網民出圖 iPhone X / 2003年產物比拼 (Sep 13, 2017) 【新片速報】iPhone計時器神奇測試 遮住最尾數字會變慢? (Sep 2, 2017)

Read more ›
有片:一發AK74子彈 射穿五部iPhone
by / on 28/06/2015 at 6:30 pm

有片:一發AK74子彈 射穿五部iPhone

好多人爭論iPhone鋼水有幾硬淨,我唔識衡量,或者呢條片好似畀咗啲啟示。七部iPhone間空間空平排擺,中間留罅,而一發殺傷力強橫嘅AK74子彈,只可以射穿五部iPhone,排最尾嗰兩部iPhone無花無損。最可惜係無慢鏡睇,如果有,呢條片肯定更加精彩同埋……肉赤得多。 相關資訊【大師級】麥當勞盒加iPhone影人像 超強攝影技網上熱傳 (Aug 31, 2017) 日本超實用「封印」膠紙 封iPhone封老闆 (Apr 24, 2017)

Read more ›
【爆芒最痛】日本網民應急新招 用保鮮紙包實頂住先
by / on 06/06/2015 at 11:38 am

【爆芒最痛】日本網民應急新招 用保鮮紙包實頂住先

電話爆芒簡直係人生最痛,如果過埋保養期仲痛,但係爆咗嗰刻都要update上網等人安慰吓架嘛,有日本網民@sumiredooon就諗到個應急方法,就係用保鮮紙包住個芒,唔駛驚界親手,放上twitter之後好多人RT。BTW,另外有網民就用保鮮袋裝住部爆芒機,睇落厚身啲感覺仲安全。 相關資訊【有片】強壯Body唔好嘥 日本消防員拍50套AV被發現 (Sep 22, 2017) 【有片】日本屋中屋帳篷 自製私人空間唔駛1千蚊 (Sep 22, 2017)

Read more ›
新片速報 如何解決iPhone容量不足問題 一叠Memo紙搞掂?
by / on 16/04/2015 at 12:01 pm

新片速報 如何解決iPhone容量不足問題 一叠Memo紙搞掂?

先介紹呢款「Leef iBRIDGE」產品,可以插喺iPhone下面增加容量,而且J字形唔太阻碇,另一邊仲有USB插頭,幾方便。日本今個月22日有得賣,16GB至256GB都有,當中256GB賣45,770円……算喇,價錢唔重要,我想介紹嘅係呢條宣傳片,片中教大家點解慳多啲容量,就係將一叠Memo紙貼喺機背,首先,遮住咗鏡頭影唔到相啦,改為畫畫就搞掂,而傳送資料俾人仲方便,寫喺紙上面直接交到別人手中就得,佢仲可以即時「Save」喺自己部機背添!不過就要面對面交收……最後,如果想睇片仲簡單,整本Flipbook咪得囉。 相關資訊【要試】日本網民大發現 iPhone超強功能無人知? (Apr 12, 2017) 日本超像真食物iPhone殼 咖喱飯真到唔敢拎上手 (Oct 22, 2016)

Read more ›

新開發「SMART BOY」插帶玩 iPhone 6 Plus變身GameBoy
by / on 03/04/2015 at 2:20 pm

新開發「SMART BOY」插帶玩 iPhone 6 Plus變身GameBoy

早兩日喺reddit見到,大家都以為係愚人節嘢嚟啫,不過,「Hyperkin」宣佈真係會開發呢個可以將你部iPhone 6 Plus變身做GameBoy嘅配件!名為「SMART BOY」,除咗有十字掣同AB、Select、Start掣外,後面仲可以插帶……有網民就話任天堂唔會放過佢,佢就話冇用任天堂任何專利唔驚喎…… 相關資訊【有片】正式開賣 電話變GameBoy 「SmartBoy」背後可插帶 (Aug 13, 2017) 超古惑手提電話殼GameBoy 日本Twitter熱傳 (Jan 25, 2017)

Read more ›
iPhone新emoji被轟    黃種人「太黃了!」    似 LEGO Simpsons
by / on 01/03/2015 at 3:23 pm

iPhone新emoji被轟 黃種人「太黃了!」 似 LEGO Simpsons

美國Apple早幾日出咗新emoji公仔比iPhone用家,為咗突顯無種族歧視,就加入埋黃種人同埋黑人,總共有6種程度嘅膚色選擇,諗住大家以後無得再嘈啦,點知就出咗事!好多中國人睇完都認為黃種人「太黃了!」認為係種族歧視,日本網民都熱烈討論,留言重幾高質,例如有人問個公仔係咪得咗黃疸病?有人話佢似LEGO,亦有人話似Simpsons,有人索性負氣將黃種人對眼改細埋。以為淨係黃種人出事?其實都有人話個黑人太黑、啲emoji人嘅頭髮太多無顧及脫髮一族嘅感受‥‥‥算啦,換晒火柴人以後無拗嘞。唔係喎,到時啲西人又話鼓吹瘦到皮包骨‥‥‥ 相關資訊自製LEGO求職公仔搵工 超正設計不計成本 (Sep 22, 2017) 【有片】LEGO版《Grand Theft Auto》 撞散晒啲人仔 (Sep 8, 2017)

Read more ›
新片速報    歷代iPhone喇叭聲量比較     iPhone 6最大聲
by / on 28/01/2015 at 7:12 am

新片速報 歷代iPhone喇叭聲量比較 iPhone 6最大聲

好怕搭車時有人將個電話開到好大聲,睇片、打機或者聽歌都好,戴耳機係基本禮貌。不過呢,如果喺朋友屋企聚會,就好多人都鍾意開著部手機嘅speaker一齊聽歌,呢個時候,邊個部手機夠大聲都好重要,最近外國科技網iClarified就做咗個測試,將歷代iPhone嘅聲量做對比,原來iPhone 6嘅音量最勁,最細聲就係iPhone 4,咁有理由出新機啦。BTW,我比較想睇唔同牌子嘅機款比較,上網見倒有HTC One、S4同iPhone 5比較,唔知幾時有新啲嘅機款呢? 相關資訊【有片】最高墮地測試 iPhone7直昇機跌落地面 開鏡頭拍住撞 (Sep 20, 2016) 日本網民新發現 iPhone7背後有日文字 (Sep 17, 2016)

Read more ›
重拾菲林機情懐     影相App無得睇無得執    直接寄上門
by / on 20/01/2015 at 7:05 am

重拾菲林機情懐 影相App無得睇無得執 直接寄上門

70或者80後,應該仲記得當年拎住部菲林機,影完相要等曬相,滿心期待等睇相嘅興奮感覺,可惜今日大家拎起部手機就可以周圍影,方便咗但少咁啲情懷。最近有公司就出咗個叫「WhiteAlbum」嘅新App,用咗佢,影完嘅相無得睇無得執,要等佢哋曬完寄比你先有得睇,每次限影24張,無NG,美金$20包曬相兼送貨,全世界包括香港都免費送,有無興趣試? 相關資訊新片速報 2月22日發售 PS4《北斗が如く》人中之龍 + 北斗之拳 (Sep 19, 2017) 香港特撮義工團 創造本地英雄大招募 (Sep 5, 2017)

Read more ›
有片    iPhone機殼影相專用     5個鏡頭任扭砌puzzle
by / on 16/01/2015 at 7:02 am

有片 iPhone機殼影相專用 5個鏡頭任扭砌puzzle

呢排iPhone友最期待,梗係日本嗰個可以不停反轉再反轉嘅電話殼,好玩又實用。其實iPhone真係有好多正殼,好似呢個叫Puzlook嘅電話殼,有齊5個鏡頭,魚眼鏡、160度超廣角、1.5x增距鏡等等,用嘅時候就好似細個玩puzzle咁逐格移位,雖然攞咗CES設計獎,不過趕住影相時搵佢就唔多方便。可能有人投訴過,嚟緊將會推出嘅iPhone 6版,5個鏡頭減到得3個,入嚟有片睇,見倒可以裝埋個鏡頭玩手動對焦,好pro,好想駛錢,但係我無iPhone。 相關資訊超可愛立體「貓屁屁」電話殼 仲有馬騮/豬/班馬 (Apr 16, 2017) 水力尿袋Estream 有水就有電 (Aug 18, 2016)

Read more ›

自己一個更開心 「iPhone Merry Charger」聖誕專用充電線
by / on 06/12/2014 at 6:21 pm

自己一個更開心 「iPhone Merry Charger」聖誕專用充電線

聖誕嚟喇,唔駛一定要整聖誕樹玩到咁大嘅。好似呢條「ThinkGeek」推出嘅燈飾充電線就好啱喇,一邊駁iPhone,一邊駁USB充電,一路閃一路叉……仲有黃、紅、白、綠嘅顏色!賣14.99美元,iPhone 5/5s/5c/6/6 Plus對應,有街出嘅可以駁尿袋,冇街出嘅都有氣氛嘛…… 相關資訊日本網民聖誕悲劇 中碼樽領衫洗完變連身裙 (Dec 27, 2016) 【聖誕要開工】日本Domino’s外賣車 聖誕變鹿車搞氣氛 (Dec 27, 2016)

Read more ›
新片速報   麥當勞還原法   平民用iPhone影廣告相
by / on 05/11/2014 at 7:42 am

新片速報 麥當勞還原法 平民用iPhone影廣告相

大家都知麥當勞嘅廣告信唔過,之前我哋都報導過好多「理想與現實」嘅食物相,不過外國YouTube頻道DigitalRev TV就反傳統,嘗試將買返嚟嘅麥記,還原成盒面嘅靚仔外型,再用部iPhone重拍廣告照。原來要做到似模似樣堅係難,除咗要買多幾個包慢慢揀,仲要預備定較剪將啲芝士、洋蔥之類剪返隻角出嚟,重新舖喺包邊位裝假狗。至於拍攝方面,就用兩部iPad打燈加埋部iPhone手機影相。拍出嚟嘅效果居然同廣告相有9成相似,勁! 相關資訊【有片】《飄零燕》高中篇?凱迪、彼德長大了賣杯麵 (Sep 14, 2017) 【有片】眼鏡呀!綾瀨遙教你飲檸樂好檸味! (Sep 8, 2017)

Read more ›
日本手形iPhone殼 手拖手講電話
by / on 24/10/2014 at 9:09 am

日本手形iPhone殼 手拖手講電話

之前都介紹過呢個「Nami’s Hand」電話殼,o依家正式喺日本推出喇,賣5,142円,暫時得5/5S用嘅。特別之處係佢機背本身係一隻手,即係你拎住部電話,就好似拖住「佢」隻手一樣,電話響,拎起聽嘅時候仲溫馨,就好似你拖住「佢」隻手放喺耳邊一樣……邊個「佢」?我唔知。 相關資訊日本雨傘防失踪方法 扮警局財物網上熱傳 (Sep 22, 2017) 日本Twitter熱爆青梅竹馬漫畫 泰國致敬版超爆笑 (Sep 21, 2017)

Read more ›
【有片】網上集資 藍芽連接超多色 香港製作電話顯示燈
by / on 22/10/2014 at 9:00 pm

【有片】網上集資 藍芽連接超多色 香港製作電話顯示燈

喺屋企都要成日拎住電話周圍走?長期睇實電話粒燈仔有冇閃有冇變色?就係驚有miss call或者Whatsapp未覆!唔想再長期都黐住部電話,呢盞「Notti」就幫到手,連接電話裝個app,就可以用電話搖控盞燈變色,而且仲可以set唔同提示唔同顏色,最緊要係個樣幾型棍嘛!喺Kickstarter集資嘅新產品好多,不過講到本地創作嘅,點都要撐! 相關資訊【新片速報】日本網民神級iPhone密碼 圓周率小數點後300個位 (Aug 17, 2016) 【考眼力】日本網民一齊搵iPhone 超難睇機殼有保護色 (Jul 12, 2016)

Read more ›