Post Tagged with: "JOJO奇妙冒險"

【有片】打到你變石頭 真人版《JoJo奇妙冒險》杜王町景點預告片
by / on 17/08/2017 at 1:38 pm

【有片】打到你變石頭 真人版《JoJo奇妙冒險》杜王町景點預告片

     又嚟喇宣傳,日本已經上咗嘅《ジョジョの奇妙な冒険 ダイヤモンドは砕けない 第一章》繼續力谷,今次發佈係杜王町景點之一嘅呢嚿石頭。有睇動漫畫嘅一定記得,就係用「瘋狂鑽石」將「殺人鬼」山田孝之打入去嘅一刻! 相關資訊出現了!真人版「花京院典明」行Catwalk (Oct 13, 2014) 颱風中的浪漫 日本動漫迷上街 迎風「JoJo立」練功 (Oct 6, 2014)

Read more ›

【有片】真人版《JoJo奇妙冒險》替身大戰大量放送 時間停頓啊啦啊啦
by / on 14/08/2017 at 10:26 pm

【有片】真人版《JoJo奇妙冒險》替身大戰大量放送 時間停頓啊啦啊啦

早前有日本傳媒報道,話真人版《JoJo奇妙冒險》電影《ジョジョの奇妙な冒険 ダイヤモンドは砕けない 第一章》票房麻麻,唔知係咪因為咁,所以啱啱日本就出咗幾條影片俾大家睇,係電影入面幾場替身大戰!啲CG真係整得幾靚,白金之星時間停頓同啊啦啊啦啊啦都好正!仲有最後嗰條Bad Company軍隊出擊!希望香港會上啦…… 相關資訊《JoJo奇妙冒險》第3部動畫 「埃及篇」2015年1月開播 (Sep 13, 2014) Pokemon玩fashion變潮 突入Prada廣告 (May 27, 2014)

Read more ›
【有片】特典動畫《JoJo奇妙冒險》「岸辺露伴は動かない」宣傳片
by / on 30/07/2017 at 10:42 am

【有片】特典動畫《JoJo奇妙冒險》「岸辺露伴は動かない」宣傳片

之前都講過,買晒第4部Blu-ray或DVD就會有呢個「全巻購入特典」,係「岸辺露伴は動かない」當中嘅嘅「富豪村」故事,亦即係之前都有出過漫畫《屹立不倒的岸邊露伴》入面嘅故事。繼角色造型公開之後,啱啱有60秒PV睇! 相關資訊外傳動畫 《屹立不倒的岸邊露伴》OVA角色造型公開 (Jun 19, 2017) 練定JoJo立!Bandai出岸邊露伴頭箍 (Jun 5, 2017)

Read more ›
日本電視台製作 《金仔奇妙冒險》最強替身攻擊「試射之星」
by / on 16/07/2017 at 2:43 pm

日本電視台製作 《金仔奇妙冒險》最強替身攻擊「試射之星」

北韓最叻就係試射,見到金仔見到試射成功個開心樣,真係覺得佢充滿童真。有日本網民最近就影咗幾張圖,係日本電視節目中嘅改圖,圖中見到將金仔變成《JoJo》風,嘩仲有替身攻擊呀! 相關資訊【驚咩?】解除北韓導彈危機 日本網民大把方法 (Apr 15, 2017) 【新片速報】日本製作北韓發射核彈動畫 災害範圍極大 (Apr 15, 2017)

Read more ›
【有片】真人版《JoJo奇妙冒險》新預告 替身Bad Company軍隊出動!
by / on 08/07/2017 at 10:44 am

【有片】真人版《JoJo奇妙冒險》新預告 替身Bad Company軍隊出動!

講到軍力強勁,替身Bad Company都算勁啦?又坦克又直昇機……8月4日喺日本上映嘅《ジョジョの奇妙な冒険 ダイヤモンドは砕けない第一章》,啱啱又有新一條預告,仲未見到白金之星現身,不過早前有人入USJ睇4D《JoJo》時就睇到特別版預告中有現身,都幾忠於原著嘅,替身方面。 相關資訊千值練《JoJo奇妙冒險》DIO棺材 8月推出 (Apr 12, 2014) 新片速報《JoJo奇妙冒險》第3部預告 鴨都勞紅色魔術師 (Mar 1, 2014)

Read more ›
《JoJo奇妙冒險》Coser玩太鼓 網民出圖本尊現身回覆
by / on 24/06/2017 at 3:36 pm

《JoJo奇妙冒險》Coser玩太鼓 網民出圖本尊現身回覆

喺Twitter,今日見到呢張圖熱傳,就係承太郎同D’Arby嘅Cosplayer喺度玩太鼓啦,老實講,如果承太郎用白金之星嚟玩,要完美過關應該好容易……網民出咗呢張圖之後,其他人就出手改圖喇,而且相中Cosplayer「Mr. E」同「AnarchyInTheGalaxy」都現身留意,仲出多幾張圖添,啊啦! 相關資訊【有片】《スクライド》「カズマ」Cosplay 第二型態旋轉推進 (Aug 16, 2017) Megan Coffey極吸引 《Persona 5》Panther Cosplay (Aug 15, 2017)

Read more ›

《JoJo奇妙冒險》出30周年app 頭3部TV動畫出BD Box
by / on 19/05/2017 at 3:29 pm

《JoJo奇妙冒險》出30周年app 頭3部TV動畫出BD Box

如果係JoJo迷,今年要決擇去唔去日本,同埋幾時去,去睇JoJo展定去USJ……今年係《ジョジョの奇妙の冒険》30周年,嚟緊6月下旬會出專用app,入面會俾你由第1話開始每日免費睇1話,仲會有每日名言,仲可以養「伊基」,今日(19日)開始事前登錄。另外,電視動畫第1至第3部都會推出Blu-ray BOX同CD,會有原作者荒木飛呂彦畫嘅postcard。隻CD「ジョジョの奇妙な冒険 Theme Song Best『Generation』」會喺8月23日發售,2,500円;第1部Blu-ray BOX同日發售,10,800円;第2部就9月27日,20,400円;第3部「スターダストクルセイダース」,10月25日,24,000円;第3部「スターダストクルセイダース エジプト編」就11月29日,都係24,000円。 相關資訊真人版《JoJo奇妙冒險》 資生堂大師再出新圖 (Jan 28, 2014) TGS現場試玩片《JOJO奇妙冒險 All Star Battle》超必型爆 (Sep 21, 2012)

Read more ›
【S市】《JoJo奇妙冒險》30周年原畫展 8/9月去杜王町
by / on 24/04/2017 at 5:49 pm

【S市】《JoJo奇妙冒險》30周年原畫展 8/9月去杜王町

嗱我真係唔知點解要咁做,叫JoJo迷點好?大阪環球影城個活動有《JoJo奇妙冒險》4D動畫睇,由6月至10月1日,咁呢個「荒木飛呂彦原画展 ジョジョ展 in S市杜王町2017」就8月12日至9月10日,聽落好啱吖?可以一次過去兩個JoJo活動?但留意番,一個喺關西,另一個喺「杜王町」,即係現實中嘅仙台市,東北呀!唉。《ジョジョの奇妙な冒険》1987年喺《週刊少年ジャンプ》1‧2號開始連載,今年30周年,所以就有呢個「荒木飛呂彦原画展 ジョジョ展 in S市杜王町2017」舉行喇,地點係荒木老師嘅出身地,亦都係第4部杜王町S市,咁大規模嘅原畫展,對上一次舉行已經係5年前!仲有呀,5年前推出10分鐘即完賣嘅「ジョジョ展 IC乗車券」,今次會推出多4倍,即係1萬張。咁點呀?去邊好呀? 相關資訊新舊對比 高清版《JoJo奇妙冒險》新畫面 (Aug 3, 2012) 新片速報《JoJo奇妙冒險》動畫做足8部? (Aug 1, 2012)

Read more ›
真人版《JoJo奇妙冒險》第4部  小松菜奈「山岸由花子」造型現身!
by / on 08/02/2017 at 7:25 am

真人版《JoJo奇妙冒險》第4部 小松菜奈「山岸由花子」造型現身!

三池崇史監督,今年8月4日會上映嘅真人版《ジョジョの奇妙な冒険 ダイヤモンドは砕けない 第一章》,繼主角山崎賢人嘅「東方仗助」造型之後,啱啱公開埋神木隆之介飾演嘅「広瀬康一」同小松菜奈嘅「山岸由花子」嘅小松菜奈,睇落都唔錯喎!好想睇埋伊勢谷友介嘅「空条承太郎」同山田孝之嘅「片桐安十郎」造型! 相關資訊【回帶】日本名古屋市長新cosplay造型 扮碇司令超認真 (Aug 3, 2017) 【有片】瘋狂級禿頭白金之星!現實版北斗/JoJo/星矢出超必 5個人扮殘影 (Jul 22, 2017)

Read more ›
【靚喎】《JoJo奇妙冒險》第4部 岸邊露伴、吉良吉影出Converse
by / on 17/12/2016 at 3:18 pm

【靚喎】《JoJo奇妙冒險》第4部 岸邊露伴、吉良吉影出Converse

《JoJo奇妙冒險》第4部動畫「ダイヤモンドは砕けない」嘅「岸辺露伴」、「吉良吉影」又有嘢出,今次係同2017年100周年嘅Converse All-Star合作「ALL STAR 100」,我覺得「岸辺露伴」超靚,12,960円,「吉良吉影」就23,760円,下年7月出貨。 相關資訊(加片再推)8月登陸PSN/XBLA 98年《JOJO奇妙冒險》高清化 (Jul 17, 2012)

Read more ›
《JoJo奇妙冒險》第4部有嘢賣 岸邊露伴耳環實體化
by / on 13/12/2016 at 4:47 pm

《JoJo奇妙冒險》第4部有嘢賣 岸邊露伴耳環實體化

之前都出過唔同角色嘅飾物,今次就輪到《ジョジョの奇妙な冒険 ダイヤモンドは砕けない》第4部動畫入面嘅「岸辺露伴」,有「ROHAN’s G-pen accessory」一系列產品,最型嘅係同佢喺漫畫動畫入面一樣嘅墨水筆頭耳環,兩種各賣12,960円,另外仲有領呔、銀包等產品,最平9,720円,最貴嘅係「ROHAN’s wallet series レザーウォレット」賣21,600円。Bandai官網有得訂,2017年2月至4月發售。

Read more ›

【有片】真人版《JoJo奇妙冒險》特報 第4部「山崎賢人」演「東方仗助」有排出
by / on 19/11/2016 at 3:19 pm

【有片】真人版《JoJo奇妙冒險》特報 第4部「山崎賢人」演「東方仗助」有排出

之前聽到呢個消息,都想像到真人版JoJo會有幾奇妙,「荒木飛呂彦」原作嘅《ジョジョの奇妙な冒険》第4部開拍真人電影《ジョジョの奇妙な冒険 ダイヤモンドは砕けない 第一章》,而且只係第一章,似乎有排玩。官方啱啱出咗片,都係之前活動啲片段啫,咁又講多次啦「東方仗助」由「山崎賢人」演出,「広瀬康一」就「神木隆之介」,「空条承太郎」係「伊勢谷友介」。仲有,監督係「三池崇史」,今次應該會極級奇妙,除咗JoJo立之外,我俾唔到其他反應。

Read more ›
【爭隻手手】《JoJo奇妙冒險》「吉良吉影」隨身服飾12月推出
by / on 26/09/2016 at 1:21 pm

【爭隻手手】《JoJo奇妙冒險》「吉良吉影」隨身服飾12月推出

《JoJo奇妙冒險》第4部,即係電視動畫《ジョジョの奇妙な冒険 ダイヤモンドは砕けない》又有新嘢出,今次係最後Boss「吉良吉影」嘅服飾,當中有替身Killer Queen圖案嘅呔,5種顏色各賣9,720円;另外亦有另一款呔連襪套裝,7,560円。不過個人覺得最吸引係銀包同埋鎖匙包喎,前者兩款賣19,440円、21,600円,後者就6,912円。今日日本Bandai開訂,12月派貨。不過「吉良吉影」隨身物嚟講,好似仲爭隻手,同埋我想要個玻璃罌嚟裝指甲。

Read more ›
用條脷嚟玩!《JoJo奇妙冒險》奇妙車厘子出耳環
by / on 12/12/2014 at 12:50 pm

用條脷嚟玩!《JoJo奇妙冒險》奇妙車厘子出耳環

提起《JoJo奇妙冒險》第3部動畫,講起花京院典明,最經典一幕都係佢用條脷玩車厘子啦!今次應該讚Bandai有創意定一話夾硬嚟呢?佢竟然因為咁推出一對車厘子耳環!賣7,776円,2月派貨。咁……如果我送俾個女仔,之後佢戴住出嚟,我再俾佢睇呢張gif,佢會有咩反應?

Read more ›
新片速報 《JoJo奇妙冒險》動畫「埃及篇」預告 1月開播
by / on 01/12/2014 at 11:13 am

新片速報 《JoJo奇妙冒險》動畫「埃及篇」預告 1月開播

抖咗一陣,《JoJo奇妙冒險》第3部最精彩嘅埃及篇已經準備好!2015年1月開播,官方發佈咗首段PV,主角當然有伊奇同佢嘅替身愚者!

Read more ›