Post Tagged with: "jojo"

6月9日新PV 《JOJO奇妙冒險 All Star Battle》岸邊露伴/吉良吉影戰鬥畫面
by / on 06/06/2013 at 11:07 am

6月9日新PV 《JOJO奇妙冒險 All Star Battle》岸邊露伴/吉良吉影戰鬥畫面

由CyberConnect2製作,Namco Bandai推出嘅PS3《JOJO奇妙冒險 All Star Battle》,今年8月29日就會推出,訂咗黃金體驗Box,到時一定拍開箱片share吓!好喇,過兩日6月9日喺東京新宿同大阪難波會有新PV率先播,而今日日本《Faim通》就有新圖發佈,係岸邊露伴(CV:神谷浩史)、カーズ(CV:井上和彥)同埋初回封入特典角色吉良吉影(CV:小山力也)嘅戰鬥畫面,越睇越覺得正!另外亦公佈咗出招時嘅「JoJo風擬聲字」可以自行調校位置,駛唔駛咁細緻呀? 相關資訊場館設置產品公開 8月「国立美術館」《荒木飛呂彦原画展 JOJO冒険の波紋》 (May 18, 2018) 《JoJo奇妙冒險》x JAM HOME MADE 出「不滅鑽石」戒指 (Apr 29, 2018)

Read more ›

岸邊露伴原子筆 千值鍊《JoJo奇妙冒險》生活態度系列
by / on 05/06/2013 at 4:11 pm

岸邊露伴原子筆 千值鍊《JoJo奇妙冒險》生活態度系列

「千值鍊」嘅《JoJo》生活態度系列之前出過Iggy門底塞,又有替身牙籤仔,今次就輪到我最愛嘅第4部角色漫畫家岸邊露伴!一直都話荒木飛呂彥以自己做藍本畫呢個角色,所以梗係偏心,就算唔係主角都有勁多產品。今次呢個原子筆連座,其實當佢係Figure仲好,以《岸辺露伴は動かない -六壁坂-》中嘅插畫為藍本,5,040円,9月中推出,有黑白兩色。不過,其實Iggy我都想買呀喂! 相關資訊【有片】這是替身攻擊!任記紙皮變吉良吉影替身 (Apr 22, 2018) 第5部動畫來了!《JoJo奇妙冒險 黄金の風》商標登陸 (Jan 12, 2018)

Read more ›
超像真!真人版《JoJo奇妙冒險》 資生堂大師打造
by / on 27/05/2013 at 4:49 pm

超像真!真人版《JoJo奇妙冒險》 資生堂大師打造

荒木飛呂彥嘅《JoJo奇妙冒險》今年25周年,又出畫集又出遊戲,超多搞作。不過呢個就型喇,同「資生堂ビューティートップスペシャリスト」嘅設計師原田忠合作,將《JoJo》內嘅人物全部真人化,無論髮型同服裝以至身型同「JoJo立」嘅動作都勁有原著神髓!東方丈助、空条徐倫、布差拉特都尤其正!當時去唔到現場睇,o依家官網就有齊咁多張相可以睇到,但係點解冇承太郎? 相關資訊【C93】真正還原!超強Billy仔 《JoJo奇妙冒險》承太郎Cosplay (Dec 29, 2017) 【圖集】睇漫畫學大道理(3) 日本網民再出圖終於到悟空 (Dec 24, 2017)

Read more ›
《JoJo奇妙冒險》X Converse 血統之証All Star
by / on 09/05/2013 at 11:50 am

《JoJo奇妙冒險》X Converse 血統之証All Star

為咗慶祝誕生26周年,《JoJo奇妙冒險》同Converse合作推出ALL STAR鞋「【ジョジョの奇妙な冒険】 ALL STAR HI / JO」,呢對鞋個款就以石鬼面同星星等圖案做Monogram,望落好低調,但係個鞋盒就堅靚!而且仲有特典吊飾,對眼識發光o架頂!價格10,290円,5月20日開始接受訂購,呎碼22.0cm~24.5cm,唓,女裝嚟嘅? 相關資訊【詳情】JOJO奇妙電話 超多嘢玩賣125,712円 (Dec 15, 2017) 28年來第2位漫畫家 《荒木飛呂彦原画展 JOJO冒険の波紋》「国立美術館」開展 (Dec 15, 2017)

Read more ›
《JoJo》生活態度 千值練替身牙籤
by / on 03/05/2013 at 5:10 pm

《JoJo》生活態度 千值練替身牙籤

千值練繼伊奇嘅門擋之後,又有《JoJo奇妙冒險》嘅生活產品推出,今次又係超搞笑,就係替身牙籤,將佢哋拮喺啲食物上面,令我諗起個第4部個意大利廚師替身!全套18種,包括有性感手槍、珍珠果醬、極惡中隊等替身。8月發售,每套525円。 相關資訊超正《動物朋友》藪貓變身 高質設計圖Twitter熱傳 (Aug 23, 2017) 【有片】真人版《JoJo奇妙冒險》再有新片 冒頭13分鐘引你睇 (Aug 18, 2017)

Read more ›
新片速報《JoJo奇妙冒險》AR Tee開賣 裝App即出白金之星
by / on 26/04/2013 at 1:37 pm

新片速報《JoJo奇妙冒險》AR Tee開賣 裝App即出白金之星

呢件Bandai推出嘅AR連動Tee「NEXTPETS」第1弾「ジョジョの奇妙な冒­険 オラオラボーダーTシャツ」,終於喺日本開賣,有三隻色揀,而遠睇嗰啲橫間其實就係由漫畫中嘅擬聲文字組成,而且佢會有個免費App下載落手機,iPhone/Android都有,裝完之後只要手機鏡頭對住著住呢件Tee嘅人,就會有識郁嘅白金之星喺身後閃出,之後飛埋嚟啊啦啊啦啊啦啊啦!啱啱官方出咗條片俾你睇效果。5,040円,全國BEAMS、Village Vanguard有賣。 相關資訊日本網民揸車經山路 發現「JoJo奇妙路牌」 (Aug 16, 2017) 【有片】瘋狂級禿頭白金之星!現實版北斗/JoJo/星矢出超必 5個人扮殘影 (Jul 22, 2017)

Read more ›

日文漫畫冰 自製《JoJo》凍飲
by / on 26/04/2013 at 12:56 pm

日文漫畫冰 自製《JoJo》凍飲

見到呢啲日文字,即刻就諗起《JoJo》入面嘅啊啦啊啦。呢幾款矽膠嘅冰格,就係俾你自己整呢啲擬聲日文字嘅冰或者朱古力,成個系列有3款,包括「ゴ」、「ド」同「あ」,雖然唔係官方出品,但就連字體都好有JoJo風,賣1,029円一個。 相關資訊玩到咁癲!《JoJo奇妙冒險》展覽 仙台市搵9個JoJo渠蓋 (Jul 11, 2017) 41歲伊勢谷友介 神還原承太郎髮型 (Jun 26, 2017)

Read more ›
新片三連發 《JOJO奇妙冒險 All Star Battle》60秒TVCM
by / on 25/03/2013 at 5:07 pm

新片三連發 《JOJO奇妙冒險 All Star Battle》60秒TVCM

8月29日推出嘅PS3《JOJO奇妙冒險 All Star Battle》,仲有成5月個先出,真係有排等。由第1部至最新第8部嘅東方定助都會現身,而且畫面同替身動畫cut-in勁有原著氣勢,JoJo迷必買,再死忠啲,黃金體驗Box都走唔甩……今日官方發佈咗3條TVCM,每條1分鐘,開頭一樣內容唔同,最搞笑係承太郎拎住隻遊戲賣廣告…… 相關資訊【有片】大阪環球影城再放毒 《JoJo奇妙冒險》4D影片預告 (Jun 8, 2017) 【有片】Crazy Diamond!真人版《JoJo奇妙冒險》替身終於現身! (Jun 7, 2017)

Read more ›
今日開訂 有片睇《JoJoveller完全限定畫集》限訂50日 2萬円買個安心
by / on 19/03/2013 at 5:12 pm

今日開訂 有片睇《JoJoveller完全限定畫集》限訂50日 2萬円買個安心

今年《JoJo奇妙冒險》連載25周年,特別多嘢搞,8月有隻PS3遊戲,必訂黃金體驗箱!下個月頭又有件Tee,我都未諗掂點樣搞到手。啱啱又多一樣必入寶物,就係由即日開始至5月開放預訂生產嘅畫集,包括有208頁全彩頁、包括替身資料嘅兩本別冊,仲有兩隻藍光碟,當中一隻記錄日本JoJo展實況,呢隻都想睇啦,第二隻仲正!就係荒木飛呂彥老師製作《JoJo》嘅點滴!加埋超精美包裝,2萬円,求個安心冇得走。如果真係走得甩,下年仲有齋畫集版本,平啲賣8,500円。另外官網除咗有免費Wallpaper下載外,亦有問答遊戲玩,答中抽到就有親筆簽名版畫集,啊啦啊啦啊啦! 相關資訊練定JoJo立!Bandai出岸邊露伴頭箍 (Jun 5, 2017) 【有片】新預告睇杜王町 真人版《JoJo奇妙冒險》啲替身呢? (Apr 27, 2017)

Read more ›
新片速報《JoJo奇妙冒險》千值練Iggy 幫你開門口
by / on 06/03/2013 at 2:02 pm

新片速報《JoJo奇妙冒險》千值練Iggy 幫你開門口

呢隻喺第3部極度活躍嘅Iggy,外冷內熱,有義氣能力又無敵。嚟緊5月千值練就會出呢隻Iggy,不過佢唔只係Figure,仲好實用,因為佢個動作就係舉高一隻腳準備小便,而嗰隻腳就可以幫你頂住度門,入嚟仲有介紹影片。賣4,800円,雖然我唔會想長期開住度房門,但我都極想要。 相關資訊新情報!大阪環球影城「Universal Jump Summer」 《JoJo》睇4D影片DIO世界 (Apr 18, 2017) 靚仔肌肉男著「童貞服」 狂晒肌肉亂入JoJo漫畫 (Mar 15, 2017)

Read more ›
《JoJo奇妙戀愛》 JoJo出PSP乙女向戀愛遊戲!?
by / on 28/02/2013 at 2:44 pm

《JoJo奇妙戀愛》 JoJo出PSP乙女向戀愛遊戲!?

講少少情報先,8月29日推出嗰隻《JOJO奇妙冒險 All Star Battle》黃金體驗特典版,喺日本已經訂到爆晒,問過相熟舖頭,要訂日版都真係冇計,只有等行貨開訂……好喇,呢隻《ときめきジョジョリアル Girl’s Side》就唔關事嘅,以戀愛遊戲為主題,背景係荒木學園高等部(!?),開發商係SPW(スピードワゴン)財團(!!??),20XX年會喺PSP推出,睇到呢度,你都知佢個官網係玩嘢,冇錯,純粹二次創作,但超認真地有官網又有大量設定圖,而且畫風仲好正!如果真係出,唔知佢哋啲替身可唔可以喺情到濃時出現……啊啦啊啦呢? 相關資訊【有片】不老不死 56歲荒木飛呂彦上電視節目 撈亂44歲谷原章介 (Mar 11, 2017) 【有片】首條預告!真人版《JoJo奇妙冒險》殺入杜王町 (Mar 7, 2017)

Read more ›

新片速報《JOJO奇妙冒險 All Star Battle》第4彈PV 替身爆發 東方定助現身
by / on 18/02/2013 at 3:23 pm

新片速報《JOJO奇妙冒險 All Star Battle》第4彈PV 替身爆發 東方定助現身

前兩日報導過日本搞咗個發佈會,現場仲播放咗一段最新PV,今日官方終於擺上網!呢條第4彈最新PV見到第8部主角東方定助現身,仲有使出替身能力嘅遊戲畫面。另外亦有第4部吉良吉影以初回封入特典現身!集合各代主角,呢條片仲有各主角超必特寫!最後唔少得,就係黃金體驗Box介紹啦!8月29日,有排等。 相關資訊伊勢谷友介「承太郎」現身!真人版《JoJo奇妙冒險》新角色造型 (Mar 1, 2017) 真人版《JoJo奇妙冒險》新角色造型 山田孝之「殺人鬼」出場 (Feb 23, 2017)

Read more ›
發佈會續報《JOJO奇妙冒險》4月出Tee送手機App 白金之星在身邊
by / on 17/02/2013 at 7:44 am

發佈會續報《JOJO奇妙冒險》4月出Tee送手機App 白金之星在身邊

PS3隻《JOJO奇妙冒險 All Star Battle》8月29日先出,但4月頭就已經有錢你駛。噚日喺日本舉行嘅發報會中,除咗公佈咗會有埋第8部嘅東方定助參戰,全線8部角色大集結同黃金體驗BOX特典內容外,仲會喺4月頭出一件Tee,遠睇只係普通橫間,但近睇就知啲橫間係由漫畫中嘅聲效文字組合而成,低調地啊啦啊啦。不過最勁係佢會有埋個App俾你裝落手機,只要手機鏡頭對住著住呢件Tee嘅人,就會有識郁嘅白金之星喺身邊現身!5,040円,全國BEAMS、Village Vanguard有賣,無論用咩手段,我都要入手! 相關資訊真人版《JoJo奇妙冒險》新角色造型 虹村兄弟登場 (Feb 15, 2017) 《JoJo奇妙冒險》X glamb出新Tee 「山岸由花子」靚喎 (Feb 9, 2017)

Read more ›
8月29日發售《JOJO奇妙冒險 All Star Battle》黃金體驗BOX限定內容公開!
by / on 16/02/2013 at 4:22 pm

8月29日發售《JOJO奇妙冒險 All Star Battle》黃金體驗BOX限定內容公開!

啊啦啊啦啊啦啊啦啊啦啊啦啊啦啊啦,有冇搞錯,8月尾先有得玩?《JOJO奇妙冒險 All Star Battle》今日(16日)喺日本舉行咗個「最高に「ハイ!」ってやつだアアアアアア「ジョジョの奇妙な冒険 オールスターバトル」發表會」,不出所料,公佈咗發售日期同埋特典內容!呢個黃金體驗BOX有承太郎加白金之星Figure,仲有荒木飛呂彦新繪嘅黃金飾板!初回封入特典就有第4部「川尻早人」中咗岸邊露伴替身絕技之後嘅Memo同吉良吉影DLC!另外亦即場發佈咗第4段PV(未有得睇),同埋第8部東方定助參戰!限定版16,980円,走唔甩!走唔甩呀呀呀呀! 相關資訊遊杜王町必著 Bandai《JoJo奇妙冒險》「虹村」兄弟服 (Jan 25, 2017) 根本祖斯達 《JoJo奇妙冒險》真人版要預佢? (Jan 20, 2017)

Read more ›
1比1承太郎/迪奧現身「Wonder Festival 2013 冬」首展第8部超像可動
by / on 12/02/2013 at 10:29 am

1比1承太郎/迪奧現身「Wonder Festival 2013 冬」首展第8部超像可動

JoJo迷去咗Gucci個廚窗朝聖未?日本嘅「Wonder Festival 2013 冬」裏面一樣有好嘢,就係1比1等身大嘅承太郎同迪奧,雖然冇咗白金之星同世界係差啲,不過見到佢兩個咁靚仔,都想上番注香。實際啲,有新玩具嘅白模登場,首先就係最新第8部主角東方定助嘅超像可動,繼而仲有對成個故事發展有深遠影響嘅1比1「石鬼面」等等,發售日未定,你會唔會買番個放喺屋企? 相關資訊上海Wonder Festival奇妙產品 「手機少女」立體電話座 (Apr 8, 2018) 本周Coser 「Wonder Festival 2017」圖集 又有えなこ (Feb 19, 2017)

Read more ›