作為雄糾糾嘅男子漢，走去買女人時裝書？係，為咗《JoJo》，我已經唔係第一次。上年10月號《Spur》有《JoJo》x Gucci特集，仲有第4部岸邊露伴漫畫，我已經獻出第1次；今次2月號，又有特集，係第6部空条承太郎個女空条徐倫做主角，加埋第5部拉鏈人布差拉迪（Bruno Bucciarati），冇得走。唔好睇今期封面唔係《JoJo》乜咁渣喎，其實封面都有乾坤，嗰條拉鏈可以搣開，裏面係拉頁《JoJo》封面！Page One賣$101，《JoJo》迷俾錢啦！ 相關資訊【有片】這是替身攻擊！任記紙皮變吉良吉影替身 (Apr 22, 2018) 第5部動畫來了！《JoJo奇妙冒險 黄金の風》商標登陸 (Jan 12, 2018)

呢隻2013年發售嘅PS3獨佔格鬥遊戲《JOJO奇妙冒險 All Star Battle》，由CyberConnect2製作，Namco Bandai推出，發售日期係喺2013年內。呢條第3彈「Jump Festa 2013」版官方片有成4分幾鐘，睇晒第1至6部(咦冇咗第7部？)嘅戰鬥場面！臨尾迪奧對承太郎一幕，真係睇幾多次都唔厭，JoJo應該止到痕！ 相關資訊【C93】真正還原！超強Billy仔 《JoJo奇妙冒險》承太郎Cosplay (Dec 29, 2017) 【圖集】睇漫畫學大道理(3) 日本網民再出圖終於到悟空 (Dec 24, 2017)

超像不動雖然不可動，但勝在手工好又有齊全個身，嚟緊下年3月中，JoJolion系列新作就係《JoJo奇妙冒險》第八部嘅東方定助現身，呢個有四粒蛋蛋嘅男主角第一次出玩具，真係點都要撐吓！賣6,090円，網友們都係關心會唔會包嗰四粒配件…… 相關資訊【詳情】JOJO奇妙電話 超多嘢玩賣125,712円 (Dec 15, 2017) 28年來第2位漫畫家 《荒木飛呂彦原画展 JOJO冒険の波紋》「国立美術館」開展 (Dec 15, 2017)

官方都講明，呢隻2013年發售嘅PS3格鬥遊戲《JOJO奇妙冒險 All Star Battle》會有齊第一部至第七部主角登場。由Namco Bandai推出、CyberConnect 2開發，啱啱日本《Fami通》就有大量全新遊戲畫面圖發佈，當中有第4部嘅東方仗助同瘋狂鑽石，仲有佢俾人批評髮型後暴走嘅場面！加埋虹村億泰加轟炸空間，同埋第6部嘅空条徐倫參戰！老實講，徐倫我麻麻，反而期待天氣先生！ 相關資訊超正《動物朋友》藪貓變身 高質設計圖Twitter熱傳 (Aug 23, 2017) 【有片】真人版《JoJo奇妙冒險》再有新片 冒頭13分鐘引你睇 (Aug 18, 2017)

一早都知呢隻2013年發售嘅PS3《JOJO奇妙冒險 All Star Battle》，會有齊第一部至第七部主角登場。由Namco Bandai推出、CyberConnect 2開發，啱啱日本雜誌就刊出咗最新圖，包括第四部嘅東方仗助同瘋狂鑽石，同埋虹村億泰加轟炸空間，加埋第六部嘅空条徐倫參戰！ 相關資訊日本網民揸車經山路 發現「JoJo奇妙路牌」 (Aug 16, 2017) 【有片】瘋狂級禿頭白金之星！現實版北斗/JoJo/星矢出超必 5個人扮殘影 (Jul 22, 2017)

11月4日喺東京六本木舉行嘅「荒木飛呂彦原画展 ジョジョ展」就完咗喇，不過JoJo連載25周年嘅慶祝熱潮當然未過，o依家又有新產品推出，係底褲。又係底褲！繼之前EVA X Hello Kitty兩條底褲之後，JoJo都要出底褲，咁又係嘅，唔理你毒男宅男定型男，除咗周杰倫之外都要著底褲嘛，最多換得冇咁密啫……話時話，著住呢條緊身底褲，嚟番個「JoJo立」都真係風味特濃喎！ 相關資訊玩到咁癲！《JoJo奇妙冒險》展覽 仙台市搵9個JoJo渠蓋 (Jul 11, 2017) 41歲伊勢谷友介 神還原承太郎髮型 (Jun 26, 2017)

阿媽叫我睇多啲書，我「孝」字行先梗係要聽話。連載25周年，《JoJo奇妙冒險》今年都大搞，下年出嗰隻PS3《JOJO奇妙冒險 All Star Battle》當然唔玩唔得，仲有啲嘢對於JoJo迷嚟講都係唔買唔安樂。 好似呢本《JoJo Menon》連載25週年特刊咁，集英社出版，105頁有訪問有專題，介紹荒木飛呂彥工作室之餘，仲直擊佢嘅紐約之旅，仲有上年10月潮流雜誌《Spur》刊載嘅岸邊露伴 X Gucci嘅全彩稿漫畫，最尾一頁，仲有貼紙送！香港平貨啱啱到，都要十算，但揭完睇完你會發覺的確係抵。 相關資訊【有片】大阪環球影城再放毒 《JoJo奇妙冒險》4D影片預告 (Jun 8, 2017) 【有片】Crazy Diamond！真人版《JoJo奇妙冒險》替身終於現身！ (Jun 7, 2017)

首先，呢套紙牌係日本傳統紙牌遊戲花札專用，鬥唔到地主嘅。呢套名為《ジョジョの奇妙な花闘～黄金の札～》花札套裝，先講個收藏盒已經夠型，係《JoJo奇妙冒險》第五部「黃金之風」隻烏龜，有睇原著都知呢隻龜幾咁關鍵，咁裏頭就有以第五部為主題嘅49張紙牌，啲紙牌畫得好有日本風，真係唔識玩都想買嚟儲！售價7,875日元，下年3月出貨。話時話，不如出第三部啤牌版啦，可以鬥地主，我用白金之星炸你呀，啊啦啊啦啊啦啊啦啊啦！我用世界嚟個時間停頓春天你呀，無駄無駄無駄無駄無駄！ 相關資訊練定JoJo立！Bandai出岸邊露伴頭箍 (Jun 5, 2017) 【有片】新預告睇杜王町 真人版《JoJo奇妙冒險》啲替身呢？ (Apr 27, 2017)

又係手機座，今次輪到《JoJo奇妙冒險》。放喺公司又好，放喺屋企又好，我哋都應該養成唔好隨處放電話嘅習慣，搵得番嘥時間都唔好玩啦。呢兩款JoJo主題電話座，造工真係好得，一個係Dio，可以換上半身同下半身(全高約60mm(下半身約100mm))，另一個係D4C同大統領(全高約100mm)，部電話厚唔過15mm都用得，即係舊唔過3310都應該冇問題。由日本「千值練」推出，下年1月見街，共有兩款，各3,990日元，有啲貴，但我會買，仲要將個電話鈴聲轉做「啊啦啊啦啊啦啊啦啊啦啊啦」…… 相關資訊新情報！大阪環球影城「Universal Jump Summer」 《JoJo》睇4D影片DIO世界 (Apr 18, 2017) 靚仔肌肉男著「童貞服」 狂晒肌肉亂入JoJo漫畫 (Mar 15, 2017)

2013年發售、PS3獨佔嘅格鬥遊戲《JOJO奇妙冒險 All Star Battle》，由Namco Bandai推出、CyberConnect 2開發，之前都睇過我哋TGS試玩片啦。啱啱官方就發佈咗第二彈嘅PV，冇第一條有岸邊露伴畫畫咁有型，主要集中遊戲畫面，同時仲有四名參戰角色嘅戰鬥場面曝光，當中性感手槍好有型，最後仲有黃金體驗安魂曲登場！ 相關資訊【有片】不老不死 56歲荒木飛呂彦上電視節目 撈亂44歲谷原章介 (Mar 11, 2017) 【有片】首條預告！真人版《JoJo奇妙冒險》殺入杜王町 (Mar 7, 2017)

睇過呢隻PS3獨佔、Namco Bandai出、Cyberconnect2開發嘅格鬥遊戲介紹嘅，只要係JoJo迷，都感動到毛管楝！睇埋之前報導嘅遊戲系統，我真係連條頸都硬埋！下星期東京遊戲展有得試玩，喂，都未知點出招，點試呀？嘿！日本《Fami通》就有四個角色嘅出招表，大家練定兩招旁身，到時去到現場咪威水囉！冇Game點練？你唔係唔知咩叫精神訓練嘛？幻想呀！幻想白金之星就喺你後面呀！ 相關資訊伊勢谷友介「承太郎」現身！真人版《JoJo奇妙冒險》新角色造型 (Mar 1, 2017) 真人版《JoJo奇妙冒險》新角色造型 山田孝之「殺人鬼」出場 (Feb 23, 2017)

轉自日本《Fami通》最新料。我夠膽講句，睇完呢59張新圖，JoJo迷瞓街都要買，冇機都要儲一隻！呢隻PS3獨佔遊戲由Namco Bandai Games推出、開發過《火影忍者》系列以及《.hack》系列嘅Cyberconnect2開發，格鬥系統一定唔差，睇埋畫面，超必有特寫，收盡第一至第七部故事，仲可以用「JoJo立」嚟避開敵人攻擊再反擊，確係正到核爆！今次仲正式有埋大量公佈咗嘅四個新角色新圖片，黃金體驗同喬魯諾·喬巴拿，加埋性感手槍同葛德·米斯達，綠色法皇加花京院典明同銀戰車加J·P·波魯那雷夫，啊啦啊啦啊啦啊啦啊啦啊啦啊啦啊啦啊啦！ 相關資訊真人版《JoJo奇妙冒險》新角色造型 虹村兄弟登場 (Feb 15, 2017) 《JoJo奇妙冒險》X glamb出新Tee 「山岸由花子」靚喎 (Feb 9, 2017)