Post Tagged with: "Kiss"

【新片速報】「日本人會唔會喺公眾地方kiss?」 街頭訪問年輕男女
by / on 08/01/2017 at 12:19 pm

【新片速報】「日本人會唔會喺公眾地方kiss?」 街頭訪問年輕男女

香港人經常周街錫錫,不過去到日本,其實好多人都唔接受喺公眾地方kiss。日本人Yuta經常拍YouTube片探討日本文化,仲有英文字幕,今次主題係:「日本人會唔會喺公眾地方kiss?」。佢喺街頭訪問咗好多日本男女,絕大部份都話唔接受喺公眾地方同伴侶kiss。不過呢,當主持人問佢哋去到歐洲地方時介唔介意,大家就話可以嘞。之後問題再進一步,問如果你嘅男/女朋友係外國人,想喺日本公眾地方同你kiss又得唔得呢?大家就覺得可以嘞,尤其是男仔,話對方可愛就無問題。至於女仔就話喺電車上盡量唔好。不過最正都係有人答:「但其實我冇女朋友。」 相關資訊【好爽】日本人點睇打尖人士? 連環圖有共鳴Twitter熱傳 (Jan 19, 2017)

Read more ›

奇幻發明!Kissenger駁電話 隔空Kiss有觸感
by / on 26/12/2016 at 6:19 pm

奇幻發明!Kissenger駁電話 隔空Kiss有觸感

即係如果你家人或者男女朋友係喺第二個國家,唔可以成日見,咁呢個發明會唔會幫到手?名叫Kissenger,話會有大量感應器High precision force sensors,只要錫落去,就可以感應到,之後傳去第二部電話度,咁再放喺塊臉或者嘴唇度,就可以感應到嚟自遠方嘅kiss……咁唔知可唔可以伸脷呢?佢錫埋嚟時,個嘴唇又可唔可以放喺第二個身體部位?例如額頭或者膞頭或者膝頭。

Read more ›
有片:癲嘅!同鱷魚仔Kiss!咬唇痛人心!
by / on 27/04/2016 at 10:45 pm

有片:癲嘅!同鱷魚仔Kiss!咬唇痛人心!

玩到無嘢好玩,繼續玩自殘啦,繼刻意俾蛇咬之後,今次YouTube頻道「Dudesons」幾條友仔又再獻新猷,一貫作風先來個俄羅斯輪盤,邊個輸咗就要接受大懲罰。大懲罰係俾鱷魚仔錫面,名為錫,實為咬,咁都未算,咬完面再同鱷魚仔Kiss,名為Kiss,實情都係咬,咬唇個咬。輸家無流眼淚,但痛到瞪大眼都有少少面容扭曲,估計應該幾痛吓。係,我隔住個Mon望到都覺痛,何況堅咬? 相關資訊有片:寶貝寵物蜥蜴呎幾長 著衫/食刺身/攬住訓好爽皮 (Jan 9, 2017) 好葡萄!崔成安贈畫劉萬梁師父! (Dec 29, 2016)

Read more ›
【這些機會】韓國嘴對嘴咖啡杯蓋 韓妹親身示範
by / on 27/08/2015 at 7:11 am

【這些機會】韓國嘴對嘴咖啡杯蓋 韓妹親身示範

呢個咖啡杯杯蓋好適合寂寞嘅單身男女,可以FF吓、滋潤吓個嘴仔。名為Kiss’ Out,設計到好似一個人嘅鼻加嘴脣,每飲一啖就要同杯蓋上嘅膠嘴kiss,都算係另類濕吻,設計師係韓國嘅Jang Woo-Seok,睇相見韓妹示範幾好睇,但如果主角換咗係男仔,應該會好難接受,所以都係買返屋企自己慢慢飲好嘞,如果佢真係成功量產嘅話。 相關資訊【騙案】韓國網上熱傳美女P圖 長頸男激似《寄生獸》 (Jan 18, 2017) 韓國喵星人識企起身「請請」 求神拜佛有魚食? (Dec 6, 2016)

Read more ›
【求大神】日本網民唔識kiss 女友狂呼氣似人工呼吸
by / on 14/07/2015 at 7:11 am

【求大神】日本網民唔識kiss 女友狂呼氣似人工呼吸

首先呢單係old news,不過比日本網友剿返出嚟講,對於第一次睇嘅我嚟講,又的確好好笑。事緣有日本網民喺Yahoo問答度留言,話自己女朋友每次錫錫時都係向自己吹氣,覺得好似做緊人工呼吸咁,好苦惱。由於佢哋兩個都係初哥,所以問網友係咪正常。網友好好人,教佢應該要同時向女友呼氣先啱,佢又好認真咁返去再試,之後回覆話而家佢哋一呼一吸,配合得好完美。件事就係咁,網友留言話笑咗出聲,又話咁樣好快會缺氧,我就覺得佢哋好pure好ture,如果佢真係有女朋友嘅話。 相關資訊【求大神改圖】日本武士圖求加幼女 網民瘋狂改圖回應 (Feb 28, 2016)

Read more ›
【hehe升級】甘道夫當眾嘴X教授      完全無視老婆存在
by / on 12/06/2015 at 7:10 am

【hehe升級】甘道夫當眾嘴X教授 完全無視老婆存在

好欣賞磁力王Ian McKellen同X教授Patrick Stewart,幾十歲人依然好活躍,又鍾意影相放上Twitter,人老心不老。最近佢哋又一齊出動嘞,今次X教授同老婆Sunny一齊去撐甘道夫套新戲《Mr Holmes》嘅首映禮,兩個老友聚頭,當然又玩到癲晒啦,居然當眾嘴對嘴錫錫,完全無視企咗喺中間嘅老婆Sunny,搞到老婆好尷尬,至於一班網民,又可以繼續笑佢哋hehe,真愛無悔呀。 相關資訊貓奴重拍電影經典場面 喵星人做老臨靠零食 (Nov 23, 2016) 【新片速報】死神流克唱Pineapple Pen 蘋果筆寫死亡筆記 (Nov 2, 2016)

Read more ›

新片速報:猜包剪耷 輸摑一巴贏錫一啖
by / on 08/03/2015 at 9:00 pm

新片速報:猜包剪耷 輸摑一巴贏錫一啖

    呢條片,十成唔使旨意喺香港拍到,莫講話錫一啖,三唔識七想同尊貴嘅港女們猜鋪包剪耷都難。係,遊戲就係咁簡單,猜贏絕對無錢,猜輸亦唔會無面,男猜贏,可以錫靚女一啖,女猜贏,可以摑男一大巴。鏡頭所見,唔少靚女都肯笑住玩,輸住亦唔賴皮,輕則獻上面珠任錫,重則嘴對嘴來個深情Kiss,亦有狠狠扯盡力摑到男仔歪埋一邊者。痛?唔覺!俾靚女摑,我覺得開心呀。 相關資訊有片:嚇鬼呀?短裙靚女髀罅多咗兩個Ball! (Dec 15, 2016) 【日本打工仔的壓力】靚女車行銷售員 俾肥佬客纏足一年 (Oct 9, 2016)

Read more ›
嚴選車輪勝地   路過台灣咀一咀
by / on 14/10/2013 at 7:46 am

嚴選車輪勝地 路過台灣咀一咀

「其實毒X一個更開心‥‥‥」如果你咁唔好彩身邊有一個BB,你唯有時不時諗吓計氹佢開心啦,例如帶佢去KISS勝地打個車輪。外國組織0707搞咗個名為「This is A Good Kiss Spot」嘅活動,選出咗一系列最適宜打車輪嘅勝地,然後再喺當地楝個牌插支旗提醒天下情侶路過時記緊要咀一咀。除咗睇日落嘅山邊海邊,估唔倒連車上面都有,好真實。KISS勝地遍佈羅馬、米蘭、巴黎,甚至近近哋嘅台灣都有。至於無錢去旅行嘅,可以自己用printer印返張貼喺屋企張梳化度,bb應該都係開心嘅,我估。 相關資訊今日日本「接吻之日」 Twitter圖集咩都有 (May 23, 2016) 有片:喵星人拒絕接吻!表情動作超嫌棄 (Jan 20, 2016)

Read more ›
打機做龍友 PS Vita推出《フォトカノ Kiss》加強版
by / on 27/11/2012 at 12:39 pm

打機做龍友 PS Vita推出《フォトカノ Kiss》加強版

enterbrain宣佈會將今年年頭推出嘅PSP戀愛模擬遊戲《フォトカノ》強化推PS Vita出版,加個Kiss字喺尾,真係令人無限幻想。遊戲係同女同學影相,邊影邊溝通,以畢業前成功表白為終極目標,最爽就梗係影啲令人個心離一離嘅靚相收藏啦。另外,《フォトカノ》亦會有動畫化消息,入面有聲優陣容,呢個題材真係有得做o架!

Read more ›