Post Tagged with: "kitan"

喵星人又有新裝 春天花花造型超可愛
by / on 27/12/2017 at 7:27 am

喵星人又有新裝 春天花花造型超可愛

啱啱過完聖誕,貓奴係時候幫屋企隻喵計劃吓下一個造型嘞。日本扭蛋公司奇譚好體貼,已經準備好呢款花花頭套,有5隻色,最可愛肯定係蝴珊瑚色,另外藍色都好搶眼,黃色又夠晒春天,啱啱推出咗,貓奴記住留意吓嘞。 相關資訊超萌熊貓仔集體日光浴 唔覺意跌底超可愛 (Feb 17, 2018) 【新片速報】日本喵星人陪玩芒亨 等Load Game可以摸喵 (Feb 17, 2018)

Read more ›

日本奇譚「紙箱貓」扭蛋      自動行走超可愛
by / on 14/11/2017 at 8:15 am

日本奇譚「紙箱貓」扭蛋 自動行走超可愛

日本扭蛋公司奇譚之前出過呢個自動行走嘅動物系列,第一次係企鵝,今次終於到紙箱貓,吸引力即時增強幾百倍!總共有6個款式,每隻喵都笠咗唔同嘅紙皮箱,只要放喺傾斜嘅位置佢就會自動向前走,唔駛用電,諗起都想玩。另外紙箱後面仲會露出條貓尾巴,可愛到暈! 相關資訊日本神級寶石畫作 木顏色畫出超強立體感 (Feb 18, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
日本「排隊喵」扭蛋 全部貓排排企超可愛
by / on 28/08/2017 at 7:39 am

日本「排隊喵」扭蛋 全部貓排排企超可愛

專出奇怪扭蛋嘅日本奇譚又有新嘢,今次係排隊喵星人,之前出過樹熊版,仲有高度分,今次到喵星人,有4種顏色,企最前嗰隻叉腰,最尾嗰隻就垂直雙手企到直一直,好似朝早開早會咁,識玩嘅一定係買多幾隻排個長龍出嚟,好可愛!預計12月發售。 相關資訊日本爛賭新人「結婚蛋糕」 巨型牌局坐低即開枱 (Feb 17, 2018) 日本曳貓偷飲麵豉湯 診所驗血好彩無事 (Feb 16, 2018)

Read more ›
【圖集】日本喵星人戴「兔耳」想殺人   受害喵照片大公開
by / on 16/08/2017 at 7:01 am

【圖集】日本喵星人戴「兔耳」想殺人 受害喵照片大公開

都話奇譚呢個扭蛋系列係喵星人嘅惡夢,有日本網民買咗「兔耳」系列,即係左邊嗰幅圖啦,黃色耳仔戴咗上去之後隻貓直情想殺人咁款!張相喺Twitter勁多人RT,網民個個都話隻喵嘅殺意好濃,好憤怒,之後有其他網民放其他受害喵嘅相,有啲扮羊咩,有啲扮兔仔,仲有之前嘅賊仔款,基本上全部都係好無奈或者好呆,入嚟有得回帶笑吓。 相關資訊日本屁孩破壞迷宮 紙皮迷宮爛晒無得玩 (Feb 16, 2018) 日本網民收「尚方寶劍」 帶木雕巨魚歌舞伎町散步 (Feb 16, 2018)

Read more ›
【又嚟】 日本喵星人頭套扭蛋   「水族館」主題扮魚仔
by / on 18/07/2017 at 7:10 am

【又嚟】 日本喵星人頭套扭蛋 「水族館」主題扮魚仔

呢款貓頭套扭蛋之前都出過唔少款式,有賊仔頭巾、水果主題,今次輪到水族館嘞。都係日本嘅奇譚扭蛋出品,一共有6個款,最無奈應該係魚仔嗰款,明明食魚嘅喵星人俾條魚騎住,睇得唔食得,難怪黑晒面嘞。今個月中推出,每扭一次300円,去開日本記住扭俾喵星人做手信嘞,雖然佢唔想要。 相關資訊我真係恭喜你呀!日本超強數值玩家現身 (Feb 16, 2018) 【新片速報】日本網民玩直髮夾 調校熱度變音樂演奏 (Feb 16, 2018)

Read more ›
IG女皇渡邊直美出杯緣子 重量級攀爬夠突出
by / on 22/06/2017 at 7:54 am

IG女皇渡邊直美出杯緣子 重量級攀爬夠突出

日本搞笑女藝人渡邊直美喺日本勁受歡迎,IG粉絲更加去到680萬,好誇張,日本人鐘意佢夠真唔造作,除咗有自家服飾品牌,最近佢仲同奇譚合作出埋杯緣子擺設。重量級嘅身形爬喺杯邊,效果夠晒突出!姿勢包括倒吊、坐、爬同趴,各有特式,仲有一個隱藏款式,合共5款,今年8月推出。 相關資訊日本奇譚全新貓頭套 超巨型心心連蝴蝶結 (Jan 11, 2018) 【有片】日本喵星人與矇眼貂 一家四口超幸福IG放閃 (Jan 10, 2018)

Read more ›

【災難級】喵星人水果頭套 扮蕉星人超爆笑
by / on 04/03/2017 at 7:44 am

【災難級】喵星人水果頭套 扮蕉星人超爆笑

喵星人有難嘞!日本扭蛋公司奇譚Kitan又出貓頭罩,今次唔扮賊仔唔扮羊,改為扮「水果」!總共有六款水果,包括蘋果、香蕉、西瓜、士多啤梨、哈蜜瓜同蜜柑,最正當然係蕉星人啦!不過喵頭要28cm-29cm先戴得落,可惜6月先推出,到時記住要儲一套日日換新款! 相關資訊【新片速報】日本超為食喵星人 狂舔空氣回味無窮 (Feb 16, 2018) 【圖集】不自量力喵星人想出嚟 肥美身體阻住咗 (Feb 15, 2018)

Read more ›
【層層叠】超正日本喵星人扭蛋 捐紙巾盒前後睇都正
by / on 04/08/2016 at 7:13 am

【層層叠】超正日本喵星人扭蛋 捐紙巾盒前後睇都正

喵星人對玩具嘅要求好簡單,最緊要捐得,而且係紙製嘅!其中紙皮箱、紙巾盒呢啲就最啱佢哋嘞。出名多諗頭夠古怪嘅扭蛋公司「奇譚」(Kitan)最近又有新作品,今次呢款蘇格蘭摺耳貓紙巾盒,全部都係喵星人喺盒度捐出嚟嘅姿勢,前面睇好可愛,後面睇突出個pet都好正,仲可以將佢哋叠高嚟玩,預計11月頭推出,去開日本一定要買! 相關資訊【有心】回禮送呢啲 送俾女仔一定送調味料 (Feb 15, 2018) 日本情人節「蛆蟲朱古力」 婉拒男仔方法網上熱傳 (Feb 15, 2018)

Read more ›
【怕凍】日本水樽凍凍哋著外套  扭蛋轉新款扮文青
by / on 12/05/2016 at 7:15 am

【怕凍】日本水樽凍凍哋著外套 扭蛋轉新款扮文青

日本扭蛋公司奇譚Kitan嘅產品經常有驚喜,之前都出過笠喺水樽底嘅底褲仔,仲出過好多唔同款式,最近佢哋就換吓新裝,改成掛喺膊頭嘅外套仔,可以披喺樽頂,樽飲品即時潮晒。預計5月日開始有得扭,一共6款,每次300円,我鍾意藍白外套,啱晒夏天。 相關資訊【新片速報】日本芒亨真人版「貓飯片」 分鏡/配樂跟到足 (Feb 15, 2018) 終極宵夜 どん兵衛 + 雞麵撈埋好好味? (Feb 14, 2018)

Read more ›
【夠另類】杯緣「狗」八哥賣麻甩 擘脾跨杯咬骨頭
by / on 03/05/2016 at 7:10 am

【夠另類】杯緣「狗」八哥賣麻甩 擘脾跨杯咬骨頭

今次呢款杯緣「狗」擺明唔係走可愛路線,你睇隻八哥個樣幾過份?繼續都係奇譚Kitan出品,名為PUTITTO系列,一共有8個款式,除咗擘晒脾跨過隻杯咬住骨頭呢款之外,仲有倒吊同怒瞓幾個款式,麻甩得嚟都幾可愛,切合返八哥一向走嘅路線。啱啱已經推出咗,有養開八哥嘅快啲去搵返套啦。 相關資訊八哥變四方狗 日本扭蛋一式6款層層叠 (Sep 20, 2017) 日本傳統貓奴怪 奇譚新扭蛋夠古怪夠特別 (Sep 20, 2017)

Read more ›
【不自量力】日本肥喵雙撲手   腰間唧肥肉唔兇狠
by / on 28/04/2016 at 3:12 am

【不自量力】日本肥喵雙撲手 腰間唧肥肉唔兇狠

咁肥嘅喵星人,仲做唔做到相撲手?日本專出古怪扭蛋嘅Kitan又有新嘢出,今次玩喵星人相撲手(はっけよい!ねこ力士),8款喵星人全部摩拳擦掌,包住條巾圍下身,最慘個樣唔夠兇狠,而且腰部又唧咗截肥肉出嚟,好搞笑。另外每個扭蛋跟嘅盒可以砌成相撲擂台,多樣嘢玩!預計5月16日發售,貓奴記住留意嘞。 相關資訊日本高中情人節 四種收朱古力實況漫畫化 (Feb 14, 2018) 【新片速報】日本喵星人迅間轉移 飛撲另一邊門Twitter熱傳 (Feb 14, 2018)

Read more ›

日本《街霸》最強手機座 阿龍阿Ken扮辛苦
by / on 20/04/2016 at 7:13 am

日本《街霸》最強手機座 阿龍阿Ken扮辛苦

想讚吓日本出嘅街霸產品一直都好正,之前有所有角色跪低嘅土下座扭蛋,早兩日又介紹過全部打傷晒面嘅Continue玩具,嚟緊仲有奇譚今個月底推出嘅呢套手機座,吸引在於每個角色嘅表情動作,例如阿龍阿Ken作狀好辛苦托手機,印度佬就雙拳出動,仲有百裂腿春麗同埋啱啱公佈《街霸5》嘅新增角色軍佬。但係點解軍佬會變咗扁面杯墊嘅?好似同其他唔係幾襯,不過勝在夠得意。 相關資訊日本街市都有愛 魚檔過百條魚砌成心形 (Feb 14, 2018) 【新片速報】日本瘋狂動畫「情人節」賀片 Twitter半日3百萬瀏覽 (Feb 14, 2018)

Read more ›
【超可愛】「杯緣貓」終於殺到 8款喵星人杯邊賣萌
by / on 12/04/2016 at 7:13 am

【超可愛】「杯緣貓」終於殺到 8款喵星人杯邊賣萌

要嚟嘅始終要嚟,專出杯緣子嘅奇譚kitan繼杯緣貞子、蠟筆小新之後,終於嚟到會令貓奴尖叫嘅「杯緣貓」出爐!一式八款喵星人,有勁hea瞓喺杯邊嘅懶喵、伸懶腰抓抓吓嘅蠢喵、懸吊喺杯邊賣萌嘅嗲喵,全部都超可愛,掛佢哋喺杯邊應該唔捨得飲水嘈親佢哋。可惜7月底先式推出,有排等。 相關資訊【有片】日本狠心喵星人 拒絕被摸企起身阻止 (Feb 12, 2018) 日本喵星人雪地寫真 唔怕凍保持隊形Twitter熱傳 (Feb 10, 2018)

Read more ›
【終於來了】刺猬仔都出杯緣子 腳短爬杯超可愛
by / on 03/03/2016 at 10:49 am

【終於來了】刺猬仔都出杯緣子 腳短爬杯超可愛

日本以至外國都有好多人養刺猬仔,香港而家都越嚟越多人養。日本公司Kitan出開杯緣子產品,最近更加有大突破,居然推出刺猬仔杯緣子。一共有8個款式,一班手短腳短嘅刺猬仔爬杯邊、倒吊杯邊,乜嘢可愛姿勢都出齊,仲有唔同顏色,預計今年6月初推出,好想買齊一套。 相關資訊【新片速報】超可愛刺猬仔戴聖誕頸圈 嫌阻住一手踢開 (Dec 25, 2017) 日本東京晴空塔限定版 杯緣子攬實花園饅超可愛 (Dec 6, 2017)

Read more ›
【又賣萌】日本刺蝟仔扭蛋 坐到露肚皮超可愛
by / on 12/01/2016 at 7:10 am

【又賣萌】日本刺蝟仔扭蛋 坐到露肚皮超可愛

本來對刺蝟仔都無乜特別感覺,自己無養,身邊都無朋友養,不過睇得佢哋嘅片多,發覺佢哋嘅動作堅得意,經常反肚賣萌體形又袖珍,對佢哋越嚟越有好感。最近日本專出扭蛋嘅奇譚Kitan就推出呢個迷你刺蝟系列,一式六款,坐喺度、爬爬吓、呆企都有,可愛到暈。今次係「ntc.Puff」系列嘅第15彈,之前仲出過白兔仔、鸚鵡、倉鼠、企鵝系列,都係以可愛為賣點,入嚟有回帶,當中嘅倉鼠系列都好得意,有機會要買返套儲。 相關資訊【有片】去死去死團召集 單身者聯盟粉碎情人節 (Feb 13, 2018) 「睇漫畫學大道理」敵人篇 學大愛學團結 (Feb 13, 2018)

Read more ›