Post Tagged with: "Mario"

大叔得棚骨 死亡版Mario有展覽
by / on 16/03/2013 at 2:00 pm

大叔得棚骨 死亡版Mario有展覽

呢幾隻嘢好似好熟口面,係Mario大叔!但係少咗浸皮同埋少咗兩撇鬚。呢個系列名為「Death Blooms」,設計自Rsin Art,而且會喺3月22日有展覽。除咗Mario同飛鼠Mario之外,仲有綠帽Luigi,西人真係重口味。 相關資訊【有片】Google Map又玩嘢 慶祝「Mario之日」大叔導航 (Mar 10, 2018) 新片速報 3DS推出《Mario & Luigi RPG 3DX》 下年先有得玩 (Mar 9, 2018)

Read more ›

瑪利奧1蚊美金    食飯比貼士收唔收?
by / on 06/03/2013 at 4:53 pm

瑪利奧1蚊美金 食飯比貼士收唔收?

一蚊美金用嚟食飯比貼士啱啱好,不過如果比呢張畫花晒嘅瑪利奧銀紙,唔知侍應肯唔肯收呢?銀紙中間嘅華盛頓後生咗,變咗瑪利奧大哥,仲成張油晒顏色色彩繽紛,仲正都係啲金幣飛嚟飛去,令人好想衝埋去食金幣。不過瑪利奧應該係日本人專利,幾時先有瑪利奧版円紙? 相關資訊冬季奧運奇景 冰壼選手似Mario大叔 (Feb 12, 2018) 【有片】四部計數機 奏出《Super Mario Bros.》音樂 (Oct 22, 2017)

Read more ›
孖寶喵屋  水管食人花陪瞓
by / on 26/02/2013 at 10:12 am

孖寶喵屋 水管食人花陪瞓

點先算係滿分貓主人?我覺得呢個網名Geckoo_Designs嘅機迷一定榜上有名。話說佢用Super Mario主題自製咗一間貓屋,綠色水管可以比隻貓休憩,另一條水管嘅食人花,仲可以比隻貓當屋咁瞓覺,至於個寶箱,我諗可以放食物,嘻。雖然手功唔係專業級數,但係誠意同埋愛心值滿分。你睇隻貓大哥幾得戚! 相關資訊日本人用貓屋 貓女係宮本彩希 (Apr 25, 2018) 【圖集】超可愛寵物狐狸仔 IG粉絲過2百萬出新書 (Apr 1, 2018)

Read more ›
新片速報 第一身版《Super Mario Bro.》攻城堡打大佬
by / on 22/02/2013 at 10:10 am

新片速報 第一身版《Super Mario Bro.》攻城堡打大佬

有冇諗過如果瑪利奧變成一隻第一身視點遊戲會點?仲記唔記得上兩年有一條製作極認真嘅主觀遊戲影片?唔記得可以入嚟回帶,而遊戲影片製作單位Rocket Jump嘅freddiew啱啱又有新作,就係去到最後城堡打大佬!睇完條片,你就會知道瑪利奧大叔成日咁跳高跳低又捐水管其實好暈好辛苦,呢隻遊戲,都係唔好出第一身版喇…… 相關資訊新片速報 大叔派帽人人愛 Switch《Super Mario Odyssey》真人版影片 (Oct 11, 2017) 新片速報 帽唔怕戴 《Super Mario Odyssey》 2人協力一人一帽 (Oct 6, 2017)

Read more ›
新片速報  Lego版孖寶兄弟玩stop motion
by / on 15/02/2013 at 10:36 am

新片速報 Lego版孖寶兄弟玩stop motion

前嗰排睇過外國o靚仔自製Toy Story嘅stop motion短片,今日,終於輪到孖寶兄弟,今次仲要係Lego版,問你怕未?影片將幾版遊戲關卡重現,連大地圖都整埋,最鐘意都係打皇宮嗰部份,有Lego整成嘅火球同埋令人壞念嘅音樂。老實講,影片質素,我指解像度認真麻麻,你睇呢幅cap圖都知,但係創意同誠意真係爆燈,值得一睇。 相關資訊【有片】LEGO影片大劇透 Stop Motion重現《Avengers: Infinity War》爽快一幕 (May 21, 2018) 【有片】超可愛雀仔短片 一齊轉超搞笑Twitter熱傳 (May 19, 2018)

Read more ›
Skittles圖集   8 Bit瑪利奧/薩爾達/洛古人/FF
by / on 03/02/2013 at 12:31 pm

Skittles圖集 8 Bit瑪利奧/薩爾達/洛古人/FF

老實,我好憎香港Skittles嗰個「食彩虹、嗒彩虹」廣告,每次聽倒都想熄機。要宣傳,其實用Skittles嚟整嘅呢個瑪利奧、薩爾達、洛克人同埋Final Fantasy我覺得仲好效果。睇落好似8-bit遊戲咁lo-tech,由外國藝術家Matt McManis親手砌成,如果比我整,林克同埋瑪利奥都會無咗塊面,因為佢用咗我最鐘意食嘅黃色Skittles。最厲害係有埋洛克人同埋瑪利奧嘅Skittles GIF動畫,好好睇。 相關資訊【有片】《FF VII Remake》Tifa?其實係超靚fanart (May 15, 2018) 【有片】日本音樂人 三味線彈《Final Fantasy VII》戰鬥音樂 (Apr 11, 2018)

Read more ›

孖寶大魔王沙雕    比堅尼西人陪堆沙
by / on 20/01/2013 at 2:43 pm

孖寶大魔王沙雕 比堅尼西人陪堆沙

唉,之前東京落大雪,見倒好多雪人初音、索柏,我都好想香港落雪呀!差啲唔記得,熱帶地方仲可以玩沙雕!呢隻超巨型瑪利奧隻大魔王Bowser,個樣惡得嚟又趣緻,仲有手指甲,由阿根廷藝術家Maria Paula Molina親自堆砌,係呀,沙灘玩泥沙都可以叫藝術家,佢仲威到有比堅尼女仔陪佢去沙灘,仲唔只一個,有兩個呀!趁未到夏天,大家快啲去沙灘練定功,今年暑期就係你大顯身手嘅時候嘞! 相關資訊瑪利奧「食人花」帽 自信大叔戴得好有型 (Dec 9, 2017) 瑪利奧玩性感 Forever 21聯乘男/女/童裝勁多款 (Oct 1, 2017)

Read more ›
新片速報 高科技《Mario Kart》中「蕉」自動煞車
by / on 15/01/2013 at 5:16 pm

新片速報 高科技《Mario Kart》中「蕉」自動煞車

Waterloo Labs嘅系列影片第7集,今次又玩Mario,係Mario Kart。咁佢哋加咗啲咩高科技嘢入去呢?其實幾勁,首先佢哋好低智能咁掛咗啲「?」箱喺度俾啲車手拎,當你拎咗啲道具,就可以用嚟整人。唔係扮嘢做戲喎,係啲道具真係有感應器喺度,佢接觸到賽車嘅感應,就會令架車出現唔同反應,例如鎖軚、自動煞車等等,啲道具仲可以發射添!認真! 相關資訊Switch《Super Mario Odyssey》有中文版  同步10月27日發售 (Sep 27, 2017) 靚喎!Switch大叔機套 11月發售賣1,922円 (Sep 6, 2017)

Read more ›
新片速報 真人型棍Mario《Mario Warfare》第2集推出
by / on 01/01/2013 at 8:19 pm

新片速報 真人型棍Mario《Mario Warfare》第2集推出

beatdownboogie製作嘅真人版Mario影片《Mario Warfare》,有槍戰有動作場面,製作認真型型哋!一早有預告片,喺今個月頭推出11分鐘完全版,大家都估估吓佢係咪終於捨得出第2集。果然,喺除夕夜,佢哋終於出片!第2集講本來入伍通渠嘅佢哋終於出動去救公主,Mario勁揪得,唔劇透,自己入嚟睇!不過個磨菇軍佬臨死叫Mario:「Forget the toilet……」我真係笑咗出嚟!不過今集結尾連預告都冇,睇嚟……都係去Kickstart募捐啦? 相關資訊平有平玩 孖寶大叔 X WIRED出手錶 限量300/500隻 (Aug 9, 2017) 日本Mario iPhone殼 8-Bit大叔超有型 (Jul 26, 2017)

Read more ›
瑪利奧皮帶  最後大佬由頭打到尾
by / on 29/12/2012 at 1:41 pm

瑪利奧皮帶 最後大佬由頭打到尾

阿爸阿媽細佬阿哥幾時生日你仲記唔記得?外國一個女皮匠Julia認真有屋企人心,親手整咗一條瑪利奧皮帶送比細佬做生日禮物,皮帶扣大大隻瑪利奧,皮帶就刻咗孖寶兄弟最後一關,無錯,係由一開始跳吓水管花,到最尾打龜大佬都完整呈現。雖然美感麻麻,但好有heart噃。不過最搞笑係Julia話原來佢仲有另一個細佬,而呢個細佬最鍾意嘅就係薩爾達‥‥‥咁阿爸阿媽呢?表哥表弟姪仔呢?Julia你有排忙嘞! 相關資訊【有片】神作!《Super Mario Odyssey》溝埋《Dark Souls》變成點? (Jul 13, 2017) Mario大叔玩大富翁 8月發售搶金幣 (Jun 29, 2017)

Read more ›
獵奇新片 B掣識跳 驚青喵學Mario大叔
by / on 25/12/2012 at 6:12 pm

獵奇新片 B掣識跳 驚青喵學Mario大叔

呢段嚟自俄羅斯嘅短片叫「Cat Scared of Mario Jump」,簡單嚟講,你玩孖寶Mario時,只要按一下跳掣,雙貓就識得跟住瑪利奧大叔跳跳跳。係咩原理呢?原理就係隻貓好驚青,特別驚Mario跳起嗰吓聲效,次次聽到仲快過Mario大叔彈起。雖然嚇隻喵唔係咁好,但真係好搞笑,亦都證明咗,貓嘅反應係快過Mario嘅。 相關資訊貓奴要去 日本超正旅館有貓入房陪玩 (May 21, 2018) 【有片】日本表情貓 超慢鏡玩繩好興奮 (Apr 27, 2018)

Read more ›

新片速報 Mario便當逐步教你整!
by / on 22/12/2012 at 11:30 am

新片速報 Mario便當逐步教你整!

奇喇,大家都睇唔少嚟自日本嘅便當,又孖寶Mario又比卡超又盛,最近PS都整咗兩個《FF》同《Metal Gear》便當添。點整呢?唔知,不過網上就有一段教學片段,教你整以上呢個孖寶便當,但最獵奇嘅事係教你嗰個係一個西人女仔聲,仲有英文字幕,今次我都做得到! 相關資訊【圖集】日本超強爹哋 用囡囡畫作設計便當 (May 25, 2018) 日本便利店新款「便當」 單手拎住食超方便 (Feb 22, 2018)

Read more ›
LEGO神作 壞人Bowser咬爆孖寶Mario
by / on 20/12/2012 at 5:40 pm

LEGO神作 壞人Bowser咬爆孖寶Mario

認唔認得佢,孖寶兄弟Mario最大嘅敵人、成日捉走公主嗰隻Mecha Bowser!呢個作品係由LEGO神人Zane Houston整嘅,真係好犀利,你睇,Bowser咬住隻Mario添呀!入面仲有佢嘅製作過程,同埋一張動感圖,佢o趙緊Mario喇! 相關資訊日本網民製高達LEGO畫 Wing Gundam Zero Custom (May 3, 2018) Ric Tse《樂高迷你劇場x香港美食》 Lego人仔訓餅乾擔架床 (Apr 18, 2018)

Read more ›
新片速報 11分鐘 真人版Mario揸槍玩肉摶
by / on 12/12/2012 at 6:20 pm

新片速報 11分鐘 真人版Mario揸槍玩肉摶

呢條片唔算係惡搞,呢個製作單位beatdownboogie好認真,有槍戰有特技有動作場面,堅係電影feel。你以為開頭戴頂蘑菇帽、揸住雙槍同敵人槍戰嘅係真人版大叔?原來唔係,真人版Mario兄弟最後現身,決定參加特訓保護公主先係真!呢套名為「MARIO WARFARE」只係第一集,第二集將會推出,佢哋仲話如果想佢哋拍多啲,你可以去Kickstart募捐……唔係啩?咁都諗到? 相關資訊日本郵局「瑪利奧紀念郵票」 今日發售好想買! (Jun 28, 2017) 【有片】現實版孖寶 戴HoloLens自己跳起頂磚食菇 (Jun 22, 2017)

Read more ›
新片速報 神級Stop Motion Mario大叔玩轉超市
by / on 05/12/2012 at 7:30 am

新片速報 神級Stop Motion Mario大叔玩轉超市

唔好以為係用電腦Key!呢段片係逐格逐格拍出嚟!又係外國YouTuber,呢個單位叫lefvandebilder佢哋拍呢段片真係好神,神在要用成萬粒bead砌成過百個唔同動作嘅Mario同敵人出嚟,咩係bead,即係啲彩色珠仔,要逐粒黐埋一齊!之後,再用Stop Motion技術製作而成,我諗拍呢段5分鐘影片,將超市變成遊戲背景,再跳出戶外,上埋行緊嘅車身,仲玩埋孖寶賽車,隨時用一年!入面仲有製作特輯,記得睇埋,好睇過戲! 相關資訊【E3】新片速報 《Mario + Rabbids: Kingdom Battle》賤兔大叔玩槍戰 (Jun 13, 2017) 【有片】環球影城真人版大叔 跳唔起扮過關 (Jun 9, 2017)

Read more ›