Post Tagged with: "mini"

過份!Mini紅白機出《週刊少年Jump》金色特別版 有《龍珠》《足球小將》《聖鬥士星矢》
by / on 10/05/2018 at 9:08 pm

過份!Mini紅白機出《週刊少年Jump》金色特別版 有《龍珠》《足球小將》《聖鬥士星矢》

如果你未買,應該會大嗌一聲:「好彩未買!」但如果你買咗,都應該好難抗拒!啱啱官方宣佈,就係會喺7月7日推出呢部「ファミコンミニ 週刊少年ジャンプ創刊50周年記念バージョン」,即係入面嘅遊戲全部都係嚟自《週刊少年Jump》嘅,合共20隻遊戲,包括《北斗の拳》、《筋肉人》、《足球小將/足球小將2》、《聖闘士星矢 黄金伝説完結編》、《天地を喰らう》、《龍珠 神龍の謎》!而且部機仲要係金色……7月7日發售,7980円!唔記得邊隻?入嚟睇片回味吓先! 相關資訊任記再派貨 MINI紅白機6月28日再發售 (May 14, 2018) 【有片】訂啦!任天堂官方出圖出片 金色「少年Jump」MINI紅白機 (May 14, 2018)

Read more ›

【正式公開】NEOGEO mini分日本版/海外版 內置40經典遊戲
by / on 10/05/2018 at 3:13 pm

【正式公開】NEOGEO mini分日本版/海外版 內置40經典遊戲

出經典mini機似乎已經成為新商機。繼任天堂同世嘉之後,早前都流出SNK會出部「NEOGEO mini」。啱啱正式公開喇,唔係以家用機為外觀,而係1990年嘅街機,內置40經典作品,3.5吋屏幕,可以HDMI出電視,分為日本版同海外版,暫時知道機身顏色唔同。咁喂!最想內置有咩遊戲先? 相關資訊【有片】新超任遊戲3月尾發售 SNK平面格鬥班底製作 (Jan 5, 2017) 【回頭是岸?】SNK Playmore改名 12月叫番做「株式会社SNK」 (Nov 2, 2016)

Read more ›
【有片】MINI超任已被Hack 加200遊戲後果自負
by / on 10/10/2017 at 10:07 pm

【有片】MINI超任已被Hack 加200遊戲後果自負

  講真,如果官方有得買Game,將啲Game加入去MINI紅白機或者超任度,我諗好多機迷願意俾錢去買。上年MINI紅白機都有人Hack咗可以加遊戲,今次超任呢,已經出咗hakchi2,下載再插部機去電腦,仲會先做backup先再搞。唔,大家都成年人,自己決定啦,我就玩住內置嗰啲先,估唔到暫時玩得最多係嗰隻puzzle game…… 相關資訊【有片】迷你超任變音響 托喺膞頭隨時打 (Apr 11, 2018) 那個年代 日本機迷曬超任三兄弟圖 (Oct 6, 2017)

Read more ›
拎出街玩先至爽 MINI超任駁尿袋玩
by / on 07/10/2017 at 10:56 am

拎出街玩先至爽 MINI超任駁尿袋玩

早兩日話MINI超級任天堂喺日本好多貨,大家如果唔急儲,真係可以等個價回到合理水平先出手。咁呢部機仔係用USB攞電,咁即係可以用尿袋供電玩?日本有機迷就示範咗,流動充電器加屏幕,拎晒出街插著佢就得,仲拎咗去居酒屋玩,不過唔知玩到幾耐? 相關資訊【有片】可以用番舊掣 MINI超任轉插器 (Sep 22, 2017) 難搞!日本開訂各地大量人龍 MINI超任炒起一倍 (Sep 16, 2017)

Read more ›
【好嘢炒唔起】出手等多陣 日本MINI超任大量貨
by / on 05/10/2017 at 12:04 pm

【好嘢炒唔起】出手等多陣 日本MINI超任大量貨

之前美版,早兩日嘅偷跑日本版MINI超級任天堂,都炒到過千,噚日就見到有舖頭賣9百幾,不過日本原價係8,000円唔駛喎!日本今日(5日)正式開售喇,情況如何?好多舖頭都有人龍,不過留意番係貨源好充足,例如「ビックカメラAKIBA」有800部機只有約250人排隊;「アキバ☆ソフマップ①」有600部機,只有約145人排隊;「ソフマップAM館」有900部只有約270人排隊……咁代表咩?代表炒唔起喇!大家可以觀望吓,等佢回落先出手,應該好快!最後想講講,錢編輯早兩日已經壯烈犧牲咗,用炒價買咗部,不過佢話唔緊要,大家唔好似佢咁衝動就得喇。 相關資訊【湊熱鬧?】retrofreak繼續玩插帶 半截版超級任天堂近日開訂 (Oct 4, 2017) 【得個樣唔同?】外國傳媒拆機 MINI超任硬件同MINI紅白機一樣 (Oct 1, 2017)

Read more ›
【行情】日本網上賣到18,000円 MINI超任要觀望
by / on 17/09/2017 at 9:02 pm

【行情】日本網上賣到18,000円 MINI超任要觀望

講真,原價7,980円買份回憶、情懷係幾OK,由包裝到外型到手掣都帶俾你回憶,仲有21隻遊戲玩吓。不過日本噚日(16日)開訂,好多人排之餘,仲見到好多舖頭貨量唔多,於是,網上面賣一倍價錢都賣得出,o依家上Amazon睇,大多都賣過18,000円,呢個價,就麻麻抵入手喇,除非志在必得又多閒錢,否則等佢出咗先算咯。 相關資訊日本女士專用「瞓覺的士」 有得按摩兼卸妝 (May 25, 2018) 【圖集】日本超強爹哋 用囡囡畫作設計便當 (May 25, 2018)

Read more ›

新片速報 MINI版超任6分鐘影片 21遊戲全介紹
by / on 22/08/2017 at 12:04 pm

新片速報 MINI版超任6分鐘影片 21遊戲全介紹

我冇嘢驚,係驚炒得太貴。嚟緊10月5日發售,任天堂官方推出嘅日本版MINI超級任天堂啱啱有新片,睇晒21隻遊戲介紹,7,980円,到底香港機迷到時要幾錢先買到呢?話時話,條片開頭部超任變細嗰吓好正,咁俾粒菇佢係咪會變番大? 相關資訊【要買好買】MINI超任周六開訂 絕版MINI紅白機再生產 (Sep 12, 2017) 日版緊接公佈 MINI超級任天堂10月5日發售 (Jun 27, 2017)

Read more ›
任天堂歐洲註冊商標 N64好快出MINI版?
by / on 21/07/2017 at 8:50 pm

任天堂歐洲註冊商標 N64好快出MINI版?

上年出MINI版紅白機,暫時停咗產,冇得賣。所以嚟緊出MINI版超任,好多機迷都好緊張想訂定先,希望以唔好太炒嘅價錢入手……咁再之後,好有可能就係MINI版N64啦?啱啱任天堂就喺European Union Intellectual Property Office/EUIPO註冊咗幾個手掣Logo,分別係紅白機(灰機)、超任、Switch同埋N64,咁就令人聯想到應該……不過都要等一年啩? 相關資訊正喎!手提版N64互換機 插帶拎出街 (Dec 15, 2017) 【有片】超正!N64變Switch機座 插機如插帶 (Mar 29, 2017)

Read more ›
Microsoft流出消息 MINI版超任E3公佈
by / on 02/06/2017 at 6:02 pm

Microsoft流出消息 MINI版超任E3公佈

臨到E3好多風,我冇寫錯,超級任天堂MINI嘅消息竟然由Microsoft流出?事源係咁嘅,Xbox Live Reward會員有關今個月舉行E3嘅問卷中,就有一題提到邊部主機嘅嘢提起玩家興趣,當中除咗Xbox Project Scorpio外,仲有PS4 Pro,仲有!「Nintendo SNES Classic Edition」!而且英文版、日文版都有!之前都有外國傳媒講話收到風呢部懷舊主機會喺今年聖誕附近發售,咁到底係Mic記靠估,定一話佢哋收到對手嘅可靠消息呢?點都好啦,如果年尾出,今次都一定買嚟儲喇,最期待唔知佢公佈會有咩Game跟啫。 相關資訊鞋踩有十字掣 任天堂版Jordan賣8千幾 (Jul 17, 2017) MINI超任公開 9月29日發售包21隻遊戲 (Jun 27, 2017)

Read more ›
【慘喇】有買要快 MINI版紅白機/灰機停產
by / on 14/04/2017 at 1:15 pm

【慘喇】有買要快 MINI版紅白機/灰機停產

如果你同我一樣,諗住都唔急玩吖,遲啲咁啱見到啱價先出手啦……咁可能要留意番,快啲搵喇。因為任天堂宣佈,2016年11月10日發售嘅MINI版紅白機,將會暫時停止生產,出嗰陣賣5,980円,啱價就唔好等!同埋,美版灰機都一樣,想儲晒兩部嘅都要搵搵喇。話時話,任記有錢都唔賺咁有型,咁會唔會出MINI版超任? 相關資訊壞機重生!任天堂舊DS變身GBA (May 21, 2018) 【有片】任記紙皮最大天敵 日本機迷貓最愛玩Switch Labo (Apr 23, 2018)

Read more ›
Mini版PSOne有冇機?外國機迷最強幻想
by / on 26/11/2016 at 11:18 am

Mini版PSOne有冇機?外國機迷最強幻想

見到任天堂Mini紅白機成功,會唔會陸續有其他廠商跟風?如果有,我想要PC Engine、世嘉Mega Drive、任天堂繼續出埋超任、N64、GC都唔拒喎。咁如果Mini PSOne呢?網上就有圖流傳,設計係手掣、記憶卡插口都只係裝飾,因為手掣會係無線,而開蓋個掣就會變成藍牙同步鍵,其實要玩番呢啲遊戲唔難,最重要係個樣呀,情懷呀,所以唔同初代機一樣應該冇乜市場……不過都可以繼續幻想,如果揀內置遊戲30隻,係咪要有《Metal Gear Solid》、《Biohazard》、《Final Fantasy VII》、《Gran Turismo》呢啲?仲有啲咩呢?

Read more ›

電話殼銀包尿袋3合1  夠長命叉足3次電
by / on 30/04/2014 at 7:09 am

電話殼銀包尿袋3合1 夠長命叉足3次電

呢個好似手機殼叫Mini嘅產品其實係一個銀包,靚唔靚見仁見智,不過似乎幾實用。因為佢仲一個尿袋!將部手機啪上去就可以叉足三次電,暫時只對應iPhone 5 同埋5s,而且只限送貨至美國本土,開價美金$98,呢個價錢,其實都仲有好多選擇嘅。 相關資訊睇手機扮睇書 日本超強電話套扮文青 (Apr 17, 2018) 日本無印旅行萬用插座 3合1設計布袋配插畫 (Jun 6, 2017)

Read more ›
熊本熊Kumamon x Mini Cooper 參觀英國車廠 日本有得試
by / on 13/07/2013 at 9:31 pm

熊本熊Kumamon x Mini Cooper 參觀英國車廠 日本有得試

勁!又係日本熊本縣呢隻Kumamon,今次仲越洋去到英國!事源佢同MINI車廠合作推出咗一架「くまモンMINI」,所以早前仲去咗英國嘅Oxford車廠參觀,影咗好多可愛到爆開嘅相!呢架車唔只求其貼啲貼紙上去,個車頭仲有佢個鼻,兩盞車頭燈就係佢對眼,超正!香港應該冇得買,不過,要模仿……其實唔難。 相關資訊【圖集】熊本超靚日出風景相 零合成純天然 (Sep 28, 2017) 【有片】超恐怖場面 熊本縣停車場飛蛾來襲 (Sep 9, 2017)

Read more ›
GALAXY S4 mini 硬件大縮水 唔知平幾多
by / on 21/06/2013 at 12:56 pm

GALAXY S4 mini 硬件大縮水 唔知平幾多

早聞樓梯響嘅GALAXY S4 mini, 喺今次倫敦發佈會終於正式登場! 早之佢係廉價版縮S4, 不過未知價錢, 所以都唔敢評論佢抵唔抵玩, 暫知硬件規格係行1.7GHz雙核心處理器配2GB RAM, 真係縮得幾盡吓, 如果你話用佢嚟打機的話……妖! 手機係實用嘢嚟0架嘛, 成日掛住玩玩玩! 相關資訊【有片】以色列新開發納米電池 30秒內叉滿S4 (Apr 9, 2014) GALAXY S4 LTE-A水貨殺到 下載150MB/s極速「傳說」 (Jul 14, 2013)

Read more ›